大師傅粥品 (TKO Gateway西翼)

营业中

休息中

通常一個月都會有一兩日想食粥，比較清淡，想清腸胃。 大師傅粥品係我既不二之選。 一黎佢粥款式多樣化，第二就是價錢不太貴。 最重要的是，粥都幾大碗。今次我點了一個「鮮鯇魚腩粥」，再另外加配「生菜栗米」，變相有少少菜；增加食物纖維可幫助腸道健康。另外值得一提係加配配料方面，的確好多選擇，可以令碗粥材料更加豐富，多配搭。 魚腩份量都合乎期望，而且味道亦鮮甜。另外，我亦追加了油器-油炸鬼。 油炸鬼賣相非常誘人，金黃而且口感香脆，我好喜歡它既油味。

今次光顧的這間粥店是位於 將軍澳區， 坑口站大概五分鐘路程左右。這間店的格局和一般的老牌粥店沒有分別， 賣的粥的種類也是差不多。是次我點了一碗及第粥， 裏面的料都是豬的內臟， 例如豬肚，豬腸和豬潤。 這些豬的內臟也算 新鮮， 吃不到雪藏味， 豬潤有點 鮮甜的味道。至於 粥底， 這裏煲得還是不錯， 粥的質感很軟綿綿， 而且很香滑， 但就吃得出有味精。生滾粥大約三十元一碗， 搭配一支豆漿， 結帳大約四十元正，但這 比起其他食店 算是經濟。

晏晝食完譚仔夜晚想清淡啲就去大師傅買外賣食一個白粥一碟齋腸白粥都算好面啦 佢個齋腸越嚟越唔好食以前食落真係比較有口感而家好似街外人買嗰啲咁下次都係去返美食廣場入邊嗰度嗰間

叫了蔥花炸兩，等到粥已吃了一半才送到，別以為是即叫即製才須要等那麼久，其實油炸鬼是軟身的，腸粉是凍的，豉油倒是新鮮淋上去的，與剛開張時的品質已差太遠了。不過員工的質素則一直保持著⋯⋯咁差。

粥底普通，收銀西口西面、態度奇差，無下次.........宜多作改善。 也可能只是將軍澳店的問題，觀塘質素正常..........................

今日晚餐諗唔到食乜最後決定買碗粥返屋企食皮蛋瘦肉粥加買齋腸 同店員講我淨係要豉油佢都會畀晒所有醬我 真係浪費碗粥普普通通啦 但本人覺得已經好食過海皇粥店好多腸粉就覺得真係唔錯

11月1日咁開心的一個新的一個月開始嘅日子，沒唸過被呢間食肆破壞晒。個個戴眼鏡的服務員一副幾八倍，幾汆嘅鬼樣，問一句嘢即刻唔耐煩，要杯水又扮聽唔見……真係渣！再都唔會去呢種類型的店舖食嘢。

今日同呀女去將軍澳單車館玩，去之前黎左坑口搵野食😋😋一出地鐵站a出口，過對面馬路，就已經見到呢間粥鋪既招牌。唯求方便，諗都唔諗就入左去食了🤤🤤間鋪頭望落去唔算細，但坐位就非常之迫，一張枱雖然有4張椅子，但其實根本無可能坐到4個人😧😧，一坐低，後面果張椅子已經會頂住🤦🏿‍♀️🤦🏿‍♀️我叫左一碗生滾牛肉粥，同埋炸兩腸炸兩黎到基本上已經唔脆，而且腸粉皮太厚牛肉生滾粥，成碗粥都係味精味，一d白粥味都無，但牛肉都算新鮮。

今日一大早就起左身添 既然甘早起咗身就出去食嘢啦 早餐要食得清淡少少 喺坑口呢邊的粥店又五多 最後揀咗呢間新開五耐的 “大師傅 ” 一大家大細一齊入去食啦 叉燒腸粉 $17 對比起出面既腸粉黎講，呢間既腸粉蒸得就五算好滑架啦 普普通通啦 🤣艇仔粥 $24 粥底應該都煲左好耐下 食落都幾綿架 ！！ 入面仲有魷魚絲，豬皮，牛肉碎 .....等 一齊食好多料呀 炒米粉 $13 呢個米粉炒得有啲太乾啦 岀到黎仲要五熱既 凍既 炸兩腸粉 $18 好耐冇食啦 😋 次次食粥都必點 呢個炸兩配埋粥一齊食一啲都五油架 ！！

