大瀛喜日本料理 (已結業)

藍色星期一，相約友人到旺角試食左呢間「大瀛喜日本料理」放堤。 呢間餐廳位置近旺角地鐵站朗豪坊出口，相當便利。雖然係星期一，但餐廳內仍然接近位無虛席。 餐廳環境望落乾淨，自助食品區又有好多指示牌提醒，同埋通道都算寬敞。 食物方面有好多款式，餐牌有大概十種，由A-I。 有刺身、壽司、油炸類、天婦羅、手卷、沙津小食、星級海洋宴。刺身方面，當中試食左三文魚、北海道鮮帶子、赤海蝦既味道還是不錯既，賣相亦感覺新鮮。 另外，帶子口感不錯，值得再叫多幾次。炸物方面，全晚食得最多次一定係：芝麻雞翼。 雖然係熱氣少少，但由於太好味既關係，應該有食左5隻以上；雞皮炸相當之咁脆，咬落卜卜聲，仲帶點辣味，食完好想再食。 燒物方面：有一口牛、羊鞍、脆肉瓜。 脆肉瓜同羊鞍都係必食之選， 羊鞍唔會有騷味，而且香味。 脆肉瓜新鮮多汁，有咬口。至於天婦羅、其他主食方面，其實味道都唔差，而且每一客份量都適中；好似手卷咁，設計上差不多一口一件。 另外，有飲品同甜品提供。 有雪糕、水果、清熱飲品、啤酒...等等。 最尾有食埋個乳酪，由於實在太飽既關係。不過一間餐廳除左食物質素要好之外，服務質素都好重要

出到MK，好多放題選擇，呢次黎到文華既大瀛喜，呢個價錢，比到咁高質，都算係咁地點方面，非常就腳，一出地鐵站隔離就係，文華商場5樓，岩晒帶屋企人黎食，方便唔洗揾路呀嘛。環境方面，店舖都算大，位置同其他放題差唔多闊，足夠方野食既，張椅就值得讚下，有椅邊打側坐都幾舒服拎雪糕同飲品既位都算近中間，拎濤幾方便。食物方面刺身方面，一黎就叫左盤刺身先，唔錯幾新鮮，三文魚切得幾厚，好有口感，海蝦鮮甜彈牙，叫左兩round先夠喉。炸物方面，叫左佢個天婦羅炸蝦，上枱都仲係熱辣辣，乾爽既食落都好脆口，唔錯。仲有個炸蠔做得都幾好。熟食方面，本人最鐘意係佢個羊架，燒到外面好香少少焦邊，入面仲係多汁鮮嫩，正。另外，就係佢個鹽燒海蝦，好惹味，正。推薦大家黎試下黎間，唔伏之選。

好耐冇食過放題喇，於是星期一晚放工就走咗去食旺角呢間放題，我星期一晚六點幾去到，我已經算係早收工，但係入到去間餐廳已經坐咗一大半人喇，果然這間餐廳好受歡迎。噉我入到去見到個餐牌已經不斷點野食，點完唔夠五分鐘，啲野食已經開始來啦，速度之快真係令到我有驚喜，試咗幾樣嘢食之後，原來樣樣野食都唔錯個喎。我自己最特別推介，就係燒海蝦，雞軟骨，蜜糖雞翼，超好食必食推介。嘢飲方面我覺得呢間餐廳都幾貼心嘅，因為除咗有凍飲之外，仲有熱飲架，熱飲有竹蔗茅根，維他奶，豆漿。另外呢度仲有個貼心位，就係當我想用紙巾抹手嘅時候，竟然發現原來每一臺都會有包紙巾喺枱上邊嘅，值得一讚啊。整體嚟講呢間餐廳真係好抵食，埋單都係每人240元，性價比超高的放题。

