大家食

营业中

休息中

深水埗平價手攪面好吃最近看他賣了廣告所以繁忙時段多了人排隊，以前平時都食開😂普通茶餐廳環境裝修，人多要搭枱～平時招牌推薦菜式都會不好吃，個人推介小食：過生雞、狀元骨、炸豬扒等（以前食開）過山雞建議食飯，如果選了湯麵會洗走他的醬汁～必食手攪麵～面粗軟硬適中，清湯都ok👍🏻麻辣的辣度也是我吃到的程度，小麻小辣。邪惡豬潤好有味。服務質素：6/10環境舒適度：6/10ᶘ ᵒᴥᵒᶅ個人口味評分：7/10

深水埗福話街呢間店都幫襯左佢好多年，麵食味道都ok,價錢亦唔貴，不過今日落黎碰到個極品大媽店員，我點削麵佢落錯米線，本來好平常，同佢講馬上黑口黑面，最絕嘅佢竟然態度好差咁話：我落錯左咁你食唔食吖？我當堂呆左，唔好意思都冇聲仲好似我錯，如果唔係佢態度咁差本來食米線都算，叫佢換佢好唔爽講句，你唔食咪換比你囉，跟住見廚房係咁望出黎，都唔知會唔會加料，呢啲咁嘅店員根本係度倒米，睇黎以後都唔會再黎呢間店食嘢。

一個人唔知食乜好!? 經過行入大家食, 環境尚算乾淨,價錢又合理的餐廳, 終於試左佢最出色既過山雞拼滷水雞翼飯~雞夠滑又惹味, 滷水雞翼陪入味, 唯一係飯太少, 餸夠多~ 食晒D飯仲有一半餸....整體抵食!

大家食一直都係當宵夜或者無法可去的地方，疫情期間，堂食去到2200，好多餐廳因為如此在2100之後多數廚房都已經closed，我同同事收工太夜，2100先收工。咁經過唯一一間仲可以接待堂食。2130last order匆忙用餐，|麻辣鸡丝面^雞絲麵爽口，選擇麻辣小辣辣度，不算太幹。另外鹹腩肉手攪麵腩肉嫩啲。再加辣湯會更濃。其實選擇手攪麵因為本身佢口感筋韌，麵香濃鬱，屬於是傳統的家常美味。而湯麵更偏向選擇。因為小食類型的快餐款比較方便宵夜。凍檸樂系以前舊樽裝的可樂瓶，懷舊款。雖然匆忙一餐，但都好彩經過大家食。

皇牌炸醬撈削搖麵 炸醬 鹹淡適中 肉碎瘦多肥少 食到肉味 唔錯👌🏻 配料 青瓜絲🥒清新 芽菜爽脆 花生🥜新鮮、無溢味 削搖麵 比平時食既闊麵仲要大條 有啲似褲帶麵 正正因為佢扁長既麵身 每條麵都沾左炸醬 好味！ 麵質煙韌、有咬口😋煮既時間適到好處 唔會因為煮過龍而太淋 亦食唔到生粉既感覺 澱粉控、煙韌控一定好滿足👅 茄蛋牛肉手攬麵 茄蛋🍅🍳味道調較得宜 酸酸甜甜 好開胃 牛肉🥩雖然份量唔多 但食得出牛肉本身既口感同香氣 應該無經後期加工 有誠意👏🏻 手攬麵🍜似縮細版既烏冬 可惜既係 麵質軟身 同外賣拎返屋企焗到有少少糊左🙈痴埋一舊 好難撈勻啲汁 下次都係會食返削搖麵🤭 整體而言， 麵條出色 味道調較得恰到好處食完唔會有口乾既感覺 加埋辣菜甫一齊食更加惹味 可以encore

本人出生於長崎良美😂活在變化萬千嘅時代，有時都要一個人食下麻甩嘢食！手工麵或者功夫面，係我就最欣賞既，加埋啲湯，好有感覺。呢間嘢食有別於一般嘅車仔麵，呢度嘅面係好彈牙，最鍾意叫豬潤同豬扒，配搭蕃茄蛋湯，好好食又抵食。一睇個都已經令人回味無窮，因為真係好平😂。雖然食完會有啲口渴，要叫返杯嘢飲。但係都好推介，呢度多數唔使排隊，每次同朋友嚟食個個都話好食😋Addressss:大家食 (深水埗)深水埗福榮街80號地下

