大湯家 (已結業)

平時經過開源道都唔係好留意到呢間鋪，因為佢喺711同埋路口隔離，加上鋪面唔算大，其實都好易行過咗睇唔到。因為上網睇到有人話呢間係「良心小店」，決定親身去懲罰下佢。今次第一次食叫咗個北菇滑雞飯同埋蠔油生菜，但就唔記得要試佢個湯因為我掛住望佢地頂頭個牌，竟然留意唔到佢地隔離有個lunch set 但唔緊要啦，下次再試過！等外賣其實好快，我諗係個菜佢要整過，啲飯佢都一直熱住。但鋪頭入面嘅座位唔多，我諗都係主打外賣，相反佢地廚房就好大了，都好乾淨同埋企理，感覺上都幾衛生。講返個飯先，冬菇就有一舊仔，唔係好多（好彩我就其實麻麻地冬菇），但啲雞就多喇，同埋好香，拎到返公司打開個飯盒，勁大陣香雞味傳出嚟不過食到底會比較多雞油，如果大家唔鍾意食咁油就記得唔好撈勻佢地（好鍾意食油，即刻撈勻晒）至於個生菜就不過不失啦，如果有其他菜揀就好喇。佢個飯就$30,生菜就$12其實都幾抵，下次試完其他睇下會唔會再嚟俾好評啦

60蚊 唔洗 一個 套餐可以 飲碗湯 同 食個無味精的住家飯 / 蒸飯其實係 好健康 化算 嘅選擇試了套餐蝦醬 炒肉片 飯 同雙菇腰果燉湯真材實料 冇落味精 食到食物嘅原味道 蝦醬 是適量嘅 没有過份地搶了肉片的味道個湯清清地 有d餡料頭菇 冬菇 紅蘿蔔 腰果 等等雖然唔多 也可增加些少口感喜歡 那沒有過份咸 的味道整體不錯 分量都適中飲湯後也有一種滋潤嘅感覺內裡 裝修 簡約只有數個 供堂食的座位服務員 親切有禮有時候 簡簡單單就最好

突然想飲湯又唔想自己煲，見到呢間燉湯舖就試試…花膠香菇烏雞燉湯 $68湯料好豐富，花膠唔係得手指咁細舊架，味道幾鮮甜茶樹菇排骨燉湯 $55最平係佢，而味道竟然好香濃，有齒頰留香feel

湯真係好好味 ， 如果吾係餐廳標明無味精，真係會覺得係味精湯😂😂湯料十足，味道鮮甜，不會太咸。 套餐$52 跟細湯 和一個飯，我選了飯卷，飯卷份糧偏少，適合小胃口人士，味道不過不失啦....依個價錢有燉湯同飯堂食食 ，真係算吾錯。 上餐速度快，不過堂食冷氣不足 ，未開始食野已經熱到流汗，望有待改善。我選了粟子淮山鳥雞湯，十分足料，有肉有雞好清甜👏🏻👏🏻餐牌有各燉湯功用介紹，大家不妨跟據自己口味和需要選擇靚湯😋

係觀塘食晏越黎越貴，當快餐店都5-60蚊既時候，呢間$52仲有燉湯就覺得好合理。薯仔炆雞飯味道，送飯一流雞肉份量一啲都唔少又唔鞋口。薯仔切到細粒好淋好入味，美中不足係堂食都會膠盒，轉返正常碗碟就perfect 喇！椰子烏雞排骨湯本身未試過呢間既燉湯，點知一打開就有驚喜味道超好！椰子味好香，又勁多料。烏雞x1排骨x3仲有勁多椰子果兩粒桂圓不得不讚之前都試過早餐個粢飯，又係好足料，不過無影相🤷🏻‍♀️下次一定要試下個花膠湯同滷肉飯😊

