大滾友火鍋 (紅棉大廈)

营业中

休息中

天氣凍返又想打邊爐😂😂懶得屋企煮，所以試左大滾友👏🏻👏🏻我哋首先點咗半隻花膠湯雞湯底，呢個湯底真係一流！湯色清澈，味道鮮甜，花膠煮得啱啱好，食落去口感滑溜，雞肉嘅鮮味完全融入湯底，😳😳😳湯都飲左兩碗先開始打邊爐，仲有雞都可以食返，因為超滑！👍🏻👍🏻接住，我哋試咗麻辣魚皮冷盤，呢個冷盤有啲特別！魚皮薄脆，搭配麻辣醬，味道香辣刺激，食落去一啖接一啖，真係好過癮😗特別係嗜辣嘅朋友一定會鍾意！🥰然後，我哋點咗牛肉拼盤，裡面有牛肉粒、肥牛等不同部位，牛肉新鮮，肉質非常嫩滑，無論係直接煮或者用醬汁醃製，味道都好好，真係食到停唔到。😀另外，我哋仲試咗伊比利亞橡果豬，呢個豬肉真係好香！肉質嫩滑，口感豐富，搭配邊爐食材一齊煮，真係一個完美嘅選擇，食落去真係令我驚喜。👏🏻😜雜菜拼盤方面，裡面有娃娃菜、生菜同芋頭等，蔬菜新鮮，搭配湯底一齊煮，令整個邊爐更加健康，亦增加咗口感層次。😋飲品方面，我哋選咗一渣竹蔗茅根飲品，呢個飲品清新又消暑，甜度適中，飲落去非常舒服，完美配搭我哋嘅邊爐。😚最後，甜品方面我哋試咗火焰焦糖豆腐花，呢個豆腐花滑滑的，焦糖香甜，火焰嘅效果好吸引，食完之後真係好滿足🥳

以宮廷為主題既火鍋店「大滾友」🇭🇰🍲 我都已經食過好幾次嚕😆 除左荃灣呢間分店 元朗個間都去過😂 秘製香醋凍蟶子皇 $98 / 2隻打邊爐前先食左呢個前菜先🐚 香醋味醇香濃 蟶子皇鮮甜又爽口 酸酸地好開胃🤤玲瓏浮凸花膠雞湯鍋 (半隻) $328每次黎食都系為左呢個湯底🐥 非常滋補養生😌 店員依舊提醒先飲湯再打邊爐🍲 雞湯湯鮮味美 仲有好多彈牙爽滑花膠 ; 半隻既雞既份量都多 雞肉多汁嫩滑🐥大滾友牛肉拌盤 (細) $428有手切外裙肉、本地手切牛頸脊、澳牛和牛金錢展、美國頂級雪花肥牛、牛黃喉、牛肉粒、牛舌花🐮 7隻吾同部位口感既牛肉 岩哂選擇困難症又想試盡既朋友仔😆伊比利亞橡果豬 $228豬肉清晰呈現大理石紋般既油花 肉質細膩 濃郁且鮮嫩 而且食個陣都吾覺油膩🐷和牛墨魚丸 $78 / 4粒比軟少見既款式😆 以攪碎鮮味濃郁既墨魚🐙 包住和牛 口感豐富😙大滾友雜菜拼盤 $98有油麥菜、娃娃菜、唐生菜、萵筍、粟米、芋頭、蕃茄、金菇、木耳等😌 色彩繽紛 非常豐盛🥬飲品方面我地嗌左一渣竹蔗茅根🌱 清熱生津 另外餐廳仲送上火焰焦糖豆腐花🔥 非常打卡able📸

