大家食 (已結業)

最近同小絲傾計時，原來她都去過大家食這間食店，實在有點驚訝。因為大家食由食物，門面到內部裝修不可說簡陋，但都非常簡單。不似像小絲這全身散發氣質少女味的少女來光臨。我們不約而同最愛他的闊麵，記得第一次在佐敦分店點這個闊麵吃，闊麵真的是整張紙咁大，沒切斷。但口感不錯。現在吃已經是變回正常的闊度。而且味道，口感都無變。今次點了撈闊麵+蘿蔔牛腩。因為沒+$9要飲品，$45都抵食。到這裡食都不求賣相裝潢，味道對得住價錢就已經合格，而且蘿蔔牛腩份量都不少。過去大家食從來都不是首選，估不到今天已成為充滿懷舊的味道。神級無味食評師-阿偉

好久沒去，基本上之前應是在旺角/深水埗吃過，感覺那時的大家食甚求其，幾年前訪問過老闆後覺得他其實挺有趣也好文采，於是今天有機會再來。油渣不太乾，不過不油，都算即炸，味道挺香口；雞翼雖只是三隻中翼，不過即炸夠熱燙夠肉汁，也不太差的；削麵是機制刀削麵，但細心煮的，不會太林太軟，吃落也挺爽口彈牙。沒想到現今的大家食比當年更多人光顧，雖然吃個麵都約五十，加飲料隨便都要六十，但質素及食品份量都不算太少，也是不俗的連鎖小店。

冬天想飲熱湯，而且想食辣嘅，叫咗酸辣湯底，少少辣，醒下胃先。餸菜方面，其實佢嘅量真係超多，叫咗三個餸，一個係絕椒肚，一個係麻辣雞翼尖，一個係冬菇生菜。麻辣雞翼尖由大約7,8隻，而且佢啲雞翼尖我要讚賞下，唔係平時食嗰啲好細隻、甩皮甩骨嘅雞翼尖，每一隻都好大隻，而且好完整，味道方面，佢嘅麻辣味係真係幾好味！絕椒肚就正常啦，冇乜味。冬菇山菜，啲冬菇有醃過，味道都唔錯！整個份量都超多，價錢方面唔貴嘅，都係大約$7至$10個餸，但係個量就非常非常之多，食唔晒！但係衛生方面真係有待改善!1. 佢有提供水同埋碗同埋杯，喺自助小區自己拎，但係其實佢啲碗同杯係好污糟，有啲油分喺度; 杯亦都好多水，但係疊埋一齊，醃住好臭, 都唔敢用！2. 筷子就擺喺枱面一個膠兜度自己拎，我見個膠兜都有少少污跡，覺得好嘔心！呢個位扣咗好多分……3. 同埋門口成日有人食煙, 佢又成日都打個門唔關, 食晒D 煙味 ....服務方面都麻麻, 因為佢樓面得兩個人, 兩個長期都入左廚房, 應該請多D人幫手吧!

呢間米線舖嘅食材，比起其他大型連鎖米線鋪更加足料。腐皮有好大疊，牛肚亦都好多件。狀元骨係即炸，熱辣辣。😋油菜一碟都係10幾蚊，有腩汁好香。麻辣湯底好香口，麻香十足，但唔會腸搶咗食材嘅本身味道。叫咗個馬鄉雞係有啲生菜同埋雞肉，少少辣好惹味👍🏼你間舖頭嘅餸菜選擇非常多，面嘅種類亦都好多種。今次叫咗米線，但佢本身都有自製嘅麵條可以選擇。舖頭環境上就一般，員工服務都唔錯，價錢都好相宜。喺附近其中一間抵食嘅舖頭！🤩

下午係土瓜灣睇完中醫就係附近食埋野先返公司，大熱天時胃口麻麻，想搵間平平地既餐廳求其食啲野算，記得呢間有自家製既特色麵，咸豐年前食過佢嘅蕃茄蛋牛肉好似唔錯，就叫左呢個組合👍Lunch hour上菜速度算快，等左幾分鐘就有～落完單醒起唔記得咗叫扣底，但黎到俾我既感覺似係已經扣左底😅 (胃容量比較大既人呢間野未必適合你🤣)蛋既份量比較少，得啲蛋碎😅蕃茄煮得幾淋，岩我👍以呢個價錢黎講牛肉份量合理，大部分都淋身唔un～麵底我揀左粗身既削遙麵，口感唔錯唔會太淋，比起台灣刀削麵再厚丁丁同闊身丁丁，係幾出色既👍不過如果叫多一兩個餸應該都同出面食酸辣米線價錢差唔多，但我呢個勉強叫做有三款餸係裡面既麵先三十蚊我就覺得超抵食啦🤣 (雖然已經唔係叫麻辣酸辣咁濃味，但食完都幾口渴😂)

大家食Eat Together 平民食店唔知點解大家食野食雖然不錯但總有陣麻甩大陸味 可能係裝修同個大頭商標哈哈🤣整體衛生方面仍然有待改進🌚 最出名係佢地既麵底 刀削麵 手攪麵煙韌口感既手製麵唔係度度有🍜米粉通透白色 比起一般米粉彈牙爽口 唔係常常見到幾鐘意佢地既麻辣湯底🌶做得比譚仔好唔係死辣 反而麻味好出 做到齒頰留香 咀唇👄發麻既效果不過多人讚既🍅蕃茄湯就覺得一般 有點太甜麻辣配雞肉🐓白蘿蔔🥕係最愛 雞肉多得黎滑身白蘿蔔清甜無渣 是高質頹食麵檔

