大尾篤麥師傅 (已結業)

宿醉黃昏爬起身走到老麥處，終於有早餐食﹗略盡棉力自備刀叉，衛生又好用﹗少用塑膠即棄紙碟，竟然忘記帶碟呢。物價騰貴，太和街市$50蚊件牛仔骨、$50蚊件羊扒，不過真係厚厚大大塊只是醃得有點咸。黑椒美國牛仔骨，肥美厚切牛甜味濃，最敝醃得過火有少少咸，不過整體都算美味﹗香草紐西蘭羊扒，微微羶香不過份，瘦肉鬆軟多汁，大大條肥膏油潤閃令令，醃得味道太過濃烈了﹗吃不消。青尖椒，耐心地燒得微焦軟塾，整條咬搭著辣椒籽，爽甜辛辣極刺激。不過味道有少少單調，如果配上豉油或海鹽就更滋味。游水海中蝦，要打醒十二分精神，留意不可以燒過火變得乾爭爭﹗眼見整隻變為實紅色不透明就可以上碟了啊。爽甜彈滑兼多汁，蝦味香濃美味。游水珍寶虎蝦，高昂價錢的食材，用最簡單的烹調方法直接炭燒，連一粒鹽都不用了﹗燒到不再透明便立即開動，再燒就會又乾又韌的啊﹗ 爽彈的蝦肉滴著汁立立令，鮮味霸道而野蠻﹗食完仲想再食呀﹗活花蛤皇，新鮮無得輸﹗懶惰的我用錫紙包著掉入火坑中便坐定定得食，聽到鬼殺咁嘈兼吱吱作響就可以開動了﹗燙著嘴慢慢細味，鮮味脫俗、香氣十足，彈牙的蜆肉搭著咸鮮海水，全天然無添加的味道，使得我不能自拔、欲仙欲死﹗多謝太子爺親自操

嘉年華居然依家禁止帶狗？好巴閉咩，我去探老麥同麥仔好過，更有人情味！強制性迫您食！我地唔太肚餓，只係想燒少少野食，而且好多野我地都唔食架。紮辮大媽話好那忙，唔食都攞住先，轉頭返黎再攞！我地只係想食半打雞翼、豬牛扒各一件、多春魚 4 條，根本唔花您十秒數，依家全部都要掉晒去十分浪費！反而負責開爐、收垃圾位嬸嬸就非常親切有禮，值得一讚！雙叉流又要出動喇﹗轉頭時機成熟先洗出超必殺技三叉流，要一次過幾支叉齊發才能達到最佳營運效益呢﹗香草羊架，過半份都係肥膏，極為油羶強烈，特濃迷迭香可減輕一點點，瘦肉位鬆軟羊甜。燴蕃薯，早就被鍚紙包著，放到火種邊慢烤，熱騰騰打開﹗白煙飄飄，聞得到的蕃薯甜，入口黏粉濕潤，清甜和味放不下來﹗雞中翼，肥美完整，用最大耐性慢烤，金黃焦脆的雞皮，包著滴汁嫩肉，啜得舒暢無得頂﹗豬扒，連骨豬扒格外香甜，肉質鬆化不算乾硬，醃味得宜可口，損骨特別開心愉快。腸仔，不咸不濁不過份，彈彈結實，肉甜多汁靚靚腸。牛丸，不過不失，先實後彈，有牛味兼滴汁。墨魚丸，不粉不假，陣陣鮮墨而且咬得到粒粒墨魚肉呢。魷魚翼，重口味好快滯，爽彈多汁不過不失。黑椒牛柳，當然要耐心燒到幾乎全熟才享用。特濃黑椒惹

復活節假期🐣眨吓眼又過咗一大半，本來好想同朋友仔快閃澳門一轉，去打吓卡、食個buffet就返嚟😎 不過連日嚟經新聞報道見到關口人山人海嘅場面… 咩興趣都冇晒啦😅 唯有轉呔留港消費🤭身為香港人嘅我哋，居然左諗右諗都唔知去邊度好😅 突然醒起好耐冇拎起支 #燒烤叉 喺 #燒烤場 燒嘢食🔥 既然有咗答案，一於坐言起行。只可惜我哋幫襯開嘅 #小欖場 已經無營業，諗住退而求其次轉去 #大欖，點知又fully booked🫣 好彩最終都比我哋喺 #大尾篤 搵到個聚腳地「大尾篤麥師傅燒烤場」。我哋喺 #大埔墟港鐵站 轉乘 #專線小巴20c 直達場地，仲以為好快就可以開爐啦，點知嚟到一樣要等😅 排咗大概半個鐘，終於輪到我哋。燒烤場地方比想像中大，以香港人standard唔算太逼夾🤭 $220（另加$60開爐費）包咗5小時任食BBQ食物同兩罐冇酒精飲品，以假期消費都算係咁。講到食物方面，選擇都唔少，#雞肉腸、#墨魚丸、#紅腸、#豬扒牛扒… 當然唔少得，不過我就覺得最好食嘅喺佢哋嘅 #咖喱魷魚、#雞翼 同 #金沙骨，味道醃製得非常出色🤤 師傅用咁厚肉嘅魷魚身嚟用作燒烤食物，睇嚟都幾肯落本🤤 佢哋選用嘅雞翼

