大家食

营业中

休息中

很久沒有幫襯大家食了, 今天由一位朋友帶我去食, 佢重提我, 話隔幾個舖位有另一間, 但呢間好食好多呀。店內位置唔多, 好多都係學生。我地叫左各一米線, 我叫左個咸腩肉,  海膽丸同埋魯蛋, 估佢唔到, 魯蛋竟然有1.5隻, 正呀, 咸腩肉都唔錯, 見好多人都叫。我叫的是削搖麵, 好咬口, 好味, 不過湯底就麻麻地, 似鹽水咁。價錢方面, 三送加凍飲, 約52蚊, 中規中矩啦, 諗唔到食咩, 都可以快手黎呢度食個快lunch既。但如果講話享受, 嘆下, so sorrrrry。

今日6點幾去食大家食，坐低左同男朋友各叫左一碗米線，點知食到最尾嘅時候見到有隻類似曱甴嘅物體浮浮下，本身以為係辣椒碎嚟，點知望真d原來真係曱甴，嚇到即刻想嘔，仲要係已經食哂成碗米線先知......😱😱Oh my God！！超級想嘔，個店長話係可能岩岩做左滅蟲，所以甴曱掉了到碗去，之後即係拎個曱甴入廚房毀屍滅跡，之後幫我取消左我碗米線.....以後都吾會再幫襯！！諗起都想嘔

近來唔知成日去高登黃金。之前響劉森記個食評已經講咗，其實呢條街我選擇唔多。今次就試吓大家食，講真我就一般般。呢間鋪頭都算係大陸佬奮鬥嘅故事，都算幾感人。今次我叫左三餸手搞面，我就唔係好鍾意手攪面，食落有啲似即食麵feel。餸方面OK幾好，有料唔會剩係得兩粒...但服務員好似好騰雞，可能當日唔係長工嚟。最重要我想講點餐紙，俾人感覺太多嘢食。但其實有啲係飯同面分開寫。村老闆，你之後睇我其他食評，有啲日本餐廳只有三個選項。即係成間餐廳得三樣嘢食，當然嗰個我都會比負平。我覺得你可以改善，將同樣餸飯/面寫埋一齊。俾個選項客人就可以。再將點餐紙，整細張啲，你咁樣成本就會有低番啲。

P. S:落單係一人一張架～俺比店員提醒下次要咁做。然後點左個八聚會A, 清湯底（覺得有點味精黎的甜），麵質偏硬；雞肉豬肉嫩滑，但吸到湯底所以蓋過原本味道；粟米粒雖然唔係粒粒飽滿，但都清甜；雲耳軟硬適中；豆卜採用小豆卜開半，一吸汁一咬就爆汁；而比起韭菜，附送的豆芽更得吾心，因為可以有咬口；火腿係大快活早餐個d薄切，此乃最保持原味的食材。以量黎講乃足料之作，性價比高

大家食都開左好耐啦，事實係無文記咁出名，😳但大家一定要睇清楚係「平頭裝」先好去食呀！今日一如既往咁食呢度主打的招牌手攪麵，😌湯底就選擇蕃茄雞蛋牛肉，加香酥炸豬排、滷水雞翼、東坡肉！整體感覺係少食滋味，手攪麵好似份量俾少左，但麵質還剩少許煙韌彈牙，間中食下總令人時常懷念。香酥炸豬排厚度適中，無油膩感，好熱好香，係食肉好選擇。滷水雞翼幾好，有3隻夠入味，大細適中，無任何特別。唯讀想講東坡肉撞埋個味精湯，只能食到咸味，肉質都幾乎食唔出來了。

一個人食乜好，行入大家食，當大家陪我一齊食其實佢既手攪麵的確做得幾岀色，而且湯底絕對有水凖，有時個人覺得佢仲好食過乜哥乜仔果d米線，麵質彈牙湯底又夠火喉，平時我就食開酸辣肥牛小鍋米線既，今次轉下口味試下個茄蛋牛肉手攪麵先。用料十足，湯底濃郁，又有洋蔥，個湯想唔甜都難，牛肉嫩滑唔係象根牛，落足番茄夠酸多味，同埋都好大碗下嫁，叫多左個餃子做餸19蚊有5隻算係咁啦，餃子個皮好薄，入面韮菜多，肉少d,所以咬落鬆散，無乜口感，但味道唔錯！

深水埗餐廳選擇多, 但是很難找到間合心水, 價錢又合理的餐廳.今次揀了出名手攪麵的大家食, 一進內就看到牆上的banner推銷村村住家鍋麵, 說是飲食天王得獎菜式.整體而言味道香濃, 很容易食得出味精, 不過算是接受程度之內, 份量也相當多. 之前有留意過其他食評, 指環境不算乾淨, 我認為這視乎時段, 如果是下午晚上繁忙時段, 員工比較忙 的確會沒乾淨.

