大少燒味茶餐廳

营业中

休息中

今晚返老公東涌家食飯，幫唔到手下廚都要斬料上去。老公係逸東由細住到大，而呢間茶餐廳都係佢由細食到大。裏面環境唔錯，整齊光猛，但我地今日係外賣。由廚窗外望，有好多選擇，油雞好肥美；叉燒和燒鴨就好紅潤亮麗；燒腩睇落脆卜卜….點好？老公話咁大班人一定好遲開飯，見大少潛艇（$42）好有新意，一於試下（細路時唔見有它）。熱辣辣，大大個，中間有煎蛋、芝士和兩大件厚切叉燒，好足料。大啖咬，麵包好軟熟，夾埋三種食材，味道鹹香，飽肚滿足！見價目都好合理，仲有抵食孖寶，好吸引！最後要了半斤叉燒+半隻玫瑰豉油雞（$138）及半斤燒腩仔，豐富！半斤叉燒 色澤紅潤，邊位帶少少焦燶，沾上亮麗嘅蜜汁，賣相好得。雖是瘦燒，但有肉汁，部份有少少甘香肥膏，正合大家心意。肉香中帶些焦香，配埋甜美嘅叉燒汁，的確色香味俱全。半隻玫瑰豉油雞 份量好足，睇嚟隻雞都幾大隻。另配了豉油汁和薑蓉，正！啖啖肉，整得非常入味，肉質好嫩滑，加埋滑嘟嘟嘅雞皮一齊食，吃出油香，再淋晒啲豉油汁，大家都食到津津有味！半斤燒腩仔（$75）連住紅卜卜的燒腩皮，咬下去好鬆脆。肥膏和腩肉相隔，兩層油潤的肥膏，夾住嫩肉，最底係鹹香嘅瘦肉，全件食，滿口油香肉香，

#chuchu食在東涌📍 大少燒味茶餐廳上朋友屋企食飯，諗住斬料加餸，入街市之前，比間懷舊香港為主題門面好靚嘅荼餐廳吸引到，有香港舊式唐樓、霓虹招牌、T 字型街牌等—————————————————————❣️ 燒鵝下庄 $130食燒鵝一定係食燒鵝脾，燒到個皮好脆，鵝肉都好juicy.❣️ 叉燒 $65半肥瘦叉燒冇得輸！肉感好鬆軟！.❣️ 魚香茄子煲 $74熱辣辣！翻到屋企再食都仲差啲辣親條脷🤣好香，餸飯真係一流！.❣️ 大少潛艇 $42見佢招牌就試下！啱啱整好熱辣辣，入面有蛋同叉燒同溶咗嘅芝士！好好味😋第一次咁樣配搭，唔知係咪大少平時食開架呢—————————————————————不專業評分👅好味指數: 8.5/10 💰性價比: 8.5/10👍🏻推薦: 9/10 —————————————————————🏡地址: 大少燒味茶餐廳 (東涌)東涌逸東街8號逸東邨逸東街市99號舖🕑營業時間: 06:00-22:00—————————————————————#chuchu食港式—————————————————————Follow🐷 @chuchu_hkfoodietag埋你啲朋友仔like下我

2個人嗌左一個$148晚餐套餐，分別揀左西檸雞同埋金菇粉絲肥牛煲，佢會送2個飯，2碗中湯同埋2杯野飲，我地另外仲加左一個黃金牛仔骨 ($88)，😋套餐嘅西檸雞同埋金菇粉絲肥牛煲，西檸雞份量十足！！而金菇粉絲肥牛煲就岀奇地足料🤣 $148黎講都無咩好挑剔， 性價比十足👍🏻而黃金牛仔骨 ($88) 我都係第一次食，平時大排檔都好似好少見，不過值得一試！！！最後一個係樓面姐姐推介嘅大少潛艇 ($40)，佢入邊個餡係由炒蛋，叉燒同芝士組成，叉燒包就食得多，原隻叉燒嘅包就無點食過，所以都幾驚喜，呢個包都有成個手掌咁大，建議可以兩個人share嚟食，下午茶一流！！總結黎講三個字，平靚正，$148晚餐套餐仲有好多其他選擇，而且份量都十足，其他唔同嘅菜式都唔錯，最後埋單好似$280 (唔記得影單🥲)，推薦推薦😋

📍大少燒味燒鵝的外皮經過精心烤製，外酥內嫩，咬一啖落去，就能感受到皮下的肉汁在口中爆開，充滿了豐富的層次感。每一塊燒鵝都散發著獨特的香氣，混合著烤肉的香味和肉汁的鮮美，讓人垂涎欲滴。而佢既肉質勁鮮嫩多汁，每一啖都能感受到滿滿的肉汁在口中流淌。這款好juicy的口感，讓人忍唔住一啖又一啖。油雞既口感醇厚細膩，外皮酥脆金黃，內裡鮮嫩多汁，肉質緊實飽滿。咬落去後的香味與肉質的柔滑完美結合，令人回味無窮。大少潛艇叉燒加雞蛋放係包入面竟然係咁好食。當打開包裝個一下，勁香同勁juicy 既叉燒加流心蛋，令人垂涎三尺。

