大家樂 (裝修中)

大家樂是平時最常去的餐廳了，外賣的時候比堂食多，餐牌總有新創意，這次是我對大家樂的第一次食評，不過這家的點評好少啊，可能是太常見的緣故吧。和風紙上燒，就是自己在紙上鐵板BBQ，創意還蠻好，也很多人點。我去晚了，九點多，海鮮和牛肉都沒有了，只能吃豬肉的。賣相超誘人，雖然是流水線製作出來的，但真實很用心的製作和搭配燒汁給得太少，倒入飯中之後，下層都無法吸收到，用料是珍珠米，而非普通的長粒米。品種蠻豐富的，後來就是用鍋自己烤（其實是煎炒）了。雖然等每樣東西都熟需要比較多的時間，但其實這是一種樂趣，平日生活壓力太大，於是在這樣的自己動手過程中，頓時感受到了一種愜意和樂趣，我們不應該總是把自己逼得太緊張，其實還有很多美好需要慢慢體會的，和風紙上燒很享受過程，我們的生活質量，其實可以變得更好。就像這裡的食材，一點一點的慢慢熟，才能發現美味產生的真正精髓！

星期日搵食真係難, 行過幾間茶餐廳都爆哂, 心諗大家樂都唔會有位啦~~ 但都要博一博, 如果有位就食, 冇位就走去M記, 結果比我見到有張枱啱啱走...........搵到位就當然要睇下食乜啦~ 好似好多款選擇, 但好多都係例牌嘢...........我諗都諗咗5分鐘, 最終決定食北海道牛乳炒滑蛋餐, 試下有幾北海道feel~~ 北海道牛乳炒滑蛋加咗北海道牛乳去炒的蛋, 果然係香d同滑d, 超正!! 雞扒炸到好脆, 但又唔會好乾, 再加埋d汁, good............. 蘿蔔糕太粉, 唔覺有蘿蔔絲lor~~ 熱阿華田超濃味, 完全唔駛落糖.............d人多到由排隊比錢到拎到食物, 要10-15分鐘, 實在太慢................

老公午睡過後有少少肚餓, 所以落街食T, 突然好想飲紅荳冰, 所以去咗大家樂................ 紅荳冰 -> 可能佢想原粒靚d, 但搞到d紅荳好硬, 有d又好爛, 好似分開2次煮咁.............味道偏甜........... 炸脾 -> 炸到超乾, d皮乾到變深啡色, 咬落好似食緊薯片咁, 脆卜卜...........但d肉出奇地仲好嫩, 勁........... 北海道牛乳珍珠奶茶 -> 好似台式果d珍珠奶茶, 又唔係好覺特別濃牛奶味, 但要加幾蚊............... 香草蕃茄熱狗 -> 如果個包係鹹味會好d, 而家個包甜, 但條腸鹹, 好似怪怪地, d汁又唔多似加咗香草, 只係d色似...........

去到大家樂又想食意粉 通常都只係得一個choice就係肉醬意粉不過我唔介意 因為真係不嬲都覺得好好食 =P今次係第一城食估唔到有咁大pat芝士雖然唔係講得上好大pat 但係已經比我預期多架啦咁食肉醬意粉要撈一撈先食估唔到都幾多肉醬可以撈WORR!仲要可以啖啖都有肉醬同埋D意粉都幾好爽呀!!!仲有! 平時都講開...我係一個好大食嘅人估唔到呢個肉醬意粉可以填爆我個肚比我想像中大兜好多WOR!個肉醬都好濃郁! 食完之後都幾多味精 ='(若果唔介意事後狂飲水 講真可以去大家樂食個飽肚嘅肉醬意粉但係我都好想係其他嘅大家樂嘅肉醬意粉睇下邊間會最少味精呢間暫時都唔會再去食肉醬意粉我真係大家樂肉醬意粉嘅fans!不嬲都覺得肉醬意粉先係佢嘅招牌菜!! 至於個環境因為我坐左係另一邊嘅位 所以就係無咁嘈 係快餐廳唔嘈 係無可能嘅事 不過係大家樂就發生左! 不過少許敗筆係個窗景比佢D廣告遮左所以無得睇下街景但係唔嘈已經係驚喜可能因我係11點45個食午餐食到12點20到啦 比較早 所以就無咁嘈! overall okay架! 少少失望就係落左比較多嘅味精X_X不過推介比大家到其他大家樂食肉醬意粉

一心黎大家樂想食乳飼牛坑腩,點知得普通咖哩牛腩飯食,唯有將就一下啦。拎走個時已經見到載咖哩個盒勁多油,因為盒蓋透明,可以清楚睇到入面d料,,除左咖哩油同深色的咖哩醬之外,咩都睇唔到。番到屋企打開個飯盒...d飯好少...我諗一個青春期ge青年一定唔夠食,如果我係男仔咁就仲慘了~~飯的旁邊有些配菜:兩條豆角,2粒蕃茄,兩條甘荀芯。或者對d配菜無期望啦,反而係這一餐最令我滿意的食物。車厘茄很甜很大粒,豆角不會油油的,甘荀芯跟平時吃的一樣無分別。到最令人吃驚的咖哩了噢~~~打開蓋,,蓋面全部都係咖哩油..好恐怖"" 完全無咖哩香,不過咖哩醬仍有咖哩的辣味; 至於薯仔,很粉很淋身,算是可以接受的,另外到牛腩,屬偏瘦質地=]我平時也愛吃較瘦的牛腩,這次合我心意。牛腩瘦得來咬落不算un,而且牛筋也跟預期一樣多。最不滿意是最重要的主角---咖哩醬,因為太油了,我放棄了用它撈飯,,所以未能把它吃完才掉。

