大快活 (文華商場中心)

营业中

休息中

尖沙咀一到Lunch 時間度度都咁多人，呢間大快活唔洗等位，採光度十足，好光猛，坐嘅位都算舒服 。-沙薑豬扒飯+熱齋啡$42雖然叫沙薑豬扒，但竟然可以一啲沙薑味都冇，同一般煎豬扒無異，而且塊豬扒仲Dry 過我嘅感情生活，乾爭爭，最終忍唔住要攞包李錦記豉油滋潤下佢。齋啡都係咁，普普通通。-沙薑雞(半隻)配白飯&點都唔落味精老火湯 $55啲雞熟得啱啱好，所以好嫩好滑，佢唔比d 沙薑我點，而係已經整到好有沙薑味，不過佢都會另外俾啲薑蓉。至於老火湯，真係好鮮甜。

今日下午2點左右去到尖沙咀得45分鐘左右食個快餐就要去客度，這邊其實好多食店不過趕時間又要有位，就去大快活吧。下午茶餐實在太多選擇，我就擇左雪菜肉絲米粉、熱狗、熱檸茶，份量唔少。熱狗雖然話係迷你，但係都唔算細，有菜有沙律醬，條腸仔都正常size，同埋個麵包即時焗熱，有誠意👍🏻雪菜肉絲米粉，湯熱，不過真係唔覺有肉絲，味道和份量夠飽。熱檸茶正正常常。快餐店嚟講真係唔差同埋抵食。環境：一般服務：執枱算快

自從減了十多公斤的體重後🐷， 平日都會找一些高蛋白質低碳水化合物的食物。朋友介紹了我吃這一個健怡套餐廳， 真的又平又方便。南瓜淮山汁雞胸紅米飯 + 低糖凍綠茶， 多配菜， 少飯。 很有效的幫忙控制體重，🐔雞胸的份量很大， 我只吃少少飯， 就足夠飽肚。 +細低糖凍綠茶是免費的， 選加配菜會送上少量西蘭花🥦， 十分健康。正價47蚊， 網上下單還有九折💰， 只需要$42.3。 而且易於控制時間， 不用在現場下單再等待。 網上下單後， 才慢慢動身走到店， 就馬上可以取餐。🏃減肥人士常常在外出用餐都有尋找合適食物的煩惱， 這個健怡套餐提供了一個平靚正的選擇👍🏻

這分店在1樓，面積不大，店內裝潢也和其他分店並無兩樣，但店內部份座位在落地玻璃旁，透過玻璃可以看到市政局百週年紀念花園，景觀開闊，給人舒適的感覺。至於食物，我今天點了雞翼下午茶，包括雞翼兩隻，飲品一杯，我點了熱檸檬茶，另加了春卷。雞翼是香草味，表面塗上了蜜糖，肉質和味道都不錯，檸檬茶沒什麼特別，春卷就不夠脆，味道還可以。

天氣開始轉涼少少，見阿活出飯焦煲仔飯，就外賣黎試下～外賣有折之餘仲俾埋個煲你🤣佢配既醬油唔係一般既甜豉油，所以個味道我唔係好食得慣🤕，同埋飯焦好苦🤣 所以對佢既評價麻麻不過條臘腸係幾好食既～

今朝一早起身個天就落雨搞到個人完全好冇心情午餐諗住食個快飯，跟住恰番陣大快活外賣一定係不二之選三重芝士葡汁雞焗飯$44 (熱華田+$0 - 之前買獎券入面有張coupon 送熱飲)- 等咗唔洗5分鐘就拎得- 熱辣辣- 盒飯好大盒好滿- 但聞落無乜葡汁味，食落去一般- 三重芝士是呃鬼，得小小芝士，仲要無咩芝士味- d飯今次有小小未熟，熟嘅部份又有d乾- 雞件有大概5件- 仲有3件薯仔- 有盒唔知咩菜送，好似叫椰菜？d菜好硬，又無味其實今次係我第二次食我覺得比上一次失色好多不過快餐店都不能要求太多啦