其實去深水埗多數都係為搵食通常都會去福榮街一兩間搵好野食除咗文記 就係 大家食 啦！特別係手攪面同埋逍遙面！真系正！其實都有一排冇過嚟啦因為大家食嘅分店得幾間有時真係覺得唔方便架~想食就要特登過嚟福榮街或都汝州街呢兩間幫襯最多，味道好好。

同先生喺黃金買完新玩具，打算食埋晚飯先返去，點知想食嘅餐廳一係冇開，一係就大排長龍，等到氣餒嘅我哋最終決定是但搵間餐廳食少少嘢就算，省卻麻煩。大家食主打平價粉麵飯，好多年前食過一次，時移世易，當年以廉價作招徠嘅平民美食現今亦已經漲價不少，唯一不變嘅係老舊嘅裝修同繁複凌亂嘅點餐紙，麵餐嘅名更加係有少少突兀。「三餸麵2」有豬油渣、過山雞同炸雞翼，而且份量唔少，湯底方面我揀咗麻辣，味道濃郁而且層次豐富，作為成碗米線嘅靈魂，絕對合格。豬油渣同想像中有啲出入，本應炸得香脆可口，咬落有油香，即使浸咗落湯底，都應該帶少許咬口，但呢度嘅豬油渣口感太過軟爛，風味盡失。過山雞比一般嘅滑雞嫩滑入味，而且唔會有好重嘅雪雞味，唔錯。炸雞翼有三隻咁多，實在意想不到，可惜偏細隻同炸得略嫌乾身咗少少。先生揀嘅自選百搭麵配料有蘿蔔牛腩同炸豬扒，麵底廿一蚊，酸辣湯底再加四蚊，感覺我嘅麵餐性價比高少少。酸辣湯底味道比較淡，麻辣湯底相對比較惹味，牛腩燜得唔算軟腍，但尚算入味，白蘿蔔比較清淡，而且份量亦好少。炸豬扒外皮鬆脆，味道唔錯，但略嫌薄咗少少，如果厚返啲口感會更好。飲品方面有懷舊嘅玻璃樽裝可樂，價錢亦唔算貴。上哂菜之後先

去深水埗唔多唔少都要試吓大家食呢一間幾特別嘅餐廳當然呢一間餐廳都係以食麵為主打，不過選擇嘅款式就比較多我就會覺得好似係譚仔嘅另一版本送嘅款式就比較多所以每一款都幾值得試不過我歸為牛魔王點都要試呢一間野嘅牛腩然之後再配麻辣湯底，我相信削搖面應該係呢一度甚至係全港最招牌嘅面因為闊度真係好長同埋好闊比起刀削麵要闊一倍湯底完全唔鹹而且比較容易入口， 辣到同譚仔不相伯仲小辣都已經有一定嘅味道牛腩就係撤到一粒粒咁就做到一啖過，即使帶一鬆都好但本身碗麵已經可以令到你飽一飽所以餸就只係配角

以往曾經喺深水附近居住過一段日子，因為「大家食」開得特別夜嘅關係，佢嘅麵食基本上成為咗我嘅深宵必食。無論係手攪撈麵、米粉湯麵還是小食，都令人一試難忘。坐落於食店林立嘅深水埗，「大家食」都可以話係附近街坊必定食過嘅食店。皇牌炸醬手攪撈麵喺香港，好食嘅炸醬麵唔少，但係呢種雲南風味嘅炸醬手攪麵亦唔多。蛋白質嘅材料唔多，主要係以炸醬為主，但整碟麵嘅重點絕對喺配料度。麻辣香油、花生、青瓜絲，同埋主角手攪麵嘅配合一流，而且份量大碟夾抵食，晚餐亦都一定夠食！如果想層次感再強可以加埋佢哋附送嘅辣菜脯！自選麵食 － 炸豬扒、過山雞、生滾豬潤配銀絲米粉首先要介紹嘅係呢度嘅銀絲米粉，同出面唔同嘅係呢度嘅米粉特別幼同埋呈透明色，粉身幼滑煙韌而且唔易折斷。加上少少麻辣嘅湯底，味道已經好吸引。但呢度除咗麵底之外小食同樣出色。過山雞就係其中必食嘅一員。而炸豬扒亦都炸得十分洽到好處。要特別一提嘅係佢嘅生滾豬潤，唔單止份量超多，而且食起上嚟又滑又軟，唔會有血水味同埋過熟嘅感覺！味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️⭐️⭐️

