大快活

营业中

休息中

叫左個牛扒什扒餐$65 加$4 迷你粟米肉粒飯，蒜蓉脆包微暖，羅宋湯足料味道吾錯粟米肉粒飯大大碗，主角嘅豬牛雞扒各一件就比較薄，好似早餐時段供應嘅份量。後加個焗豬扒飯$49，芝士茄汁豐富夾埋炒飯熱辣辣好食，豬扒算系厚切，但吾系好大件。兩款食物嘅主角肉類份量都偏細，食肉獸要注意。

今早去了屋企附近的大快活吃一個豐富早餐，那間大快活空間足夠，環境也舒適。製作食物的速度也很迅速，店員的態度也很友善。食物方面的質素良好，價錢亦很便宜，早上食客不算太多，都容易找位置坐。

粥底火鍋的生菜吃出兩隻蝸牛，第一隻下到鍋裡我才發現，圖片裡的是第二隻，剩下的菜葉也不敢再檢查。明明看起來是水洗過的樣子結果這麼令人觸目驚心，請負責洗菜的工作人員上點心吧，此店的食品衛生安全令人感到擔憂。此外牛肉片肥到無法下口，幾乎一半都是肥肉，配上清淡的調味更是讓人難以下嚥，唯一值得肯定的是用的不是合成肉。餐廳應該好好把握出品保持品控的穩定，畢竟60元一份的餐也不算便宜還是在連鎖快餐店，再多花十元多走100米就能吃到出品很棒也衛生的定食了。以後不會再來這家店。

從來沒吃早餐吃到一半停下來拍照。很久沒來大快活叫了餐蛋麵 。吃到啲午餐肉 哇好多粉 冇肉味 再看下暗黑色的。見到反胃 不想吃攪咩 改善下。呢啲就係張價就貨？生活成本上升 但也要照顧消費者口感。

許多時，lunch time 想不到要吃什麼時，快餐店往往是一個首選。當我訖於呢一個狀況時，而心目中又有咖喱兩個字。好自然，《大快活》三個字就會呈現在我腦海中。那天中午，我就近近地，來到了電氣道的《大快活》分店，食咖喱。當日，點的是一個咖喱雞餐。家下，咖啡奶茶係公司隨時飲得到，一旦有湯可以選擇時，我寧願要湯。所以，這日的一餐，就是一飯，一湯，一咖喱。咖喱雞，最喜歡就是那濃濃香香，儉醬一般的咖喱汁，伴以嫩滑的雞肉同香口的薯仔，連肉，連汁，連飯吃入口，滿足的午餐，就可以這樣的簡單。大快活的例湯也不差，是日的湯焊除了希豬骨肉之外，也有雪耳同粟米，飲得出是老火靚湯，令到我每一次到大快活午餐，我到鐘情飲湯。雖然食港式快餐店好似好頹，但作為工作午餐，在講求快靚正的香港，其實是一個好好既選擇。

試左99蚊三餸飯，揀咗椒鹽肉排、菜心草菇炒牛肉、口水雞。簡直大失所望，椒鹽肉排啲肉濕濕地又油膩，薯仔多過肉排，啲牛肉又老有冇味。口水雞只係喺上邊淋啲汁，入面一啲味都冇。簡直就係災難。估唔到大快活嘅中餐質素竟然咁差，一定冇下次！

打風的日子，大部分食肆都不營業，對於我這些無飯家庭影響甚大。😵幸好還有大快活，今日可能三餐都在這裡進行，早餐已在這裡解決。🤣中午時候來到餐廳，人頭湧湧，可見無飯家庭不少，同道人很多。😛買了份焗豬扒飯，找個位坐低，窗外紅旗飄飄，橫風橫雨，天公不造美，在我們放假慶回歸的日子，台風暹芭來湊熱鬧，鬧得滿城風雨，遲遲不想走。焗豬扒飯雖然不太好食，飯很乾，而且不夠熱，但在風雨交加的的日子有飯食，心❤中還是感恩萬分，總好過在家食公仔面。😘