乳豬誘人味蕾盡開懷。金黃色的表皮閃爍著焦香的光芒，輕咬一口，油脂與烤香四溢於口。那綿軟醇厚的肉質，層次分明且滑而不膩，唇齒間流淌的不僅是美味，更是匠心獨運的烹飪藝術。每一口都彷彿在訴說著傳統與現代烹飪的完美結合，讓人陶醉其中，回味無窮叉燒口感鮮美多汁，肉質嫩滑，香氣四溢。烤製後的叉燒外皮酥脆，內裡肉質鮮嫩，口感層次分明。每一口都能感受到肉質的細膩和香味的濃郁熱狗的口感豐富多樣，美味令人難忘。烤得恰到好處的叉燒雞肉和新鮮滑嫩的雞蛋相結合，營造出獨特的滋味體驗。香滑的肉質和濃郁的叉燒香料相互輝映，而雞蛋的細膩口感則增添了豐富的層次感。熱狗的獨特風味與叉燒雞蛋的濃郁口感相互碰撞，產生出一種令人難以忘懷的美味體驗。每一口都充滿了豐富的味道和口感，帶給您愉悅的用餐享受。總的來說，叉燒雞蛋熱狗是一款令人垂涎欲滴的美食，其獨特的口感和美味定能滿足您的味蕾需求

平時間唔中都會黎呢度食飯，今晚去咗買燒味加餸返屋企同屋企人食！佢地啲燒味都唔錯架，今日我地就叫左呢啲。🟨干燒伊麵炒得比較乾身，有鍋氣🔥🔥🔥，配料都幾豐富，份量十足！🟧燒鵝髀連下庄有無同我一樣都好鍾意食燒鵝，燒鵝皮有少少脆，入面啲鵝都好juicy，唔會有好多皮連肥膏無乜肉既情況出現！🟦叉燒叉燒偏瘦不過唔會好乾身，感覺無咁肥膩。🟪大少潛艇岩岩整好熱辣辣，入面有蛋同叉燒同溶溶地既芝士，小朋友都話幾好味呀！

📍行山行到逸東邨，發現邨內街市好特別，以懷舊香港為主題，有香港舊式唐樓、霓虹招牌、T 字型街牌等，不失為一個小眾打卡景點🥢雙拼（燒肉+油雞）瀨粉色澤油潤的雞外貌不俗，雞肉好嫩，燒肉配兩個蘸醬，有蔥油和芥黃醬， 可以吃出不同風味，質素真的不錯，湯底亦有香味不似味精水，配有兩棵靚菜芯，加上爽滑瀨粉好食🥢食飽意猶未盡，打包了餐廳的燒鵝和叉燒，燒鵝看起來皮脆、肉嫩肥而不膩🥢餐廳阿姐推薦的「大少長麵包」鬆軟熱辣辣烘烤的長包，充滿牛油香，再夾上自家制蜜汁半肥瘦叉燒加上半融芝士，溢出的太陽蛋汁，一啖咬落，層次感十足，果然系餐廳必點！⛰️去東湧行完山，如果覺得東薈城吃東西貴，不妨來呢度試試香港茶餐廳粥飯粉麵包羅萬有中西合璧的飲食特色，早上六點就開門了

今晚去咗買燒味加餸，整體唔錯！估唔到有乳豬賣，所以叫咗一份乳豬乳豬皮脆肉嫩，用氣炸鍋翻熱就更好🥰例牌份量ok，兩三個人食啱啱好。乳豬脂肪層唔會太厚另外叫咗一份燒鵝下裝，拎到返屋企都有加熱先食☺️燒鵝味道啱啱好～另外買多一個潛艇第二日當早餐食，係一個豐富嘅早餐！入面有煎蛋、叉燒，用氣炸鍋翻熱食就最正，麵包會有少少脆口感覺整體最推薦都係乳豬，畢竟唔係周圍都有得買乳豬食🥰有機會想燒味加餸嘅話都可以再買返屋企

燒鵝上庄例牌🪿燒鵝皮脆而不膩，色澤金黃，每一片鵝肉都嫩滑多汁，油脂豐富而不過重，完美地鎖住了肉汁鮮美。搭配特製蘸醬，增添了層次感，這道菜不僅能滿足對燒味的渴望，帶來視覺與味覺的雙重享受😌大少潛船🤿這份獨特的三文治由叉燒、煎蛋和芝士組成，層次豐富。叉燒甜美多汁，與煎蛋的香氣和芝士的濃郁相得益彰😋豉油皇中蝦🦐豉油皇中蝦是一道不可錯過的佳餚。蝦肉鮮嫩彈牙，每一口都散發著海洋的清新。精選的豉油醬汁濃郁香醇，完美地滲透到蝦肉中☺️感受到香港茶餐廳獨有的風味。燒味同小菜都幾好食呀，啱晒附近街坊有口福☺️

