大鍋口海鮮火鍋店 (已結業)

這間位於荃灣大鴻輝嘅大鍋口火鍋， 一向都係我嘅至愛，可惜長期都係full booking，打親電話佢都係爆滿，之前試過六點鐘去walk-in都要等成個鐘頭，上星期接完朋友機，晚上十一點半上到去，居然仲係人山人海，仲要等四張枱，不過都係值得嘅！ 海大蝦仍然保持唔錯嘅水準，肉質結實入口鮮味，而且十分大隻！肥牛係我主攻嘅項目，每一片都係薄薄的，入口好有牛肉味道！墨魚滑、蝦滑亦保持水準！雖然沒有其他放題有多款選擇嘅自助吧，但係但係食物水準極佳， 所以長期保持一班擁躉！

冬至夜，家裏不想洗洗切切就挑了大鍋口打邊爐做冬啦。六點到達，店員說只要七點半前結賬就可以減二十蚊，雖然減少了用餐時間，但不用等位就可以入座（最重要是有優惠嘛！）。選了川芎天麻魚頭湯底，忘了下料前嘗一嘗湯底，看到有一個魚頭，但沒有太大藥材味道，沒什麽特別。值得一讚的是這裏的脆肉鯇和鱔片，一份有四片，薄切鮮甜，值得追加！海鮮方面除了魚還有蝦、蜆、帆立貝、花膠等。其他配料都不過不失，勝在選擇多，而且每一份的數量不多，可以多點不同配菜又不怕吃不完。飲品除了有罐裝飲品，也有自家製的竹蔗茅根，可是略嫌太甜。這裏有供應自己唧的軟雪糕，可以加麻薯、爆珠等配料，本來是想吃乳酪雪糕，但最後還是選了抹茶口味的👍。他提供的膠杯太小了，所以直接用碗裝才可以吃個夠！任飲任食難免會越點越多，最後還是眼闊肚窄吃得太飽了，下單前切記不要瘋狂亂點啊！

冬天到了，又係時候打邊爐啦因爲天氣凍，吾想煮飯，一家人食乜好？吾想煩，又岩大家食，緊係打邊爐啦9:30pm後入座，當宵夜時段！每位$138再加1。今次幾好彩6人取票排隊，5分鐘入到枱！但出面仲排緊長龍.....其實每次平均都排30分鐘以上排排下就變左宵夜時段打邊爐好重視湯底，我地今次見天氣凍，就點了胡椒豬肚湯底，飲落都重胡椒味，豬肚夠爽脆！雖然是任食火鍋，但平均食材質素都高而且選擇都多。其中包括：雞件，好滑好新鮮！同胡椒湯好夾而我地最重視的肥牛🐄都係好新鮮，夠瘦！厚薄適中。識食一定叫白鱔片！肉質好嫩滑，而且好小任食火鍋會提供！不過寫極佢都係比一碟4片我而海蝦都好新鮮，肉質好彈而且好大隻！不防多點如果驚吾飽，稻庭烏東就一定要點！雖然同湯底吾係好夾，但都食得出係好既烏東。場內除了有雪糕機，另外都擺放了多部雪櫃，基本上超市賣既罐裝飲品都有提供，但我地一家都係鐘情於佢地自家煲竹蔗茅根水。

六大一細 預訂時 有說小孩不用收費到達時卻只提供了六人卡位可是訂位時沒有說清楚小孩不用收費 並只提供六人座位職員卻堅稱有說 並說就算我們願意比多一人錢 亦不會提供座位予我們 只會提供六人卡位七人怎坐六人卡位？還要是打邊爐與職員討論時，承認我也有點激動（心想是冬至飯不想家人不開心，所以努比爭取，）但職員也不弱。服務性行業，當出現問題時，不是應該解決嗎？回應卻只有六人卡位這間店舖有吃過、食物不錯 因此提議家人冬至一同來吃可是職員的按排 以及回應 令我無語😓 以後也不會再光顧

