大快活 (慈雲山中心)

营业中

休息中

約左個同學去慈雲山打波 但我地又未食野 所以近近地去左大快活 平時一個普通晚餐都走唔甩40-50蚊 咁叫左扒餐仲好 60蚊左右 又送野飲又送雪糕 仲要有人專人送上黎 一我覺得整體成個餐都OK 最差既係個飯 一黎太少 二黎太乾同硬 如果可以多D飯配埋塊牛扒 就正

放假搵奶奶食lunch佢話想試下叉燒煲仔糯米飯幸好只是叫了一個餐，因為食少少已經好飽叉燒又瘦又乾，白雪雪，淡茂茂反而個糯米飯幾好味，有少少花生撈下雖然明知唔會係用煲仔燒出黎，但食到底有少少飯焦，似係有燒過下，都算有誠意啦希望可以改善下啲叉燒

每個星期日都迫爆既大快活, 所以去到第一時間係攞位而唔係叫野食先, 排隊攞野食既人龍都有成20人, 見到都頭痛緊, 今日都係食返例牌, 叫咗個炸魚柳拼雙腸, 加皮旦瘦肉粥, 配熱的即磨咖啡, 魚柳一慣的脆及金黃, 佢地D 腸仔好好食的是脆皮腸黎, 而咖啡好合我心意好夠濃香, 而皮旦瘦肉粥今次D 皮旦少咗...但都宥 4-5 塊都算OK 如果平時我午市會食佢既亞活咖喱牛腩最辣個隻, D 咖喱汁好正, 本人鐘意食牛筋多過牛腩, 所以見佢有3-4 舊牛筋都好開心的, 但佢既薯仔又大舊又無炸過.. 呢度要扣分, 但總括黎講我覺得大快活既咖喱比大家樂既好

一早起身便去大快活買個早餐.嘩!排長龍.於是叫外賣呢.我ORDER佐個炒麵同埋熱檸茶.再叫多一份雞扒滑蛋加杯凍檸茶. 於是就去街市買埋餸返來取.不過都要等幾分鐘.心想那麼多人係到食.應該都唔差.返到屋企. 個盒好大,但啲炒麵得一半. 仲肥淋淋.盒低全部都係油.我都唔知食唔食好.成$15蚊架.不過我真係食唔落.最後剩係飲杯熱檸茶.....算把啦.至於盒雞扒滑蛋...塊雞扒簡直係縮水迷你版.....半隻手掌都唔知有無.D蛋都算好...但係好油...一pat pat咁....總知一句....唔好買外賣啦!!!! 無言啦....==ll

見廣告整到好正咁, 梗係要試下啦... 今次叫左 " 鑊仔大韓牛 " + 生菜 + 秋刀魚 + 低糖綠茶 秋刀魚 : 唔錯! HKD$1係抵食喎 ~ 加上檸檬片幾鮮味 ~生菜 : 幾鮮綠 ~ HKD$4就唔係咁抵了~低糖綠茶 :味道岩岩好 ~ 我鐘意 ~醬炒年糕 : 辣辣地 ~ 好惹味 ~ 唔錯 !優質肉眼扒 :肉質細嫩多汁，燒烤時不忘保留......珍珠米 : 係唔錯喎 ~大韓惹味烤肉汁 : 香濃烤肉汁，比媄着BBQ汁 ~

