大巴黎餐廳 (已結業)

好肚餓好肚餓，經過留下個阿姐不停叫人去，男友便話上去lu~~前面又剛好有三班人去la~~環境︰我覺得都OK，只是暗了點，好似幾舊下~由於無咩人，所以坐了梳化位~食食下無lala多左班食煙客，應該分吸不吸煙區la~~員工︰我覺得態度好好~~應該是老闆個位穿便服，我覺得可以著得好d la~~有個靚仔~食物︰我的是茄汁焗海鮮意粉~ (走芝士)外表好，吃落又不錯la~~好夠汁~男友是白加士雞扒飯~給我一件雞扒仔，好好吃~~我覺得好吃過我個意粉~~我聽到隔離幾位女士，一開始幾不滿個環境~吃完都話食物都唔錯~~總括黎講︰始終少去太子吃，都會試下其他店先~無咩食都會返來吃下，但希望有非吸煙區~~p.s︰我們沒有收加一費la~

星期五晚同兩位朋友行經旺角，係唔知食乜好既情況下，入左呢間「大巴黎餐廳」食，我地三個人都唔係好肚餓，所以只係叫左一個「白汁磨菇雞肉炒意粉」、「夏威夷pizza」及「水牛城雞翼」，三樣嘢只有個意粉好食，另外兩樣都好難食，個pizza酸酸地，個雞翼只係食到茄汁味，而且仲好鹹添。我地食食下有個女店員走嚟問我地d嘢好唔好食叫我地比d意見，佢既態度幾好.不過佢同我地講佢地個pizza係新推出，突然間我地覺得好似做左「白老鼠」咁.

今日去食tea time現場有電視睇一邊電視播有聲鬼片一邊餐廳播歌完全唔岩feel叫左一客肉醬意粉同星洲炒米星洲炒米好細碟成三十蚊一d都唔值味道只可以話還好焗肉醬意粉好差d肉醬係苦的意粉ge味道都好奇怪服務差無問過我地就收左個肉醬雖然我係無食到放左一邊飲緊野但成碟野都無咩郁過問都唔問就收左好過份

去學校補考之後出了旺角覓食本來是想去和民的,可是太多人我們又不想等後來友人說試過這兒不錯,所以就跟她來試試誰知道一上來就已經是我最錯的選擇! 而且是惡夢的開端! 我們入去後沒有兩人位置了,於是負責人給了我們一張十人臺先坐著突如其來的兩杯水在毫無預兆下被人拋了過來,我真的被嚇到了 一個服務態度其差的女侍應口唸唸的說了句不知什麼話就走開了之後我們才想到原來是叫我們想好吃什麼就按電鈴其實這次我們已經很不滿那個女侍應的態度的了,不過我們已經坐下了就無謂走了不久後有客人走了後又給我們轉位了到我們點菜的時候又遇到了這個女侍應,她的態度真的很令人起火一副你喜歡吃就吃不喜歡就罷的樣子辛苦的點完我們的菜後就發覺桌上的污垢是沒有人理會的剛好負責人行過我們就跟他說沒有處理污垢和他員工的態度雖然他之後有道歉, 還說可能她的情緒不太好但我還是覺得身為服務行業是不是應該不要把自己的私人情緒帶到工作上?!而且還在客人身上發洩!!!!我點了忌廉煙肉青口意粉配忌廉湯和芒果特飲先是忌廉湯, 用生粉水開之餘又搞不勻 偏咸最致命的是湯中有蟲!!!!而且是我們兩個人兩碗湯都有蟲!!!發生這些事故當然要告訴負責人,隨後他道歉和給

見佢開係我隔離 成日話新開張 ..... 其實開左好耐我frd 話想試下咁就同frd 放工去食試左佢個泰式炒河粉 我個frd就食個什排2個字 難食 什排成7x 仲衰過d 茶記炒河粉 仲死 ........真係炒河粉 ....... 冇味冇肉 最討厭係 佢地係樓下宣傳 地獄式轟炸 ( 大巴黎餐廳 新開張 3十幾蚊 有餐湯有野飲 )人地點宣傳係人地既事 但係咁樣轟炸d人 真係未食先走仲有霸左半條行人路 佢果隻公仔 阻住晒成條街既人彌敦道已經夠多人 行 !!!!! 咁既質數 o my god 真係唔會再去仲有佢地餐廳唔夠冷氣