之前都一直想去大窩口食，但因為成日都要排隊，難得今次唔使排隊10點鐘去到，已經好多位空，今次我哋兩個就入咗去食，大約每人都係$130左右，都幾抵食。湯底方面要左魚頭湯，但味道淡左啲好似藥材吾夠，幸好入邊嘅魚頭味都唔少，而且仲可以添加。食物方面材料都算幾新鮮，而且份量都好足又快，有驚喜蝦夠爽口，新鮮，而且菜都有好多唔同嘅選擇，牛肉嘅質素都幾好唔錯。蜆反而有啲失望，因為蜆入邊好多沙，所以我哋食咗兩粒就放棄左，餃子和肉丸都有唔同，而味道正常唔錯。但係唔知係唔係因為湯底比較多味精，所以食完之後都特別口乾，幸好都有唔少汽水嘅選擇同埋仲有雪糕，但係因為實在太飽，所以雪糕沒有食。整體來講以宵夜餐的確係抵食左唔少，而且唔使等位方便好多。

依間大窩口火鍋海鮮餐廳本人食過一次其實佢質量係唔錯牛肉嘅質量都係比較好唔會算太多肥膏而且有其他肉類有菜有肉丸亦都係有好多唔同嘅湯底俾你任君選擇而且上班嘅時候時間比較快但係劉丹嘅次數亦都比較多如果劉丹嘅話就真係要吹下如果唔係佢就唔會你本人覺得蝦同牛嘅質量比較好海鮮啊肉丸都係比較好不過飲品就唔算提供得太多款式唔算太多所以飲品方面係有所改善不過真係好多人排隊如果要食嘅話就可能要早一個鐘頭攞定位攞定飛咁就唔使等咁耐

話說星期四 打電話Book台5個人，係星期日去食。點知有一個人話黎唔到，我就星期五再打去改人數點知佢話冇得改4個人🤷🏻‍♂️，又話果段時間滿左。到時4個人冇枱比我地，仲話睇下我地到時搵唔搵到5個人去，可能我太耐冇食荃灣大窩口呢間唔知服務差左咁多。😅

呢間火鍋店在荃灣十分出名，walk-in 是冇乜可能，所以一早book定。價格也不貴，任食，食物也新鮮。牛肉和響鈴也好好味！湯底味道濃郁，惹味！下次會再來👍👍👍

想食唔求其的任食火鍋，即時想起大鍋口，但每次都多人到令人有點卻步，要book位的話也要預早一星期！今晚我們等了個半鐘，如果太餓真是沒辦法等呢椰子雞湯底食物選擇算多，而且質素可以，尤其肉和丸類不求其，烏冬更是比較貴的稻庭烏冬炙燒芝心丸和蟹粉包心丸是我們每次必定order的也不會漏了是日海鮮現在任食火鍋、日本放題這麼多，競爭很激烈，其實食物質素好一點點，已能留住客人。所以我們每次打邊爐都仍然會想起這裡，只是每次都希望不用等位等太耐。

係香港經常都去打邊爐，但咁多間火鍋店有邊啲好食呢？大鍋口都算係一間好出名嘅任食打邊爐餐廳！如果要book荃灣/佐敦，好多時都要提早兩星期先有位。今次雖然都係book唔成位，但walk-in等左9個字，真係辛苦囉！一埋位已經不停落單。我覺得佢啲蝦好新鮮，哎完一次又一次！牛肉都ok ge! 不得不提响鈴，應該係新鮮炸的吧！🤔 食落好脆的，不像其他鋪頭嘅又濕又冧。魚皮亦都卜卜脆-正，但我唔係幾鐘意食佢啲芝士腸，唔知係咪唔同我平時食開個隻牌子的！最重要湯底都未講，豬骨湯底味好濃，喜歡豬骨湯的實鐘意！最後仲有乳酪雪糕機俾你玩😬😬