最近睇報紙見到有新既下午茶餐，標榜食一個full course下午茶，張相影到鬼咁靚，但係就無寫價錢。一路睇就已經一路諗"到底几多錢呢？"復活節假第一日就去試下啦，個價錢完全係令人卻步！$26 燒雞&沙律&飲品$23 燒雞&薯條&飲品$23 豬柳魚柳&沙律&飲品$20 豬柳魚柳&薯條&飲品不過爸爸話想試就叫...所以我要左個燒雞沙律，哥就要左個豬柳魚柳薯條比完錢拎d 飛埋去拎野食，見到有個女人o係度嗌話要搵經理，即管八下做咩啦！原來o個個女人都係叫左燒雞餐，不過就係燒雞薯條。佢話隻雞比燒肶餐隻肶仲要細，薯條得o個四五條，不如唔好比啦！做乜要比$23/$26去試新野？經理都無言以對...淨係話會同公司反映，最後o個個女人決定退錢買返燒肶餐，仲要本身跟餐已經係紅豆冰...我拎住我o個半隻燒雞，講真，真係好細！同燒肶唔差得好遠。但係燒得几靚，味道亦唔錯。爸爸請我食，所以我都mid左成隻雞肶仔比佢食。沙律亦算新鮮，只係沙律醬太多至於阿哥o個個豬柳魚柳簡直係慘不忍睹，邊d係豬柳邊d係魚柳几乎分唔出...條條連埋炸粉都只有手指尾咁上下大細，又乾憎憎，薯條係粗薯，但係淋到一patpat...好似唐英

大快活的肉醬意粉係"燴", 不是焗, 故唔會咁漏, 無咁多油, 意粉亦唔會過稔身 意粉的確烚到剛剛好, 軟硬適中 廚房出菜後由樓面店員加上芝士粉, 見到店員都加好多; 芝士粉令整碟意粉生色不少, 亦是惹味之源 蕃茄肉醬的酸甜度適中, 材料新鮮 配菜白蘿蔔有好香的牛油味 唯一缺點是 --- 偏鹹, 可能此牌子的芝士粉比較鹹吧

11:30 am仲有早餐食, 叫了個中式薄撐$18: 薄撐 + 炒麵 + 熱飲 放涼了, 凍的薄撐會令質感變硬, 未賣前應該放在電暖爐暖著才是 有兩種料 -- 葱粒+火煺粒, 算少料, 味道偏淡 薄撐厚身, 尚算煙韌 煎得唔香, 可能放涼了的關係, 大打折扣; 優點係唔太油, 唔會過燶另外, 炒麵不算好食, 麵條頗乾

Fairwood used to serve good spaghetti and breakfast - BUT NOT ANYMORE - they switched to cheap and low quality noodles - pretending they are spaghetti! They switched the fish fillet to cheap Vietnamese sole fish (those that sell $8.8 for 2 pieces at ParkNShop when they're having a promotion!!) Alright - I know the materials cost for food has increased a lot but you can increase your price a bit or cut down your profit margin a little bit - do not sacrifice your quality - otherwise Cafe De Cor

同阿媽&細佬黎左食飯.阿媽要左個蕃茄系列既豬扒意粉我食左佢少少豬扒, 冇乜特別, 唔係好熱ja wor我要左粟米魚肚羹個餐, 要左沙薑雞.係雪雞(意料之內)阿媽話咸左少少碟雞都ok多雞, 仲有碟菜, 我叫左走油, 份量都幾多!粟米魚肚羹麻麻地, 好一般......細佬食乜我唔知, 佢遲到!環境係唔錯既, 裝完修冇幾耐.我個餐$37, 咁多野食, 都ok.阿媽碟野$27. 我覺得我果個抵d.

平時大快活俾人既感覺係"求其"!無論係食物環境服務,都係求求其其馬馬虎虎既,人地會諗起大家樂多過大快活,但慈雲山中心呢間有D唔同,食物水準唔錯,雖則話只係一般快餐店,但已經比起同一地點既大家樂出色。咁岩呢期出既魚翅雞湯配小菜套餐，真係食過番尋味架！碗湯好大碗，好夠火喉，小菜我嗌左碟沙薑雞，居然都有半隻雞，超抵！加上呢間大快活環境闊落，夠光猛，夠乾淨！坐得幾舒服丫～同朋友黎食個下午茶都係一個不錯既選擇。

環境(Environment), 幾好！幾正ga! 味道(Taste), 同一般大快活差唔多！ 服務(Service) ﹐幾好！ 乾淨(Cleanliness) ﹐環境好正！ 大家不仿去試o 下!