大本瀛日式放題

营业中

休息中

很久沒去過兆萬中心，由於有劣食之塔之名，朋友也很怕前來。但有一家日式放題，我對他們的服務印象深刻，一直都想再來，最後便和太太兩個人來重溫多年前的回憶😊✏️位置（9/10）：兆萬不用說地點當然方便，四通八達✏️環境（8/10）：裝修沒太大改變，夠開揚座位亦夠寛闊✏️服務（10/10）：比以往更好，超主動收落單紙、執碟，甚至主動遞上雪條給客人選擇，想像不了放題有這種服務✏️食物（8/10）：食物選擇相當多，品質味道以放題來說很不錯🌟2小時晚市放題套餐(6:15-20:45時段) - $298/位明碼實價，不同時段價格都清楚寫在目錄上，我們是黃金時間入場，價格亦不算貴😆🍴刺身選擇不少，有三文魚、油甘魚、赤蝦、甜蝦、珍寶帶子、鮑片、希靈魚、北寄貝、馬刀貝、紋甲魷魚、泰式生蝦及日本角螺，夠新鮮賣相亦好，最推介的是爽口的日本角螺及馬刀貝，當然赤蝦及珍寶帶子也很美味😍🍴手握壽司/火炙壽司/特式卷物/手卷/軍艦同樣有很多款，但飯太多不可能全部都試。個人最喜歡有黑松露珍寶帶子壽司、花之戀、蟹膏珍寶赤蝦壽司、香辣汁燒和牛壽司及胡椒岩鹽左口魚邊壽司，壽司不算大件，味道算可以😉🍴和風料理太太點了韓式人參雞湯，暖暖肚味

兆萬中心有好多日式放題，但唔係間間都好食😅，但見呢間餐廳都幾多好評，價錢都ok,所以就去挑戰吓🤣入到去發現環境都幾大，座位好寬敞😄~⭐️壽司/手卷/軍艦有超多款壽司、手卷、軍艦可以揀🤩，我自己最推介牛油果軟殼蟹手卷，醋飯份量唔好係好多，軟殼蟹香脆😊，面頭仲有滿滿蟹子，口感豐富🥰~⭐️小食食主食之前，可以叫d小食做開胃菜😉~當中我最鍾意麻辣扇貝裙邊，口感超爽口🙂!⭐️一品料理我地瘋狂encore左芝士黃金焗帆立貝同秘製香蒜焗廣島蠔😆，兩者嘅芝士同蒜蓉都好香濃，好惹味😍!帆立貝同廣島蠔都幾大粒，夠晒鮮甜😋!⭐️鐵板燒大家一定要試吓香草燒羊架，羊架頗大件，帶少少羶味，又唔韌，正🤭~⭐️炸物/天婦羅我地叫左七味魷魚鬚，天婦羅炸蝦，兩樣都炸到好酥脆☺️，估唔到呢度仲有自家製錦卤雲吞🤪!⭐️南亞風味呢度係主打泰日放題，一場黎到點可以唔叫返幾樣泰式食品呢😜？鳳尾蝦春卷，辣椒膏炒青口。。樣樣都好好味😚~⭐️甜品甜品選擇有好多，有木槺布丁、椰汁奶凍、一口泡芙等等🤩，如果嫌唔夠，出面仲有雪條拎嫁😊!其實呢度仲有刺身、火鍋提供，但我地胃口有限，試唔到咁多🤣🤣

今日放假， 出左去旺角食日式放題可以慢慢享受下，因為平時番工午餐食到趕頭趕命。 去大本瀛食日式放題。 任飲任食3 小時（午市），２小時（晚市）。佢地 食物種類真係好多  （刺身， 和風料理，一品料理，炸物，天婦羅，泰菜，焗物，爐端燒，鐵板燒，火鍋） 我覺得佢地全部刺身,壽司都係好新鮮用高質食材，我自己都encore 左.  我自己就必食刺身油甘魚,赤蝦, 帶子.  出面做放題D 壽司卷物一定係普通野. 但佢地呢到真係有心做.# 黑松露三文魚拖羅蓉卷,  極上龍蝦沙律鐵火卷. 真係精緻到一個點.   超好食. #三文魚籽軍艦. 個三文魚籽食得出係好食材. 因為我係三文魚籽控. 其他食品都好OK.  # 香草燒羊架 - 好食一點羊羶味好JUICY一D都唔趕.  #榴槤炸旦 - 我媽話超好食. 但太飽佢只能食一粒. 佢仲話下次要再黎 ! 笑死我.  (本身都飽飽地, 佢地主動介紹榴槤炸旦俾我地. 我媽即刻話未飽要試. ) # 天婦羅 - 炸得都好香脆. 本來想食火鍋, 但真係太多野食, 只好下次晚餐再食喇. 佢地甜品都有好多款. 再加埋有10款以上嘅雪糕雪條. 真係要大胃王先好可食曬所有IT

