大鍋口海鮮火鍋店 (已結業)

今日9點半去到大窩口搵食 估唔到人龍仲係好長 因為到左9點半係特價時段 每位減20蚊 等到十點終於到我地 一黎就叫左椰子雞湯底 湯料十足 味道濃郁 好香椰子味 其他火鍋料當然新鮮 我最愛既就係呢度既手打丸 百吃不厭今日等左咁耐都值得

大鍋口太出名了，喺荃灣游完水終於有機會泥打邊爐啦呢到要乜有乜，飲品都好多選擇，仲有竹蔗水手打肉丸好正，肥牛都好大碟任食真係好邪惡最推薦既係海蝦好大隻好好味環境都好鬆動，必定會再來幫襯

本身想去試第二間點知太多人尾後走左黎食大窩口，排左1粒鐘終於有得入座，+錢要左醉雞拼麻辣湯底，再要2罐啤酒,爽湯底黎講麻辣夠辣但唔夠香，醉雞一開始覺得淡，食到尾就好鮮味食材非常多選擇，特別推薦手打丸/滑（其實係一樣野，只不過睇你中意食一粒粒定一舊舊），鵝腸同魷魚輕輕淥一淥就食得非常爽口，滑牛同少見既油炸鬼都可以一試，肥牛雖然唔係咩貴價野但個樣已經比出面唔少邊爐店靚最後食個雪糕。任食3小時，2個人坐卡位寬敞又舒服，waiter做野快手，埋單每人兩舊，我覺得抵到爛

我記得中學時期很多朋友都吃過這間火鍋店，但我都沒有去過😭😭這個星期六終於有機會了美中不足的是沒有芫荽😭😭😭我點了沙嗲湯底，但是感覺湯底淡淡的，沙嗲味不重響鈴不算新鮮，炸魚皮鮮脆，魚片新鮮，鮮蝦已暈，不會動。牛肉大份，新鮮！娃娃菜..豚肉片，不夠薄但勝在新鮮蝦滑，彈牙新鮮韭菜餃好好吃，皮很薄，肉不算很多生菜比娃娃菜新鮮芝心丸預先煎過，令外層彈牙 食物多到數不完，亦吃不完...星期六晚上，兩位加起來是＄347，偏移之選！

星期六打邊邊，訂定位是常識吧，我地一行五人訂左位，六點半入去即刻有位坐，入坐無耐就拎醬比我地揀，基本野都有。第一ROUND點左好多海鮮肥牛，10分鐘上菜，都算快，但例牌係上左D丸丸菜菜先啦，上左一大堆，等多10分鐘左右先上肥牛，肥瘦均勻，質素唔差，好味！但得果幾片，一分鐘無哂，唯有再加單，再等多大約20分鐘先再出肥牛，之後只好不斷話加肥牛，唉，加一次單只係食到一片，勁唔夠喉，最後點左四碟，一人4, 5片肥牛咁大把囉！D蝦同蟶子就等左大半個鐘先出，食完加單，等大半個鐘都未有，似係漏單，只好再叫過，無奈～D蝦係新鮮蝦，蟶子無沙又新鮮，唔錯！但D蝦同蟶子每人只係食左兩隻囉，咁叫任食？唉！一分錢一分貨！聽講E間野服務態度麻麻，所以都無乜期望，貪佢2.5小時任食，無咁趕。服務都唔算太差，但上菜太太太太慢，無心比人任食，就唔好做任食啦！

一行人(4大1小)原本前幾日訂咗呢間6月10日晚打邊爐。 見時間差不多，就上去拎定枱先啦～上到去，同接待阿姐講咩名，訂枱時間，阿姐問係咪仲係4大1小。 當時已同阿姐講依家變咗3大1小，阿姐叫等一等安排座位。過咗2分鐘唔夠，阿姐再叫我哋，心諗咁快入得啦？年輕人，你實在太年輕啦！阿姐同我講，因為你哋依家少咗個人，所以會幫我自動取消張枱，叫我重新攞過飛!!!!! 吓！我話你比番張4人枱我咪得囉～佢答我佢哋無4人枱。。。。。。。 你贏啦～無4人枱。Fine, 荃灣大把食肆，你越做越差，咪無下次囉～

