大班麵包西餅

营业中

休息中

這個 北海道特濃牛奶蛋糕 ($13) 都推出了很久呵, 有一次終於買了來吃。它包裝得像牛奶盒一樣, 幾趣緻, 算是近年品牌比較用心的包裝了。可是食落就認真一般, 雖然真是非常的輕盈軟熟, 牛奶香味卻不知哪裡尋; 而且發粉的味道也比較重, 不是太滿意啦, 當是試過就好。看來, 買大班還是買回它的冰皮月餅才好...

成日經過都覺得大班擺出面D班戟好靚,一直好想試,今日終於試左啦!揀左栗子班戟,好味!班戟皮味道淡D,蛋味唔濃,一般,但係入面cream同栗子蓉好多,你唔會有齋食班戟皮0既情況出現,所以問題不大。栗子蓉同cream mix得好好，栗子好夠味，cream多得黎唔漏，幾好味！同埋要讚下收銀姐姐，我因為趕時間無睇清楚價錢，俾張$10紙就想走，個姐姐即刻叫我返黎找錢俾我，真係好好人呀！

我平時多數要食既話都係揀雞批 , 不過今日就突破一下 , 行過大班買個平時比較少見既口味食下。牛肉批($7) ~ 外層批皮唔會有甜味 , 呢個我好欣賞 , 因為明明應該係咸咸地先會夾到入面d餡 , 但係有d麵包店會整到好鬼甜食到好膩 , 碎牛肉加埋黑椒醬汁唔錯 , 其實以前好細個既時候 , 成日都會買大班既紫菜肉鬆卷食 , 宜家都仲有得賣 , 好味道

久不久趕不切吃早餐, 都會在這兒買個飽, 最經常的就是百結腸仔包, 名字是百結, 但又不是真的baguette, 加上茄汁, 味道雖是ok, 但名字真的夠騎呢最近買了一個吞拿魚焗包, 吞拿魚蓉加沙津醬, 份量大而且味道好, 濃郁濕潤的醬汁, 令人忘記吃包乾爭爭的口感(皆因本人最不喜歡乾爭爭的), 好味~~~