大快活

营业中

休息中

話說今日早收工，樓下大快活食個快飯，當然啲時間早，未賣晒，仲好多選擇，突然間想食鐵板餐，咁咪叫個海浪空囉，又有酥皮湯幾吸引，加杯熱奶茶$70左右埋單，鐵板係正方形，上邊嗰舊原來係魚嚟㗎，炸到硬晒唔好食，下面藏着兩塊，小雞扒&小豬扒，雞扒係平時餐廳食到嘅三份一左右，豬扒好薄，條腸最有誠意，係芝士腸，同埋個酥皮湯點解係用紙杯嘅？我堂食喎大佬，嗰塊酥皮完全甩唔到出嚟，黐住隻環保紙杯度，裏便係蘑菇湯，搞到唔夠熱唔好飲，知道大快活係咁上下㗎啦，但係可以做好啲嘅，不過就算乜嘢評價都好，大xx集團呢啲都係好民生好多人食既，不過海陸空下次就唔好搞！

熱狗：用心烤過的麵包皮很香脆，迷你熱狗腸配上甜甜的沙律source特別滋味！！鹹與甜交集使得味道更有層次！！雞髀：蜜糖味偏淡不夠入味，燒的世界太久令到雞肉缺乏肉汁且乾身，比起公園晨運的牙婆還要老。總結：不過不失

吉列豬扒薯餅 肉燥上海麵好少買炸物,平價連鎖店怕炸到黑黑地😣,咁岩今個星期做緊特價30蚊就試一試佢, 點知第一次已經俾到驚喜我,一打開見到薯餅炸得好金黃!食落好香脆,薯餅仲見到粒粒薯仔 另外件個吉列豬扒食落帶有少少甜味同樣香脆🤤 雖然係比較薄切咁嘅價錢30蚊真係超值啦，其他既上海麵同熱奶茶都係一貫水準,不錯不錯 😋 呢間分店真係要讚一讚 希望保持到水準👍

簡簡單單到這裡食個晚餐。柱侯牛腩煲，牛腩和牛根各有幾件，仲有d枝竹，炆得又幾淋，個汁送飯都吾錯。面醬豆豆炒雞柳，雞肉不多，豆豆炒得仍爽口。加配了提子梳打和茘枝椰果梳打各一，咁又一餐啦！

石蔭呢間嘅大快活，長期人流都多特別係早上早餐時段最多人。最愛食蕃茄通粉，再會加多個7蚊嘅雪菜肉絲米粉🤤🤤🤤完全係糧尾之選如果想去食，就要早啲去搵定位啦～唔係有排等

在石蔭商場搵早餐食，其實都有好多選擇，但要揀間無咁多人同坐得舒適少少，似乎就非大快活莫屬了。呢間大快活都幾大間，所以二話不說就走左入去買個早餐靜靜地坐低食了。感覺環境不錯，早餐也不錯！

呢個餐都要成40蚊但質素好差大大隻字標明西多士係即叫即煎實則係凍既而且好乾硬一啲蛋香都冇燒雞腿都係唔熱的都係好乾好硬唔知放咗喺度幾耐可能我買嗰陣已經係五點跟餐嘅紅豆冰就正正常常其實之前都食過呢間分店嘅下午茶堂食嘅質素正常但係估唔到外賣的話質素爭咁遠實在令人失望

本人在貴公司石蔭分店購買午餐,已對收銀職員說了兩次外賣拿走,可惜職員仍聽不到,到最後我再表明我是需要外賣,才叫我對負責出餐的職員說改回外賣. 可惜,這時負責出餐的職員（男經理）在收到本人說需要改回外賣時,多次言語上的抱怨,對廚房說 "唔知點解個客走埋黎話轉外賣",對水吧說"個客話依家要攞走", 在整個出餐過程中我看到的是不斷抱怨本人為何要轉外賣, 我明白負責樓面的同事壓力很大,但有必要要把抱怨說話當面說給客人聽嗎? 再者,這件事上本人已是多次對收銀說外賣,該職員聽不到,我亦沒有意見,只是該職員如此語言及態度令本人十分不滿,亦考慮暫時不光顧這間分店,希望貴公司能正視處理。

同朋友来到葵涌安蔭邨，大快话快 餐廳 ， 食下午茶， 我們選了 鸡 髀， 雞髀肉非常鞋，雪味很重 ，公司 三文治， 連飲品熱檸檬茶， 雖然食品質料略劣 ， 但如果對食物有要求， 已經是很豐富的下午茶餐了。

又轉北風，冬雨沾衣濕，很想吃豬仔包。加幾元把多士轉為豬仔包。豬仔包不熱，亦焗烤不足時間，不脆邊，不鬆軟。下午茶時段的豬仔包較好，起碼是熱的。多士亦不是熱騰騰。茄蓉湯不夠濃郁郁。上述兩方面宜急起直追。咖啡和湯麵則普通。