記得大概10幾歲的時候，屋企附近有間老字號，專賣湯麵，嗰陣時嘅條件麻麻，無得日日食，但都幾乎隔幾日可以有食次豬油渣麵的機會其中有款豬油渣麵就係我的至愛啦！嗰陣時嘅人對生活的追求好簡單好幸福所以一碗簡單的油渣面 足已令我幸福咁爆增今晚行過深水埗的大家食麵檔見到有款 豬油渣手攪面 覺得好吸引 勾起我童年的回憶！我哎左一碗［豬油渣面］三十幾元有好大一碗，好在我胃口夠曬大~ 哈哈食落有咬感又香口，連麵湯都有滿滿油渣香味~~果然夠低食夠新鮮~都幾似當年童年中那種味道~簡單一碗麵已經滿載幸福及自足其實生活就此啲一碗麵 ~只要用心就會食到其中滋味~~

大家食我知道其實有2間不過我一直都係食開同一間 佢既滑雞肉同炸魚腐真係好正🤤🤤不過唯一湯底吾夠濃 如果再濃啲就好 不過大致上味道都保持到 麵底有手攪麵 米粉 米缐 上海麵選擇 每一個麵餐都會送一小碟辣菜埔

大家食，平民美食，平價之選，平兼好食👍🏻👍🏻👍🏻今日去到深水埗睇電腦，睇完之後有啲肚餓，去附近睇下有咩嘢食，本身今日病病地，想食啲濕既野，想食粉麵，行過見到一間叫大家食，有個人頭做招牌，見到個門牌幾光猛，而且係門口見到啲食物好吸引，就入咗去啦。🚶🏻‍♂️入到去之後，睇一睇餐牌，原來有好多選擇，佢呢度主打麵食，特別係手攪面同削搖麵，姐係刀削麵。正啱晒我，我今日唔舒服，所以叫咗個茄蛋牛肉加豬肚削搖麵，蕃茄底微酸帶甜非常開胃，牛肉嘅份量又多又滑，食落去好滿足，而且個削搖麵份量夠又爽滑彈牙，食完之後成個人舒服晒。😋😋

一向都只係睇食評，從來未寫過，今次跨出一步分享美食分享正能量，希望發掘到高CP美食。第一站︰「大家食」旗艦店地方乾淨企理，Order紙清晰分類，不過幾號幾號麵餐原來可以加餸，要問侍應先確定原來可以加餸。侍應好有禮貌好有耐性，值得一讚睇完之後，好多野都想食，不過胃得一個，今次就試「涼拌雞絲手攪麵」，有辣度揀，揀左酸小辣。凍豆漿係必須。係個傳菜隆望入廚房，係即叫即整，真係估佢唔到，唔少舖頭係整定，依個平頭裝做得起係有原因。七八分鐘後野食上齊，係夜晚食飯時間黎講，真心快。先講個涼拌，足料好多雞，青瓜好爽脆，酸度適中，辣好香但唔夠辣，最有驚喜係個麵，好好好煙韌同好彈牙，而且好滑，一啖食完好想不斷食落去，自己都覺得自己好似好耐無食飯甘。至於豆漿，有豆味而唔假，甜度適中。整體超過一百分，重點係四十四蚊食到甘既質素，性價比確係高到爆燈，做飯堂一流。

無意行過 覺得幾吸引就入去睇下喇~原來手攪面及刀削麵系佢地嘅主打，自选面餐 有好多种菜式揀嘅，主打係牛腩、豬油渣、滷水雞翼、東坡肉等，各種丸子及青菜都樣樣齊！我地哎咗牛腩蘿蔔手攪面及東坡肉刀削麵，牛腩好香好淋，白蘿蔔都夠鮮甜~手攪面很爽滑~份量足夠有多！我哋完全食唔曬，刀削麵份量啱啱好！我一個人可以食曬，東坡肉好入味~~姥姥滷蛋食落真係有嫲嫲果種家鄉味哦足足倆大碗！我哋倆個人食咗98蚊！真係又便又正~~超級低食喔~~