朋友紛紛討論大鍋口。今晚終於黎試一試。1930前埋單平$20位。師奶嘅我當然1930就拿拿臨走。✌🏼食物嘅選擇都幾多。貴價海鮮都可以任點任食。必點「是日海鮮推介」+生猛海🦐。免費湯底有8款選擇。鴛鴦鍋要加$48飲品自助形式。自己去冰櫃拎。仲有自家製竹蔗芧根水。清熱一流生猛海🦐大大隻。新鮮彈牙是日海鮮（蟶子）～大大條。好鮮甜。未夠候仲可以去甜品corner 食雪糕。爽丫

因為預算所限，細細個屋企人都鍾意帶我去食放題、 任點任食⋯all you can eat 嘅餐廳。人大左，慢慢知道 you are what you eat，而且飲食係一種享受，如果唔好食，免費俾你食都唔好貪心，肥在自己身，何苦。所以對於任食嘅餐廳，我都慢慢敬而遠之。（除非同屋企人去食，就冇辦法啦，一大家人個個都有唔同口味，食酒店自助餐最簡單）今次呢間係任食火鍋，點解我嚟咗呢度？因為呢度嘅質素係單點質素，乜嘢係單點質素？即係街外面單點火鍋，質素會比較好，呢度嘅價錢同埋模式都係任食，但係性價比就好高喇！雖然係免費嘅湯底，但選擇眾多，我哋揀咗先茄薯仔牛尾湯底搵唔到薯仔嚟食，不過番茄就啖啖肉，而且牛尾都有調味，肉質幾好。我哋坐咗四人坐嘅卡位沙發環境舒適同一般嘅火鍋店一樣漿料配料好多，自行選擇，分量自己調配任食火鍋嘅好處係碟碟細細碟兩個人食、又想試多啲嘢，我就最鍾意呢啲小份量上菜格式魚皮幾好、夠脆、 而且唔太鹹！西生菜好新鮮，我前後叫咗兩次，兩次啲菜都好靚是日海鮮蛽，每次份量有四粒，我叫左兩次，八粒入邊有一粒係死嘅，其他都鮮嫩好味。任食自助餐來講，肥牛算唔錯，合格。即食花膠好難食，浪費食材。翠

數星期前跟數位老同學商議聚舊，吃甚麼這個重要議題又落在筆者身上。一班人圍聚一起不外乎放題邊爐、cafe，還有邊爐cafe... 趁天氣還是帶點冬味，向6位同學提議打邊爐，挑了荃灣區口碑不錯的大窩口試試。集合在荃灣地鐵站B出口的這個晚上，隨地鐵站相連的架空橋，穿過千色店，過一條馬路（前後十分鐘），便可以找到置於商場16樓的大窩口。預早一星期訂座（店外有不少人在輪候），晚上7:30入席，$158/位 （7:30-9:30），可以慢慢吃兩個鐘，吃個夠本。9時半後入席則是$138/位。坐下來，首要是安置好身上的外套。貼心的，店家提供cover遮蓋好衣服，減輕吸味情況。接下來，當然是點湯，可惜是店家規定8個人才可以有2湯鍋；現在，我們7人只可選一個鍋，配一個湯底。最後，我們選擇了較清淡的椰子雞湯，希望不吃得太上火，還有嚐嚐食材的鮮味。邊點湯，同學們已同步點選好食物，不消3分鐘（快得驚人），湯鍋和食物也一氣過上桌！從調味醬料庫（芝麻醬、沙嗲醬、炸蒜、生蒜、蔥花、辣椒）調配好口人口味的醬油後，便開始是日的火鍋放題大戰！筆者還是習慣先嚐嚐熱燙的原味湯底，再慢慢弄污湯底！用湯匙盛了口湯，輕輕吹，喝進肚子

身邊多個友人不斷向我推薦這間火煱店，一直未有機會嘗試，今日難得家人聚會於是決定一試晚上8:3O到達，電梯門打開……嘩一聲幾乎連出電梯也成問題，多人到呢家人異口同聲使唔使多人成咁呀唔使錢咩慶幸友人早已通報記得先打電話訂位，我當然有做啦但也需等候幾分鐘之後就順利安排了坐位，大家都肚餓喇，先選好椰子雞湯低，待一會便送到，目測呢個湯低非常濃郁，滾咗後試一試味，好香椰子味之後配料很快送到，肥牛眼前一亮，其他地方任食火煱的肥牛通非常比較會肥一点，但呢度個人感覺肥瘦適中而且非常新鮮好好味，其他配料如鮮蝦、魚腩、鵝腸、花膠、九肚魚、鱔片、羊片……等等還有數十款每款都非常新鮮，就連水餓也非常好味，爽口味道很好加埋有多款特色飲品任飲，未夠2小時家人進食既速度已明顯龜速了，最後食埋雪糕就正式投降了，大家都非常滿意呢間火煱店埋單前有個年輕男侍應温馨提示我，長者出待長者咭免加一，我父母一人慳15.8元，慳唔係太多但非常滿意他的熱誠

