大發餐廳

营业中

休息中

眼前炒粉麵打仗後的屍體山一樣，其貌可怕！擔遮就行出去啦史福佳，塞夠住晒簷蓬條路！我無遮濕夠晒喇，您滷味！排除萬難十點前返到公司，無論如何無論幾點早餐梗要食既！想食咸牛肉雞蛋三文治，但剛剛最後一份比我前面位阿姐搶掉，問問嬸嬸稱即刻做，要等等。還以為做一份，原來一次過做 6 份，所以要等較長時間啊！第一次親眼睇住煮，真係大開眼界，原來係咁架？又學到野喇。先炒熟咸牛肉，再鋪平長方形的扒爐，慢慢倒上蛋漿，熄火用餘溫煎熟，連反都唔洗反，薄薄一層蛋皮，上麵包一開二，禮成！豉油皇炒麵，浪費我寶貴限額極咸啊！不過質地嚥韌硬淨乾爽很喜歡！如果配上燒豬骨粥或瑤柱皮蛋瘦肉粥撈埋一齊食，味道就更平衡剛剛好。豉油皇炒米粉，前面位小姐要多菜，我係要走菜架！唯有全部掉棄。討厭米粉的我都膽粗粗試一試但無下次，濃咸濃油重口味。餐蛋治，餐肉薄衣衣，大風一點都吹走！兩塊疊埋依舊存在感微弱，微暖薄薄蛋皮不算老。水蒸氣已使到毛巾麵包變濕變腍不軟塾。堅平抵食但我要色香味質素，如果夠高質我貴貴都幫襯！好掛住燦記巨形厚厚即造熱到燙手充滿鑊氣三文治。蛋牛治，薄衣衣的跟餐蛋一模一樣，靜蠅蠅微暖完全唔燙手，好懷念燦記猛火鑊氣巨形三文治！食

食好幾個月依舊重口味勁油勁咸，老闆話您理得我，日日依舊客似雲來！舖頭成排都係三味畢畢餸茶記，永遠最長龍最多食客都係老字號大發，可能款色多而且夠重口味。冬瓜湯，非常清徹見底的湯水，雖然單調不過好夠味。淡如水可以漱口洗手，有少少味精咸咸地外就無其他。花生冬瓜湯，新湯品？比以往湯水濃味，不過依然保持清淡路線。青紅蘿蔔瘦肉湯，清清淡淡都幾好，有蘿蔔味有瘦肉味，清淡如水，洗手或食完漱口可以。合掌瓜紅蘿蔔湯，湯水湯水真的好水，有味的水。粉葛湯，印象中首次遇上，味道平平湯水可以的。黃瓜湯，眼測真的估不到是什麼湯，飲落都是半信半疑，應該是黃瓜湯來的，總比以往碗碗一樣味更好飲，有少少分別。例湯，真的飲不出什麼來的，似合掌瓜喎。罕有地出現湯渣，瓜豆湯無肉的嗎？味濃清甜蠻不錯架喎。菜芯豬扒雞全翼，油滴滴立立令，非常閃閃生輝。蒜蓉炒菜芯爽嫩翠綠，香甜多汁但凍冰冰。冰凍當食沙律，爽甜蒜香多水不草青，無渣索索聲。豉汁蒸鯇魚尾膠黏滑滑的魚皮，夾著嚥韌魚肉還可以，不過食到最後時成口都係魚鱗。薄薄炸豬扒微暖，有點乾硬要給點牙力，幸好都夠香口，醃味得宜，味道蠻不錯。清炒菜芯，凍冰冰但勝在夠爽噴汁，菜甜味出眾，只是菜葉有少

係紅磡想速食真係好多選擇仲要好高質素，想外賣又想食住家飯既味道$28三餸飯岩哂我啦蕃茄炒蛋+甜酸豬扒+魚頭，仲送無味精湯簡直想買埋今晚飯叫牙媽唔洗煮（一定比人鬧死）個魚頭好大個，仲要有少少酸菜係上面，一個人食個魚眼，獨樂樂食哂成個魚頭蕃茄炒蛋好簡單既一味家常菜，但煮得好味卻不簡單，蛋滑一滑唔會太熟，蕃茄好新鮮酸酸甜甜，而且食多d又健康甜酸豬扒哩味餸真係好開胃，食落去唔腍又唔鞋口，佢切好哂唔會一大塊，咁樣易入味又易入口😋