油渣麵咁多年的一定係揀「大家食」（男人樣果間）唔好去錯😂首先佢湯底就算清湯麵好好味👍🏻👍🏻👍🏻👍🏻👍🏻不過麻辣湯底都十分出色！我覺得可以由1度開始試起，因為朋友揀中辣5度已經食到標晒汗😂豬油渣唔洗介紹，唔會話好油🙂另外狀元骨同過山雞都好香好脆👍🏻👍🏻👍🏻👍🏻👍🏻👍🏻另外特別推介小食「麻香雞」係我每次兩個人去食都必食的👍🏻👍🏻👍🏻👍🏻👍🏻👍🏻👍🏻👍🏻👍🏻

今日下晝係深水埗 有啲肚餓就求其入左間餐廳食lunch 叫左個番茄蛋牛肉手打麵 味道幾好 同其他麵店嘅麵差吾多 不過勝在番茄牛肉同洋蔥都有吾少 價錢都好平 同埋吾多人 環境都ok 但係碗麵超油 正常番茄湯底都比較清 吾知點解成碗都係油 係油到依家唸翻都有啲驚 雖然吾想浪費食物 所以有食哂 但係吾會建議任何人食 朋友叫左碗satay鴨胸麵反而一啲都吾油 好神奇 不過overall所有野都幾好 最大嘅問題都係個番茄湯底太多油 可能係我今日吾好彩😢

夜mama 11點出去搵食，呢個鐘數好多鋪頭唔係收咗鋪就係截咗單。一直無入過黎呢間大家食，淨係去過隔離個間，咁就試下啦。叫咗個炸醬麵，要手攪面，走埋芽菜同花生。先講下個賣相，佢個炸醬好好，唔會好似出面個d咁個面下係水汪汪咁，乾身無汁，d醬係掛係面到，咁先係醬ga ma! 食落去，手攪面口感彈牙，成個面都好好，宜家呢個炸醬麵係我係心目中係深水埗排名第一ge面食👍🏻

今日下午係深水埗汝洲街食米線簡直不知所謂，我坐係吧檯前面睇住煮野個阿姐對住碗野打乞嚏，仲要打正晒落碗野到，之後同個阿姐講仲搞笑，佢話我煮辣野係會打乞嚏，佢仲答打個乞嚏之麻有咩問題，米換比你囉

年廿八執咗成朝屋，之後去咗石硤尾睇中醫忙咗成日係時候要醫肚，見近近地一於剷落深水埗搵下野食先以前食大家食都係分店~未去過旗艦店~諗住試下點知今次就出事了....🤦🏻‍♂️飯類MENU有唔少選擇，而且睇相都唔差~落單時要自己用筆剔，但枱上無筆叫了個姐姐幫我落單~自問好聲好氣有講唔該，唔明點解佢落單後要大大力拋低枝筆像向我發脾氣...🌚滷水雞翼大腸飯@ 滷水雞翼一隻隻排放整齊，啡蜜色的外皮，賣相相當吸引，食落時雞皮緊致有度，色澤光亮，不似別的滷水雞翼皮開肉散 ，香濃的滷水味在熱空氣中瀰漫着大腸肥嫩軟Q，脂肪少帶咬勁，再點少許鹹中帶辣的滷汁入口，軟脆交疊的口感和腴潤回香的滋味，確實順口不膩可惜食到最後一隻雞翼發現到小強物體仲要好大隻下🤬雖然最後無收過我錢，但經過今次以後唔會再食😥

記得中學時代係天水圍北江果邊開左間餐廳叫「大家食」，一直都無食過，事後佢愈開愈多分店，我先第一次去食...但天水圍間「大家食」一早無左lu......今日去開深水埗，就入去試下搵野食。始終我比較好麵食，點左碗豬骨湯底既削麵，+6$煙鴨胸同6$蘿蔔。個豬骨湯底其實都幾咸下，幾重味精。個麵好好食，唔識點講，幾有口感..總之就係唔錯煙鴨胸份量好多，幾好食。最好食都係蘿蔔，好入味，可能係湯太濃味既關係？真係好好食🤣

好耐冇食大家食啦，我諗都有6-7年冇去過，印象中地方雖然污漕，但d野幾好食的，今日去完黃金買野，路過就俾多次機會佢睇睇佢幫唔幫到我改變對佢既印象啦今次叫了（10）八聚會，小辣，酸辣又係幾好咪既，麵質彈牙，但配料明顯食得出係大陸貨😭😭😭仲有炸一字骨，同炸魚腐

深水埗搵野食大家食裹面有5種麵選擇，我最仲意食手攪麵和削搖麵- 叫了過山雞+狀元骨手攪麵兩款餸都值得一試，過山雞同麵/飯一齊食都好好味食麵會免費送菜脯，真係幾辣另一樣餸絕椒肚，好夠胡椒味，我好少食豬肚，但這間我會食