大家食係因為朋友話想食我先入去食。其實之前從未諗過去食。可能因為本身對佢有偏見，唔係好鐘意佢鋪面裝修再加埋佢個logo 係佢個老闆個樣，覺得有啲搞笑🤣🤣🤣。但我試過一次之後，又出奇地覺得真心唔錯！我本身鐘意食麻辣。所以叫左個涼拌雞絲面（仲有得揀暖食）。好味！夠多餸同啲面一半一半嘅份量！好正。我地仲叫埋好多小食：過山雞、涼拌青瓜、尖椒皮蛋、牛肚。唔係賣廣告，我地都覺得全部都好好味！我特別欣賞嘅係個個尖椒皮蛋，佢地嘅配合好和味～！少少辣但又有皮蛋香。如果加下餸都可以考慮呢間呀！

要說米線，大家都會想起譚仔。但如果論湯底及麵，就係大家食有誠意d，大家食嘅湯底食得出加咗蝦米，淺淺嘅鹹味令人有一飲再飲嘅意欲，至於佢嘅手攪面據門口所示，係拎咗d獎嘅，幾彈牙。我只係點咗兩份豬肉片，但麵同肉嘅份量係絕對夠食。然而其環境係lee間店最扣分嘅位。

I ordered a bowlOf noodle soup 八聚會A for take out. It’s special price but I didn’t expect the quality to be so low.1) the noodle type is not what I ordered. (Default 手攪麵）2)there were around 4 bites of paper pieces sun the soup which at first I thought it’s chicken. It looks like it’s the order printed in ink and got thrown into the noodle also.Since it’s take out, I wouldn’t be able to show the restaurant staff nor would it be worthwhile for me to bring it to the shop. I tried to call the shop bu

大家食最出名一定係佢嗰啲面底因為喺出面其實係好難複製到甚至應該都係喺市面上都買唔到今次就試吓呢一度嘅招牌就係手搞面咁配料嘅話個人覺得貴少少嘅配料似乎就會大份啲同埋抵食啲例如歌山雞又或者炸豬扒呢啲都係比較大份少少亦都容易飽肚嘅配搭

平時喺土瓜灣夜媽媽除咗麥當勞之外都諗唔到有啲咩食 咁岩見到呢一間開到凌晨都未收 入去叫咗個 雞肉麻辣湯底嘅米線 意外地呢間餐廳嘅湯底同食材都好食過譚仔同埋一般嘅米線店😋另外仲會送一細兜嘅菜莆開下胃 價格來講都尚算平民都係三十幾蚊左右 如果想慳錢又想食到好味嘅嘢都係一個唔錯嘅選擇 環境方面夜晚我隊去嗰陣冇乜人唔算迫 坐落都算係幾舒服 不過喺衛生方面仍然有待改進 碗麵起食到一半想飲湯嘅時候見到有一兩隻細細粒嘅蟲 不過老實講出街食有邊到係乾淨 可能平時習慣咗 都費事叫人再換過碗麵 整體來講係唔錯 係衛生要留意下

每次黎食我都會食手攪面。大大碗面，配上芽菜。其實以前仲會有一片片蘿蔔，不過而家冇了。餸菜方便我多數會食東坡肉或者豬油渣。東坡肉好夠味呀，豬油渣如堂食更加脆。唔鍾意咁肥膩嘅，可以試下要番茄🍅牛肉，清湯會變咗蕃茄湯，牛肉一啲都唔老。另外一定要喺菜單上面點佢個辣菜甫，一碗麵可以免費叫一碟仔。不過如果唔係幾食得辣嘅人就建議少少地試吓先，因為真係幾辣下，不過加加咗落碗麵度，會好味好多。每次都係叫手攪麵，煙韌口感，好食，唔係呢個係鋪頭招牌，黎到點都要試吓嘅。

「大家食」加黃色做店鋪主色，不禁令我聯想到港式大型連鎖餐廳大家x. 但分別十分明顯ge係大家食用人像相做埋Logo , 更加凸顯內地風味，門口又貼上得獎菜式及獎項，係香港䇄立左甘多年，總有佢既成功之處，有值得欣賞既地方。濃厚既大陸風，唔止係門口，入面既裝修及Setting 都好有風味... 加上個口號：大家見面大家食。真係要唱返句：你是如此令人難忘記🎼🎤🎧Order 左個酸辣米線🍜配豬大腸$35（中辣）份量大，配料足，酸味重，辣得黎夠香；豬扒炸得黃金又脆，肉夠淋又入味，係到食雲南四川米線🍜，都唔太差

因為肚餓同貪方便，咁就入左去久違的大家食。原來大家食已經無左經典的迷彩制服, 不過仍舊有種風土的感覺。環境ok, 企理乾淨。叫左個村村住家鍋麵，清湯手攪麵。有驚喜有特色! 原鍋上! 由於係用鍋，d麵同湯一直都保持到熱既溫度，正!! 而餸我就揀左豬扒。炸豬扒外脆內軟，即使放入湯麵內亦唔會變淋😍38蚊一鍋，性價比確係高!!

由於今次唔算好肚餓就搵左個麵黎食，大家食嘅手攪面基本上係必食😂面嘅質地依然保持水準，都係好煙韌唔會林晒。湯底唔使講到一定係食蕃茄蛋啦🍅濃郁嘅蕃茄湯加襯埋蛋花，絕對係最好嘅宵夜之選不過衛生條件就真係有待改進