煎雙旦蘿蔔糕牛扒熱奶茶(牛唔un,太陽旦好到家,林得滯既蘿蔔,下得太多粉喇!!!)炒旦厚多士炸豬扒凍奶茶(香脆豬扒暖暖地,多士夠燶夠厚旦夠滑)兩人食得好輕鬆服務好 拎餐又快 人流都好快

估唔到我地落去大家樂既時候都已經係830pm, 正正係特價既時段剛剛開始喇!!!原價$54架，但我地依家49蚊就可以嘆番個一哥私房火鍋~穀飼肥牛４小薄片●花雕醉雞５件●魚滑可分成３粒●豆腐半尊●菜６條●南瓜２片●粟米一舊仔(配紅棗滋補湯底) 肥牛真係好薄下喎～醬料有辣椒、花生碎、豉油，沾埋黎食都不俗呀！豆腐就不太新鮮了，開始乾身；而菜就一般，有小棠菜、生菜、紹菜；魚滑就好似唔新鮮，但食入口都彈牙好味！再食埋個米線，都飽了，對女仔黎說而已！雜扒鐵板燒都係咁上下價錢喎~鐵板真係〝渣渣〞聲, 不過不到1分鐘就停了聲音...有一塊豬扒、一塊牛扒、一條腸及一些雜菜 + 黑椒汁, 送白飯(其實佢係寫炒飯,但唔係好覺佢地有炒過喎~)味道不過不失，可能對我呢ｄ無咩要求既人黎講，都ｏｋ咖喇！晚上8點半都幾難搵到位喎~可能差不多枱枱都係打邊爐, 2個人又坐4人枱,因為太多野弓喇根本就放唔晒張枱上,2人都要坐4人枱

嘩~好多人呀, 7點幾既時間, 真係好多人排隊, 叫了鐵板餐同火辣地獄拉面, 等了十五分鐘先有喎~1. 鐵板餐有: new zealand 黑椒汁西冷扒 + 酥皮湯 + 沙律薯仔 + 果汁冰冰2. 牛肉豚肉拉面餐: 地獄湯底拉面 + 炸蝦餅沙律豆腐兩個餐都好好味呀, 可能真係即整啦, 熱辣辣,不過, 個酥皮湯內有頭髮, 咁我就去左counter換啦, 佢地都好好禮貌: 唔好意思, 換過比你!等個時, 隔離個細佬問: 有咩野呀? 咩事呀? 好8卦咁想知道有咩野係個湯內第2個湯熱辣辣, 係即刻焗既呢~ yummy!薯仔, 好好味, 成個食, 點都係好食咖喇...地獄拉面真係好夠辣下~ 食到最後真係會噴火呢 (其實我係算食得辣個d黎既...平時食面都要落辣油辣椒)整體黎講, 真係好好味~食完就真係要走, 因為有好多人等位呢~ 食得有少少趕!

見人人都叫火鍋,但自己又不想食,想了又想,最终和愛人叫了排骨,福袋菜飯,及人參湯,肉餅飯.排骨炸過都幾油,福袋則ok湯既人參比想像中大粒!肉餅加少少豉油,也很新鮮.眼見人地火鍋得4塊"勁"肥牛,雖然透明船好靚,但感覺上唔抵~

公司業務不斷擴充，人數亦不斷增加，就在公司的大Conference Room來個X’mas Panty吧！數眾多人，到會就比較方便，最終選了這裡的到會服務，燒味并盤、鮮蝦沙律、火腿冷盤、烤羊架、煙三文魚、炒飯、炒烏冬，當然主角是十幾廿磅的焗火雞。除了中式燒味穩陣點外，其他都沒意見，因真的水準以下，起初以為大集團，食味不會差到那裡，卒之…；原隻的焗火雞反而比預期中好，起碼雞胸部份不會過鞋之餘還有點醃料味道，而雞腿位置的肉味都不錯，這將以往對火雞的壞印象可稍為改寫，而亦因為這焗火雞得回不小分數，不置喊臉食評！

可能係學生gei關係，食嘢總係有jack so.食過個上海排骨菜飯，$25. 學生食任何一個餐都有嘢飲，學留下個comment話齋，杯嘢成$7~8, 有冇話抵唔抵gei, yet就唔捨得囉！講番個餐先，幾好食，that's all.by the way, 唔知係大快活ar, 還是大家樂，杯紅豆冰爆甜，唔好飲。

叉雞瀨$25 ,好大碗!雞幾食呀~叉燒就一般

叉雞瀨$25 ,好大碗!雞幾食呀~叉燒就一般

今早同男友黎食早餐,佢叫了一籠4件點心+天使面飲凍啡($21),我男友覺得佢成個餐好難食,我食左啖點心真係超乾硬兼唔熱,食剩野唔飽夠唯有叫多隻糯米雞($14),呢樣佢覺得好好食我要奶油厚多士+火腿通粉飲可樂($16),我幾鐘意食個多士,通粉硬左些少,都好味嘅,七分飽份量剛好。早餐質素我覺得好過KFC餐廳尚算地方大光猛整潔,執盤呀姐快手好禮貌,但係整野食就唔夠人,排長龍。

今日食晏，叫了海南咖喱雞加凍咖啡，竟然收31蚊，杯凍飲居然值成7/8蚊，實在貴得離譜。加下咁o既時勢，仲要賣咁貴，下次一定唔會再幫襯。更何況佢o的咖喱雞得過辣字。被騙了。