影片
港铁尖沙咀/尖東站 B2 出口, 步行约4分钟
继续阅读
营业时间
星期一至日
17:00 - 01:00
以上资料只供参考，请与餐厅确认详情
第一次喺香港食呢類型嘅串燒店，呢間餐廳嘅串燒種類好多好齊，除咗串燒之外仲有啲一窩窩嘅食物同埋甜品，不過今日我同朋友就主要食串燒啦。落完單之後店員會喺鐵板下低點着兩個蠟燭，串燒嚟到就會放喺鐵板上面，咁就唔怕食得太慢啲串燒凍晒。調味料方面，餐廳準備咗辣椒粉同埋孜然粉，方便食唔同辣度嘅人可以調校適合自己嘅口味。第一輪嘅串燒到咗啦，我哋第一輪叫咗豬頸肉，雞肉串，烤翠玉瓜，烤秋葵，烤多春魚，同埋金菇肥牛卷。第二輪嘅食物，我哋叫咗燒茄子，花甲粉，同埋粟米串。豬頸肉同埋雞肉串都有醃過，而且燒得好香口，上面落咗少少孜然粉，不過我個人口味鍾意重孜然粉，所以我就自己落多咗好多。烤翠玉瓜本身個翠玉瓜都夠甜，燒完之後好爽甜，唔會乾晒，翠玉瓜係厚身嘅，唔係切到好薄，所以只叫咗一串翠玉瓜都唔會唔夠喉。秋葵我本身就唔食嘅，但係$28有兩串，我個人覺得幾抵食。金菇肥牛卷一串有三嚿，朋友唔食金菇嘅，我一個人食咗三嚿，開始有啲飽😂。雖然金菇嘅尾尾有少少燶左，但可以接受，因為比牛肉包住嘅部份入邊咬落係有菇汁嘅。多春魚一份有三條，食落唔腥，燒得好脆，多春魚好長要分兩啖先食得晒。呢條燒茄子個名叫做大大大茄子，一上到枱真係冇改錯名喎😂，真係好大份，上面鋪滿咗蒜蓉，茄子肉撈埋蒜蓉一齊食，真係好好味，食到最後我不停用筷子刮個茄子，一啲都唔想浪費，因為實在太好味。🥹粟米串一份係有10串嘅，我第一次食逐粒粟米串嘅串燒😂啲粟米本身好甜，但係又甜甜鹹鹹辣辣個味道好特別，所以我同朋友眨吓眼就清咗10串粟米。有一次我喺food court入邊食過花甲粉，一啲味都冇，今次係我最後一次俾機會花甲粉呢一個食物，好彩冇令我失望😎。 一落枱已經聞到陣麻辣味，蜆肉份量多，蜆肉嘅份量絕對唔係濫竽充數，每一粒都好鮮甜。食咗粒蜆肉之後，我用返個蜆殼嚟勺花甲粉嘅湯飲😂，個湯除咗鮮甜之外，仲飲到麻辣嘅味道，麻辣嘅比例，我個人覺得麻味比較辣味多，個人嚟講相當鍾意。粉絲就更加唔使講，吸晒啲湯汁，我覺得餐廳可以整一個選項俾客人選擇粉絲加底。😂
继续阅读
是夜未想到晚飯的用餐處，索性直接去到尖沙咀食街 —— 厚福街 —— 才慢慢覓食。站在 H8 大樓外牆的餐廳廣告牌前，無意中看到這家燒烤店，心中暗生好奇。反正就是不想吃太多澱粉，於是毅然決定做一回白老鼠。一口氣點了十款串燒之後，店員會隨即燃起煎鍋下嘅蠟燭，這個煎鍋的作用是放上串燒以保持住溫度，以免影響口感。新疆羊肉串這是菜單中的必選推介，沒有羊羶味，非常美味，外面燒得又硬又香脆。大大大茄子一個非常大的肥茄子切開兩邊，上面鋪滿了蒜蓉、少許辣椒碎和蔥，燒得非常香，口感鮮嫩，吸入了蒜蓉同油香。金菇肥牛卷口感一般，可能牛肉燒得比較熟，口感有點硬，沒有特別出色嘅地方。豚肉韭菜花卷讓人非常失望，韭菜很老，吃起來有渣，而且豚肉非常薄非常細，基本上沒有吃到什麽肉，可以說是不合格。即開即燒生蠔在生蠔上鋪滿了蒜蓉進行燒烤，味道非常足，但是生蠔的質素一般，燒烤之後變得很細少，而且燒得過熟，口感很硬很韌，咬不開，不推薦。