大師傅粥品 (已結業)

近排又韓燒又石燒，咳咳地，今朝要清清地食下粥了🙈，樓下唯一一間粥店《大師傅》，別無他算😑來碗碎牛粥加鹹肉粽，碎牛既炸米唔算多，可能這樣，食落好似同傳統粥店的味道有點距離，每次叫鹹肉粽重點都是為左食咸蛋，可惜這裡的咸蛋小到有點難找🤣

星期六懶得出街買嘢食。就叫咗外賣。諗住嚟緊幾日都食得好豐富，所以就想食清啲。揀嚟揀去，最後揀咗依家大師傅粥品。佢價錢全部都幾抵 20幾蚊就有交易。豬紅皮蛋粥超多皮蛋，雖然佢話加$4只係得半隻，但我睇過發現入邊一定唔止得半隻。另外豬紅都有好多。個粥底都唔錯，幾錦滑！之前叫過海皇粥店外賣，佢個外賣兜嘅份量勁細兜又貴。相比之下大師傅真係好食又平。豉油王炒麵公炒麵只係$15，但係勁大盒。而且查得幾香又唔太鹹！

唔會有下次再幫襯，比錯貨品唔係問題問題係係電話裡態度差勁我叫碎牛粥、齋腸返到公司先發覺兩樣都比錯我請問稷同腸粉似嗎？唔似跟手打電話問會唔會可以送過嚟佢話無人手叫我自己去攞（火都嚟）我返左公司就唔可以再出街佢堅持叫我得閒先去攞咁嘅態度d野再好食都唔會再幫襯

算是平靚正的連鎖粥店粥夠綿，見唔到米粒，是很喜歡既港式粥底生滾北菇滑雞粥+生菜粟米- 北菇滑雞料有埋薑絲，所以令整碗粥更香- 但菇同雞不算多，雞不算大件或多肉，無乜雞味☹️- 生菜粟米鮮甜👍🏻炸兩- 腸粉皮薄👍🏻不錯- 油炸鬼部分挺脆，食下去不油，而且感覺不太熱氣🤩沒有翻炸味

週日難得早起，心血來潮想吃油條白粥。戶戶送有粥品供應的，都是粥麵連鎖。選了大師傅粥品，聽說出品也算穩定，難得的是價格不貴，早餐才不過100元已是十分豐盛。碎牛粥($20)粥底頗綿滑，米粉肉碎分量多，可自選加入配料，加入皮蛋後口感較為豐富。生滾豬潤粥($39)粥底較為綿滑，同樣可加入自選配料，加入蠔豉多了咸香，足料鮮甜。油條($12)是粥品恩物，新鮮炸起脆度十足，好吃！韭黃鮮蝦腸粉($22)，尚算滑溜但較為厚身，大隻鮮蝦屬雪藏貨色，口感還不錯，但幾乎感覺不到韭黃的存在。/分量大得驚人，足足是堂食的幾倍，光吃炒麵也就飽了。炒得香口，並非行貨。大師傅粥品雖是連鎖品牌，難得水準穩定價格親民，可以再試。

算是連鎖粥店有誠意既一間，平時都會用外賣app 叫呢間粥店，今次就專誠堂食。朝早九點幾到店，唔算多人，我地都輕易有位坐。環境光猛但算不上係乾淨，張menu 係痴立立既....... 不過價錢又真係平既。我地叫左一碗黃沙豬潤粥先廿幾蚊，有成五塊豬潤仲要大大塊又勁厚，覺得滿足。另外仲叫左齋腸，正常發揮同埋炸兩腸粉我最鐘意呢個，因為條油炸鬼仲係脆架

屯門良景店 前2天中午去食野 餐牌很久沒清潔拿上手很粘的感覺 店員都好像在家一樣厨房有人唱歌攪氣氛 樓面店員都忘了自己做服務業遠距離幫客人落單 其中一個比較肥的店員最沒禮貌我看到一個老人要下單 距離2米以上大聲問要咩 客人拿著餐牌背著沒看到店員不走近 那店員才邊行近邊連續2次大聲地問要點咩 疫情下有工作還不好好做

屯門良景店，今天有位客人，見有個店員拉下口罩於下巴，大聲大聲同廚房師傅傾談，但中間就有一大堆食物，還頻密咳嗽，有食客出言提醒，但被該名不穿制服員工破口大罵，罵後離開店舖，需剩下員工更不理會食客投訴，只剩一位聲稱新來員工理會其他客人。

連鎖粥舖，粥品比一粥麵有誠意。喜歡食這裡的 生菜粟米瘦肉粥。今次都是點了這個粥加上炸兩。友人點了肉丸粥。加起來都只是$59.好抵食！粥比較差的地方是過多味精，炸兩還可以。