之前見樓下個哥哥仔宣傳得咁落力, 於是上星期六就上左去試. 好後悔無上openrice睇左食評就衝上去. 呢間最大問題就係d service, 我睇晒之前d post, 10個有8個都係話d waiter/ waitress. 去完, 完全有同感.首先落單又唔寫, 又唔係好記性, 結果當然係漏單. 叫左個晚餐B, 餐湯叫極都唔黎, 好啦, 再叫, 佢明明應左, 都係拎左俾另一枱客先. 個飯又係咁.. 叫極佢都係唔彩你. 同埋問佢野, 都係唔會出聲應你. 另外, 有一個頭髮披面既女待應, 隻耳一路唔知聽住乜野, 見佢同人地落單, 個客講完, 除一除個耳塞, 講一句, 乜野話.. 之後塞番個耳塞, 到下一個客人叫, 又係問乜野話, 重覆番o岩o岩個動作. O咀.service差, 野食都係唔見得好. 凍檸茶淡到好似佢湛俾你d凍水有檸檬味一樣咁淡.都係o個句, "無下次"

剪完頭都成十點八... 好肚餓, 下面個哥哥仔又咁落力Sale我地佢話"做乜走得咁快呀? 係咪我嚇親你呀? 唔洗驚喎你停低睇下個menu先啦!"佢咁爆我地又冇乜力行就上左去我都好奇怪以前佢仲係Paris Cafe既時候我上過嚟一次, 宜家佢冇改裝過沿用返Paris Cafe啲野... 咁都冇野既.. 但唔係改個名少少以為人地會上當嘛...? (個LOGO都好似係一樣!)講明佢啲餐唔洗加一我地先上嚟, 最平個個餐$30, then $32, 之後$4X/5X。咁我地兩個女仔叫左$30(魚柳) 同$32(雞柳) share。按枱上既掣响裏面就會有鐘响叫人嚟, 响左十秒倒先有個衣衫不整(唔知係咪就收工所以咁, 都差唔多十一點)帶黑色膠框既男仔出嚟, 仲要一出嚟就木面坐响梳化邊問我地要乜... (冇野呀?) 咁佢下面寫住有幾款汁, 咁我話要咩汁時佢話 "我地啲飯都係有佢地本身既汁" (咁你又寫出嚟?) 我地湯要一紅一白, 佢 "我地今日得白湯"............................................................................

唉...尋晚食完d間大巴黎，簡直係垃圾！我同老公本來搵梗食咩好，跟住見大巴黎樓下個女仔嗌得好落力，跟住就上左去食喇！點知...個飯超難食，仲有勁細個飯！d待應叫極都唔應人最後等左十五分鐘先落單d位好迫，座得好唔舒服我叫左個雞飯...唔知點解係甜既d汁總之成個配搭都好奇怪個白湯仲要無料又無味既..好可怕就算下次免費請我食，我都唔會再去...

果日同女朋友行旺角太子, 諗住搵野食, 點知行到去始創對外就有個人走埋黎sale我地, 以下為佢既內容節錄:"一睇你地咁有夫妻相, 就應該黎試下我地既野食啦, 特別係我地師父用心泡製既牛扒, 一切開就有妙手回春既感覺, 當年既初戀感覺即刻返晒黎....."如果你剩係想笑下又唔想比錢睇笑片既話, 可以考慮下去果度撞下佢, 包你笑餐飽=.=因為度度都試過既關係, 結果就上左去食....惡夢就此開始....一上到去竟然想搵個waiter帶位都無...結果要自己搵位...真係去大排檔d service都好過佢...其實果度既裝修都ok既...有大既水晶吊燈都幾靚....不過D位就真係好迫...想伸下腳都難...坐到埋位諗住叫野食啦...點知連menu都無...個waiter唔知係咪真係咁忙...叫極都唔應...見佢台上面有個類似沙嗲王果d按個制就有人過黎既牌就試下按啦....點知按極都無waiter應...真係好懷疑個牌係咪用黎裝飾嫁....D刀叉洗得唔乾淨...仲有D橙色既野痴係上面....想叫個waiter換隻新既..點知又叫極都無人應...真係唔知佢想點.叫左個紅酒繪雞肉飯, 凍奶茶..

