大師傅粥品 (TKO Gateway西翼)

营业中

休息中

尋晚朋友唔係太舒服，所以搵粥食。呢間野食左幾次，貪佢價錢相宜質素ok(只限食物),生滾粥都係$28,抵食 不過自從尋日之後，我一定打死都唔再去呢間分店尋晚叫左豬潤粥，白粥同齋腸，我一般都會食左粥先，俾d 豬潤浸多陣，因為通常d 豬潤都差少少先熟晒。點知食左1/3, d 粥都冇熱氣既時候開始食豬潤，見到d 豬潤仲留緊血於是同店員講，佢話唔可以取消，因為我食左咁多，我話轉第二樣，佢話唔轉得，我問點解，佢話佢會將我食緊呢碗放返落去煮喎嚇死我，我即刻再問："你倒返我呢碗落去煮？", 佢話："係！", 於是我就等佢煮返啦，點知佢真係俾返我個碗我(我認得我嚿豬潤，形狀好怪，仲俾我咬左少少). 我真係唔敢再食，即刻走人。講真，我唔係要呃你碗粥囉，但唔熟既，你有冇可能將客人食過既野倒返落去煮呢？我真係唔想諗我自己食左幾多人口水，因為我唔相信生滾粥個煲仔會每次洗囉坑口粥店唔多，好彩開左間海皇。。。唔係都唔知以後去邊度搵粥食好我真係好服務個度既服務員，好彩我冇能力做佢老細。後話：走既時候見到有投訴熱線，即刻打，何生叫我下次落去請返我食，我即刻話唔駛客氣。(真係請我都唔再食)

一直都好想食大師傅粥店的粥，今晚阿媽冇煮飯，就去試吓啦！我叫咗碗菜乾豬骨粥和炸兩腸粉，菜乾豬骨粥的粥底勁棉，好多菜乾，仲有蠔豉和豬骨，啲菜乾和啲粥溶為一體勁好食。炸兩腸粉都係勁好味，枱面有甜醬，芝麻醬，辣醬和芝麻，可以自己落，腸粉好軟滑，油炸鬼仲係脆脆地，真係超級好食。菜乾豬骨粥大大碗都係23元，炸兩腸粉係17元，食完都好飽，真係好食又抵食。因為是新開張冇幾耐，所有環境都幾靚，坐得都好舒服，同埋收好夜，夜晚想食粥，必食之選

大師傅的確好抵食，之前食過豬潤、生腸生滾粥都好正，今次試咗生滾牛肉粥同艇仔粥。艇仔粥堅係好足料，而牛肉粥上嘅時候都仲滾緊，只係牛肉份量少咗啲，兩者嘅粥底都係滑嘅。而炸兩都值得一推，腸粉未至於入口即溶，都係連埋油炸鬼都係算新先。星期六晚去食，入場嘅時候人都唔多，即刻有位，等嘢食都好快，唔係生滾粥都係點完就上。唯一特別嘅係服務嘅姐姐們，其實都係想落單，但係見到你舉手就行開嗰種，仲見到隔離枱上錯咗個粥，服務嘅姐姐們又好大聲咁講「嗱！我係倒咗佢㗎！」，可能怕人哋誤會佢哋拎返入廚房再俾其他客。

將軍澳區內仿佛沒什麼粥品店即使有..大多都是大集團連鎖式的..突然想吃粥..想起這店..就來試試和老公一樣點了生滾粥我點的是黃沙豬膶粥老公選北菇鮑片滑雞粥另加炸兩！炸兩，份量適中如油炸鬼更脆會更好吃！但至少不會太硬太乾或過油過稔腸粉皮算薄算是做得不錯～醬油的味道恰到好處..不會太鹹黃沙豬膶粥，豬膶份量又多又大塊豬膶煮得過熟，質感就會變得粗糙而不好吃這裡的豬膶煮得剛剛熟透，口感爽脆嫩滑黃油滿佈粥面！超香！美味！！！北菇鮑片滑雞粥，相對地清淡一點材料份量都多鮑片和北菇亦算大件雞件夠滑粥底味道鮮甜！兩碗粥都煮得夠綿而不稀以區內吃到生滾粥的價錢而言，這裡算是實惠！質素不錯～值得再光顧啊！！