最近想食日式放題，諗起兆萬有唔少放題店，就一於同👶🏻嚟咗呢間「大本瀛」！餐廳唔算好大，裝修簡約，整體感覺乾淨。靠窗的座位景色比較好，可惜當日坐滿咗其他客人。同其他日式放題一樣，唔同類型嘅食物，會放係唔同顏色的點餐紙上，而呢度嘅選擇好豐富，五顏六色的點餐紙分成前菜、刺身、壽司、手卷、天婦羅、燒物、炸物等十大類。先黎回本嘅刺身同壽司！黑松露劍魚腩壽司係必點，黑松露味好濃郁，魚腩入口即濃！食完一輪再一輪，完全唔駛閘住，真開心！刺身方面，有挪威三文魚、油甘魚、吞拿魚、蜜汁鮑片、希靈魚、帶子、北寄貝、蠑螺刺身、赤貝刺身、虎蝦刺身、甜蝦刺身，選擇真的非常多，而上到嚟嘅刺身擺盤好靚好有心機 ‼️我最愛三文魚，厚切鮮甜，食到lam lam咀，帶子都非常肉厚大件，不失鮮味，又係食完再encore！平時少食炸物，今晚都忍唔住要破戒！天婦羅有番薯同南瓜，甜甜地好好食；蟹柳肉係一絲絲的貴價貨，唔會食到成口粉，唔錯👍🏻最後，雪糕同甜品款式都有好多呀，大家一定要嚟試，包你番尋味 💕✨有一個always烏低頭嘅uncle（sor，唔知點稱呼）好好人呀，會keep住幫我哋換碟，上菜收碟速度亦非常快 ‼️當然其他員工都態度

《📍大本瀛食評分享 》好食嘅放題好難搵，唔知大家有冇同意？今日小編同大家介紹一間，平價超高質嘅放題，就係位於旺角嘅大本瀛。大本瀛係一間日式放題💓，提供超多款日式剌身、壽司、料理，甜品同飲品，當然仲有唔同地方嘅特色小食，樣樣都咁好味，樣樣都咁高質👍！想知呢間平價放題有幾正，一齊嚟睇睇😎！🔸【晚市放題 - $298/位】🌟多款日式剌身大本瀛提供多款新鮮剌身🐟🦐，每一口都充滿了鮮美海鮮風味，讓你彷彿置身於日本的漁港。無論是鮪魚、三文魚定生蝦，每一種剌身都切得非常精準，肉質鮮嫩，絕對讓你賓至如歸！🌟多款日式壽司這裡的壽司種類繁多🍣，無論你喜歡傳統日式壽司、捲物定係創意十足的嘅特色壽司，呢度統統都有！每一塊壽司都展現了廚師們嘅匠心獨具，新鮮的魚肉搭配上香氣四溢嘅日本米，絕對係一種無法言喻的美味享受😋！🌟多款唔同地方特色料理與小食如果你想要一次品嚐多種地方特色料理和小食🌮，呢度絕對係你最佳選擇！無論你中意中、日、韓、西式美食，定係港式火鍋，呢度都係統統都有！而每一道料理都展現了各地獨特的風味和烹調技巧，讓你彷彿在一趟美食世界之旅中遊走🍜！🌟多款甜品與雪糕除咗有唔同種類嘅雪糕，仲有好多自家製甜品，超