成日經過都見到好多人排隊我都買黎試下，$28三餸飯仲送湯/飲品/糖水；真係好抵呀！我簡左豬腩肉、甜酸豬扒、苦瓜炒蛋、大大盒飯豬腩肉唔係件件都肥，罪惡感都無咁大～哈滷得好入味甜酸豬扒；應該係一塊豬扒剪開哂既，一啖一塊仔，有點寒酸呀，食落有d似咕嚕肉苦瓜炒蛋；苦瓜無苦澀味係重點！有d甜甜地，炒蛋好香，岩岩好一絲絲掛係苦瓜上面另外送既我簡左糖水；綠豆沙室溫溫度，入面有西米露、陳皮，不過係一漿野咁，味道唔太甜$28真係好抵食

人家本來想去燦記飲湯架，最後得返十五分鐘，唯有外賣食大發。買完外賣返到公司 lunch 又得返 5 分鐘，倒落肚都唔掂呀！次次 order 既都差不多，相同之處就係油，不過味道唔錯架喎。新開既台日便當 lunch 都賣三餸，朝早都係賣豉油皇炒粉麵，但難食之處多到難以形容。隔離民裕快餐三餸始終不敵大發，最終投降轉賣炒粉麵飯，大發依舊每日 lunch 排晒長龍。麻婆豆腐同蕃茄炒蛋都好靚仔啊，好想食呀！但我叫淨餸無飯撈，都係算啦！堂食 3 餸 HKD28，外賣平兩蚊 HKD26，送例湯多謝，非常經濟又夠飽肚而大受歡迎。 蒜蓉芥蘭索晒豉汁排骨既油，堅係油菜！本身已好油，油上加油。芥蘭葉厚而粗糙，莖微爽帶草青味，要用勁蒜勁油遮蓋。油淋淋而無半點菜甜味，一砌只靠鹽及蒜蓉調味。勁油帶澀蒜炒芥蘭，爽脆就爽脆既。依舊炒到巢皮，有菜甜味講不上，蒜味強勁，油跟蒜既味道非常濃烈，唔難食，保持葉厚而澀、莖爽而帶草青味，油就必定喇。炒菜芯正常地多油，有少少渣而帶水青味，沒有半甜鮮菜甜味。咕嚕肉非常滿意，雖然粉多到有點嚇人，粉略多了一點。味道夠濃，酸甜得宜，甜酸味夠濃夠開胃，肉多骨少啖啖肉、骨頭少，穩陣又好少失手。

剩返兩分鐘就遲到買唔到三文治，唔夠時間買早餐啊，路過是但買個炒麵就最快啦。見咁耐無食過大發既炒麵，試試啦！炒莜麵走菜，我都話唔要菜咯，講左兩次呀！點解大陸人硬係唔聽人講野架啫？又要掉，好浪費！個莜麵真係幾油吓，食完咀脣立立令又反晒光，潤脣膏都慳埋！莜麵口感一流啊，麵條滑滑的，趙落勁有咬口又嚥韌，豉油味道清香剛剛好，可以無幼麵咁索汁。個莜麵真係幾油吓，食完咀脣立立令又反晒光，潤脣膏都慳埋！莜麵口感一流啊，麵條滑滑的，趙落勁有咬口又嚥韌，豉油味道清香剛剛好，可以無幼麵咁索汁。後遺症，勁頸渴。炒麵走菜，今次質數高水準，夠乾身夠嚥韌，無過咸無發賬噃，好食好食，可預不可求。麵質還可接受，雖然輕微腍左少少，不過都幾乾爽，豉油味香濃，滿意。如果有辣椒仔或咖哩汁調下味，就可以 balance 返，仲好好食又無咁乾添！超濃豉油味道，濃而不濁，好味好味，麵又乾爽又嚥韌，撈埋甜醬辣醬真係欲罷不能了！但乾哽好難頂，飲啖 7-11 買既過期鮮奶濕濕口就繼續衝刺，一條麵都無剩，太好食喇。鮮奶過左一日啫，無事既，過期鮮奶飲完活潑好動、精力充沛！簡直係米芝連炒麵，好食到不得了！但副作用強勁，炒麵想渴死我咩！整個朝早要

三餸飯送個例湯多謝 HKD26 蚊，紅磡區黎講都叫做經濟既。雖然食完有點頸渴，但真係幾好味架喎，但係油左啲囉。冬瓜瘦肉湯，夏天未到已經有冬瓜湯飲喇，有一點味精，還可以啦。菠蘿生炒骨、洋蔥豬扒、蒜蓉炒菜芯， 菠蘿生炒骨。最好食今次，薄薄一層炸漿夠香口，舊舊啖啖肉包住中間骨頭，甜酸度剛好，仲帶青椒洋蔥香味。洋蔥豬扒夠高質，肉香軟棉有肉汁，散發著洋蔥汁既清甜。菜芯都係來貨麻麻，每次都強差人意，未算太差既，但可以再嫩一點再清甜一點。