係荃灣想搵間坐得舒服食材高質既特色邊爐打下，即刻返左黎#大滾友火鍋 🤞🏻手工火鍋，淨係湯底都超多選擇，玩味名令人好想睇晒佢🤣櫻唇半開特色卜卜蜆鍋、黑胡椒炒蜆雞湯鍋咁😍最終都係叫返最出名既花膠雞湯鍋，滿滿花膠加金湯，又補又好飲，真係必試✨食淥一淥食得，嫩滑👍🏻肉食時間⏰牛肉拼盤，漂住煙咁用個寶盒上，多個唔同部位，牛黃喉爽身，牛舌心就爽得黎帶牛味😙牛頸脊同牛小排肉質正加埋好濃既牛味👍🏻牛柳粒幾粒一齊食幾爽，飲返杯生啤再戰😎伊比利亞橡果豬，大大份，肉質好嫩有肉味，拍得住牛肉既高質豬👏🏻和牛墨魚丸，真手打，食落墨魚味為主，和牛就令到個口感好滑，都幾爽，好味🤤韮菜豬肉餃，薄皮爆餡，韮菜味濃，高質🌟雜菜拼盤超大份乜都有，配雞湯食幾唔錯😌甜品食火焰焦糖豆腐花，落酒點火好香咁整左個脆皮焦糖，超濃豆香👍🏻整體保持高質食材好味道，服務質素好，慶節聚會都係咁啱，想食好啲既不二之選🤞🏻Bookmark啦😆

大滾友荃灣分店 , 古色古香中式宮庭佈置， 掛上大紅燈籠及古樸木屏風，十分 特色，充滿濃濃中國風。半隻花膠雞湯鍋金黃的雞湯 ， 有半隻肥美三黃雞及厚實的花膠片， 煲滾後傳來濃厚雞湯香氣， 十分誘人， 先吃一口湯， 濃稠鮮甜，帶黏糯的口感， 用來做火鍋湯底 ， 認真一流， 雞件好嫰滑， 花膠Q 彈 , 充滿骨膠原 , 滋補又養生。牛肉拼盤 (細)拼盤豐富吸引， 牛肉好新鮮有: 🔸️頂級安格斯牛肉🔸️手切本地牛肉🔸️新鮮牛展🔸️頂級雪花肥牛🔸️牛黃喉🔸️牛肉粒及🔸️牛舌花每款牛肉滿佈雪花， 顏色粉嫰，安格斯 牛肉及頂級雪花牛 , 油脂豐盛，放入湯中淥十數秒即可， 肉質軟嫩細膩 , 充滿肉汁。手切本地牛肉及新鮮牛展 , 入口軟腍鮮嫰，牛味濃郁，咀嚼間釋出油潤肉汁， 滿足食肉獸的我。 牛舌花及稀有的牛黃喉 , 爽脆帶嚼勁的口感 , 認真一流。手打鵝肝墨汁墨魚丸 (4粒)黑卒卒的墨汁墨魚丸, Q彈又嚼勁，內裡 包上鵝肝粒， 啖啖鵝肝甘香，誠意十足。伊比利亞橡果豬伊比利亞豬，以橡果餵飼育成，肉質結實爽口，色澤嫰紅，肉味香濃， 咀嚼時帶淡淡嘅橡果果香 ，肉香加倍誘人， 讓人回味 。大滾友雜菜拼盤有： 🔸️生菜

再Encore呢間宮廷風嘅火鍋店,環境舒適,今次揀咗特色卜卜蜆湯底,蜆份量極多,粒粒肥美,湯底鮮甜,未打邊爐已經飲咗二碗仔🤤✨牛肉拼盤(細)牛舌片,牛金錢展口感爽口,牛頸脊牛味香濃,牛肉粒,手切雪花牛油香肉嫩,牛胸油爽身唔膩,各有特色！✨伊比利亞橡果豬大理石紋般嘅油花,肉味濃郁,唔油膩！✨蟹子鮮蝦丸彈牙又多蟹子,正！✨即炸響鈴 & 薯粉響鈴一淥即食已經好好味,薯粉吸收晒食物同湯底嘅精華,好味！✨大滾友雜菜拼盤包羅萬有,番茄、唐生菜、金菇、蓮藕、黑木耳、紫淮山、油麥菜、粟米，全部都好新鮮！✨竹蔗茅根打邊爐又點少得竹蔗茅根,清甜解渴!✨火焰焦糖豆腐花店員喺豆腐花上面加啲黃糖,再加少少酒,然後點火,真係睇得又食得,正! ✨同至愛嘅人享受一餐帝王式嘅火鍋真係太幸福!

