大家樂

营业中

休息中

連續幾天看報見大家樂廣告，介紹慢煮咖喱牛腩飯，下午經過大家樂，又有點肚餓，就試試吧！慢煮咖喱牛腩 $43 + 配金黃油酥餅 $2捧出來，賣相頗吸引，聞到陣陣咖喱香味，廣告云以九份香、一份辣調配而成的咖喱算是不錯，先以咖喱汁撈飯，果然味道香濃；再試牛腩，店方宣傳是以矜貴牛坑腩及肋肉，一層筋一層肉；慢煮至腍至入味，但食落牛腩不算軟腍帶爽。牛腩味香，帶香濃咖喱味，功勞應歸於調味料，牛腩卻是一般。加二元配金黃油酥餅，酥餅不夠香脆，當然$2一塊酥餅是超值，但欠蛋味，且預早製作，屬一般貨式。

  　　大家樂又有新的下午茶餐供應，就是雜菌湯法包餐，有好幾款，我選擇的就是香腸配蛋沙律吞拿魚蒜蓉法包配熱奶茶，我不曉得原來要雜菌湯就不能要熱飲，我還點了熱奶茶。　　香腸就乏善足陳，因為沒有醬料也沒有調味，就香腸一條。法包卻有驚喜，烘得很脆，恰到好處，加上薄薄的牛油與蒜蓉，十分香脆，其上塗上一團蛋沙律撈吞拿魚，味道很鮮，很搭調。不錯。咬下去很有層次，口感很豐富，先冷先軟先鮮然後脆和熱。　　很可惜沒有嘗到雜菌湯，希望下次有機會一嚐。　　不過我覺得28元實在有點貴，不過扣除了會員積分只需23元。

唉，家陣食個lunch， 閒閒地都要好幾十蚊，日日如是，你都咪話唔甘 唔通日日捱豬仔包咩! 好彩，近期 大家樂 推出 「天天超值選」來打救我呢條窮鬼，話晒點都叫做有啖飯到肚吖。所謂「天天超值選」就係三十蚊就有一碟超值飯、 配- 茶/啡/汽水/凍低糖綠茶。當日嘅  「天天超值選」就係 「貴妃鮑片雞粒炒飯」，我又配凍檸茶。原來凍檸茶係要另加兩蚊!貴妃鮑片雞粒炒飯，大佬果d鮑片就梗係 ((仿鮑)) 啦，不過碟飯都算大碟夾抵食傢，雞粒又多又夠嫩，d飯係乾硬佐d，但係我超like個汁， 鹹鹹地甜甜地，用嚟撈飯一流! 大男人都食得飽呀!凍檸茶，d冰多過乜，檸檬味道唔苦澀，茶味都算幾重，算OK好飲啦。結論，大碟夾抵食，Very Good 呀

平安夜的早上, 要盡最後時間買派對中的食物, 買前先醫肚...原來十一時半還有早餐供應, 根本很少機會會食大家樂早餐, 不知道會有什麼特別??終於選了一款魚柳煎厚蛋早餐, 看圖片都幾吸引...直至排隊等取食物才想起「煎厚蛋」, 究竟是如圖片的厚層炒蛋, 還是......, 不過「煎蛋」又怎可以煎厚呢???如是者排隊等早餐排第尾, 等到排第一, 再排番第尾, 我份早餐還未煮好, 連俾熱奶茶我的那位女主任都話:「杯茶凍咗唔好飲, 我倒過杯俾你。」而男主任就不斷嗌入廚房:「條魚炸好未? 隻蛋煎好未?」在等待期間, 聽到不論主任還是樓面、收銀員的對話, 他們的伙伴關係尤如親人, 會噓寒會問暖, 就算對待聾啞員工也很親切我份brunch終於送上「煎厚蛋」就是煎太陽蛋, 的確蛋白是厚dd, 我估是用mold去固定雞蛋位置, 從而令蛋白積聚, 煎起就厚dd；最好味就是蛋黃味濃郁, 塗多士妙絕炸魚柳並非四方一片, 看外貌是魚型, 食落啖啖魚鮮, 魚肉有用鹽輕輕調過味, 魚肉亦是片片雪白的緊貼在一起, 沾他他醬已味不可抵擋嘆埋杯茶香奶滑熱奶茶, 精神一振的走餘下旅程

