大紅袍火鍋料理

营业中

休息中

大紅袍開到來荃灣，好友新開之時已話過來試吓！可是假期要分段訂枱⋯⋯限制之多，故一直都未是我飯堂內的名單今晚平日星期三晚跑馬日，我估唔會爆場吧！所以過來火鍋應該唔會限時限刻如果對Sake 要求唔高的話，可以選這個Sake 套餐體驗價，$168/ 有900ml 價錢合理另外啤酒選擇主力是生力和麒麟還有清酒選擇由於自攜清酒, 店員主動提供杯和酒瓶，相當細心，雖然我自己已帶酒杯，但這份體貼值得加許火鍋湯底真是很多選擇，由於今晚我們飲清酒，最後我們選了火焰清酒醉甲鍋這鍋一上枱，有強力的清酒味道，還有專人過來點火⋯⋯火焰🔥一下，可是一路煮，真係煮咗好耐⋯⋯但清酒味道仍相當強烈，以我一個愛酒之人，都覺得此煲清酒太搶戲份了醬料很齊全，每位$15相當合理，店員拎過嚟介紹一下，總好過要自己出去拎醬料，所以有時有人服侍，即時感覺良好由於只得兩人，我們點了安格斯牛頸脊例牌$238另外點了新鮮肥鵝腸和三拼餃子，三拼餃分別是: 黑松露蟹肉餃、鮮蝦雲吞、韭菜餃$128出街打邊邊其中一個主要因素係自己買唔到有膏嘅肥鵝腸，$82相當滿足個人很喜歡這個椒鹽鴨舌，味道恰當，唔會過份椒鹽，值得一讚

某個星期五晚上, 忽然很想吃火鍋, 但平時常常去的那一兩間去得太多, 太悶了, 便上網SEARCH, 找到這一間東東. 反正它晚上夜收工, 便即時打電話訂翌日晚上的位子.第二天, 本來是休息為主的星期六, 但太太有一點工作上的忙碌, 辛苦一輪之後, 幸好可以好好晚餐, 便上去了.坐下後, 按網上的介紹, 點了那個特別的湯底, 湯底一來, 果然是很有特色!調味, 前菜, 侍應的招呼都有一定水準; 我和太太最喜歡的, 就是它的空間很好, 隔離桌不會太接近, 感覺很舒服.叫了一個魚生冷盤(墨魚), 想不到反而是最後來的, 但質素很好, 很好味道; 其他食物也很好, 我覺得肉類做得比較好, 蔬菜反而一般; 飲品我們叫了一個酸梅湯, 但酸味不強, 適合我和太太.這裡食物算精美, 但價錢也不低, 比起放題式的火鍋貴約一倍至兩倍(視乎你選擇的食物), 但整體上是值得的.最後再提一次, "金屋藏嬌" 湯底十分好, 冬瓜份量合適, 雞肉亦比想像中嫩滑, 值得大力推薦.

朋友介紹去食，前兩日終於去咗嗰度試吓，雖然地方比較隔涉，但係同嗰間海底撈有得fight，啲嘢都好新鮮，價錢可以接受，雖然地方比較隔涉，但都經常滿座，所以去之前最好訂位。

I love this place. This is a restaurant serving hotpot. Food here is very refreshing. They serve various kind of food like seafood, beef, port, dumplings, fishball. My favourite is the dessert there. They serve ice cream. This is a good place for family and friend gathering. The environment is good.

大紅袍如果你想去呢一間度食嘢 記得記得一定要book位因為始終比較多人去食如果唔book定位就可能要等好耐🤨今次叫咗佢嘅招牌大紅袍麻辣鍋上到嚟一片紅色 好驚好辣😝但其實食落去唔係話好辣 仲會有d麻牛肉加呢一個湯底超級入味🤤佢嘅魚刺身🐟食落去好爽口 完全唔會有一種睲或者臭味完全值得一試🐾仲叫咗佢嘅牛肉拼盤 呢一個拼盤一共有五種牛肉就咁睇牛肉嘅雪花 都知道佢係好食仲有佢嘅和牛牛丸 都係必定要食真係超級重牛肉味