上個星期要去機場做嘢，做完嘢返屋企已經煮唔切飯唯有去斬啲外賣返屋企啦。入左逸東呢間大少燒味茶餐廳。我左個大少潛艇，份量大到足夠一個人做晚餐（最後留返第二朝早餐），潛艇配料豐富，隔夜食都仲ok。另外，叫左個小菜涼瓜菜圃炒蛋，份量都幾多涼瓜甘苦嘅味道最啱夏天食。最驚喜係燒味，叉燒肉質鬆軟，配返個白飯送飯一流。而且份量都幾多，夠曬兩個人share食。估唔到今次外賣體驗非常唔錯，唔洗做無飯家庭之餘無論係份量定味道都有驚喜。

睇完九龍城寨部戲入咗逸東街市打卡影相🤳順手食埋個便飯先番屋企。鄰近報紙檔出口見到一間黃金色字體的「大少燒味茶餐廳」，櫥窗掛滿燒鴨燒燒雞非常吸引，仲有多款小食、小菜、燒味提供。甫踏進餐廳🍴，恍如回到八九十年代，綠白色懷舊地磚，充滿香港元素的壁畫（啟德機場、珠寶行等）開放式水吧配上直掛餐牌、七彩階磚圓柱、仲設有卡位雅座，餐廳光猛明亮，乾淨衛生。主打明爐燒味自設工場，當然要叫燒味。叉燒：肥瘦適中，半肥瘦叉燒就最好食！外層焦香，充滿焦香的蜜糖，焦香的外皮增添了口感的層次感。內部柔嫩多汁，咬下去的時候不會感到筋道，而是非常柔軟，油光色澤均勻，有一部份帶點肥膏半肥瘦有咬口之餘又非常柔軟。乳豬： 係至愛的芝麻皮而非玻璃皮，用猛火將豬極速燒熟，油脂因高溫而爆開，形成密麻麻氣泡狀，入口鬆化，果然係上品，仲係蘸上適量乳豬醬，增加甜味解一解油膩感，外脆內軟不止，不會過鹹，剛剛好，食到停吾到口。大少潛艇：鬆軟熱辣辣烘烤的潛艇長包，充滿牛油香，再夾上自家製蜜汁半肥瘦叉燒加上半融芝士，溢出的太陽蛋汁，一啖咬落，層次感十足，果然係餐廳必點！啫啫乾蔥滑雞煲：呈上時滋滋聲，鑊氣十足熱辣辣！雞件沾滿雞煲醬，香氣十足，雞件

路過呢間餐廳見佢有專門斬料的地方, 就試下叫左d燒味斬料返去試下. 叉燒食落發現比想像中正. 叉燒我叫左瘦叉. 肥肉比較少. 諗住會硬小小. 點知食落之後肉感好鬆軟. 我食左咁耐叉燒未試過呢隻肉感. 大家可以試試. 其他味道上就同出面差不多. 主要係口感不同.乳豬我覺得就無叉燒咁出眾. 正常嫩口得黎又爽口. 姐係肉質係新鮮既.單論食物質素的話. 係唔錯既. 但今次只試左燒味類既野. 大少潛艇 (40$)見佢招牌就試下. 係一個類似熱狗咁既包. 但入面係蛋同叉燒加芝士. 當然佢叉燒比較出色. 但整體我覺得唔算好夾. 燒味既味道配包,味道上有d怪怪地既感覺. 叉燒主要係油感比較重.包同芝士同蛋都係偏乾, 要加返小小濕滑既食物落去, 整體口感就唔會太乾.

因臨時工作關係，食左一星期，有以下差評！1）阿姐無禮貌，掛住同熟客吹水，見到你嗌寫單，都扮傻2）11am頭，當時餐廳唔太多人，Request卡位，呢度唔俾果度唔俾座，我地2個客已經in左入鋪，感覺極差只留枱俾熟客，或4～6個果D地盤佬3）餐牌明明寫住：食午餐送咖啡及湯但當你叫左午餐，阿姐會話2選1，但你一望4周圍，好多人都有湯，又有凍飲，問返隔離枱，佢話係熟客專利咁我覺得，廚房野食唔差，但樓面全部都唔係好態度，好似入來食野要求你地咁逸東咁多餐廳，我就永遠唔食你呢間，亦會4圍同人講呢間係垃圾服務，無冷氣，又迫為咩要食個Lunch受你氣？你慢慢做地盤佬客啦好多地盤就快起貨，睇你到時有無街坊幫襯 😌

東涌逸東大少燒味，晚飯叫咗個豆付火腩煲，無一件係食得的火腩！同老闆娘講，佢話"你未食就換俾你"！一句抱歉都無！喂，我唔食點知咁不堪，唯一一嚿似火腩的都好似滿佈淋巴咁，其它都係乾柴，除咗無味豆付無一件食得！無下次！

呢间东涌逸东邨既大少燒味茶歺廳啲燒鹅只有肉没有皮的，重点是啲员工话係正常现像，態度超差（就好似话食就食，唔食就点其它野食，唔好左住佢做生意）咁既態度仲可以生存咁耐，真利害，唔知啲燒鵝皮是不是给员工收工打包回家宵夜既呢