放假成日想遠離下市區，過得特別d ，前排發現大埔麥師傅有$190 任食5個鐘嘅bbq（包2杯飲品，另加$60開爐費），唔駛準備好多野就可以燒烤，真係正！【40幾秒翻一翻】比入場費後，店員會安排開爐，而一開始去攞食物時會先係大大一盤肉，全部都係精選來～海報上會有麥師傅燒烤tips，就係40幾秒翻一翻，夠火喉，試左咁樣燒後，果然燒到d 肉幾滋味！【醃料出色】基本上每樣食物都醃得好入味。個人最鍾意咖哩魷魚🦑，燒幾分鐘就ok，咖哩味辣香惹味，魷魚有嚼勁！另外，仲有大大塊豬扒，攞上手已經覺得有重量，肥瘦適中，肉質幾軟嫩，燒嘅時候仲好搶🔥，包夠火後！燒烤一定唔少得我最鍾意食嘅雞翼，同樣都幾多肉，醃得香口。比較特別，必烤來食嘅仲有脆邊蜜汁叉燒，蜜糖燒過後好香口甜甜地，啖啖滋味。食過安排好嘅食物後，就可以去食物區攞下其他肉類、丸、粟米🌽、燒賣、多春魚等😆😆or encore想食的。【同場加影：小攤位】同場仲有好多小攤位，例如撈金魚、玻璃畫等，可以邊燒邊玩！

天氣不似預期，今日雖然落雨，但無阻我地去BBQ既心情，今日我地去左「大尾篤麥師傅」BBQ。一心以為落雨會冇咩人BBQ，點知超級多人🤣。以到場地非常大，以到除左BBQ之外，仲有夾公仔、攤位遊戲、撈金魚玩，大人小朋友都玩得好開心。以到唔駛$200可以燒足5個鐘，另加開爐費$70，有基本餐具、蜜糖、燒烤網、鉗、手套、紙巾、每人2支飲品，非常方便。一入場已經預先有一盤食物，岩晒選擇困難症既我地，食物入面有腸、芝士腸、紅腸、雞翼、豬扒、牛扒、魷魚、丸類等等，食完可以再去食物區拎，食物區有好多款選擇，而且有人會拎比你，乾淨衛生。好欣賞以到醃左既肉，全部都好入味，唔會過鹹。另外丸類，雞翼類、腸類，最正有埋漢堡扒，全部都好好食。以到仲有炭燒脆皮乳豬（提早2天前預訂）見到有人燒緊，見到都流晒口水！

每次一想燒嘢食就會入大埔, 趁依家天氣仲涼涼地BBQ就最好不過, 係大埔鐵路站轉搭小巴入去, 搭20-30分鐘左右就到, 落左車跟住指示行見到去燒烤場既路入場前要先付款, 要比個人入場費, 可以燒足5小時, 另外有開爐費, 要揀定想自己用燒烤叉燒定另外落網用鉗夾住咁燒 (另外加錢), 我地人少少就揀左用燒烤叉燒, 比完錢職員會比左套叉、餐具手套、一袋方包、廁紙同蜜糖, 同埋每人包兩張飲品券黎換野飲入到去已經有啲人燒緊嘢食, 好彩到左之後先黎落大雨, 我地揀左中後有蓋位置, 唔洗怕比雨淋到濕哂職員見到我揀好位就幫我地開火透爐, 安頓好後就憑收據去食物領取處換左預設左一盤既食物先, 入面有少量雞翼、扒類、丸類等等超開心腸仔係廚師牌雞肉腸, 好耐無食過, 因為依家去第時度燒都已經唔係用依個牌子既腸仔!豬扒牛扒都係厚身, 燒完唔會乾身, 食落幾軟熟, 同雞翼一樣全部肉都醃得好入味, 完全無雪味, 由其係咖哩魷魚, 係我至愛之一, 非常濃郁咖哩味, 燒完夠哂爽口煙刃, 食完要再去拎!另外丸類有我好鍾意食既日式芝士魚豆腐、燒賣、牛丸等等燒到咁上下可以用返原本個紅色食物盤再去拎食物, 種類都幾多,