早2日去食。嘩，我當堂嚇一跳，然後得啖笑，湯水淡而無味，食物質素有如唐記。當初無諗過食呢間，不過2老唔食西餐諗住試一試姐，食完一肚氣。等咗一陣有位，叫咗3個餐，落單已經吹吹貢，唔知以為自己食緊澳牛。過咗一陣先比湯。飲完無乜味道，唔肯定有無味精。之後我忍唔住同侍應講，湯水太淡。點知個侍應好無禮貌咁望咗我一睇，就扮聽唔到行咗去。 最令我忍受唔到係啲飯好乾，同埋唔夠熱。可能我太早去，我懷疑係隔夜飯。喺觀塘真係有好多更好選擇，無下次。

呢排屋企太忙，阿媽都好少煮飯，更何況湯水呢， 咁啱收工經過觀塘，見到呢間燉湯店，買碗外賣返去慰勞下自己， 滋潤一下。呢排成日捱夜，飲碗燉湯滋潤下，對自己好啲， 人都冇咁容易病。一碗燉湯大概五十零蚊， 其實都唔算太貴，因為乜乜堂擺雪櫃嗰啲一包包湯都要呢個價錢。 而且仲冇咁足料添，呢一個花旗參烏雞排骨燉湯 ，材料都幾豐富，因為眼見嘅材料都有唔少，除咗花旗參，烏雞，排骨之外，亦有圓肉同杞子，仲有唔少藥材。飲落有 花旗參嘅甘味，但唔係太苦，亦有烏雞同排骨嘅鮮甜， 飲落好滋潤暖胃， 而且烏雞非常有營養， 脂肪唔多，飲起嚟嘅油亦都比較少，對於女仔嚟講非常適合。

我同個同事一齊order 2 個午市套餐但係差$8就唔俾堂食，話一定要每人$50先可以堂食，一定要人加錢，最後就唯有再加油菜先有得坐低食。雖然唔見好多人堂食（因還有空椅）但此餐廳計到咁盡，customer experience 已經係好差。佢個北菇滑雞飯得半粒菇，不如索性叫滑雞飯算啦。反覆詢問職員是否只有半粒，佢仲要話係呀，係呀。咁計算，d份量咁奇怪都算啦，但係個栥飯真係唔好食，啲餡怪怪地，個滑雞飯喺食完第一粒菇（只有一個半圓）之後就淨係食撈飯。平時唔寫食評，不過呢度真係唔洗再黎。

呢日行到觀塘睇龍舟，睇完之後就係附近行下。走到呢間專賣燉湯既小店，揀左兩款湯一人一碗。 。。。超滋補，飲得出完全冇落鹽同味精。係香港難得飲到既燉湯。望落冇麥油。。。。我地一人一碗，一碗係烏雞瘦肉湯，冇麥油。d排骨同雞肉都幾甜。。。。另一碗係猴頭菇湯，呢個比較清。食埋d料其實幾飽。。。。。原來仲有蒸飯同點心可以點，真係覺得係觀塘區返工既人幾好，午餐可以有咁健康既選擇。。。我見有d人仲打包碗湯返去慢慢飲，個人覺得帶呢d湯去探病一流。

知道觀塘新開左間湯店 ，本身都成日買鴻福堂既湯包，所以知道後即刻要黎試下 ， 襯lunch 時間下午4點幾 ，無咩人，唔洗同人迫， 雖然作主打外賣 但鋪內都有幾個坐位比客人係度用餐架 環境都舒服架。 而且仲有lunch 優惠，一個湯加一個飯$52 價錢都可接受，雖然個滑雞飯有少少濕 但係主要黎係飲個湯， 足料同埋夠熱 ， 佢有好多款湯選擇 每款湯都有不同作用， 可以簡返適合自己既！ 喜歡湯的你們，不妨可以試試！ 最重要是沒有味精架 好健康 同埋成日返工無時間煲湯岩曬！

大湯家🥣觀塘新開嘅湯水餐廳喔然裝修簡潔乾淨👍🏻，但係位置唔多，大約只有6-8個座位，如果係繁忙時間外賣比較好！而我係3點幾入座，所以完全無人，可以坐低食！⏰用餐時間：半小時👯‍♀️人數：4人💰價錢：$52 / 1人🔸🔸🔸🔹🔸🔸🔸沙薑雞飯🐥 ➕ 猴頭菇蟲草花燉湯🥣味道：⭐️⭐️評論：野食一般，唔太熱！沙薑雞味道唔係太差，但就好少肉，好快就食完！湯就一般，又唔係好熱、無乜住家湯嘅味道，有啲失望😩！

