大師傅粥品 (沙角商場)

营业中

休息中

夏日炎炎冇乜胃口，今個午餐在「大師傅」吃豬紅粥和炸兩。豬紅粥點解唔叫豬血粥既？我覺得發明將豬血叫豬紅的人很聰明，皆因小時候的我不知道豬紅是什麼東東，只知道咬落豬紅口感很特別，有點點似無糖大菜糕，所以一吃就喜歡了！話番轉頭如果叫我食豬血，我會產生恐懼感，所以真係唔好改壞名。我的豬紅粥豬紅份量頗多，粥底綿滑，也有頗多薑絲，年紀成長了，對粥品加入薑絲有份欣賞感覺，喜歡豬紅粥味道較清淡，加入薑絲和胡椒粉令味道層次都提升到剛剛好。炸兩很難吃到油炸鬼香脆，今次的炸兩雖然是暖暖的，腸粉爽滑，但味道和口感真的與昔日大排檔，即炸即包腸粉的炸兩有天淵之別。

大熱天時要食粥 都真心要搵間冷氣足的試下大師傅呢度 冷氣足 坐位又唔迫 坐得舒舒服服 又有人流 足夠證明唔會太伏而今次試左個碎牛粥 味道正常唔會太油 有時有些碎牛 太油 個肚會頂唔順 會攪肚痛另外叫左個粉麵味道都係合格 正正常常 唔會太伏當你試過好難食的䜴油王炒麵後 相信你會明我講緊乜 你會發現一個正常的炒麺都係好難得起碼佢的麵唔硬 又唔油另外點菜到上菜都好快 都不失為快食之選價錢方面就一般街坊價啦 搵一搵資料先發現 原來佢仲有分店係其他地方 都估佢唔到

早幾日黎食 食左個粥飽7成 想叫多個炒米粉咁啦 見到佢夾個下就飽左 即刻要打包番屋企食 不過抵食就真既 12蚊黎講其實都叫親民 坐佢對面個阿伯由我坐低到我走佢都仲坐緊 睇佢咁留戀就証明呢間野就真係唔錯既！

本人就真係好喜歡食粥，由細到大都係！成日都有鋪粥癮，但係香港要搵間粥鋪其實都唔係易，要搵間好食既更加唔易！不過大師父係我經常光顧既一間粥店！因為住同返工既附近都有佢既蹤影！今晚一行三人食完個串燒晚餐但又好似唔係好夠喉，所以又黎左大師父，叫左2個粥share生滾豬潤粥，真係次次食都唔會失望！豬潤好鬼新鮮，咬落去真係索索聲！好爽呀！粥底又夠鮮甜！又夠綿皮蛋瘦肉粥其實係我最中意既，不過今次啲瘦肉腌得重手左呀師父！咸到呢！但粥底都係綿！下次要小心啲喇！

-22/11/2017呢幾日天氣開始轉涼 就好想食碗熱騰騰既粥暖下個胃同個身想搵返間平啲既食粥又唔想係新城市個度食咁貴所以就來左呢間啦比個餐單大家睇下🤗第一次食 可能11點30個陣仲好早 所以都唔洗等位張張枱都係得一個人🤣🤣叫左個生菜粟米粥$20 加窩蛋$4最正係整穿蛋黃個一下然後佢慢慢咁熟左好治癒呀🤤🤤🤥🤥--生菜同粟米都幾多下 粥都幾綿 自己再加返啲芝麻 而個粥都唔係好salty可以接受到！食到底都好足料最後食完埋單🤣🤧

去到沙角商場想吃點清淡的、見大師傅幾多街坊食就入去一試。粥品類有唔少選擇、有普通皮蛋瘦肉、碎牛、粟米、鯇魚片粥、價錢大概$10-2x、相當親民。另外亦有黃沙豬膶、滑雞、豬肚粉腸等生滾粥。艇仔粥 $20 有好多料、粥底夠綿、不過免治肉略嫌少許生、要多泡一會才可吃。很多人叫炒麵$10 和炸両$16、賣相唔錯亦好大碟。因為唔想食熱氣野、要了蝦米腸粉$14，腸粉皮幾滑、裡面有好多䓤花蝦米、幾抵食。雖說不上是高質素粥品、但服務員態度有善、粥品價格親民、感受到屋邨獨有的人情味。