近期的special, 路過幾次大家槳都想試, 終於是日有機會了套餐的份量都有點兒令我驚喜, 尤其是湯, 竟然不是小湯碗, 而是令人窩碗呢 泡菜湯很不錯, 泡菜味很夠, 很有水準, 雖然不是最正宗的, 但絕對是在大家樂裡的驚喜, 而且味道香而不辣, 怕辣的人都可接受呢! 內裡有不是魚蛋/片的物體, 還有半雙熟了的溫泉蛋, 材料不吝嗇喔!份量不少的石窩飯, 真沒想過, 三塊雞扒, 很嫩滑, 很大塊, 不是淡而無味的, 飯方面沒有飯焦, 但很多, 少許咖喱汁及芝士, 咖喱不是我以為會是的日本咖喱磚味, 而是一些另製味道, 不過不失

依家食嘢影相真喺變成好普通嘅行為，不論你影嚟寫食評，抑或放上面書定微博，周圍都見到。自己既然寫開食評，雖然仲喺揸部傻瓜DC仔，都會多咗留意下人哋影嘅食物相，點構圖，點攞角度，可惜，技術仍然好水皮，哈哈！老婆加班，所以又喺成為懶煮嘅一晚，既然夜咗，快餐店搞掂就算，一於大家樂啦。香煎龍脷柳飯 $35是晚100分皇牌套餐之一，價錢由$33 - $39，已包埋熱飲，屬慳錢之選。香煎龍脷柳飯，可配香濃粟米汁、洋蔥汁或黑椒汁，我就揀要洋蔥汁，飲熱奶茶。雖然早陣子大家樂被批評為「太刻薄」，觀乎依個龍脷柳飯，對客仔唔算刻薄，飯多塊龍脷柳又大大件，幾條四季豆就寒酸啲。條龍脷柳確喺煎得唔錯，幾有牛油香氣，當然幾十蚊貨仔唔好再諗住有魚鮮味，肉質又嫩又滑喇，而洋蔥汁另上，淋多淋少自己控制，味道港式，但都好有洋蔥味。紐西蘭爵士牛鐵板餐 $52老婆心癮起，突然想鋸扒，鐵板餐賣$48 - $52，配洋蔥圈加酥皮海鮮湯或雪糕涼粉，就要咗最貴嗰個紐西蘭爵士牛。睇見張宣傳單張拍到個扒餐鬼死咁靚，尤其喺件扒同個洋蔥圈，正到無得彈。無期望就唔會有失望，預咗實物有一定嘅距離，件紐西蘭爵士牛西冷扒，雖然薄咗啲，個形狀又巖巉，配上

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^耐不耐都會幫襯大家樂嘅晚飯套餐兩個人食一百蚊有找, 味道亦都唔錯喜歡它的中式小炒和老火湯今次係冬瓜盅 + 菠蘿生炒骨和醇香酥排菜飯配滷蛋涼菜菠蘿生炒骨 ; 肉多骨少, 酸酸甜甜味道唔錯仲有兩小片菠蘿 , 有d西蘭花 , 醇香酥排都係肉多骨少啖啖肉咁 , 加上一小杯的醬汁都幾好味配菜有滷蛋,生菜,炸菜,車厘茄, 青瓜冬瓜盅 , 雖然用料及味道不如酒樓般好不過價格便宜 , 冇乜味精 , 清清哋好過飲一般例湯服務d阿姐係上左紀嘅員工 , 態度友善 , 工作都有效率 相反 , 個年輕女收銀員就欠缺效率 , 服務有待改善我買票時候 , 前面只係有2個人 , 但好似有10個人買嘢咁耐 其實嗰2個人都只係買2個餐 , 我買我嗰2個餐都唔使1分鐘 ,真係唔明白做好個顧客就好似被冷落咁 , 做個麻煩客就會有更好對待?^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^

公司附近... 美孚一帶都冇乜好野食，來來去去都係那三、五間。就算"曼坊"開張，至今仍然只是多了一間酒樓，沒有驚喜。這間大家樂就平均一星期食一次。本來都唔想寫，不過這肉醬千層粉真係太 "貨不對辦"：廣告就影到似漲漲的 Cheese Cake, 但出品...　唉 　少了一半... 漏晒氣咁，碟就大，份量少，價錢貴！雖然都幾好味，不過overall 就打晒折扣！還有，這裡一有新菜色推出就十分慢，上次的 "和風飯" 系列，最初人真的叫等10分鐘！好在服務都幾OK，有個盡責的阿姐，在午飯繁忙時間，如見你一個人搵位，都會幫你搵，及問D吉位有冇人...可惜是現在大家樂的菜式選擇不夠美心MX 或大快活多...如果美心MX 在美孚開分店就好了　（荔枝角有兩間呀！）

天寒寒, 得番呀媽同我兩個人係屋企, 無暇煮食. 2人走落樓下, 吃個火鍋暖暖身. 隻火鍋船, 有肥牛, 雞肉, 粟米, 冬菇, 大蝦一隻等.......認真十足. 值得一讚是個沙爹湯底, 香濃, 不惜當湯飲左兩碗.一隻火鍋船, Advertise話係一個人份量, 但同場, 絕大部份人都是二人一鍋. 可惜現在沒有選擇, 得一款火鍋, 今晚連湯底都冇得揀...九點前, 火鍋Sold out. 證明今晚, 好寒, 人人一鍋, 保暖.