 如果一講大紅袍我諗好多人一定會以為係中國茶既一種，錯了呢一間係一間亦具中國特色既火鍋店，一入到店就見到裝修係落左一番苦功去特顯中國既特色，我本身好喜歡花既牆紙偏偏呢到就用左花花既牆紙，超靚！裝修方面好典雅精緻，座位各樣都坐得很舒適，單是店內裝修已經好喜歡加上好多裝飾比如燈都經過一番心思去配襯，睇得出餐廳係呢方面都落足心機。入正題！火鍋湯底我哋叫咗重慶空運牛油麻辣鍋加平香西皮蛋湯鍋，麻辣鍋辣度適中，香氣令人欲罷不能另外本人中意吃芫荽所以怕太辣嘅時候可以將食材放入芫荽清湯裏面中和一下。芫荽香氣撲鼻皮蛋新鮮美味！一邊打邊爐一邊飲個湯底因為到最後溝埋d野食會令到個湯底更加鮮甜，大愛！配料方面都有好多款式比客人選擇，我喜歡蒜蓉麻油新鮮辣椒芝麻醬咁樣先過癮，前菜小食都幾好食~等主角黎之前可以過下口癮！食火鍋必定飲竹蔗水因為可以下火，用足料煲的竹蔗水甜味適中超級解辣非常好飲。火鍋既料全部好新，鮮魚脆鯇魚腩鮮甜爽脆 一定沒有泥味加入麻辣鍋中烚吓烚吓令湯底更加鮮甜。蟹籽墨魚滑 超爽超好味，好新鮮又彈牙將佢放喺芫荽鍋內更顯鮮香味。黃喉又係夠爽口，只需要淥十幾秒就可以食得~如果時間耐左就會變得好韌，無咁爽

第一次嘗試這家，兩個人點了招牌麻辣鍋底和花雕藥膳鍋底，麻辣鍋底不是正宗的川式口味，花雕藥膳鍋底很特別，酒味很濃，油碟和配菜也都不太適合麻辣鍋底，是經過改良適合港人口味的火鍋。沒有嘗試他們的四川牛油麻辣鍋底，也許會比較正宗～菜品份量都很小，但是價格都不便宜，我們七點多去到，海中蝦已經沒貨了，還有刺身可以選擇，菜品種類很多，但是當天並不齊全。環境很好，服務也不錯，適合多人聚餐和不太能吃辣的朋友，如果想吃正宗的川式火鍋不推薦這家～

大紅袍係荃灣開左一段日子，終於有時間去食喇！一入到去好靚啊d裝修，好有中國風，好別緻我地好肚餓就叫左份三文魚腩加海膽過下口癮先，都有十件到，勁肥美同新鮮！海膽都不錯喲！我地叫左個好出名嘅金屋藏嬌，真係勁足料同好飲，有雞，冬瓜，蟲草花，花膠，勁鮮甜啊，超加分！個雞好滑身同好入味!!!叫左幾樣配料，本地肥牛真係吾小得，d肉好重牛味，好香，兩個人食好夠仲叫左蟹子墨魚丸，貢丸，全部都好彈牙爽口，好好食，配埋個湯底係一流仲有個古惑蝦膠，係油炸鬼上面加左個蝦滑，浸一陣就食得，浸完湯依然好脆，勁正兩個人食哂都已經覺得好飽了 好滿足啊呢餐

入面裝修好中國風 好正坐底見到價錢幾高 求神拜佛唔好伏啲餐具都好中國風 個人黎講勁like淨係湯底都有有好多款 揀咗好耐最後揀咗酒味蜆骰子牛鍋？（唔太記得正確名）黎到好誇張熱好個鍋就倒酒落去炒熟啲蜆同牛 啲火一下子衝上黎 場景有啲震撼 好正炒好就倒湯落去店員話可以食之前飲啲湯先 試真個湯一試之下 嘩 鮮甜度滿分再食下蜆同牛 吸哂啲酒味 勁香其後嗌咗個牛拼盤 諗住食飽飽點知黎到 咁少嘅！ 雖然擺得好靚不過食落有驚喜 每款都好有驚喜由其係和牛 入口勁香 有幸福感覺諗埋山藥 兩個餸 一揸野飲埋單7xx不過食得幾滿意

今晚，兩位組織成員為我慶生辰，來到荃灣大紅袍。環境裝修頗中式及燈光舒適。食物是逐碟叫的。廣島生蠔鮮甜又好吃😋還有⋯⋯這些我最愛的午餐肉真的很好吃！最吸引我再來的，是服務員的服務，有禮貌、也回應之餘，也是非常友善。幫我們照相時，也提示我們如何坐位。食材來到，時也執位迅速。非常好👍🏻會再來！

今日同朋友即興約食飯，因朋友想去荃灣區食飯，所以就揀了荃灣這間打老邊，店內環境舒適，坐下服務員已介紹幾款特色食物給我們，服務不錯呢？椰子雞湯底都不錯，但如濃味些會更好極上牛肉刺身，如食刺身的人，這個真的是推介鮮牛肉粒，這個都幾好食。響鈴正唐生菜多種調味料這裡還有一個特色湯底，叫“金屋藏嬌“，這鍋吸引之處有花膠有雞再用冬瓜盅製成，所以很多客人都會order的，但因那天只有兩個人，所以沒有叫，驚吃不到呀！整體是一間不錯打老邊的地方，但都係同其他店舖一樣，只可以食2小時，如諗住約朋友倾偈，可能就不適合了