今次去左間中伏餐廳☹️☹️☹️，冇諗過係咁，出菜又慢又成日漏單，追黎追去都唔出，冇既又唔出聲，d職員仲要黑你面😤😤，好似欠左佢咁，就算出到野食俾你，勁大力掉係枱面，感覺上好似當我乞丐咁，仲要上到去先發現個價錢同單張個價都唔啱，感覺好似俾佢呃左咁，問佢地就惡過鬼，明明話有貴價野食，點知一樣都冇，就算有，都唔新鮮囉！有陣怪味，同職員講佢又係黑你面，想點喎！今次真係俾錢買難受，死都唔會再去囉😡😡😡

大本瀛日式放題 (旺角)旺角西洋菜街1號兆萬中心10樓全層好失望嘅一餐放題😂睇到openrice咁多好評我真係好失望😐重特登叫埋成班朋友一齊去😅首先上到去比嘅價錢同傳單唔同都算😐佢影個啲龍蝦、蟹😂完全冇！刺身好梅😐真係怕食壞肚。。。唔知係咪因為用紙點嘅 關係😐好多野叫左都冇黎 eg焗蠔同帆立貝等😢羊架有小小膻😅真係唔知點解會有咁多好評😅宜種價錢但係宜個質素真係唔值 重要食到一肚氣 同職員講啲野未到重串串共 真係冇下次

唉，今次去大本瀛日式放題真係好失望🥲！半年前嗰次都正正常常，所以今次都抱住同樣期望去食，點知落嚟真係大中伏😭。首先講下刺身，好多都唔新鮮，質素真係好差。甜蝦還好，帶子算係最好食嘅，但粒粒都偏細，至於三文魚竟然冇咗魚味，成個放題嘅性價比都唔高。🥲出單速度又慢，而且上嚟嘅野食都係唔夠同有漏，真係好令人唔開心。😔總括而言今次嘅大本瀛日式放題真係令人失望透頂。今次真係浪費咗時間同金錢，唔再有下次啦😭💔。

我個fd話好耐冇食放題，大家約埋一齊去食下，佢話去旺角睇下有咩食，係兆萬都有啲野食下，呢間大本瀛有人派傳單，好似幾抵食，於是就食呢度，點知岀事！上到去原來傳單個價錢係唔包龍蝦、蟹個啲。叫刺身諗住每樣都試下，好多都話冇貨，上到黎都冇咩啱食。都唔緊要，但啲刺身黎到無顏色，好唔新鮮咁⋯⋯好似影相blur左咁，食落就雪櫃味。諗住叫番熟食穩陣啲啦，啲肉都唔係好掂，一句講野硬過我條命，真係頭到暈。食放題諗住點都有野啱食掛，點知真係冇！

朋友生日，佢揀咗呢間日式放題，見價錢同其他日式放題嘅差唔多，諗住質素都唔會差得去邊。去到兆萬樓下，佢哋職員塞咗張傳單俾我哋，上面明明有龍蝦同蟹等等貴價少少嘅食材，點知真係圖片只供參考，乜都無，所以未食之前，個感覺都有啲差。當晚都唔算好多客，唔使等位就可以直入。首先上咗一轉刺身先，質素都OK，正常，不過刺身嘅選擇唔算多。但第二轉刺身就無咁好食啦，完全無跟我落單個數量，間中又食到未融雪嘅蝦同貝類，仲有陣未融雪嘅味，幾腥，所以都無再叫第三round。另外，呢度都有東南亞嘅小食，我覺得幾有特色，味道不錯，但係炸物唔係即炸，上到枱已經唔係脆口，扣晒分！我哋對呢間日式放題店整體感覺都好一般，睇返我哋食過嘅嘢，性價比一啲都唔高。

之前同朋友去呢度食放題，一向對兆萬既放題都吾會抱太高既期望，今次真系比想像中更差…系留下睇傳單既價錢同食物款式見都ok，點知上到去坐低發現價錢吾一樣，價錢貴左，可能無update到傳單…但因為已經坐低左，所以照食。呢度既點菜紙有好多款式食物，一般刺身、壽司、炸物、燒物等等，然後我想點三文魚，佢話無哂，十萬個傷心…💔最後刺身只好叫甜蝦、帶子個啲，質素就吾會話好好，會食到少少雪味。無咩刺身好揀，唯有食熟食野食多啲，牛仔骨、牛柳粒個啲咬落去都偏鞋…食左幾件就無食，唯獨天婦羅蝦、燒蝦比較好啲。另外一提，我覺得呢度既人手吾太足夠，建議加啲人手，我每次落order都等左陣先見到人，出野食都慢，食過一次已經足夠了，應該無下次了…

食過咁多間放題，第一次遇到服務態度咁好，員工全部都好nice, 野食種類多，刺身新鮮，野食份量夠，上菜速度快，知道我鐘意食榴連，仲介紹我食一隻超好食既榴連雪糕，無漏單之餘仲上得好快!!!