即開即燒大扇貝同樣是在大扇貝上鋪滿了蒜蓉進行燒烤，汁料非常美味，但燒烤之後扇貝變得非常細少，燒得過熟。新鮮魷魚鬚這個還不錯，燒得很脆，有著魷魚的香味，不會燒得過硬過韌。多春魚絕對有驚喜，燒烤之後非常好吃，外脆內軟，調味的孜然粉讓它提升了一個層次。燒大鮮冬菇失敗之作，一串裏面只有三顆，首先並不是很大顆，完全與名字不相符，而且冬菇燒得很乾很硬，咬下去又沒有汁液，非常乾，沒有冬菇的味道。一口甜薯值得推介，因為入口真的很甜，而且皮燒得很香脆，可以當作甜品來吃。竹蔗茅根，雞骨草非酒精飲品都是現成瓶裝或罐裝的，可以在便利店買到，所以不需要評價了。整體來說都是可以的，但是發覺好吃值得推介的，跟失望難吃的落差也真太大，所以選對了串燒，真是太重要了！順帶一提，這家餐廳的洗手間管理非常不善，女廁廁所門口不關門，內裏有兩個廁間，一個維修中，只能使用另一個，而坐廁非常殘舊，又沒有提供衛生紙，垃圾桶周圍散落著許多廁紙，洗手位置沒有洗手液、紙巾或吹風機。經歷了三年的疫情，這樣的衛生狀況確實令人無法接受。
继续阅读
串燒黎講上菜好快，而且仲會有個爐可以烘住，唔怕食唔切凍晒。有好多其他串燒店冇嘅選擇提供，例如臘腸，豬腸粉等，仲有小食同甜品。串燒全部可以揀大中小辣，串燒調味剛剛好。如果想重口味啲，每張枱仲有提供辣椒粉同埋孜然粉。霸王肥腸新疆羊肉串渣男五花肉燒雞軟骨鮮烤牛肋肉絕味燒雞皮大樹烤活蝦蝦多春魚台灣腸廣式臘腸小甜薯椒鹽小酥肉非常香口，咸咸地，一流佐酒菜。開心花甲粉絲充滿麻辣香味，而且非常多花甲！座位闊落，地點方便，平日都不斷有客人入座。
继续阅读
小紅書有好多尼間舖的營銷，所以過去試放題。點知食得一啲都5開心5過癮。點的第一批燒烤，等得有啲耐，5知上得齊5齊，因為無打單，不過都算無咩問題。見距咁慢，就加單左第二批燒烤，等得極耐，催左之後只上左幾串，絕對5齊。然後催鴨血粉絲，又等左好耐，回覆無鴨血粉絲，所以轉左蒜蓉娃娃菜。又等左極耐，就只上左蒜蓉娃娃菜，第二單漏左的一堆燒烤變成無左回事。所以全程放題基本就係等等等，最後只係勉強少少飽5想再等，就走了。重點係果日係工作天夜晚，客人並不多，其他單點的檯上菜都比我地快好多。所以食完之後真係好嫐，無下次！
继续阅读
前牌突然間好想食串燒，所以搵日收工就同朋友去咗大樹燒烤❤️menu有好多款嘅串燒同埋小食揀，價錢亦都合理，所以我哋都嗌咗好多🤭🤭慢慢㗳!✨霸王肥腸✨肥腸一咬落去就好Juicy多汁🤭，最怕嗰啲燒到好乾嘅豬腸🫠✨金菇肥牛卷✨呢個係我每次食燒烤必叫嘅，金菇同肥牛嘅配搭，簡直係人間美食🤭✨台式香腸✨台式香腸亦都好好食好香口，配搭孜然粉更加味道一流❤️✨爆漿芝士丸✨燒咗嘅芝士丸比平時更加惹味😝最後我嗌咗兩次✨五花肉蟹柳卷✨五花肉好肥美，配搭埋蟹柳口感一流🤭✨秘製豬頸肉✨豬頸肉都好多汁Juicy，十個讚俾佢☺️👍🏻👍🏻✨大大大茄子✨呢個係我成餐飯最滿意嘅食物，睇相覺得好吸引一定要叫😂上碟後果然冇令我失望，茄子顏色好鮮艷，亦都好足料好大條🤭個茄子落咗好多蒜蓉，咬落去超腍🤭🤭但已經好飽啦，如果唔係我會再叫多碟🤣✨手打鴨屎香✨食啲熱氣嘢一定要嗌杯飲品，我嗌咗手打鴨屎香，味道原來係咁得意，第一次飲呢款檸檬茶就鍾意咗❤️總括嚟講呢一間燒烤店好amazing，下次一定會再幫襯👍🏻👍🏻👍🏻
继续阅读