大快活

营业中

休息中

一如既往大快活，最鍾意食佢嘅咖喱牛腩飯。價錢又平牛腩牛筋又多，不過今次佢啲薯仔唔夠腍。懷疑臨時先加薯仔。服務非常好，而家佢會自動俾杯水你，你要多飯佢都會加俾你。另外又試咗佢嘅焗豬扒飯，不過感覺大家樂好食啲

啱啱去咗大快活試咗個早餐，一詞形容—正！焦香嘅多士夾上香滑嘅炒蛋，簡直係完美嘅開場。講真，用心炒嘅蛋係有分別，呢度炒嘅蛋滑到爆，蛋香撲鼻，一啖落肚，心情都跟住好起來！😋牛排呢，真係有驚喜，厚切嘅質感夠曬咬口，牛味足夠，撲嘴嘅黑椒味仲帶有少少辣辣地，唔係果種搞到你流眼水嗰種辣，而係令人欲罷不能嘅微辣，隨意一叉都係滿足。👍但話說返轉頭，雪菜肉絲米就真係欠咗啲火候，雪菜嘅清香蓋過咗肉絲嘅滋味，加上湯底稍嫌濃咗點，要加$7.5，我會覺得有啲不夠抵食。不過，食物總體質素嚟講，真係有得拍，我哋呢啲愛食之人，飛一轉大快活，都值得一試！🍽️#大快活早餐 #牛扒得意 #飲茶先啦

好耐都冇食大快活嘅早餐今日咁啱就嚟到西灣河附近返工咁就決定試吓，其實佢嘅早餐認識都幾抵食，我就調到吉列魚柳煎雙蛋多士熱檸茶再加多一個雪菜肉絲米！雪菜肉絲米份量都非常多，味道我覺得係中中等等啦，但係呢個份量嚟講就真係幾抵食，只係加多大概$8呢個份量比大家樂都仲多，味道亦都唔太差！魚柳嘅份量就唔係太大，但係非常熱辣辣食得出係新鮮即炸，唔會係擺得太耐，煎雙蛋同埋熱檸檬茶同埋多士就平平無奇啦冇乜特別，不過呢一個價位嚟講，而家都算係抵食，食完都非常飽！

熱辣辣，完全唔想閇爐煮飯，用網上外買自取份冬瓜海鮮湯+咕嚕肉飯，消暑開胃，網上落單仲有9折優惠😎冬瓜海鮮湯都算不差，有蝦又乾瑤柱， 味道就咸左少少。。。咕嚕肉就真係好大份，反而想多配菜同菠蘿，好似有啲蔬菜適合平衡返😅😅

依排唔知係邊睇廣告，間中都見到肥仔攞住個煲仔飯，攪到好想食但又無時間去啲出名舖頭食，唯有中午飯幫襯下啲新野啦。💥香茜鱆魚肉餅煲仔飯💥唔買真係唔知原來煲仔飯已經係連煲俾人外賣走，仲好貼心咁有埋個紙皮盒包到實一實，隔住個紙皮盒仲一啲都唔熱。行咗幾分鐘返到公司打開佢，即時feel到有股熱流湧出黎🔥    而個紙盒唔係俾你用黎攞個飯返黎咁簡單，原來仲可以變埋個隔熱神器幫我地攞個飯出黎，勁！😲    煲仔飯一打開個蓋個下立即有陣陣香味攻出黎，係平時喺啲出名煲仔飯舖頭食個種香味，忍唔住用個膠匙羹，無錯，係膠匙羹，但依個膠匙羹係特別硬既厚既，可以暴力刮，連對付痴實個煲既金黃色飯焦都綽綽有餘🤨   認真，我依個肉餅真係一般般既啫，但係個飯焦係吸引到我既，要講既話，我係會為咗個飯焦返轉頭。而且仲要還煲有現金券攞，當中午飯，夠飽，止口癮又得🤪