今日試新菜式，清湯羅蔔牛肋煲，＄56，連一碗白飯，未食之前好有期望，想像中的清湯羅蔔牛肋煲是好香好腍，好好味。😋一煲滾熱辣的牛肋煲上台，個賣相都唔錯，上面仲鋪滿元西，正啱我心意。食落都免強合格，牛肋夠腍，羅蔔就腍得滯 ，而且好鹹，如果淡D我都俾合格。但講開又講，快餐店提供廉價餐飲，品種繁多，餐廳環境不錯，寬敞明亮，晚飯時間仲有送餐服務，大胃王可以加飯，冷熱水無限提供，清潔服務隨傳隨到，這樣的餐廳就算稍有不足，都應該接受啦。😀

話說未禁堂食之前，同同事放工黎到呢間大快活食個頹飯。入到黎望望個餐牌，就已經俾呢個鐵板系列吸引住，食齊牛豬雞，50蚊都唔洗，頹飯黎講，夫復何求，就排隊嗌左個經典雜扒鐵板餐。1. 經典雜扒鐵板餐呢個鐵板餐就犀利啦，個鐵板有齊牛扒、雞扒同豬扒，仲有條芝士腸同白菜底，配埋黑椒汁淋落去咋咋聲。每塊扒雖然唔係話大大塊，但都有肉味，冇冰鮮味，同埋煮得比較淋身；珍寶芝士腸大大條，入面d肉唔霉，有口感、有芝士味；個菜底都唔差，好爽口。迷你蕃茄腸片飯，個人覺得咸左少少，要配埋杯可樂，先平衡番陣咸味。整體黎講，好足料夠飽肚，唔洗50蚊食到呢個餐，味道又唔差，真係十分推介！

今晚用Apps 叫左三餸。咕嚕肉，啖啖肉加上洋蔥、青椒和菠蘿，一貫水準，系這裡的必點菜式。粟米魚塊，清清地，粟米蓉都吾少，好好送飯。宮保翠肉瓜菠蘿牛肉，配搭比較特別，一般咁啦。

早餐很重要，不但要吃，還要營養均衡。大快活的輕怡早餐，有一片麵包，一隻雞蛋，一碗醬肉麵，加一杯檸檬水。營養豐富，有蛋白質，碳水化合物，還是檸檬提供維生素C，價錢便宜，只花＄25，就有一份營養均衡的早餐。

今晚簡簡單單到這裡食晚餐。水煮雞煲，個汁有點麻香，送飯吾錯，雞件份量都幾多，另外有粉絲、雲耳、山根。加配左個炸雲吞（$7/4粒）每粒比較細小，但炸得幾脆，個甜酸汁都醒胃嘅。火鍋叫左個越式湯底，冇乜味，其他火鍋料就正正常常咁啦。飲品叫左提子梳打，大大杯，味道不濃。

用APPS 叫外賣是好方便, 但係店員處理外賣的方式真係差到沒朋友, 有錯又有漏, 例瀉飲品, 食物得一半.大家買外賣時 , 最好CHECK 左先取走.水吧及前台經理態度可不可以客氣些. 你黑面, 都幫不到件事大家都好.大快活都要找人巡下啦.

我好喜歡去吃大快活的咖喱，每一間均能保持一定的水準，咖喱香口和辛辣比例剛剛好。今日我叫了他的咖喱雞飯跟例湯，碗例湯較為普通，D雞的雞味仍算嫩口外，最喜歡咖喱濃香多汁，伴著白飯和2大舊薯仔一起吃真的是十分夠飽。

番工不外乎都係出街食或買外賣，難免真係唔多唔少都會唔太健康，始終多肉少菜😣 係網上見到有人推介大快活既健康系列，感覺選擇也不少。雞胸配紅米飯 (送低糖綠茶）今日配既係本菇蘑菇汁，蘑菇味好濃郁，雞胸亦非常大塊，而且非常厚，雖然係雞胸但唔會太鞋，味道可以。 紅米飯略微有少少過濕，好軟淋，對鍾意食乾身少少既我，就覺得有點普通，不過配搭左好多菜，好健康。整體味道唔係好出色果種，但四十幾蚊的快餐，感覺可以接受，而且係少數較健康的選擇了。推介指數：