我和2位朋友在彌敦道收到他們派的傳單, 而當時我們又不知道去什麼地方吃午餐, 就上去了。入到去, 有人帶我們去玻璃窗邊的座位。(我們當時已很肚餓)1. 因為當時是正午, 陽光照正窗邊的座位, 一半的座位已被陽光照到。女性朋友覺得曬, 她的男朋友叫侍應把窗簾放下, 但那侍應說窗簾是不能放下的 (唔知整來做咩)。朋友繼續說很曬, 那侍應都是說個窗簾放不下, 之後我們都算啦。但當時店內是有其它座位的, 為什麼他不幫我們轉座?!(因為這件事,男性朋友覺得他們的服務有問題,沒有吃飯,只是坐在等我們吃。)2. 我們叫了食物後, 先來了白湯, 味道很一般。我的湯喝完後 (朋友喝了幾口), 和等了不短時間, 就問個餐幾時到, 那侍應說睇下。再等了一會兒, 我們又找另一個侍應問, 但他沒什麼反應...3. 喝湯, 當然要用匙, 但我那個匙羹是洗不乾淨的, 差不多成個匙羹都有橙色已乾的東西黏在上面... (第一次見到這到這種事情)。我叫侍應幫我換, 那侍應也是一聲不出, (他不是應說聲唔好意思之類的說話嗎?)4. 飯到了, 味道也是很一般,說不上好味。平時我不會用紙巾抹匙羹, 但今次都用自己紙巾抹

另類色香味俱全的午餐7月8日(三)中午，一行三人本來興致勃勃往太子吃飯。等了很久才有車,所以時間已經不太充裕。怱忙之下，於街上見到有位很努力推介此餐廳的女士，望一望餐牌，食物及價錢都合適，便急步回頭走上3樓。入了餐廳後，環視四周，只見一兩位侍應生，但並沒有人招呼我們。算了，自己找位置坐下。眼見有人吸煙，難道設立了吸煙區？真奇怪！！政府不是推行了食肆全面禁煙嗎！？細看之下，餐廳內有不下５個「嚴禁吸煙」的告示，但有不下４人手拿著煙！我們大佬眼見情況嚴重，禁不住跟侍應生反映。得出的回應是：「可以睇下有冇位幫你調」，而不是叫食客不要吸煙！好了，入正題，評一評食物。三人共叫了三個餐：1.蜜汁燒骨意粉＋凍檸茶2.豬排飯（燒汁）＋凍鴛鴦3.豬排飯（蒜蓉汁）＋熱奶茶每個餐都跟一個餐湯。蜜汁燒排骨意粉＋凍檸茶蜜汁燒排骨，單看名字會以為類似燒味的樣子。到來後發覺是意料之外的「白」，不是蜜汁叉燒的樣子，都沒甚麼期望，一口吃下去，味道還可以。所謂的蜜汁似乎只是蜜糖！唯一欣賞的是排骨的份量不少，口感也不俗，肉質挺嫩。豬排飯（燒汁）＋凍鴛鴦燒汁沒有燒汁味，「燒煙」味就有，新菜式是「二手煙伴飯」。飯的份量與拳頭相若