淨餸走飯。淨食餸都要廿幾三十蚊，好似唔係咁抵食囉，而且味味都好有光澤，油淋淋、反晒光咁，大發保持一向油膩作風。 味道都好濃吓，食完好頸渴啊。例湯，永遠都係不知名既例湯，每次味道都係一樣，而且幾清淡吓，最緊要夠熱，可以用黎沖淡吓食完三餸既油膩感都唔錯，估佢係合掌瓜湯囉。黑椒豬扒、金針雲耳蒸雞。煎豬扒黎架喎，真有心，好香口幾好味，但係乾硬左少少，可能太薄身難保存肉汁，黑椒 BB 辣仲咸吓呢，如果撈飯會好好多。金針雲耳蒸雞，全部都係雞翼囉，金針雲耳蒸雞翼，依然斬到細細舊，知唔知會好多骨碎呢？味道不過不失，雞翼皮勁滑，肉就鞋烚烚，斬開蒸耐少少肉汁都無晒啦，而且好油呢。洋蔥豬扒、菠蘿生炒骨、炒菜芯，洋蔥豬扒帶酒香，豬味濃，有原有質感兼有咬口，醃得入味，洋蔥汁比黑椒汁調得好，香中帶甜，不咸不濁，好味。生炒骨食到成口都係粉，骨多肉少，酸甜度平平，一試無妨。菜芯都係老左啲，油就唔洗講啦，但無鑊氣又不鮮甜仲質地粗糙，唔難食。

經過琴日既超油四餸後，今日醒目喇，望清楚先。章魚粉葛湯，無例湯？唔問都唔比我，搞錯呀﹗個三送餐包左架麻，已經食淨餸唔要飯架啦。依度既餸菜都係較為重口味，好采有碗清清地既章魚粉葛湯沖沖去啫。前兩次已經無比例湯我，今日要主動問佢攞先有，阿姐係咪連例湯都咁孤寒呀？黑椒雞扒、蒜蓉芥蘭、蒜蓉西蘭花，兩菜一肉難得清淡，諗住食多啲菜飽肚啲麻。黑椒雞扒炸過架喎，而且刀功了得，切得好薄呢。質地唔錯，外層炸得鬆化而裡面肉嫩，黑椒汁偏重香甜多於辣，咸左少少。芥蘭雖爽脆，但質地粗糙帶少少渣，菜鮮甜味欠奉。西蘭花大路穩陣，爽甜鮮味，鐵腳無得輸。菜芯、豆角、生炒骨，生炒骨夠晒酸，好開胃，但落得非常多粉，骨多肉少。菜芯炒得好老，質感粗糙，眼看到的巢皮。 豆角最正常，鮮甜爽口。

好早年每朝會係度買炒麵食，因為用油紙包會索晒所有多餘油份及水蒸氣，唔會濕淋淋，麵質嚥韌彈牙又好味！之後轉左用發泡膠盒仲要加一蚊，品質即時一落千丈，就無再買炒麵食喇﹗以前都有 lunch 幫襯三送飯，但每次都係越食越頸渴，最後都放棄。依家事隔三四年後，再黎試吓佢既三餸啦。金針雲耳蒸雞、梅子蒸排骨、魚香茄子、蒜蓉西蘭花，淨四餸夠飽喇。蒸雞同排骨都超油，油浸一樣，雞皮本身都出油，再加魚香茄子，油上油，菜就勁索油架啦，搞到連西蘭花都油埋。不過奇怪地勁爽口喎，而且鮮甜充滿水份，秘傳烹調法？蒸雞全部都係雞翼、雞翼尖，仲要斬件細細舊骨杉杉，討厭。雞皮滑、肉乾、油淋淋，味道可以。亁硬鞋排骨有肉味，骨多肉少，梅子味開胃，個汁太厚太杰喇。魚香茄子味道真係好惹味香口，但茄汁索油力超強，一夾起直頭滴油呀！嘩，索油之旅！有半盒都係油黎架，近來油價大跌？本身 HKD26 蚊包個例湯，今次阿姐側側膊連湯都無比我，過份呀！我最鍾意飲湯，例湯都唔會放過架！