忙左一個幾月同朋友都好想食返一餐好嘅慰勞下自己所以就揀咗呢食旺角大瀛喜放題 大瀛喜放題的食物質素一向不錯而且選擇十分多花之戀壽司 食落覺得好鮮味海膽手捲 細細件多多海膽配上細細嚿飯唔會令到人食得太飽又可以食到海膽鮮味熟食類食物都十分唔錯蜜糖醬燒雞中翼脆脆嘅表皮加上甜甜嘅蜜糖真係非常滋味仲有炸物類型嘅食品芝麻雞翼炸到剛剛好外脆內軟肉質非常嫩滑😋酥炸生蠔炸粉比較多 但咬落還算食到鮮甜嘅蠔 都唔錯👌 燒菠蘿酸酸甜甜非常醒胃🔥令人驚喜嘅芝士香蒜焗蝦燒到溶咗嘅芝士配上原隻大蝦 咬落啖啖肉得嚟又有好香濃嘅芝士味 非常出色🔥encore左兩次食肉獸不能錯過嘅燒羊架 唔會太騷得嚟又食到羊嘅香味而甜品方面我哋亦都食咗唔少熱辣辣嘅流心心太軟食落好香朱古力味食完一粒又一粒仲有喺甜品區自取嘅馬卡龍 小布甸等等見到靚靚顏色甜品都覺得好開心呀🌸

最近一直忙於工作，難得放假，就帶埋媽咪偷得浮生半日閒。為左唔好同人迫加上7點半前離座有85折，我地就book左5點半。事實證明呢個係明智選擇黎ge，因為餐廳比左張四人枱我地兩個人坐，就算上左勁多野食，都仲係好鬆動，加上我地黎個陣餐廳未坐滿，所以落單一陣就即刻有野食，亦比起黃金時段獲得更多侍應ge照顧。一坐低就係咁畫我鍾意食ge野，呢度野食選擇都好多野飲方面，居然有韓國之前好hit ge 桃味汽酒，我梗係要試下啦！飲落唔算好重酒味，加上桃ge香甜，我覺得好飲過jolly shandly，加上酒精濃度得3%，唔會咁易飲醉野食方面，我就好推薦豉椒炒蜆，蜆肉大粒又無沙，加上豉椒快炒，好惹味😋放題重頭戲ge刺身亦好新鮮，你睇我呢個蝦怪成碟蝦頭就知我食甜蝦食到停唔到啦食刺身食到個人凍凍地，最岩就係食返碗海鮮粥暖下胃gar la！一煲粥兩個人分岩岩好一人碗多d海鮮粥真材實料，有半隻蟹同一隻蝦，加上粥底又棉又滑，分少少quota去食佢都值得啊！成餐飯入面我encore得最多次ge就係超級榴槤炸彈叫得超級真係童叟無欺gar！你睇下入面幾多榴槤餡！另外一個必食推介就係Q版心太軟 雖然佢細細粒，但係入面居然

終於到happy friday！平時忙到得星期五大家先有精力出黎見，一於食返個放題補補體力！今次去左位置好方便既mk大瀛喜，一出地鐵站幾步路就到！呢間放題既水準一如既往，從來都冇令人失望過首先野食多之餘，連飲品櫃都有成兩個，有個櫃專放支裝飲品，連果汁先生都有，係其他放題搵唔到我地一黎到就好急不及待咁劃紙落order，野食好快就上左黎炸物炸到金黃色咁好靚，呢到有炸鮮奶，又係唔係到到都有，緊係整返兩件先，入面既鮮奶粒好甜好滑！極力推介呢到既燒鰻魚！大大塊而且d燒汁岩岩好，唔會太重口味，但食落係好似平時出面食既貴價鰻魚飯既鰻魚，我地後尾又encore左次芝麻雞翼一直都係我最愛之一！外皮炸到好脆，入面d雞肉又多汁多嫩滑炒雜菇都好正，好香口，又係第一次見放題有我鐘意既雜菇食甜品選擇都非常之多，每樣都細細件，等你食飽左個胃都仲塞到甜品！雪糕櫃都好多款，鐘意朱古力既朋友要試下佢一粒粒紅玩包裝既朱古力雪米糍，糯米皮入面包住朱古力雪糕之餘，個雪糕仲包住朱古力軟心！咬落去會流心架！

