影片
开饭介绍
座位寬敞的火鍋店，湯底及配料選擇眾多，以金屋藏嬌為招牌湯底，內有雞、花膠冬瓜等，建議先喝湯，才打邊爐。
继续阅读
营业时间
今日营业
18:00 - 02:00
星期一至四
18:00 - 00:00
星期五至日
18:00 - 02:00
以上资料只供参考，请与餐厅确认详情
有关奖赏计划
今日去屋企附近餐廳食火鍋，呢幾日咁凍最適合就係食火鍋啦。呢間叫大紅袍，一入嚟就見到好寬敞嘅環境，衛生整潔乾淨，而且服務員好有禮貌咁樣迎接我，我好開心呀，仲有窗口位坐，呢度仲有VIP房，最啱就係開party啦同自己人玩。整體上真係好開心，好滿意，食材真係真材實料，有心有誠意，自己親自整，真係好好食，所以我推介俾大家，必食啊。我今日叫左以下菜式招牌椰子雞湯底佢最初俾咗兩個椰子我，我仲以為可以飲嘅，之後佢同我講係等湯底滾咗之後，將半隻雞，同椰子裏面嘅椰子水，一併倒落去就形成呢個招牌椰子雞湯底。我真係大鄉里少出街，笑死街坊。潮州白魚蛋（半份）簡直就係與眾不同，又彈牙，又有魚肉嘅味道，真係超好味。手打四寶丸分別有鮮蝦丸，係新鮮蝦整，特別鮮，而且肉質夠實又夠新鮮，簡直就係新鮮蝦嘅味道豬肉丸果然係手打豬肉丸，肉質鮮嫩，裏面有多汁，實在太好味啦，似食緊新鮮嘅豬肉餅一樣。陳皮鯪魚丸好香嘅陳皮味道，再混合鯪魚肉，實在特別，而且肉質夠實，仲冇骨添，真係好有心機好有誠意，我都好鍾意個味道。墨魚滑好滑嘅墨魚滑，新鮮，好滑，又彈牙好味道，而且仲有墨魚嘅味道，真係超讚。梅菜豬肉丸就好似食緊梅菜肉餅一樣，但裏便亦都有甜甜嘅味道，而且梅菜又唔會太鹹，肉質亦都鮮嫩仲保持到有肉汁，亦唔會乾，真係大滿足好味道，必食之選。手切肥牛 大碟一睇就知道幾吸引，脂肪同肉嘅分布都非常之平均，睇到已經流口水，食落去嘅時候肉質鮮嫩，仲有牛肉味，而且係入口即溶嘅感覺，每片牛肉都切得好均勻，再加埋調味料食牛肉，真係難以形容嘅感覺，令人一食再食，停唔到口。豬潤新鮮豬潤，煮嘅時候熟咗都仲保持軟腍腍，好有口感，我好鍾意，而且可以補血。交通非常之方便附近已經有小巴站同埋地鐵站，仲有巴士添服務我非常之滿意，好親切，好有禮貌，好有家嘅感覺環境非常之寬敞衛生乾淨，仲可以望到荃灣嘅景色，仲有私人獨立房間。
继续阅读
最近天氣驟降，又是吃火鍋的時候了🍲這次和朋友聚會，我們來到荃灣「大紅袍火鍋料理」，店內環境寬敞，坐得好舒服～🔎 椰子雞湯底 ($168)椰子雞湯底會跟一碟雞肉和兩個椰青🥥湯底滾起後，將椰青水和雞肉倒入煮熟，湯底鮮甜，非常足料～🔎 大紅袍牛肉三拼（$368）大紅袍牛肉三拼包括：極級本地手切肥牛、頂級安格斯牛頸脊和手切封門柳油花均勻，口感柔軟，牛味濃郁～🔎 芝士牛丸($88)將芝士釀入手打牛丸，吃起來肉汁非常豐富💧🔎 鬼馬蝦膠($75)蝦膠釀入油條，口感彈牙🦐🔎 白柏葉 ($50)白柏葉非常爽口～🔎 萵筍 ($38)萵筍口感鮮嫩爽脆～🔎 竹蔗水 ($40/渣)味道清甜，清熱解渴～🔱另收加一服務費、前菜($20)和醬芥($15/位)
继续阅读
餐廳主打特色湯底同新鮮食材小妹由尖沙咀分店食到去荃灣由金屋藏嬌食到近排好HIT嘅椰子雞湯底🤣🍲椰子雞湯底(必試✨️)倒入兩隻大椰青水同半隻雞做湯底，加入五指毛桃、紅棗、杞子、淮山等中式湯料，有袪濕補氣嘅功效，養生之選😌🥢極級本地手切肥牛(例)🥢美國桶蠔🥢芝士蝦丸/鵝肝墨魚丸(雙拼)🥢自製炸魚皮/紫菜炸響鈴(雙拼)🥢雙籽鮮蝦雲吞(半份)🥢魚皮餃(半份)🥢竹笙新鮮食材製作唔同配料，推介本地手切肥牛，手切厚度適中，油花分佈靚🐮👍🏻 餐廳亦都有唔同自家製創意火鍋食材，必試手打丸類，私心推芝士蝦丸同鵝肝墨魚丸，小妹多年食極唔厭，由其係鮮蝦肉包住濃厚芝士，爽口惹味🤤另外，自製炸魚皮、紫菜炸響鈴比其他地方食到嘅更加鬆脆，落湯嘅時候一定要打起十分精神，建議一秒即食！係一秒！或者即食都相當唔錯🤩🌟火鍋配料份量夠大，而且某啲食材可以雙拼或者叫半份，適合細食人士或者硬盤套窄，想試多幾樣嘅小妹，相當貼心😆