都市人冇乜時間煲湯，好彩而家坊間都有好多湯水專門店，啱哂又懶又冇時間又想飲返啖湯潤下既打工仔🤣哩間大湯家開正係工廈寫字樓林立既觀塘，真係好方便上班一族😄仲有保溫杯方便外賣！我地今日就淨係飲湯，不過見佢地都好多午市飯餐，下次可以試試！椰子烏雞排骨燉湯好足料呀仲有隻烏雞腳😍椰子帶出左清新感覺、桂圓就令成個湯都十分清甜👍🏻栗子香菇准山烏雞燉湯多數有栗子同准山既湯都會變得好杰撻撻，但哩度就唔會，都係好清甜～🤗連啲排骨都好味架！聽講係兩個90後夾份開～加油呀！

早上返工的時候發現了這間燉湯小店， 等到午飯時間就去睇下有咩靚湯！ 這間燉湯專門店在駱駝漆附近， 啱曬在觀塘返工的我。 一共有九款不同種類的湯水， 分別有滋潤系列 : 茶樹菇排骨燉湯， 木瓜豬肺排骨燉湯， 椰子烏雞排骨燉湯， 花旗參烏雞排骨燉湯，花膠香菇雞燉湯。 食療系列：鱷魚肉川貝雪梨燉湯， 栗子香菇淮山烏雞燉湯。 素食系列 ： 雙菇腰果燉湯， 猴頭菇蟲草花燉湯，每一款各有功效。椰子烏雞排骨燉湯$58 ～ 根據餐牌上寫是 男女恩物， 椰子可以增強新陳代謝並能擴充血容量， 可提高人體的抗病能力及滋潤， 增白皮膚。 烏雞滋陰清熱，補肝益腎，健脾止瀉。花旗參烏雞排骨燉湯$58， 近期食得太多打邊爐， 餐牌上寫熱氣必點， 所以我就點了一個試下。花旗參有滋陰補氣，清熱降火， 寧神益智，生津。我本身係一個好鍾意飲湯嘅人， 平時多數都有媽咪煲的愛心靚湯， 因為她這幾天去了旅行，所以我就自己買湯飲。 幸好被我發現到這一間真材實料的靚湯專門店， 原來還有午市套餐， 下次可以來買午餐到公司食， 都幾方便喎！

最近觀塘開左間飲湯嘅，大湯家🥣🥣有9款燉湯選擇🥣，仲蒸飯🍚同點心🥟食架今日我就揀左兩款燉湯，栗子香菇淮山烏雞燉湯🐓同埋猴頭菇蟲草花燉湯🌾淮山烏雞湯十分足料，有成五至六種食材😯，飲落甘甜，十分滋補，啱哂各位女士補下身呀🤗蟲草花湯雖然冇落肉燉，但係一d都唔會淡，飲落相當清甜😋，而且因爲冇肉，所以一滴油都冇，好健康呀👍🏻兩碗湯個份量都好大，湯料亦都超足料，飲哂成碗都好飽飽😌😌

天氣都開始熱 所以一丁友的話都唔想行得太遠搵野食見公司附件有間燉湯 又見都多人話足料好味晏就又有Lunch Set 就入左去試下裝修好簡潔 堂食的位置唔多 可能都係for 外賣的多 椰子烏雞排骨燉湯🍲+日式飯捲 $52 燉湯表面都有唔少油 第一啖覺得比想像中咸飲落都香椰子味 但比起出面飲的燉湯 味道唔太出但唔見得足料 😅😅 日式飯捲都只係普通質素 無咩驚喜 但都係一個清新嘅選擇如果在觀塘簡簡單單速食 都可一試的😬不過又未必會再返轉頭試其他嚕