去完書展再過荃灣差唔多11點幾食宵夜時間就走左去食火鍋宵夜時間抵死之餘又新鮮湯底分別叫左椰子湯底同胡椒湯底特別愛胡椒湯底 當湯飲好正食材亦都非常新鮮 唔會因為宵夜時間而出一些劣質食材 非常高質另外點餐紙亦有一項係是日海鮮 個日就係呢個不得不提就係呢個優格雪糕 綠茶味同原味 口感好滑價錢抵 食材亦新鮮 值得一試

父親節，本來想去稻坊食8:30, 但打去問，話今晚無火煱只係得小菜，於是去大鴻輝睇下食邊間邊爐好啦，搭lift先到一鍋堂，嘩多人到爆，再上黎大鍋口，無甘多人喎，8:30倒，等2張枱，諗緊等唔等到9:30特價呢？點知5分鐘就話有枱啦，甘照入啦，難得唔洗等，早d食早d走。之前黎過，由最初得荃灣一間，而家開到MK佐敦都有分店，荃灣呢間裝修左，較之前坐得舒服左，鍋底有好多選擇，都唔知揀邊個，揀雙拼要俾多$48, 甘硬係揀一樣算啦！今次揀左個椰子雞，湯係白色，味道唔錯，裝起一碗飲先，有椰子味，小小淡，但任食有呢種湯底質數已經好好啦！其他野食都同以前一樣有質數，肥牛唔係齋肥，蝦唔係梅而係彈牙既，鱔片脆腩正，鵝腸爽粟米甜，烏冬係急凍既，台灣腸好味，但可惜蜆係臭既飲料ok, 款色唔算太多，雪糕都係機出，無得選擇，總體都滿意既一餐。 9:30後果然幾多人黎排，好彩早食，唔係可能要排到10點！

環境幾好坐得舒服職員服務態度都唔錯野食黎得好快👍🏼而且味道都唔錯食落冇肚痛等問題唔會污糟雖然飲品櫃係隔離好方便不過就略嫌飲品選擇少但整體黎講都算抵食嘅時間又足夠

又黎打邊爐。大鍋口不嬲巴閉，所以食之前一個禮拜已經book定位，費時等到2046。吸引之處：1. 任食，好肚餓三餐都未食既時候，就係大窩口最好食既時候。2. 款式多，打邊爐材料多，每次都叫唔曬想食既野，因為款式太多，肚既quota有限。3. 餐廳檯夠闊，坐得舒服，位夠大，可以好自在咁食野。4. 好適合吹水聚會。有時會漏單，好遲先黎。以為無叫到既菜，等左差唔多食完再叫多次，點知又黎左兩份。所以要好小心，以免浪費食物。

我約左好耐冇見既朋友見面 ，大家都話 不如搵間餐廳傾下計啦？ 問有冇咩好介紹，好肚餓，二話不說就去大窩口啦 9點半前來到，問有冇2個位。知客姐姐就問 呢家有枱 正價要吾要?心諗 好鬼肚餓 就照入 一入去侍應好親切問 你地叫左湯底先啦 我地入座計時架。我一眼就望望湯牌，哇 麻辣免費，立即叫湯底。我就叫朋友快d點野食 好快就上左個湯底，見到個麻辣湯底好足料比出面辣 ，飲品要自己攞既，有 烏龍茶 +C 可樂 等等。。仲有 竹蔗茅根水 不過我地吾喜好竹蔗 所以冇揀到，填完餐單準備舉手之制，侍應都好快手接左張單，我地傾左一陣食物好快就到了，仲好有禮貌 幫我地幾食物放上枱 一碟一碟，肥牛 墨魚滑 我最愛既鱔片 蝦 原來今日是日海鮮系蟶子 正啊！為中不足系點了其中食物漏左，食到甘上下侍應走來問 洗吾洗加湯? 我地都冇為意都冇湯，真系算好服務，食到停哂手，呢度都有雪糕食，總結黎講服務好 食物ok。