朋友在國外回港小聚，按理有朋自遠方來 不亦樂乎，但可惜大家生活環境大有不同，以致於對食物的喜好亦南轅北轍。於是，這間有神級放題之稱的大瀛喜便成為了我們最後的選擇。大瀛喜和坊間大部份放題店一樣，向食客提供各類自助吧。不過這裡的飲品和雪糕分開放在兩個區域，有助分散人流，令客人更快和更容易取到自己想要的東西。飲品吧種類齊全，常見的各類汽水、涼茶和啤酒都應有盡有。回到座位後發現部份食物已經火速送上。刺身(⭐⭐⭐⭐💢)漂亮整齊的擺盤配上乾冰，令刺身自帶仙氣，令人食指大動。三文魚十分肥美，甜蝦、帶子和北寄貝都十分鮮甜，不消一會，整盆刺身就被我們一掃而空了。芝士蒜香焗蝦(⭐⭐⭐⭐⭐)新鮮海蝦開邊後面上塗滿蒜蓉，加上芝士後再放入焗爐焗，雖然拉絲效果略嫌不足，但蒜香十足，令人回味無窮。芝麻雞翼 / 紫心香芋丸(⭐⭐⭐⭐⭐)芝麻雞翼外脆內軟，表面的芝麻經過油炸而散發陣陣香氣，雞翼內的雞肉卻仍然保持嫩滑多汁，即便熱氣，都一定要趁熱進食。紫心香芋頭丸雖然也炸得香脆可口，不過我覺得芋頭內餡稍微過甜，當甜品食應該不錯，建議最後才吃。鹽燒牛舌(⭐⭐⭐⭐)牛舌撒上黑椒調味，味道不錯，不過可能稍稍燒得過久，略嫌乾身。燒

2年後再食大瀛喜，熟食水準上升了不少！魚生種類其實都算多！不過我就唔係全部都咁鐘意，所以叫左蛋，三文魚和帶子！除左三文魚，其他都係期待之上，可能係呢部分三文魚唔夠肥美，不過帶子就絕對水準以上！之後重叫左鮑片，都係正既！蒲燒鰻魚，我既最愛！燒得好香，不過小心細骨！叫左成6-7次！芝麻雞翼炸得好脆，外脆，內juicy！熱度剛好！天婦羅蝦就一般，炸粉不算太厚，不過就好似灘涼左少少。牛柳粒都係好食，有水準，不過好似唔太夠熱！蜜糖雞翼，掂阿！好香既蜜糖味，叫多左2round，熱辣辣，好食！大瀛喜同大喜x不同之處，相信應該係雞軟骨！而家得返大瀛喜有，所以我會prefer大瀛喜！因為雞軟骨係我的最愛食左成20串阿！甜品款式都好多！而且重有雪糕！雖然係雀巢only！大瀛喜還可以繼續上升水準！240蚊食2個鐘，都抵啦！性價比較高

自己一個, 大解放~~~今日想食豪D, 但如果去壽司店食刺身應該會好貴, 所以就決定自己一個食放題, 一人的浪漫~~~刺身船X2一落ORDER紙, 唔洗兩分鐘, 有嚟到, 超快~ 三文魚: 我覺得係魚腩嚟, 好肥美赤海蝦: 係我至愛,總括所有刺身都新鮮, 肥美, 大件，好味.海膽手卷總共食了6件, 只因佢細細件, 大約一隻手指的長度, 大口的朋友可以試下一啖一口, 鐘意佢的細心安排, 一件一口咁就可以食多其他款的嘢.大排檔海鮮 ~ 黃金蝦球, 炒蜆, 辣酒煮蜆好味 蝦球大大隻, 咸蛋黃好入味, 蜆隻隻都有肉, 有大排檔的水準.羊架, 牛肉粒不得了, 唔肥, 啖啖肉, 燒得煎得烚到好處, 好JUICY, 好淋, 羊架冇咩肥膏, 我至愛~燒鰻魚喜歡佢唔洗要叫壽司, 唔同其他放題地方, 可以淨食鰻魚, 鰻魚好甜, 好味, 好厚肉松蟲花花膠雞湯食左咁多生冷嘢飲返碗熱湯好正, 仲有花膠仔, 好補呢~心太軟呢一刻已經好飽, 但我係咁多甜品中揀左我最愛的心太軟, 即叫即焗, 中間的心慳有朱古力醬流出嚟, 好正呀.順帶一提, 佢的飲品好多款式, 仲有大大支的果汁先生. 掂~