平日想食個早餐，去左大快活食。9：30嘅時間都好多人，加上最近限兩人一檯，可以坐嘅位唔多。買完野食咁岩有個位，好彩。叫左個著餅、咸牛肉蛋、煙肉、雞扒、辣肉醬麵，同埋熱奶茶。$47.5份量好多，每樣野都熱辣辣，新出嘅咸牛肉蛋配搭唔錯，上面仲要有薯仔，炒蛋好滑，好好食！煙肉好大塊，有一把間尺嘅長度，雞扒有啲醬。甜甜地，令到雞扒好易入口。佢個辣肉醬麵都係新出，唔太辣，入面仲有啲肉碎，麵係即食麵嘅質地。魚柳都好熱，炸得好香脆可口，配合埋檸檬，令到魚柳冇咁乾。食完個早餐飽到下晝都唔肚餓，可以慳返餐。環境都好乾淨，不過好多人好逼，見到有啲人買完野食都搵唔到位。

作為一個典型既年青人，無論返part time定返學，每日做野做到3點幾就必定會想食野。美食方面，西灣河呢頭最出名當然係太安樓啦。但近排天氣咁熱，又有時落雨，反而想搵個有冷氣地方坐下，所以就過左對面既大快活。即煎西多士配珍寶腸（$29）呢度下午茶選擇幾多既，睇餐牌主要分為西多士、燒雞脾同碗仔翅三大類。因為驚佢事先整定放係度會有衛生問題，我就叫左個即煎既西多士配珍寶腸餐。西多士新鮮整好，加埋熔熔地既牛油幾香脆幾好食；珍寶腸就不過不失，無論大小同味道都合格，算係預期之內啦；另外佢仲包埋一杯低糖凍綠茶，味道就一般，但炎炎夏日飲落都幾消暑，係個唔錯既選擇。總括而言，我覺得呢間快餐店下午茶係唔錯既，可以耐唔耐食一次。

一早起床，把家務做完，肚子有點餓了，就去食早餐，落到商場，在想食什麼早餐呢，去哪裏食好呢，於是落到西灣河街市，看見有麥當勞，又大家樂，有大快活，於是就去咗大快活食早餐，看見水牌有好多款式，真是不知食什麼好，就叫了一個鮮茄鷄扒烏冬，一杯熱奶茶，鮮茄湯味道濃郁，奶茶香濃，但少了一點花奶，於是我去水吧，問店員畀多少少花奶可以嗎？於是店員就被半杯花奶，奶茶再加一點花奶，味道香滑濃郁，真是醒神的奶茶，真是一個醒神的早餐，食飽早餐了，可以去買餸做晚餐。

最近，迷上你大快活的下午茶餐。晚起床關係，午餐和茶餐併在一起吃。因此，要了一客份量十足的茶餐。這天，要了迷你餐肉煎蛋泡麵、蜜味燒雞翼、奶醬厚多士配熱奶茶$39。喜歡這裏的迷你餐肉煎蛋泡麵，厚切餐肉煎至外層微脆；煎蛋也是蛋白煎至焦脆，中間蛋黃則呈流心狀；泡麵也泡得恰到好處，吃起來仍帶嚼勁和咬口。蜜味燒雞翼皮香且甜，內裏肉質細嫩；奶醬厚多士的奶和花生醬則以獨立包裝袋形式奉客，客人可根據個人口味塗上厚多士同吃。熱奶茶，茶香奶香且香滑無比，小妹喜歡！

辛苦咗成個星期，放假訓到晏一晏，一起身已經一點幾🤪梳洗完都兩點，但今晚七點又食晚飯，係呢個時候食個飯，又怕今晚太飽食唔落飯🙈下午茶餐就岩岩好👍🏼大快活下午茶2pm就開始，有好多配搭，雞脾配紅豆沙係我至愛，不過今次想食得飽少少，就揀咗雪菜肉絲米、一條腸、花生奶油多同熱檸茶，都係27蚊喳😱算平！雪菜夠多👍🏼米粉都多👍🏼多士夠大👍🏼煉奶同花生醬都係獨立包裝，夠晒衛生！熱檸茶夠檸檬👍🏼

