影片
付款方式
以上资料只供参考，请与餐厅确认详情
收到家人電話，話屋企突然多咗幾個親戚上嚟，唔夠餸食，叫我斬料回家。四處隨便逛的時候，發現有一間燒味舖超級多人排隊，絕對要相信街坊的眼光🤩就佢啦‼️✨燒鴨✨叫了半隻但份量不少，不會全是肥膏肥油。一口下去，皮薄且燒得香脆，肉質滑嫩，而且多汁，這樣價錢真的超值。✨豉油雞✨眼見櫥窗外掛着的豉油雞賣相吸引，要了半隻。肥瘦恰當，食落啖啖肉，光滑細嫩，非常不錯。✨燒肉✨我最鍾意就係食燒肉😍皮脆肉厚，啲皮脆卜卜，肉又切得厚身，送啤酒一流。✨叉燒✨半肥瘦叉燒不但厚身，且充滿光澤。賣相吸引，食落不柴，啖啖肉，口感鬆軟且非常入味👍🏻👍🏻。✨大少潛艇✨見到餐廳宣傳，內有半肥瘦叉燒、煎蛋及芝士，買來第日早餐食。食落非常Juicy，感覺非常fusion，為早餐帶來一點小驚喜。想睇更多介紹，馬上Follow我啦😁。#big_big_foodie #big_big_foodie食勻上水 #big_big_foodie食勻香港
继续阅读
公司萬歲買燒味，與幾個同事當午飯吃。平時路過，見到大少燒味門外長期有人排隊，趁機買來試試。在門口望到掛起的燒味賣相都不錯，價錢很親民，比一般燒味店便宜。見到門外餐牌，外賣特價燒味單拼或雙拼飯，送例湯，一律$32，超值！忍不住點多一份燒鴨瀨粉，轉粉麵類要加$6，都係抵！出公司數斬料，當然要買靚的。這裡出名乳豬，例牌$158，份量都多啊！乳豬皮攞到返公司，仍然脆脆地，豬肉一層脂肪一層肉，很嫩滑。味道比一般乳豬淡一點，但公司同事都覺得味道適中，不喜歡太咸。叉燒例牌$80，不會燒得太乾，仍然有肉汁，肉質柔軟，半肥瘦吃著爽口。蜜糖味多，也不咸。燒鵝下庄$128，燒鵝髀真的太香了！咬下燒鵝皮爆出的油脂香，與燒鵝肉的鹵水香一起吃下，味道真的不錯。另外買了一盒白飯，大家食燒味，配飯吃，吃得很香！還有燒鴨瀨粉，和同事share，原來清湯底好好味！像雞湯的清甜呢！瀨粉和燒鴨份量都多，燒鴨肉質結實，有彈性，燒鴨皮都很香口，$38這個價錢，無敵！怪不得這麼多街坊排隊買外賣。特價餐可以加$6配飲品，這杯凍檸茶，在我買外賣熱得渾身是汗時喝，清新舒爽！同事吃完這頓燒味午餐，都覺得性價比很高，雖然味道偏淡，但可以點醬汁調味，而且大家都喜歡少鹽食物更健康。知道有這個特價燒味單、雙拼飯，是全日供應，一定會再光顧。如果下午茶時間，特價餐更加便宜啊！
继续阅读
最近工作關係多左去上水～係附近揾下好野食😋同朋友黎過呢間大少燒味幾次，覺得佢嘅燒味真係特別高質😍斬料返屋企加餸連媽咪都大讚呀🥳＊＊＊＊＊🍗貴妃雞髀飯 $58呢個貴妃雞髀超級嫩滑，口感好好，調味適中、仲醃得好入味，甜甜鹹鹹咁餸飯超正👍🏻🤩🌭大少潛艇 $40呢個潛艇堡都勁推介！佢超級足料，入面有大大件厚切嘅半肥瘦叉燒🐽、煎蛋🍳、同埋芝士🧀咬落啖啖肉，仲送杯飲品添！🪿大少燒鵝 $128 / 下庄🐖大少叉燒 $120 / 斤今次都斬左唔少燒味返屋企加餸😆有呢度最signature嘅燒餓同埋叉燒！佢地嘅肉都係半肥瘦，香得黎唔會肥膩～尤其係叉燒，加埋蜜汁好正架☺️＊＊＊＊＊
继续阅读
這間大少燒味茶餐廳共有三間分店，這次我們來到上水的分店。餐廳員工非常親切有禮，尤其是那位戴眼鏡的男員工。由於我們到達的時間已是晚上7:30，可選擇的燒味不多，本來想吃招牌的大少潛艇和乳豬，但已售罄。幸好，員工非常細心地推薦了幾道適合我們的菜式。叉燒：半肥瘦的叉燒賣相吸引，厚實且充滿光澤。口感鬆軟且非常入味，甜美多汁，帶有濃郁的蜜汁香氣。燒鵝（下庄）：燒鵝皮帶有果木香，皮脆肉嫩，油脂豐富，香氣四溢，口感層次豐富，不用點酸梅醬已經非常美味！燒排骨：外脆內嫩，醬汁濃郁，肉質鮮美，帶有微微的焦香，令人食指大動。這間燒味餐廳不僅價格實惠，而且份量充足且美味，以後一定會繼續光顧。
继续阅读
係深圳辦完事後返黎香港, 路過呢間大少燒味茶餐廳，見到佢門口寫住新推出既套餐都幾特別，加埋呢度既燒味係附近都算出名，於是就決定入去試吓睇下係咪真係咁掂首先試左佢地最新推出既 【大少潛艇套餐 $40】，仲包埋飲品，幾抵食。個潛艇包既餡料幾特別，有半肥瘦既叉燒、煎得岩岩熟既嫩滑蛋，再加埋半溶芝士，咬落去叉燒同芝士融合得好好，叉燒微微帶甜，配埋芝士既鹹香，味道幾有層次，嫩蛋吾會煎得太老，口感岩岩好。整體黎講，呢個潛艇包好有心思，好似香港都未見過咁既組合，值得一試。再試咗 【叉燒紅腸油雞飯加咸蛋 $68】，呢款係我最愛既燒味飯組合。叉燒係偏瘦既，吾會太油膩，味道香甜而不膩，紅腸煙韌，入口彈牙，油雞皮滑而吾會太油，肉質嫩滑，配埋隻咸蛋，鹹味提升左整個燒味飯既味道。總體黎講，呢碟飯味道好豐富，每樣燒味都有自己既特色，吾會食到膩，燒味控絕對吾會失望跟住係 【燒肉燒鵝飯 $63】, 呢碟真係好滿足。燒肉皮脆而吾會太硬，咬落去有層次，肉質吾會乾，保持到肉汁；燒鵝皮係比較香脆既，肉嫩滑但吾會太油膩，配埋飯一齊食，味道同口感都好過癮。如果中意食燒味，呢款真係吾可以錯過，眼見銷量都好好！最後飲埋杯 【檸檬可樂 $10】, 佢係冰底另上既，冰涼透心，檸檬既酸度同可樂既甜味平衡得好好，飲完一口覺得好清新，尤其係食咗燒味之後，有D解膩既感覺，幾舒服。
继续阅读