第一次光顧，先是價錢吸引我入內，但原來除價錢平外，食物質素都很高，味道好又足料，不似其他店舖比少少料就算，環境舒服整潔，是我食過最滿意的粥店，我會繼續專誠坐幾個站輕鐵光顧。

大師傅粥品呢度地方都幾寬闊， 座位大概40個左右即刻睇下有咩食先， 價錢嚟講唔算太貴可以接受。支裝豆漿油炸鬼鹹肉粽配豉油鹹肉粽人鍾意落糖亦有人鍾意配匙油， 而我你就係後者嘅， 佢呢隻鹹肉粽一邊係有鹹蛋黃嘅， 而精髓當然就係個豉油， 通常最好嘅時候都好好食嘅，但係呢個略嫌遜色咗少少 ，甜度同咸度既配合中，咸度略為重手咗少少。生滾鮮牛肉粥牛肉粥粥底細滑， 食落有綿綿嘅感覺， 由於我唔食蔥嘅所以叫咗走青， 但粥入面會有少少薑絲去僻走腥味， 而牛肉嘅牛肉味並唔重， 值得一讚嘅係佢個油炸鬼， 雖然唔夠熱 ，但食起嚟脆卜卜， 而將油炸鬼點落粥度食， 食起嚟唔會太油又唔會好厭。埋單65蚊唔需要加一， 價錢都算合理實惠。

屯門良景邨商場地下以前食上海野嘅餐廳已經結業，原位搬來左一間大師傅粥店，佢哋圍板裝修左好幾個月，終於都開張啦，喺良景邨雖然都有粥食，但就剩係得呢一間主打食粥。我哋一行三人試咗三款粥，包括全店最貴嘅北菇鮑片滑雞粥，豬膶豬心粥，碎牛粥，仲試左炸兩添！我覺得呢度嘅粥底嘅味道都唔錯，但係就冇一粒粒嘅米粥，唔知佢呢度係用米煮成粥，定係開粥糊嘅呢！我個人好鍾意食呢度嘅飽片粥，覺得好清甜。而呢度嘅豬心就比較硬，好難咬。豬膶比好多一啲都唔吝嗇，而且質感都唔錯！至於碎牛粥正正常常啦！順帶一提，呢度缺冷氣好充足，記得一定要帶件褸嚟食粥喇～～～北菇飽片滑雞粥：碎牛粥：豬膶豬心粥：炸兩：

今日下午行過呢頭，首次走入去呢間粥店食碗粥，見有位四眼恤衫西褲男經理好有禮貌，臨走都同你講多謝，見佢好留心呀姐做嘢，寫嘢呀姐好似有啲緊張，我食完隔兩個鐘行過己唔見位經，估緊佢今日係咪嚟巡舖叫咗1) 碎牛粥: 好足料，粥又綿，食完都唔覺口喝2) 咸肉糉: 熱，有綠豆香，咸肉佔好少，都幾好食3) 炸兩 : 下午食仲脆呢度啲位夠濶，坐得舒服，嘢食又平，呢嘢出嚟都夠熱！無乜特別！ 呢頭粥舖少，食下咯！冬菇亭粥舖差不多绝跡，果啲味道食唔番。

呢日做完運動，夜媽媽想食清淡d，原來有新野，仲要開到零晨一兩點，正呀，宵夜可以有多一個選擇啦！睇睇餐牌，價錢幾平民，最後點了碎牛粥，炸兩腸粉，煎堆。夜晚10點幾，餐廳內都好多人，但估唔到又好快，落完單5分鐘內就已經上齊所有食物。炸兩腸粉，好大份，腸粉好滑，又唔會好粉好厚咁，入面油炸鬼仲好脆，唔會好似有d餐廳咁已經放到淋哂，熱辣辣好新鮮仲好好味！煎堆佢會幫你剪好先放上碟，都仲係熱辣辣既，呢樣真係值得讚碎牛肉粥都算係份量正常，唔算細碗，牛肉仲生生地既，但攪勻之後就已經熟透，味道偏淡，應該係比你自己落鹽自己調味，不過我就覺得清清地都幾好味，所以冇加鹽。粥底都好綿，同埋都係熱辣辣既。平民價錢食到中高質素既野，可以再encore !

第一次叫外賣後，回家卻發現所有粥的附加配料都全部沒有，同時也少了一份炒麵。結果要大熱天時再一次到店面拿回所有欠漏的食物。今次第二次叫外賣，諗住之前新開有所甩漏人之常情。今次只是一個人食，只點了菜乾豬骨粥和炸両，但都出事！今次竟然加料！係原隻「烏蠅」！！！我無言了！！見到真係好反胃，幾好食都冇用啦。希望他們的管理層能夠正視一下。雖然只是平民粥品店，但衛生是基本常識，也是十分重要。相信暫時都不會再光顧。