今日同朋友都做左成日野，極度肚餓，諗都唔諗就入左黎食放題，除左因爲近地鐵站外，其他朋友都成日會黎呢到食dinner。咁我同朋友一黎就係咁嗌刺身先，我地加埋嗌左近50個三文魚同鮑片，比較得意既係佢真係黎足比我地，冇漏單。跟住我地就緊係嗌燒物。我地嗌左羊架、牛舌、炸蠔、一口牛、雞軟骨等等。我地都覺得羊架係最好食既，仲非常多肉！我地加埋食左成8隻😂😂我之後仲嗌左個牛肉鍋。因為今日既天氣都非常凍，食個暖笠笠既牛肉鍋就岩哂喇！牛肉鍋除左有牛肉外，仲有豆腐、菜、金菇等，而且個湯都幾甜，勁好味！呢到既職員都幾有禮貌，放題咁chur既環境下都盡量咁做，服務態度非常好。而且環境唔錯，甜品都有好多選擇，值得再黎。

今日friday night同朋友一齊去食放題😍大瀛喜呢d高水準放題當然係首選☺️一黎我地就叫左海膽手卷先🥰海膽望落色澤光亮，入口即溶👍🏻唯獨係有少少腥味有d遺憾。第一round已經叫到成台都係😋天婦羅都炸得好脆好好味😙炸鮮奶係最特別，每次黎大瀛喜都會叫👍🏻值得一提嘅係汁燒鰻魚🐟醬汁濃厚，肉質肥美😙鐘意食鰻魚嘅一定不容錯過🤩其他炸物我地都有叫，吉烈蠔蘸沙律醬真係一絕😚香芋丸外脆內軟，甜甜地嘅香芋真係令人欲罷不能🤗芝麻雞翼更加唔洗多講，外皮炸至金黃色，入面嘅雞肉嫩滑，仲係熱辣辣！牛柳粒不過不失🐂同蒜粒一同入口，口感更佳👍🏻炸蝦天婦羅🍤嘅炸皮唔算好口，唔會食到成口粉。紫薯天婦羅，內裡保持熱度，好好味🤤燒菠蘿外面燒焦少少，但係入面依然保有少少水分😍酸酸甜甜好開位😲芝士焗蝦上放滿曬焗熔左嘅芝士🤤入口全部都係芝士同鮮蝦☺️刺身拼盤好有心思💕有d乾冰擺左係盤上面，令到刺身望落更加吸引。蝦、三文魚、北寄貝、帶子，全部都有😍三文魚刺身切得好厚😙真係貨真價實😍心太軟焗好出黎，外面鬆軟，入面嘅朱古力一咬開就流出黎🤤鐘意食朱古力嘅一定要食😙其他凍櫃裡面嘅甜品都好吸引☺️焦糖燉蛋好滑好creamy，可惜焦糖脆皮唔夠

講起旺角放題，曾幾何時係我同一班中學同學的夢魘。當年放題剛剛係香港興起，我地成班緊貼潮流既型棍子當然會食埋一份啦。我地雖然屋企都好有錢，但都唔會話好大洗（有個fd既啊爸係全球第二富，但係餐餐都食m記）。咁個陣就見到宣傳話唔洗150蚊就有得食放題食足2個鐘，我地幾條友就拿拿聲帶埋d女同學去食啦。結果我地食唔夠半個鐘就走左；之後試多另一間，九個字就走左。冇錯，我地細蚊仔唔懂事，當年就係去左放題勇者塔－－兆萬。自此我都唔太敢係旺角食野。但我女朋友講到呢間大瀛喜好好食，咁我就去試下。食完呢一餐既感覺，就好似令我呢一棵蜷縮既植物得到陽光既一個吻咁，顫抖的舒展著身體的每一寸。大瀛喜食物種種相當之多，一來我地就叫d冷盤熱下身先：枝豆、薑、沙拿同豆腐先睇下刺身：有成17款咁多，當中特別既款有池魚同「魚立」 魚，特別池魚係值得encore的！吞拿魚係較普通既貨色；油甘魚鮮甜冇根。因為我係蔡san fans，所以我通常食日本野都唔叫三文魚刺身。而我心入面一直有一個問題想問好耐，點解玉子都係刺身？？？？？？？？？？？？？？？？？？佢首先已經唔係生，仲要唔係海鮮？？？？？？？？？？？？？不過唔緊要，玉子好甜又

