影片
港铁大埔墟站 A1 出口, 步行约9分钟
继续阅读
营业时间
今日营业
07:00 - 21:30
星期一至日
07:00 - 21:30
以上资料只供参考，请与餐厅确认详情
食家推介
《大少燒味茶餐廳 - 大埔》我同我屋企人每星期日都會例行有個早餐會，唔係食魚蛋粉，就一定會過黎大少食燒鵝瀨，呢個習慣都維持左好多年，所以大少算係我屋企人既其一食堂🤓前幾日屋企招待客人，屋企人叫我斬料返屋企，我就梗係去返飯堂買燒味啦，除咗燒味之外，其實呢度仲有多士俾你揀，晚市仲會有臘味飯添，天氣凍冰冰就最適合💁🏻♀️大少潛艇 $40呢度雖然燒味出名，但係其實佢嘅潛艇都好好食嫁，佢個麵包烘熱咗之後再搽牛油，入面夾咗煎蛋、芝士同埋蜜汁叉燒，熱辣辣嘅話勁好食，芝士同埋蜜汁叉燒嘅味道其實係好夾㗎，我十分推介💪🏻💁🏻♀️燒鵝上庄 $128特登買呢個燒鵝返去屋企整燒鵝瀨食，呢度燒鵝嘅做法係比較脆皮的，個皮會有陣木香味，我屋企人比較鍾意食上庄有骨位嘅部份，一般嚟講比較入味，配返瀨粉就啱晒啦，呢個份量夠晒四個人食，啲燒鵝汁仲可以落埋個瀨粉湯度一齊煮更加濃味💁🏻♀️貴妃雞半隻 $78同樣都係我爹哋鍾意食嘅燒味，佢呢度嘅貴妃雞鹹鹹地好入味，有啲似鹽焗雞嘅感覺，個人覺得用嚟煮雞粥的話非常適合，半隻雞都已經好大份，朋友過到嚟都覺得佢個雞整得好入味同好滑，就算凍咗都好好食💁🏻♀️肥叉燒例牌 $88叉燒就係細佬鍾意嘅嘢，我個人建議一定要叫肥叉燒，因為佢呢一度嘅叉燒普遍比較瘦啲，如果你叫肥啲其實佢都係俾返半肥瘦你🤫所以第一次嚟食的話一定要叫肥叉燒啊🤭有陣時撞啱佢會比爽叉燒你㖭
继续阅读
茶記周街都有，當中亦有專賣燒味嘅茶記大埔都有一間喺廣福道嗰頭，行過見幾多街坊入去幫襯，睇嚟幾有料到咁喎燒味唔一定配飯嘅，原來配潛艇麵包一樣得，呢個隱藏menu，店長唔提大胃真係唔知一打開塊麵包，塊塊叉燒厚切極度色誘，仲有煎蛋同芝士，連包一齊咬，層次合一，肉香、蛋香、芝香三連爆頭先只係頭炮啫，燒味飯點都要食，一食就食兩個最上等嘅餸，就係燒鵝髀同乳豬。乳豬啲皮燒得勁脆薄，豬肉好有層次，唔會得個肥字。燒鵝嘅皮都好香好薄身，肉質激嫩，點醬食更提鮮見到叉燒飯有埋煎蛋，成件事咁黯然銷魂，一定要試吓啦揭開塊蛋，又係塊塊等住你嘅誘人叉燒，肥瘦太完美，加上有靚米襯托，好食到變家燕姐呢間啲嘢食勁大份，驚死你唔飽咁，連菜都成座山咁，菜心又粗身又多，青翠爽口，都唔怕唔夠膳食纖維喇食燒味呢間油物，飲吓檸檬飲品就最解膩呢度竟然，都有無糖可樂配只要篤爛啲檸檬，一樣都係咁好飲頂癮
继续阅读
早幾日難得一家人都放假可以一齊食飯，諗住響屋企整返個海鮮大餐，點知小朋友突然間話想食叉燒飯，加上爸爸都係無肉不歡，咁就斬埋料返屋企，一次過滿足所有願望🔸叉燒(例牌)半肥瘦叉燒，肉質軟腍入味帶微焦燶邊，掛滿蜜汁送飯一絕，小朋友都大讚好好味🔸燒鵝 (例牌)燒鵝真係無得輸，色澤油亮，皮脆肉嫩🔸貴妃雞脾 雞味濃郁，皮薄肉嫩，大大隻雞脾啖啖肉🔸大少潛艇潛艇入面有半肥瘦叉燒、煎蛋同芝士，蜜汁叉燒加上蛋香同芝士鹹香，層次豐富，平時下午茶配埋杯熱奶茶真係超滿足
继续阅读
星期五晚回家吃飯，斬料加餸，於是去到大少燒味茶餐廳。大少潛艇選用品質上乘的叉燒肉，肉質鮮嫩，香氣四溢。加入雞蛋，增加營養和滑嫩口感。融化的芝士增添奶香，令潛艇更加豐富。外層的麵包微微酥脆，讓人一口接一口。叉燒(例牌)經過醃製後燒烤而成，外焦內嫩，香甜可口，肥瘦適中。海蜇燻蹄(例牌) 的海蜇口感脆嫩，清爽可口。燻蹄質感特佳，經過燻製，味道獨特，帶有煙熏香氣。豉油雞非常入味，肉質鮮嫩，表皮光滑。半隻的份量適中，不怕浪費。
继续阅读
今日去大埔探表姐，行過一間叫大少燒味茶餐廳，見到廚窗掛滿燒鵝、燒肉、油雞、白切雞、乳鴿和叉燒等燒味，色澤鮮艷，令人垂涎欲滴，決定斬料請表姐食。叉燒：半肥瘦叉燒，微微燶邊的叉燒食起來微脆鬆化，肉質鮮嫩多汁，蜜味香甜，入口肥而不膩。燒鵝（上庄）：金黃色的鵝皮非常油亮，入口有豐厚的油脂，同時肉質相當軟嫩，配上秘製的醬汁，絕對是美味。大少潛艇好足料，餡料有厚切嘅半肥瘦叉燒 、煎蛋和芝士，咬落啖啖肉，層次極感豐富。
继续阅读
您可能会有兴趣的...