最近去咗食大本瀛日式放題，好失望🥲🥲傳單上宣傳嘅一啲貴價位嘅菜式，例如龍蝦、池魚同蟹，實際上冇得食。呢個令我哋有啲被誤導嘅感覺，對於期望食到呢啲菜式嘅客人嚟講係好失望嘅一點。另外佢哋嘅刺身供應都唔穩定，好多時都冇貨或者即使有貨都唔新鮮，質素好差。呢個對於鍾意食刺身嘅人嚟講係一個好唔好嘅體驗😤至於肉類，我哋覺得性價比唔高，佢哋嘅肉質唔太新鮮，口感韌同埋冇味道🤯加上佢哋嘅出單速度好慢，有時會出錯或者上少嘢食，對佢哋質素好失望用餐環境方面，見佢哋晏咗客人亦都唔多，氣氛唔夠熱鬧，都明白點解冇咩人嚟食🤔最後，埋單嗰陣時發現佢哋嘅價錢同佢哋傳單上寫嘅唔一樣，要貴啲😀呢個真係有啲困惑同失望😮‍💨

呢間野食左好多年，冇四年都有五年，估吾到呢間食左咁多年既放題會俾人突然咁攻擊，我睇吾過眼要幫佢地平反下🤣先吾講其他，野食方面基本都係超出預期，熱辣辣，調味等等都恰到好處，食左咁多次，都未試過野食上檯係吾熱（刺身除外啦當然🤣）佢地啲熟食全部都好有誠意，早幾年未興起果陣已經率先有泰菜食，仲要出面放題食吾到架👍其實我一個食左咁多年既人點會好地地會幫佢地寫食評呢，因為我上次再去食，聽佢地啲伙記講佢地俾人抹黑、係網上係咁用啲假ac寫啲不實既野、講黎講去都係果啲好笑既係佢地仲要係作到啲吾存在既野，啲不實評論仲講埋啲一式一樣，鬼吾知係假既咩🤣話係地用QRcode落單都有🤣明明人地就係寫紙仔，作假都要做功課架🤣🤣🤣仲要係吾止一個平台、話佢地野食差、服務差🤔🤣野食都算，始終各人口味吾同（我自己真心一直都推薦屋企人同朋友黎、啲野我係覺得好好食同獨特的），但係話佢地服務吾好都冇人信🤣食過都知佢地啲伙記一直都熱情到你怕、驚你食吾飽仲會同你傾計，邊有可能服務吾好呀！啲不實評論仲講埋啲一式一樣，鬼吾知係假既咩🤣有啲仲誇張到講啲佢地冇既野食，睇到真係得啖笑，我係真係睇吾過眼一間咁有heart做既餐廳會俾人咁玩攻擊咁

好耐都冇試過中伏中得咁緊要，話說嗰日經過呢頭就食下佢嘅放題，結果朋友同埋我都覺得中曬伏首先價錢同傳單上唔一樣，上到去食係貴啲。這讓人感到有點失望，因為期望與實際不符。傳單上嘅龍蝦、池魚、蟹等貴價野都冇得食。這令人有些沮喪，原本一心諗住過去食嘅嘢，上到去先至冇🙃🙃🙃而且刺身好多都冇貨，就算有都唔新鮮，有融雪嘅味道，質素好差。雖然話放題嘅刺身唔會話係頂級，但係今次真係超出我預期了另外出單都好慢，係甘上錯或上少野食。這讓人感到不滿，又係一啲節省成本嘅做法😅😅😅😅職員服務態度差。基本上十問九唔應，叫佢攞其他嘢又冇咗影。這次既用餐體驗並不良好。無論價錢性價比服務態度，同埋食物冇一樣嘢可以合格，回頭率零！😅😅😅😅😅