唔知有冇人中意食粥😂😂我自己都幾中意😀今次食呢間大師傅🍴豬紅粥 hkd23 💸佢啲豬紅都好多，比我想像中彈牙，唔會好腥...本身啲粥都有味，幾好喎又生菜栗米瘦肉粥 hkd26 💸完全係我最愛既野撈埋一齊😀病個陣食一流，唔會冇味好似食白粥咁寡，啲栗米好甜，同埋啲瘦肉唔係瘦肉絲，係真係一條條瘦肉😍啖啖都有送，好快食晒一碗～黃沙豬潤粥 hkd28 💸啲豬潤又係超級多仲要勁大塊！唔會好腥同食到一粒粒個啲...超正👍🏿呢個粥店價錢親民又大碗，質素又高，抵食呀！炸兩腸粉 Hkd 17 佢啲小食又係無敵！啲鼓油完全畫龍點睛，油炸鬼炸到脆卜卜，啲腸粉滑溜溜，夾埋好好食！牛肉腸粉 hkd16 💸呢個相對黎講有啲失色，啲牛肉好肉未熟咁..整體俾我既感覺係林Pepe 有啲奇怪。煎堆 hkd9 💸佢會煎堆俾你一塊塊上，食落方便啲！而且仲脆，脆卜卜，甜甜咸咸咁超正😆

話說今日要黎坑口呢頭返工 所以就是但入左間冇食過既餐廳打算食返個豐富既早餐啦😊其實我多數食早餐黎黎去去都係去果幾間連鎖快餐店食既 但係今日就心血來潮想食粥同炸兩😗一入到大師傅 姐姐就叫我坐底問我食咩😂 完全連餐牌都冇機會睇就要落單🙈 不過好彩我想食既艇仔粥同炸兩都係大路野 正常既一間粥店都一定會有既🤣艇仔粥☺️ 好多料😋 比我想像中好食😙 同埋都幾大碗 剩係食粥都應該會飽🙈炸兩😍 大大碟好抵食 仲要好好味👍🏻👍🏻一個人食左呢個非常豐富既早餐 差啲食唔曬呀🤣🤣所以如果兩個人黎 每人一碗粥再share個炸兩就剛剛好啦👍🏻👍🏻

同女朋友第一次食，叫左一個艇仔粥、炸兩、鹹肉糭，食到4份3到，我覆人訊息，放低左d餐具，有個呀姐就行埋嚟用極串嘅態度話:你兩個吾要啦嘛！我呆左一呆，心諗你好趕住收工呀？吾好意思、吾該都無聲，我自己都係做服務業，都明有d客好麻煩，但係吾會連基本禮貌都無囉，嘢食方面徐左炸兩其他不值一提，以後吾會再食，吾會貼錢買難受

今晚突然想食粥，就來大師傳order jor個生滾魚腩粥同炸兩。碗粥超大碗，超足料，一碗粥有3-4件魚腩，超新鮮，沒有味精的味道！👍🏻👍🏻個炸兩腸粉皮夠薄，油條夠脆，加埋少許蔥花十份清新的味道。外賣自取以假期來說是很快，只等了5-10分鐘。這很好的選擇！

話說今日想清清地食下粥, 見到呢間粥品個名以大師傅掛帥. 嘩~ 拜會下大師傅先!!!呢度粥品超過廿款, 有即熟粥同生滾粥類別, 而我個人比較鍾意生滾粥, 因加入咗新鮮食材而增添嘅鮮甜味道. 黃沙豬潤粥 ($28), 豬潤大塊之餘又夠厚, 有咬感, 份量都唔少.   只於粥嘅味道略為有啲淡, 多少少蒽花調下味會更好.呢間腸粉都有唔少選擇, 叉燒腸、牛肉腸食到悶? 呢度有魚片腸、豬潤腸俾你揀.  單單以款式嚟講加分嘅! 至於味道呢? 我就叫咗叉燒腸粉 ($16) 試試啦~ 腸粉夠滑嘅, 但可能叉燒同芫茜等材料唔係好多, 似乎係食到腸粉皮+鼓油嘅味道. 去粥舖叫粽嚟食呢件事, 係因為曾經喺靠得住食過, 佢嘅蛋黃香令我對鹹肉粽完全改觀! 所以今次我都叫咗鹹肉粽 ($16) 試試, 未食之前先拆開睇睇~  err... 材料唔係好多, 睇嚟味道應該淡淡.  擺入口第一啖, 果然不出我所料, 係需要用糖伴嚟食嘅!!  咁當然人地個粽賣貴9蚊10蚊, 如果用同一準則去比又唔公平嘅, 只能說將價就貨啦~說到尾, 3碟食物加埋都係$60, 喺商場嚟講嘅食肆賣咁嘅價錢好難搵㗎啦!