星期日早上食早餐，唔想去飲茶，但又想食中式早餐，於是就黎依間粥品食粥。雖然係大熱天時，但係我都係幾鍾意食粥，而依間粥舖既生滾粥真係幾正，熱辣辣，粥煲到好綿，而且又好大碗，無咩味精，感覺好真材實料。我同我屋企人就各叫一個粥我叫左生滾雞粥我屋企人就無叫生滾粥，就咁叫左魚片粥﹐咁就平小小另外加多個蒽花炸兩埋單一人四十蚊，其實成日早餐都係飲茶或者食快餐店，我覺得間唔中食下粥都唔錯，而且依間粥店我覺得物超所值。

夏日除左想瞓覺之外，連帶胃口都無埋，正好吃碗粥就去陰補陽，行過東港城商場地下有間叫大師傅粥店，門口巳經大大隻字另外重有大大張餐牌貼在門外呢間店環境舒適，座位闊落，餐牌好多粥款選擇叫左碗窩旦免治牛肉粥加豬紅和魚片腸，粥底火喉夠不稀，料亦夠份量，再配埋魚片腸就絕配下次可以試多幾款

對我黎講 食粥 係好花時間ge事， 如果無時間 我係唔會叫今晚 因為有人生病了 要食粥 ,他們話 大師傅 幾ok,.可以叫我一試去到門口 有menu,.都幾多選擇可能weekend多人 同埋我order6樣野所以 等差不多20 mins拿到回家豬潤魚片粥豬潤愛好者 一定要order因為 唔鞋口 又厚切 爽脆雖然係雙併粥 但都有5 -6 片相反 魚片就有d碎同都多碎骨同埋個粥都有好多薑絲去辟味第二個推薦 就係 炸兩皮好夠薄 d油炸鬼 都無油溢味正！至於炒米 炒得夠爽身炒麵 同鹹肉糭 就 無太大特別

六點鐘入面坐左兩枱，入到去坐低點餐，三個樓面掛住傾計，叫左三次唔該都唔寫，寫野態度就催你咁，“跟住呢？！”好似你阻住佢咁叫左及第粥，窩蛋鮮牛粥，炸兩，叉燒腸，野食黎到，兩碟腸都係凍嘅，炸兩個油炸鬼淋哂，擺到明擺左好耐，所以叫佢加熱，佢好唔情願咁叫廚房加熱“X姐！整番熱佢喎！”最後出黎熱左，但上菜時就好唔愉快。因為我朋友覺得熱所以開左風扇仔用放響枱面，姐姐攞到過黎，大大聲鬧我朋友“你咁樣咪整到凍哂囉！”其實風扇淨係吹我朋友，張枱咁大你擺碟腸粉響個風扇後面咪得囉，做咩要鬧我朋友及第粥不過不失，但窩蛋鮮牛就出事，入面有隻烏蠅仔明知窩蛋係生嘅要衛生啲，但都可以咁真係食到一肚氣野食已經唔係好，再加服務差衛生差，以後唔會幫襯

剛剛去外賣一盒葱花腸粉（只係一盒），等咗差唔多20分鐘，我叫佢幫我跟跟，仲黑口黑面同我講，話腸粉係要等架喇！到25分我已經一肚氣，再問要等到幾時，個員工仲叫我唔等可以退錢，當唐火都嚟埋，即刻同佢理論，其他人聽倒都話有冇搞錯，等咁耐你先叫我退錢？佢哋跟本就唔夠人手，d外賣做起，放晒響度都冇人理，你一早同我講你哋做唔切，我咪唔買囉！我知你哋坑口都不多係獨市，唔休做，但係咁嘅服務態度，遲早趕走晒d客，我亦唔會再幫襯！😡😡😡😡😡😡😡😡😡😡😡😡😡

今朝諗住去食粥所以諗住來呢間舖頭試下食，點知呀姐既態度極惡劣囉，入到去等左超耐都沒人來執啦，好啦最終等到呀姐執台兼落單，後尾發現張單錯左 ，叫姐改返單，呀姐超沒禮貌仲要兇人囉，最後尾沒食到就走，睇住我地走，唔好意思都沒句。