黎到先發現原來我無黎過呢間食放題，但原來呢一間係我朋友之間都幾出名 我同3位朋友book左夜晚9點食，有折得黎仲要俾左6人枱我地，好好無影曬d熟食(因為掛住食食食) 熟食我覺得特別好食既有：蒲燒鰻魚、芝麻雞翼、芝士蒜香焗蝦 除左雜菜有少少唔夠熟之外，其他我食過既熟食都唔差~可惜無我最愛既炸芝士年糕剌身總括黎講都夠凍夠新鮮甜蝦、魷魚同八爪魚都好okay 款式同數量都上得齊同準，質素唔錯甜品有甜品櫃同雪糕櫃，本身夠飽唔諗住食，不過去完洗手間見到有榴槤雪條，忍唔住拎左一條食，難得放題有榴槤雪條/雪糕食

大瀛喜日本料理雖然好出名但我真係第一次去食我係個商場迷咗少少路先搵到間餐廳呀入到去發現自助雪榚又係另一邊自助位置唔係好一致 不過款式好多除左啤酒之外 仲有清酒同梅酒甜品都有好多種基本上放題有嘅食物呢到都有但選擇畀其他放題餐廳多例如鍋物都係 5-6款🍽值得一提就係 海鮮類幾鮮甜海蝦、三文魚、帶子都唔錯🐟另外 手卷都幾細舊 有啲意外不過大細都唔怕 因為份量少可以再嗌呀嘛壽司類🍣個人比較喜歡燒過嘅壽司都無令我失望 好食燒得好均衡 醬汁無蓋過壽司鮮味燒物類🍢幾鍾意食芝士燒海蝦燒得唔乾身 一啖放入口超級好食 芝士比例啱啱好天婦羅🍤炸粉唔會太多 啱好蓋到肉身就足夠蟹柳同炸蝦都食到厚厚肉身而唔係炸粉嘅厚脆身 值得試試總括而言🍙位置唔係咁易睇到 而且真係要搵一搵先覺食物選擇真係畀出面多啲尤其 野飲同甜品食物新鮮、份量適中👍 座位就比較偏窄 坐得唔係太舒服會同隔離檯逼嚟逼去我去嘅時段係 $218 加一💰

今日行過旺角又心郁郁想食返餐放題，就揀左大瀛喜。食過幾次都依然保持到水準。Menu同大部分放題一樣，分開好多張紙唔同類型，佢既選擇都幾多，就算一大班人口味唔同都無有怕。落單後上菜既速度好快，講緊都係幾分鐘既事。同其他放題一樣都係會上刺身，我同朋友就揀左三文魚，鮮貝，飽片，北寄貝同蝦。全部都幾新鮮，食落都算鮮甜。之後串燒類都幾好，食落香口。由其是雞軟骨，有咬口之餘仲有小小鹽香，好正。手卷細細個，岩哂想試好多類型但又唔食得多既你。今次食左海膽同拖羅，兩樣都幾好食，可以一試。小食類表現都有驚喜，一口牛，芝士蝦，吉烈蠔等等都幾ok。個蠔雖然炸粉多左少少，不過食落都香脆，不過不失。一口牛味道就甜左少少，唔太岩個人口味，但朋友就話都覺得幾好食。出面有個甜品櫃，有幾款細細件既甜品任你揀。隔離就係飲品櫃，有汽水，茶，罐裝飲品等等。最後仲有雪條同糯米糍任你拎，絕對滿足到中意甜品既你。