之前適逢人日約咗就快生日嘅buddy食番餐🥢揀咗嚟呢間咁有特色嘅火鍋店🍲呢度除咗環境古式古香好有中國氛圍之外～食物都好精緻～而且服務仲好貼心(每人有杯Welcome drink🍹)又過癮(仲可以自選紙牌/骰子叫員工同你「比武」😂😂)！.✨玲瓏浮凸花膠雞湯鍋(半隻)記得先飲用濃郁嘅滋陰養生湯頭😎暖胃一流！鮮雞件嫩滑又鮮味！仲有滑嘟嘟嘅厚身花膠添！！.✨手打鮮牛丸極之彈牙！牛肉味出眾又突出！鮮味無比！！.✨牛肉拼盤(細)包含多個牛肉部位🐂！肥美又鮮嫩～當中又口感獨特嘅牛胸爽最為印象深刻🤩🤩.✨黑松露午餐肉非常邪惡嘅美味😍😍炸得香口酥脆！啖啖肉香又帶有黑松露滋味！一定要趁熱食哦！！.✨伊比利亞橡果豬係豬中嘅和牛級數🐽肉味濃郁又肥美👍🏻👍🏻推薦！！.✨大滾友雜菜拼盤一盤有齊多款蔬菜種類🌽🥦🥬🍅蕃茄片、粟米、娃娃菜、油麥菜、蒿筍、芋頭、金菇等等等等…營養豐富又新鮮多元！！.✨自家製足料竹蔗茅根😚古式設計嘅酒壺好精緻！清熱又解渴！！.✨火焰焦糖豆腐花店員話呢個又名「出火豆腐花」😂點火果吓就知點解啦！必須要打卡先🔥🔥入口質感滑溜～又甜蜜蜜！！.✨加一服務費✨茶芥

已經多次幫襯嘅大滾友，宮廷風裝潢，食物質量高，座位闊落，一班朋友聚會好去處～網上訂位有好多折扣，建議訂左先～香濃豆乳蜜瓜龍躉雞湯鍋雞湯底加入新鮮豆漿同原個密瓜，煙霧彌漫，打卡一流～店員建議未打邊爐前先飲下個湯～超鮮甜啊！！！湯底仲有新鮮龍躉片，厚身魚片好爽好重魚味～伊比利亞橡果豬必試！！每年夏天，伊比利亞黑毛豬會被野外放養到橡木林，係林中飽食橡果約5個月，令其肉質口感猶如奶油般柔軟，層次感豐富，入口肉香回味濃郁～大滾友牛肉拼盤 (細)選擇困難症就揀呢個牛肉拼盤，由牛味重部位到黃喉等特別部位都有～牛味非常香，好抵食～牛黃喉黃喉新鮮唔係急凍貨，一食就知道，超爽身～決定encore～手打鵝肝墨汁墨魚丸呢度嘅手打丸又係非常值得叫～超級彈牙，墨魚丸裏面有墨魚粒同埋鵝肝粒，超香呢～大滾友雜菜拼盤雜菜拼盤有油麥菜、生菜、娃娃菜、金菇、萵筍同淮山，洗得好乾淨又新鮮～自家製足料竹蔗茅根自家製竹蔗茅根，唔甜，健康解熱之讀～火焰焦糖豆腐花表演打卡好正～店員喺豆腐花桶倒入冧酒，然後放火（哈哈）～豆腐花好滑，好睇又好食～

前幾日終於有機會去試到！啲嘢食都真係好高質，擺盤同啲碟好靚，但都真係好貴..😂 感覺上有1/3價錢係買緊個擺盤，值唔值得用嚟打卡就見仁見智啦🤣如果正常要食飽起碼每位都$500起跳，然後啲高級牛都好細粒食得唔太爽，如果係食肉獸要帶多啲資金先好嚟啦！同樣質素有其他更平嘅打邊爐選擇，不過如果有budget/唔係好餓/有優惠嘅都可以一試！價錢大約牛牛拼盤+丸拼盤+湯底，連加一就900-1000，可能係啲牛太細粒，食完好似冇食過嘢咁🫣都係要叫多好多其他嘢食先夠爽另外個3-4人餐就$22xx加一