去大尾篤燒野食一定係揀麥師傅，好簡單，性價比之王！今次星期日黎每位先$200,包兩罐飲品,另外加開爐費，食物任燒可以燒足5個鐘。我地呢日晏晝4點咁上下去到，都好多人燒緊，宜家新個款爐可以放個網係上面，真係岩晒我呢Ｄ懶人，放啲扒上去就岩晒，唔係自己拎住支叉咁耐。佢啲野食選擇算多,有丸類、肉類都有唔同口味,仲有少少蔬菜e.g.粟米、翠玉瓜等。一去到拎第一轉野食會咩都俾你，一個紅色盤裝晒，食晒再出去refill自己想食既野。仲有一袋麵包、蜜糖、紙碟、紙巾、膠叉俾你麥師傅呢到出名食佢既豬扒，好入味，用佢教既放法大火低燒，幾十秒翻一翻，避開油火，真係燒得幾靚，又唔會燶晒，好好食！雞翼都燒得好好，有蒜蓉、麻辣、咖哩、孜然、南乳，我最鐘意係蒜蓉味，燒出黎咬開仲好滑！！肉類豬頸肉都好好食，佢啲肉好新鮮，可能真係多人幫襯Ｄ食物去得好快，食唔到有雪味。丸類我自己就鐘意食燒賣，燒完好彈牙。個場好大，我地walk in 黎都唔怕無位，上次Christmas同朋友去燒野食，佢地揀左大尾篤另一間，真心好後悔，麥師傅好好多！呢到仲有其他野玩，例如係撈金魚、夾公仔機，真係一家大細都岩玩。

啲嘢醃到勁鹹 大部份嘢飲要加錢 食物款式又少 金菇要$20一包 仲要收$200位同開爐費$60，同區嘅大把好食過佢 好就好在地方大一定有位 要食嘅話，you諗you啦 劣劣劣

麥師傅燒烤位於大美督，$200任食五個鐘，啱晒我地呢班食肉獸。食物種類算幾多，包括豬扒牛扒，雞扒雞翼，牛丸，芝士腸，廚師腸，魷魚，粟米，魚蛋等等，肉類都醃得好入味，麥師傅仲有提供佢獨門嘅燒烤技巧，我哋跟住黎燒真係特別好食啲，咖喱魷魚用大火燒三分鐘岩岩好一啲都un!場地都好大，可以選擇網燒或者叉燒，我哋就揀咗用網燒非常方便😃如果有興趣仲可以早兩日訂定燒乳豬，人手即燒，睇落非常風味😋隔離仲有啲小嘅攤檔遊戲啱晒一家大細嚟🥳

疫情關係，對上一次去燒烤已經係幾年前，疫情完結，係時候搵埋班老友一齊出黎聚一聚。我地成班老友都係步兵一族，買一大堆工具同食物去街場燒實在係好唔方便，有朋友推薦去麥師傅燒烤場，帶人帶錢就可以燒足5個鐘，成班fd都舉腳贊成。去麥師傅燒烤場交通都算方便，大埔墟火車站站有小巴直達，我地一行7人，2點黎到燒烤場，一燒燒到7點，食足兩餐咁滯一人都係200蚊，每人仲跟兩張飲品劵可以換兩支飲品，十分抵食。環境方面，個場都幾大，我地兩點黎到，唔需要等位，有瓦遮頭，唔怕落雨，通風亦好好，有小朋友遊樂設施，有小攤位，有玩具小賣部，厠所清潔良好。食物方面，我地成班食肉獸，個個都想快啲有得食，所以揀左網燒，快啲有得食，呢度肉類齊全，雞，牛，豬，多春魚，魷魚都有，仲有一好多丸腸，菜方面亦有粟米，翠肉瓜等等。食材新鮮，肉類醃得幾好味。最推薦咖喱魷魚，雞翼同豬扒，網燒粟米都好好味。不過燒魷魚燒太耐會靭，最多三分鐘，燒肉類要避開油光否則會燶，呢啲秘訣都係麥師傅教！