继续阅读
✧ 椰子雞鍋（$168）餐廳一開始會送上一鍋用椰子五指毛桃同紅棗煲嘅雞湯然後每鍋會附上兩個新鮮椰青同半隻雞比食客自己加落湯底椰青湯底好清甜暖胃又滋潤雞件滑溜皮爽肉滑仲帶住淡淡椰子香仲有新鮮椰肉咬落脆卜卜養生派必嗌呢個鍋底✧ 芝士墨魚丸（拼芝士蝦丸) ($108) 拼丸要加$10一啖咬落去個流心芝士真係爆漿咁湧出嚟 墨魚丸彈牙到好似識跳舞咁 蝦丸仲要鮮味十足帶微微海鹽香 雙拼設計可以試齊兩種邪惡拉絲 打邊爐有呢個簡直係天堂級享受 ✧ 西班牙豬肉 ($118) 啖啖肉睇住啲雪花紋理就知靚料 淥完出嚟竟然keep到嫩滑唔鞋口 油脂分布均勻帶陣陣果木香 完全冇豬臊味仲有回甘 貴少少但絕對值回票價 ✧ 椒鹽豆腐 ($75) 外層炸衣薄到似層金黃蟬翼 咬開豆腐心仲係滑嘟嘟 椒鹽香惹味到手指都啜埋 脆得嚟完全唔油膩 送啤酒簡直一流配搭 ✧ 紫菜炸響鈴（拼炸魚皮） ($70) 雙拼要加$10響鈴卷紫菜三層脆到有回音 腐皮吸湯汁嘅能力滿分 炸魚皮仲有啲微辣調味 浸三秒湯保持脆軟雙重口感 打邊爐靈魂配料非佢莫屬 ✧ 新鮮豬腳根（半份，$58) 師傅刀工好切到啱啱一口size 膠質滿瀉仲連住少少爽脆筋膜 個湯底即刻升級變黏嘴膠原湯 半份份量都夠三四個人分享 養顏之選必encore ✧ 招牌餃（半份，$54) 皮薄到透光仲煮唔穿 韭菜豬肉餡爆汁似小籠包 仲有隻金魚尾皺褶好精緻 半打根本唔夠喉 下次要直接點全份先滿足 ✧ 稻庭烏冬 ($48) 幼身烏冬掛湯能力超班 索晒麻辣湯精華仲keep到煙韌 啜住食嗰種滑溜感 飽肚得嚟又唔會搶味 打邊爐完美收官之選 ✧ 皇帝菜 ($45) 菜葉新鮮到似剛剛摘落嚟 莖部爽脆冇渣仲帶甘甜 灼十秒就食得夠晒嫩 中和返肉食油膩感 蔬菜控必點清爽之選 ✧ 冰豆腐 ($42) 蜂巢氣孔吸湯力驚人 咬落去爆汁似豆腐sponge 凍食上枱保持到湯底溫度 平平無奇但驚喜滿分 湯底精華收集器非佢莫屬 ✧ 潮州白魚旦（半份，$29) 爽彈程度可以當乒乓球打 魚味濃郁完全冇粉感 細細粒一口一粒停唔到 半份當小食都夠過口癮 懷舊風味意外地高質 ✧ 竹蔗水 ($40) 清甜到似飲緊自家煲糖水 完全冇藥水味仲有竹蔗清香 打邊爐降火必備恩物 夠凍夠大壺三人分享都夠 飲完成個人都冇咁燥底 成間舖最正係食材全部有質素保證 湯底未試都已經俾配料吸引晒 樓上鋪靜靜地坐得舒服 服務仲要貼心荃灣打邊爐新勢力絕對要bookmark 約埋班朋友嚟個火鍋放題 保證個個飽到捧住個肚走
继续阅读
個人認為呢間舖頭嘅食物質素本身唔錯 真心夠新鮮 但係 服務真係麻麻…唔計我哋落單有漏單情況 直到買單嘅時候 發現繡球菇餐牌顯示$58，但係張單收咗88當時我哋即時叫店員重演賬單，及後俾返張賬單我哋減咗$30， 我問佢點解會有咁嘅錯誤情況發生，嗰個身材豐滿戴黑框眼鏡嘅店員就回覆我哋係因為公司記錄問題出現，完全唔關佢哋事。當下我哋呆咗…究竟我哋之前每次嚟呢一度食多咗我哋幾多次？好坦白一句， 公司有問題係咪應該需要幫我哋去回饋返公司置身事外？ 我哋一再強調幫我地同你公司反映一下，呢位店員都係無動於衷….今次投訴無門，希望可以藉住呢個平台比大紅袍高層得到呢一個意見🙏🙏
继续阅读