去咗大快活，點咗個超值下午茶餐。總值$27。個餐有一杯香濃熱奶茶，兩粒炸雞，一件多士。再加一碗辣醬肉湯幼麵。個麵好彈牙。個炸雞好細但好味。件多士要加奶醬及花生醬，咁就好食。杯香濃熱奶茶好重香港口味。值得推介。包花生醬有鍚紙包裝。好衞生。

天氣愈來愈熱，放假開住冷氣瞓到好晏才起身，等到2點食過豐富的下午茶當正餐，在大家樂、美心和大快活之間作選擇，最終行過大快活入去買個我至愛的雞脾拼上海麵下午茶。價錢三十幾，相比起食茶餐廳真有點貴，但雞脾是我至愛食品。今天選了豉油雞脾，今天雞脾肉質很滑，不會過腍，有汁淡淡的咸香，不錯沒有讓我失望。而上海麵湯底有點淡，吃得出麻油味，但體味道頗單調，要加了些辣醬才吃完。就是幾分鐘下午茶快餐好快食完走人了。

同樣是星期四外勤日, 來到西灣河, 就試大快活嘅咖哩牛腩飯, 咖哩係港式, 不過呢度嘅咖哩就當然唔會只係用咖哩粉咁初級班啦, 內裡必定有咖哩胆嘅, 所以唔會食到沙沙嘅咖哩口感, 一定程度上算係幼滑口感嘅, 辣味大部份來自面的紅色辣油, 所以無幾辣一般人可接受的辣度, 牛腩無肥羔亦送埋牛筋, 飯旁邊送一堆椰菜算係咁架啦! 但加埋杯奶茶那6蚊要成$53, 幾貴下架, 要知道呢度環境唔係特別舒適,其實幾迫夾下添!

西灣河就出晒名多小食,不過今日天氣熱到核爆,唔太想掃街行左一陣又肚餓一眼望到間大快活,二話不說入去食左先講餐牌都有十幾二十樣選擇,一眼望到最大個牌既就係泡菜豬肉鍋飯咁就梗係試下啦,韓國野泡菜辣辣地應該都開開地胃,岩晒在大熱天時去食啦再諗下叫多一樣咩咁解JA睇左陣都係要個酸酸甜甜送下飯都好,都係睇天氣食飯另一樣叫既就係菠蘿咕嚕肉飯俾完錢將個感應器放好位置坐係度等,好快就有個姐姐送左野食黎\其實咁既服務真係唔錯,有好多時候手上渣住一袋二袋要拎住又拎飯真係唔方便大快活用這個送餐服務係好好\菠蘿咕嚕肉飯--個汁唔算太甜,肉都唔肥,粉都唔算多,都算OK泡菜豬肉鍋飯--肉味都唔錯,同埋唔肥,不過我就想辣D先好食,先似韓國野MA不過整體黎講都算OK,加埋杯水就夠晒飽

因為吃厭了老麥，這天早餐轉了吃大快活早餐。看到餐牌圖片十分吸引，我便叫了這個原價$28.5的牛扒炒蛋餐，再用$7.5加了個雪菜肉絲米。甫取餐，牛扒香味和炒蛋的色澤就鎖住我的視線，害我還沒拍照就偷吃了。牛扒極少脂肪，啖啖肉，且少筋，基於黑椒的關係，味道也不錯，沒有雪藏味。至於炒蛋，炒得不錯，但略嫌有點老。另外，我轉了瑤柱蘿蔔糕，這也做得不錯，不會太多粉和油，如果份量多一點會更好。至於雪菜肉絲米則一般，湯底太濃了，嚐不到雪菜味，而且要加$7.5，有點不值。整體來說，這個早餐的質素是不錯的，但如果不加粉麵就不夠飽，食量大的朋友要衡量價錢和份量。