剛剛的週未去了大埔踩單車一路踩到大尾篤，踩到攰了可以在任食燒烤場麥師傅燒烤。下午來到，但已經有不少人在燒烤了，但場地太大，不需要特意book。收費$200，任燒5個鐘，再包兩枝飲品。付款後可以揀爐，網式相對方便。燒烤場還提供了蜜糖、方包、餐具、紙巾。當天有工作人員幫手起爐。任食食物包豬扒、牛扒、雞扒、咖哩魷魚、大量醃製雞翼和丸類。扒類相對厚切，雞扒肉嫩多汁。咖哩魷魚爽口彈牙，有濃濃咖哩味。除此之外，場地還提供牛柳粒和金沙骨，十分有驚喜。除了燒烤，燒烤場還提供充氣樂園，有人夾公仔機，又可以撈金魚，好適合一家大細。

天氣咁舒服 終於輪到我去BBQ啦假日下午嚟到大尾篤麥師傅燒烤 人頭湧湧好旺場成人$200/位食足 5小時咩都唔使自備 抵食又抵玩！入場時揀好想要邊一款類型燒烤爐 每個爐包括兩包炭、1卷紙巾、1樽蜜糖、兩個鉗並會派發每位兩張飲品券 憑入場收據先去拎一盆食物 已預設好乜都有啲食完再照拎返個盤出去取食物 會由Staff夾俾你 感覺衛生大路嘅BBQ食物當然都有齊記得以前嚟過 鍾意尼度醃肉嘅味道非常唔錯今次都覺得好好味 保持到水準特別鍾意魷魚🦑 好入味又唔會燒到靭 雞翼同豬頸肉都十分之惹味丸類都係好食嘅丸 仲有台灣腸麵包都可以任拎㗎

難得星期六帶豬女出街，陽光普照但唔太熱，最岩燒野食🍗唔使$200可以任食5個鐘，仲要包2個飲品（可揀汽水或水），仲有燒烤叉、一卷紙巾、一甖蜜糖、一袋麵包。再加幾十蚊就可以開爐燒得勒🔥依個package先安排一盤預設既食物，對我依啲有選擇困難症又想快啲開餐既人就非常適合，省卻好多時間😁個雜綿盒包括咖喱魷魚、金沙骨、雞扒、牛扒、豬扒、廚師腸、雜丸等等……咖喱魷魚咖喱味香、加上蜜糖大甜，魷魚肉蛋，而且味道充滿海洋氣息。牛扒有光澤、肉質唔乾、事前處理、調味很好，黑椒味濃郁。金沙骨叉燒味濃郁，肉你質亂畫，多肉容易食。雞扒肉嫩，冇雪藏味，調味唔錯。雞翼肥嘟嘟，無雪藏味，肉質軟，一邊笑雞油一邊滲出。雜丸都有分高唔高質，依度嘅雜丸質素算高，墨魚丸彈牙有墨魚粒、黑椒牛丸充滿濃郁黑椒味、有嚼勁，芝士腸滋味濃郁。再加添，我哋選擇咗翠玉瓜，粟米、燒賣，多春魚、叉燒、南乳雞翼、辣雞翼、唔辣雞翼、黑椒腸……呢度場地超大，我諗可以容納幾百至1000人都得，而且每台嘅空間亦都好廣闊，唔使驚同一啲陌生人一齊會好近。另外，呢度亦都幼兒同遊樂設施譬如大型嘅跳彈床，撈金魚等等…

而家天氣舒服仲少少涼涼地 吾會太熱真係啱哂去”燒雞翼 我鐘意食😋” BBQ啱哂大人細路 燒下野食吹下水呢度仲有各類小攤位同夾公仔機可以自費俾小朋友開心下記得細細個已經有去過麥師傅燒烤佢都有返咁上下年紀🤣鐘意麥師傅嘅原因好簡單 我懶🤣我又為食麥師傅除左係任食 鐘意食乜就叫師傅執俾你完全唔使自己捧餐死最正係連爐都幫你開埋你真係帶個人去就得野食方面真心唔差 種類都幾多要丸有丸 要扒有扒 要肉有肉連雞翼都有四種調味本人大推佢地嘅大熱咖喱魷魚🦑燒完都完全吾韌 爽口得黎又入味仲有豬頸肉都好甜好嫩雞翼方面最愛蒜香雞翼 👍🏻台灣腸更加唔係度度都有 原來燒台灣腸都唔錯喎😋