香港人真係一年365日都咁鐘意打邊爐😍我今次要挑戰大紅袍重慶空運牛油麻辣鍋🌶🌶佢哋嘅湯底真係好多選擇, 要黎多幾次先試得曬, 我哋好貪心想試埋木瓜雪耳雞腳鍋!! 麻辣鍋夠麻夠辣, 仲越食越辣, 過癮!! 雞腳鍋就夠清甜, 可以用來煮蔬菜類, 同埋必點嘅紫菜炸響鈴~! 其他材料都非常新鮮👍🏻 我哋試咗三文魚刺身, 好好味, 好新鮮, 相信呢度其他刺身都唔錯啊~ 不過我哋太飽食唔到其他啦荃灣呢間大紅袍裝修特別靚, 員工都好有禮貌, 我會encore😉😉

無論春夏秋冬香港人都一定要「打邊爐」，之前不斷聽朋友同事大讚「大紅袍火鍋店」好吃，今次終於有機會一試，味道和期待一樣！！而且性價比高，被列入會「回頭」的餐廳之一！今次到訪的荃灣店環境舒適， 友人說比起尖沙咀分店座位更好坐，也因為是新店的關係，人流較少，不想同人迫可以轉戰荃灣分店！湯底選了「金屋藏嬌」(＄188)，即蟲草花雞湯，湯底上桌時整個鍋都是滿滿的蟲草花，對於超愛吃蟲草花的我來說是一件超級幸福的事，另外侍應姐姐會幫忙將雞肉剪成小塊，方便食客品嚐，超貼心！雞肉嫩滑而湯底鮮甜濃郁，沒有濃重的味精味。  試完湯底，就來到重頭戲配料： 脆炸紫菜響鈴($48)，即店內的招牌四寶，一定要趁熱食，才能吃到香脆的口感，不沾湯也很好吃。多人的話可以點牛魔王併盤($338)，併盤有本地手切肥牛、牛舌粒、澳洲和牛、安格斯牛以及牛肉粒，可以一次試勻所有牛，份量超大，4人分吃也多到吃不完，而且牛肉口感很嫩，以此價錢來說非常出色。 圖片_004 其他配料的份量也很大，有廣島蠔($98/8隻)、鬼馬墨魚($65)、蓮藕($32)、蔬菜籃、雜菌籃、黑毛豬等等。 蔬菜類只需30多元就有一大盤，非常伐算！ 

好姊妹慶生聚會@大紅袍火鍋料理5月壽星女好友選擇了吃火鍋慶祝生日，之前有聽聞過大紅袍呢個名，今次終於有機會試啦。先講下店內的環境格局，枱與枱之間空間夠寬闊，仲有卡位，坐得好舒服，呢度仲有個整得幾靚嘅吧枱for 飲品區。閨蜜好友選了一個名為「金屋藏嬌」的招牌湯底，淨係個名已經夠吸引啦😄呢個湯底的配料非常豐富，除了半隻雞外，仲有花膠、蟲草花、冬瓜、鮮淮山等，啖湯非常鮮甜😋😋😋因為個湯底已經咁多料，我地三個女仔都唔敢叫太多其他火鍋料，但一定要推介的係紫菜響鈴 同埋 鴨舌，真係好正呀～

打邊爐對我嚟講喺無分四季，但人在香港，平時出街打嘅話我會揀日本貨牛氏系列🤣🤣 今次難得有人預定左依間大紅袍火鍋嘅位，令我真正體驗到打個邊爐究竟可以去到幾盡😤 為左提升服務質素，檯同檯之間都有較大空間，仲有另外擺菜位。我地一行四人坐到卡位✌🏻✌🏻食得攰仲可以攤下休息下，環境好舒服！最緊要佢冇限時，上菜速度都啱啱好，一啲都唔趕人走配料同餐具都睇得岀有考慮過為打邊爐而設我地揀左人氣推介之一嘅「火焰清酒醉甲鍋($138) 」入面本身有和牛😻店員喺你面前加清酒猛火炒起加湯，鮮味即時撲香，加肉煮真係好正！因為冇乜味精，原汁原味，所以飲多兩啖都得！😽「大紅袍牛王拼盤（$338」 👍🏻👍🏻👍🏻👍🏻👍🏻依個真係極推！當中有五種牛肉，如果想知啲牛肉來源地，部位，點煮好食啲，可以隨便問啲店員㗎！佢哋個個都好專業同樂意答你！ 依間必食喺牛肉，無論點都要叫！當中澳洲和牛同牛肩肉真係好重味好鮮❤️❤️ 牛脷同牛柳粒都好鬆軟！食完你會明白點解食肉之人總會不斷尋找更貴更好味嘅肉，因為真係好唔同！返唔到轉頭「日本黑豚五花腩($88) 」👍🏻👍🏻👍🏻👍🏻依道令平時不太好豬嘅我都嘆為觀止，薄切令到佢更軟身！同時keep到多汁