第一次去呢間餐廳食野.係樓下見到個MENU有泰式野食.所以試一試,一入去個環境都唔錯,我同朋友一齊揀左梳化位坐,都幾舒服!之後我地叫左2個是日晚餐,一個芝士焗肉醬茄子意粉同一個鐵板豬扒拼饅魚.仲另外叫左一個泰式蝦球金邊粉。先黎一個雜菜湯,飲落辣辣地,但幾好飲!D湯唔會好淡。之後食左個芝士焗肉醬茄子意粉先,第一次食有茄子既肉醬意粉,以為會好奇怪,點知原來係咁好味,有驚喜! 佢D意粉都幾好味,我覺得好香!推介!再黎就食左鐵板豬扒拼饅魚,D豬扒都唔錯,啖啖都係肉,但黑椒汁可以再加多D。最後我覺得最值得推介既就係呢個泰式蝦球金邊粉,佢一食落口有D辣,而且香料味重,蝦球都幾大隻同新鮮!我本人唔食得辣,但都覺得愈食愈好味!值得推介!價錢方面都唔貴,可以接受!其實呢間餐廳D野唔難食呀,冇其他食評寫得咁差。我會再去!但呢間餐廳D侍應生唔係咁好,好似好呆滯咁,.唯一好D既應該係年紀大D個位侍應。我建議佢換一批新既侍應。

好後悔無上黎睇食評就走去食.佢唯一一樣成功既就係吸引街上既人上去幫襯.本人極少因為一張傳單而去光顧一間商店, 不過, 這間餐廳既強勢傳單招數實在令本人及男友招架不住. 上到去後, 實在很後悔. 論裝璜, 就見仁見智. 不過, 本人就十分不喜歡那 抄 "thin angelos" 既設計. 叫了一客海南雞飯, 跟紅湯. (奇怪配搭)紅湯稀, 很辣. 而且感覺很污糟, 求其, 因為有條 菜 "吊" 住係碗邊, (如果收我 餐飯$20 , 我可以接受)飯很硬. 點雞既醬 (類似薑茸既物體) 臭既...男友既肉醬意粉, 也被他評得一文不值. 飯後到洗手間觀摩, 會看得更多.......2 個人 $ 100 都俾多.....

今晚係旺角諗唔到食咩經過佢樓下收到傳單咪諗住試下囉點知一試就瀨野我未出門口已經決定一定要黎開個acct寫下佢唉，點知見到咁多ching既食評先後悔：點解我唔早d上黎呢！佢menu唔平架，$38 - $72一個餐唔係咩貴價野，我地叫左個豬扒飯($38)同西冷扒飯($70！)餐湯係紅湯，好稀，太酸太辣豬扒好快上，算不過不失，d飯好硬，成碟野涷冰冰我個西冷扒等左好耐先黎，黎到又係涷架！邊有可能等咁耐都係涷架 ，我仲以為佢要整所以先咁耐者！個扒好經典，d汁好咸，塊扒好淡好鞋，難食過大記果d多多聲，更加唔好同茶餐廳比啦成個餐最ok咪杯可樂囉我都唔講佢d環境服務啦，淨係d咁既野食都唔見得人啦仲有啊，佢樓下成日話係新開既但係其實間野係度應該好耐架啦而少我年頭都見到希望佢地見到呢d食評會做d野改善下食物好少少就唔會咁低分啦

總結：價錢貴，質素差，份量少，無service成日聽到佢請果D阿姐辛辛苦苦響旺角大街拉客上去食拉到身水身汗，同情下阿姐及嘗試下睇點解佢咁有自信周圍叫人食。上到去就知到已經騎虎難下，晚餐一個茶記豬扒飯38加一，送杯飲品$23以為系咩特色飲品，居然係檸茶檸水之類，我飲過既餐廳最貴都唔過20，你唔系當自己酒店下哇？個飯塊扒骨、膏同筋多過肉，罐頭茄汁撈飯，唔系要比錢我都寧愿唔食。揀完久扒D肉食完碟飯，都完全唔飽。旨意佢醫肚真系浪費金錢。最抵鬧係個加一服務費，有服務咩？成個場得一兩個似侍應既，水都無杯。裝個鐘係度叫狗咁叫OTL。Order落錯個朋友等到我地食完都未有得食。個環境......D冷氣凍到趕客咁，D電視無聲，但D音樂鬼咁嘈。D燈又暗，可能甘樣可以節省D電費同避免D客睇到地下D垃圾同餐具既污跡掛咁既餐廳，良心係邊？憑咩賺我地呢D挨生挨死搵兩餐既刻苦香港人既錢？衷心建議未去過既千祈咪上當。