今日食咗個好滋補嘅香濃豆乳蜜瓜龍躉雞湯鍋🧡，賣相真係好靚🌹，超多厚身和多骨膠原嘅龍躉肉，店員幫手切開個木瓜，再加入豆乳雞湯，等個湯滾左之後可以先飲一碗補一補，之後先再打邊爐。肉類：我地叫咗大滾友牛肉拼盤🐄，可以試到七種高質嘅手切牛肉，頂級安格斯牛小排和牛頸脊都好正。另外仲叫咗好香嘅伊比利亞橡果豬🐖，兩碟都有乾冰鮮氣效果好靚❄️。餃丸：蟹王餃叫喺必點推介🦀，入面有好多蟹黃，鮮味爆發😍，另外仲叫咗手打蟹子鮮蝦丸，真材實料，🦐新鮮彈牙。蔬菜： 大滾友雜菜拼盤🥬🍅🌽飲品：竹蔗茅根🎍甜品：火焰焦糖豆腐花👍，火焰效果啱晒打卡！仲有少少酒味。

天氣又開始涼，仲唔係打邊爐既日子😆，今次就嚟到荃灣搵食❤️，餐廳環境好古色古香，幾有特色火鍋湯底揀左櫻唇半開特色卜卜蜆鍋勁多蜆，等佢慢慢係既開既途中，就聞到陣陣既鮮香味，蜆肉飽滿，入而仲有芽菜墊底，都係精華所在，索滿湯汁，湯頭係好清甜帶啲啲辣咁，勁惹味打邊爐點少得肉😆，身為食肉獸嘅我，叫左盤細既牛肉拼盤，但份量都唔少，肉質勁嫩又牛香濃，種類都好多，樣樣都高質另外仲有伊比利亞橡果豬，呢個大推👍🏻肉味好獨特，超級好食手打蟹子鮮蝦丸就是正常發揮，應有嘅爽彈都有齊朋友話要飲食均衡🤣，一定要叫菜，大滾友雜菜拼盤就岩哂，咩都有啲咁仲叫左盤小食，酥炸小鮮肉，外酥內軟打邊爐必飲竹蔗茅根食埋個甜品，焦糖豆花收尾，就滿足哂🤣

二訪呢間咁特別嘅火鍋店，佈置得如同古代宮廷，真係打卡一流！一踏入店內，就被龍椅同青花瓷餐具吸引，感覺就像置身於古代的御膳房，仿佛隨時可以接到聖旨，實在係禦膳級嘅享受。食物質素當然係好。另外我就係貪呢啲環境夠特別😌湯底我選擇咗花膠雞湯底，湯底清香濃郁，花膠的份量超大，每一口都能感受到那份鮮甜。這個湯底不單止好味，還帶有養生的效果，令人越食越想食。食材牛肉拼盤，肉質鮮嫩，搭配各式醬料，口感豐富。金屋藏嬌的和牛墨魚丸更是驚喜，牛肉與墨魚的完美結合，口感滑順。伊比利亞橡果豬的味道亦非常出色，肉質鮮美，脂肪分佈均勻，食起來特別香。大滾友的雜菜拼盤，色彩繽紛，搭配著各種新鮮蔬菜，既健康又美味。脆鯇腩片則是另一個必點的菜式，外脆內嫩，吃起來口感層次豐富，讓人忍不住一片接一片。甜品最後，火焰焦糖豆腐花作為甜品，甜而不膩，焦糖的香氣與豆腐花的滑嫩配合得恰到好處，令整個用餐體驗完美結束。