今晚又即興約左係荃灣食飯，好在臨急臨忙都仲book到1930 嘅位。不過去到果時真係好多人，同埋都真係要exactly 1930先入得，咁又係我地早到左嘅，咪等下十幾分鐘就入左去喇。入到去入面都尚算闊落，同埋通風都做得唔錯，起碼未至於d蒸氣散到煙霧霾漫咁，感覺都算舒服。我地一尼就叫左個鯊魚骨猴頭菇湯底，然後連槌叫埋個滋補花膠落去慢慢煲，好補呀！（而個鼻好靈嘅我，一聞就聞到隔離枱叫左胡椒豬肚湯底。其實佢菜單上嘅選擇唔算多，海鮮亦都5算好大件，但咁平嘅價錢，d野食可以話已經係水準之上。同埋值得一贊嘅係，佢出菜好快，唔洗等好耐就有得烚下烚下喇！好令我surprise 嘅係，係野飲櫃度竟然有成揸蔗水任攞，同埋佢d蔗水真係包埋一碌蔗，一舊紅蘿蔔同一舊粟米架！d丸漲卜卜咁放埋一齊真係好治癒呀😍同埋最左手邊果粒丸，我一見到佢就已經中意左佢，個樣莫名其妙地得意。一咬落去，原來係芝士丸尼架！！！但佢唔係果隻一咬就可以拉到好長果隻芝士，佢係果隻好滑，好creamy 果款芝士，大愛呢隻丸！！！食到尾尾，點可以唔整係返個雪糕做甜品呀。佢部雪糕機有三款味揀，雲呢拿，朱古力，同埋混合味，（其實係得兩款😂。因為去到

今日同一大班朋友食飯，早一日就訂到枱。因為有訂枱既關係，去到大約十分鐘就入得，一踏出第一步就知大獲，地下好滑好油，行路真係要好小心！好彩冇跌親，但都爭啲㗎喇。其實個湯底都唔差既，但配料真係麻麻地。牛肉冇味，蜆好多沙，蝦滑唔彈牙。但如果要讚既話，水餃唔錯，豬潤都幾好，牛骨髓都好。呢度有竹蔗茅根同啲雪糕配料滿足到我。不過如果下次有其他火鍋店有位，我諗我唔會再揀佢。抹茶雪糕奶味重，我本身會比較鍾意抹茶味重啲。

今晚ㄧ行十人定了位準時六点到達，因為有十位，所以有VIP 房，好舒適。我們各自点自已喜歡的食物。整體來說，手切牛好正，牛筋腩好淋，鱔片好新鮮，但每次下單都只是來四片，雲吞，水鮫都吾錯。大窩口其他两間分店我都試過，食物水準都可保恃，直得ㄧ贊。有ㄧ点要提就是地下有ㄧ些滑，可能有些食物的汁或湯倒了在地上，希望他們改善。

一直聽講大鍋口抵食,但要等好耐,甘岩早收工6點黎到吾洗等位.醬料好企理拎到枱前俾人揀,任飲飲品選擇都吾少揀左沙嗲湯底偏油不辣,任食火鍋選擇都幾多,基本上火鍋配料都齊晒手切肥牛好新鮮好滑,D菜又洗得好乾淨,墨魚滑爽口彈牙,每款食物都係細細份 可以叫多D配料食,任食火鍋之中,大鍋口的確係好選擇

大窩口打邊爐喺荃灣好出名無人唔知，好欣賞佢有混醬，可以自由配搭自己喜歡嘅口味，諗唔到食咩打邊爐就係最佳嘅選擇，大家一齊烚吓烚吓😛，而且佢嘅配料比出邊嘅餐廳係， 海鮮比較新鮮。