今日第一次幫襯，環境都ok，自己搵位坐價錢都幾平，4個人叫左3碗粥，1個抄麵，6樣小食 都只係143蚊服務態度真係唔多好，d員工都冇乜禮貌，唔優做咁，落單又唔會覆單，而且落少左好多野，但係都有好熱心，落力去做野嘅員工，不過真係得1，2個囉講返d粥先，好足料，又都幾大碗，d料真係幾多架，味道都唔差，艇仔粥都係23蚊個人認為咸肉粽就唔太好食，冇咩料，咸蛋黄就係偏硬，冇味，應該係個d咸蛋餅黎既，肉呢，就全舊都係肥肉，同埋佢d豉油冇乜味牛利酥，煎堆仔，炸两，都幾好食，係熱同 脆口，仲有好耐冇見嘅咸煎餅，不過呢個就麻麻地另外仲有腸粉，不過不失，不過就唔夠滑，但係份量都OK

幫趁過 4次, 印象唔錯嘅粥鋪~ (其中一次病到醒唔起要影相... T^T)之前海皇執咗, 我呢個閒來鍾意食粥嘅人當堂灰掉... 幸好, 開番呢間 仲要夠大碗~雖然粥品質量一般, 但坑口嘅朋友都叫有番間粥店吖~ (btw, 海皇番黎喇就, 佢搬咗去原本嘅對面唧只係~) 粥底無論生滾定就咁, 都係一般咁啦, 都可以話綿嘅都, 係細緻感爭啲啲 唔夠密~但熱辣夠份量, 响需要時就夠好啦~ 呢 4次幫趁有 2次係病到只能食粥, 好在有佢!!! 反而佢嘅油器係真係幾好味嘅!!!新鮮熱辣 keep 住新鮮出爐, 香脆味道唔錯, 大大件得黎唔油呀~ 仲幾抵食添!!! 暫時食過 3樣: 炸兩 (4次都有叫) . 煎堆 (成日都賣曬, 好多人買呢個) 同埋 牛脷 so, 3樣都讚呀! 炸兩仲係次次熱又脆, 大大碟, 好味 好味道~

其實一向都喜歡食粥，就算不是生病了，能吃到一碗熱騰騰的粥都讓人有種窩心溫暖的感覺不過宜家粥舖越來越少，不是隨時隨地都可以搵到粥食啦是日有位兩人尚未病愈，所以決定去食粥。友人介紹了位於坑口站對面的大師傅粥品。中午差不多一點到，全店都滿座，幸好剛好有一枱要走，不然又要等位。款式還蠻多，有普通粥品，也有生滾粥，生滾粥除了有牛肉，魚腩，豬潤，還有粉腸等等。友人點了生滾牛肉，魚腩，我就點了黃沙豬潤，我們再加一份炸兩。炸兩和粥品都很快就上，炸兩一份有3條，份量十足，味道及口感都幾好，但要盡快吃完，涼了就不好吃。粥頗大一碗，粥底不會是稀稀的，如果可以再綿稠些會更好。料也也給得很慷慨，只是豬潤的口感不如想像般，因為不夠厚亦太熟。整體來說，粥品和油器都不錯，食物算清淡不會令人口乾，下次可以再來試試其他食物。

就一個女人坐了四人位，然後有個語氣好差的服務員把她叫了起來。叫她坐別的地方，然後那顧客就站了起來，然後又一服務員叫她不要阻礙什麼的，然後女顧客就發漂了。的確，顧客至上，如此服務質素。真的想不到到這再次進餐的理由。所以感覺餐廳還是正視問題。是次也不是什麼無理要求無理顧客，這樣的服務質素。倒不如去街市吃。食物就十分普通，感覺還好。吃了黃沙豬潤粥加鮮牛肉加半隻咸蛋，炒麵，炸兩，另外艇仔粥和白粥，同行四人。差點忘了說。張台痴癡立立，十分污糟。

以為分店多 應該有質素會好 點知員工態度十分差 叫左15分中都冇人回應 原本叫包片肉丸 來到包片不見了 只得肉丸 問職員會否比錯 點知換來黑面 真系激死 食品質素 一般 有得選擇 可以不去

旅行回來後，由於玩得太開心的緣故，所以搞到自己病左，返來後得知附近開左一間新嘅粥鋪，一於即時去食番碗，調理調理下身子先～星期日(20/11)的下午時間幫襯，人流唔算多，鋪面人手同客嘅比例大概係1：2，或者係樓面啲阿姐太得閒啩，我坐低未夠1分鐘，連個餐牌都未望得曬時，就已經chur我問我食咩！？(不得不讚香港人的效率真高！😂)最後點左個 「生滾粉腸粥，外加碎牛」；但太肚餓啦，所以都係要多碟 炒麵 穩陣啲～哈講番啲食物質素，個生滾粉腸粥，真 係 好 足 料 ！雖然個碗嘅設計令你誤以為好大碗(宜家啲Product Designer收得鋪頭錢就真係有做嘢嘅)，但裡頭嘅份量絕對係對辦嘅 ！味道方面，為左試真個鮮味，乜粉我都無落，呀！好好味呢！而個炒麵就正常口味，無咩comment 啦～！總括嚟講，好慶幸將軍澳又多左間可以 「Eatable」嘅粥鋪啦！！😊😊😊😊