有35年歷史的沙角邨商場在領展的大刀闊斧下全面翻新，令消費更上一層樓。過完新年腸胃都要休息吓，在沙角邨商場的大師傅吃碗鯪魚球粥當午餐，店鋪座位排得都很密麻麻，坐在座位還可以看到廚師在烹調工作。$27鯪魚球粥粥底很綿滑，七顆鯪魚球都鮮味爽滑，配埋薑絲、古月粉，的確很美味，中型碗份量都差不多了！吃完碗鯪魚球粥，想飲杯清水，問侍應亞姐就送上，幸好不是熱水，服務尚可！如果有機會順路經過，都會試試「大師傅」生滾粥。

今天天氣寒冷而且不幸生病了所以我去了這間粥店吃粥我點了餐單中最合我心意的是生滾豬肚粥也叫了炒米粉增加飽肚的感覺飲品則沒有附送這碗生滾豬肚粥的調味方式與其他粥店不同粥內有2粒大頭葱亦有配上蔥花不過味道不太突出最重要的是材料充足7-8塊豬肚的味道不差尚算滿意炒米粉則比較失色米粉比較乾身而較少彈性葱絲、紅蘿蔔絲和生菜絲沒有太大作用食物亦因天氣問題較易變冷令我不時夾米粉入粥保暖生滾豬肚粥$27炒米粉$10埋單付了$37元吃完只有7成飽不太抵食

早餐最大愛B餐加杯咖啡，今日想食清尐尐，就走咗去食碗粥，再加上炒麵就肯定會飽。炒麵有粥店應有的水準！大大碟，起碼麵身唔淋，十蚊一碟真係街坊價。叫咗碗碎牛粥加皮蛋，粥底做得好，最起碼唔會粥水分離，擺咗十分鐘依舊係粥，抵讚。牛碎唔太咸，皮蛋就切得太大舊。此店最大特色係可能全店員工也是 新移民。呢排觀察所得香港地所謂嘅「低下工作」，這工種東京有少量外勞，台中自己本地人做，而香港呢，本地人就永遠高高在上，結果這些工作機會就送了給我們最不喜歡的新移民，無奈！

今天到沙田探望朋友，離開時已是下午2時30分，未吃午飯的我們突然想到沙角邨商場的大師傅粥品吃粥，店內幾乎爆滿，幸好店員告知還有一張四人餐桌，太好了，坐下隨即看看餐牌，粥品有分即熟與生滾，如大路的皮蛋瘦肉、豬紅、艇仔、也有生滾的鮮鯇魚腩、豬膶和手打肉丸，看到名字已流口水了。 配搭油器如牛脷酥與煎堆、腸粉、炒米粉或麵等一應俱全，賣粥連鎖店和茶餐廳一碗粥售價大約是25元至30餘元不等，這兒食物定價相對便宜得多，即熟粥除白粥賣9元，價格是16元至23元，可稱得上是"街坊價"啊! 天寒地凍來一碗熱呼呼的粥品，暖胃滿足! 一口氣要了😃白粥、生菜粟米粥、皮蛋瘦肉粥、咸肉糉、蔥花炸兩、叉燒腸和油炸鬼，等待一會，食物新鮮熱辣陸續送上，家人要求💝生菜粟米粥下大量蔥花，清淡蔬果，粥底有米香夠綿滑，不會水旺旺的，料很足，是希望清腸胃人士們的好選擇。 💙皮蛋瘦肉粥，內裡估計有整隻皮蛋，店方相當慷慨，瘦肉比大圍分店的最得好，不是乾柴的質感不能下嚥，肉香拼啖啖皮蛋滋味，流口水啦! 這個經典配搭，做得不錯，油炸鬼大條新鮮酥脆，比坊間粥品連鎖店做得出色，8元有交易，我認為超值。 💜咸肉糉也夠大隻，糯米偏軟腍，內裡綠豆