愛玩小生👦🏻第二次去荃灣大滾友火鍋，感受古色古香的宮廷風裝潢，紅燈籠加上木屏風，充滿濃濃中國風，環境氛圍一流！🥣 花膠雞湯鍋（半隻）湯底用鮮嫩雞肉燉煮花膠，膠質豐富，濃郁甘香！無論當湯飲或打邊爐都滋補養生！🥩 手打鮮牛丸彈牙紮實，咬落滿滿鮮美肉汁，手工製作，真材實料，必試之選！🥤 自家製足料竹蔗茅根清甜解膩，天然甘香，飲完即時中和火鍋油膩，清爽又養生！🍖 大滷友牛肉拼盤（細）多款牛肉部位，油花分佈均勻，口感豐富，肥美五花腩、牛胸肉，款款滋味！🥬 大滷友雜菜拼盤新鮮蔬菜搭配火鍋配料，爽口又營養，配濃郁湯底，平衡口味更添層次！🐷 伊比利亞橡果豬肉肉質細嫩，帶獨特堅果香，油脂分佈完美，入口軟嫩不膩，無論涮煮或燒烤都極致美味！📍 大滾友火鍋（荃灣）地址：荃灣青山道125-133號紅棉大廈地下

調味料好有特色放得好靚，同埋有一杯welcome drink係百香果都幾好飲。玲韈浮凸花膠雞湯鍋（半隻）個花膠雞湯勁好飲，飲落去係飲到煲咗好耐嘅雞湯味道，一飲落去成口都充滿骨膠原，同埋入面勁多花膠，隻雞都好滑同好嫩好有雞味。店長推介伊比利亞橡果豬佢下面放咗乾冰上碟嘅時候勁吸睛，佢呢個豬肉勁好食，好重肉味。大滾友牛肉拼盤（細）入面有好多唔同牛嘅部位，望到已經覺得好好食，肉味都幾濃，最鍾意食係牛舌同埋牛頸脊，打邊爐係一定要有。配埋啤酒真係一流。手打鵝肝墨汁墨魚丸自家出品一定要食，個墨魚丸咬落去好彈牙同埋真係食到鵝肝味，喺其他地方一定食唔到。大滾友雜菜拼盤都好多款式嘅菜，份量超級足夠，打邊爐一定要有肉有菜。新鮮鮑魚（兩隻）鮑魚勁大隻勁新鮮，食落去好有質感。食埋個焦糖豆腐，超級滿足。

俾食評呃左去嚟食，第一次食，非常失望，咁嘅食材質素（牛肉好乾又好嚡，海鮮好多沙）同價錢又唔係平，真心除咗佢自己懶好笑咁同d食物改埋d食字當有趣嘅名，根本冇乜特色及水準。而且，d侍應成日加水成個水壺底放落d生肉上加去慳力，罔顧衛生，俾佢攪到無曬食慾，而且態度好差又無禮貌，d位又迫又混亂，今時今日都咁安排，真係落後，已blacklisted.補充：回家後有一半人已肚痾，呢啲食市真係無良。唔怪知walk in就有位。

今日嚟到位於荃灣嘅大滾友火鍋食飯，依到嘅打邊爐都幾出名㗎。係湯底方面，我哋就揀咗豆乳濃湯鍋，呢個湯底都幾有心思，用上魚肉熬製而成，加上仲有少少蔬菜，所以整體感覺好健康。牛肉拼盤牛肉拼盤夠晒大份，有牛肉粒，牛肉片等等，多種唔同嘅部位。賣相夠晒吸引，不過如果兩個人都大食嘅話，就可能未必太夠。伊比利亞豬豬肉片入口香濃，有脂肪嘅香味，完全唔會覺得靭。稻庭烏冬估唔到呢個價錢會食到一份咁大嘅烏冬，將烏冬擺入去豆乳濃湯到煮完後，烏冬吸收咗湯底嘅精華，味道更上一層樓。火焰焦糖豆腐花呢個豆腐花夠晒噱頭，不過因為豆腐花以甜味為主，撈埋酒之後，略帶少少苦味。嘅食物都幾豐富，我最欣賞嘅都係今次嘅湯底。