今年的冬至, 爸爸一早訂了這裡的盆菜. 好像要很早訂的, 很快便向隅了.年三十晚吃過一次, 今次再吃, 沒有了細份的, 價錢係向上直指. 當然, 比起係街食, 這個價錢係相宜的.紅燒龍蝦竹笙海皇翅$148: 8分, 每訂一個盆菜, 就可以用加配優惠價$148要一個紅燒龍蝦竹笙海皇翅. 相當足料, 大大煲, 入面係有龍蝦仔, 竹笙, 龍利, 魷魚, 日式魚翅等等. 龍蝦仔都幾大粒, 份量不少, 碗翅飲落口不太杰, 係加上龍利感覺怪怪的.鮑魚瑤柱福袋盆菜$463: 8分, 又係斤兩十足. 入面有10隻清湯鮑, 10個黃金福袋, 10粒原粒瑤柱, 日本蠔豉, 花菇, 白切龍崗雞, 燒鴨, 南乳炆蓮藕, 南乳炆腩, 仔, 沙爹豬皮, 沙爹魷魚, 蠔菇, 鴨掌, 栗子, 支竹, 芋頭, 蘿蔔, 炸蒜子, 同埋另上的10隻茄汁中蝦和西蘭花. 材料太多, 只能夠每樣試小小. 清湯鮑都幾大隻, 也炆得幾淋, 算不錯的. 福袋比上次的好吃, 清清地, 記得上次的係炸物為主. 芋頭夠淋, 好入味, 也忍不住要碗白飯來送. 南乳炆腩又是另一個好好送飯的項目. 瑤柱大大粒, 不過也不敢吃太多, 驚唔消化. 茄

家裡沒做晚餐，跟老爸到這兒吃晚餐。我選了「上海排骨菜飯」（$29.5），配紅豆冰（另加$4.5）。經店員推薦，老爸選了改良版的「揚州炒飯」（$30），跟中式例湯（青紅蘿蔔豬肉）。再買一份「灼西生菜」（$5）。購票後，埋位等候五分鐘，便有得食。店員亦主動幫我把兩盤食物拎埋位。上海排骨幾入味，鬆化，唔會油淋淋。菜飯大大碗，惜菜量奇少。紅豆冰依然好味！經改良的「揚州炒飯」，黃金色的，蛋香强勁，份量亦巨，配料頗多。最厲害的就是，…，居然有「鑊氣」！講都唔信！在連鎖快餐店，五蚊油菜的出現，係好的現象。算係對政府那‘每日三份蔬菜，兩份水果’的提倡，作出支持。

好味，好香既芝士味本來只係貪過癮食下，去拎果陣已經聞到好香既芝士味，到煲緊果陣仲香唯一要彈既係芝士偏少，食晒d 料已經冇晒不過$39 唔可以要求太高，比我預期中好!!

前言：跟老爸來這兒吃晚飯，為的是用那張「十元現金卷」。食物和評語：兩個大男人，點了兩份晚市套餐。原價$65.5 ，折扣優惠後，合共$45.5。 1. 上海排骨菜飯套餐（$33.5）： a. 上海排骨：一塊港式炸豬扒，一開四。味道偏淡，相當油膩。 b. 烤夫粒粒：伴食小菜，偏油，但味道尚可。 c. 菜飯：菜量少得可憐。一大碗白飯裡，肯定少於兩片上海白菜。白飯頗「爛」，無味道！ d. 鮮人蔘雞燉素翅：相當的人蔘味，雞肉乃雪藏連皮雞腿肉，素翅好比粗粉絲！ 2. 燒味雙拼套餐（$32）：整體上，出奇地好！ a. 燒味雙拼（脆皮燒腩、明爐燒鴨）：燒腩皮脆肉嫩，五花腩肥瘦均勻，罕有地「掂」。燒鴨皮脆肉鮮滑，少肥多肉少骨，出奇地好！墊底的花生香脆。 b. 油菜：淋上相當多豉油的白菜仔，略油膩，但好過無菜食！ c. 白飯：一般貨色，份量偏多，足夠男士食用。 d. 熱檸水：店內罕有的質素可靠的食物。註：燒味雙拼出奇地好，大概都是「好彩」而已。