大門橫丁串燒手打烏龍麵店 (已搬遷) 新店位置

踏進尖沙咀溫馨嘅食店，一邊慢慢品嘗窩心熱茶🍵，一邊環顧四周準備選擇美食。眼光終於停留喺胡麻燒鳥烏冬。第一啖嘅湯頭，香濃得滲透心扉，花生香氣撲鼻而來，微微嘅焦香辣味𠵱口開胃。燒牛舌，哎呀，軟嫩得嚟帶點彈性，大小適中，一啲都唔會令你覺得太鹹或黑焦味太重。隨後試咗個炸豬扒烏冬，唔單止視覺上吸引，食落更加驚喜。豬扒外脆內嫩，多汁滋味同辣辣蕃茄湯底意外嘅夾！😋啲烏冬湯底呢，配料齊全，半熟蛋加粟米豆，再加上新鮮蕃茄，酸酸微辣，每一啖都令人回味無窮。喺尖沙咀嘅繁忙節奏中，找到呢間食店真係幸運。朋友哋，喺尋找飽腹同滿足味蕾嘅旅程中，呢個地方絕對值得一試！🔥👍

好耐冇食過日本野喇，經過厚福街黎到大門橫丁，想食烏冬，所以比個Menu 吸引左入去。叫左一個魚介湯秘製豬軟骨手打烏冬and 胡麻軟殻蟹沙律手打烏冬🥗🥘 個味道唔錯呀，仲有勁多舊豬軟骨，食到飽一飽。唯一好奇怪既係，我想要牙簽，佢放低比我拎，五分鐘都冇，即刻收返，好似驚我會拎好多咁，其實一間食店提供埋牙簽係枱面比客人都好正常丫，唔洗慳到咁，所以感覺唔到日本既服務呀，呢樣要改一改。同埋員工啲態度都唔太好，啲眼神比人感覺太差喇，因為冷氣凍想轉位，佢地果種既白鴿眼令客人覺得好似做錯野咁，希望可以有所改善。

此店係厚福街較入的位置，以烏冬做主打，所以鍾意食烏冬嘅我決定一試！可見菜式嘅配搭非常多，可以先揀想要的菜式，然後再揀湯底👍🏽朋友話佢嘅番茄湯底非常出色🍅點左「極尚牛肉手打烏冬+日本九州豬骨濃湯 = $60」！賣相雖然冇什麼特別，但可見配料都幾豐富（荷蘭豆，日本魚蛋，大量粟米）！首先，湯底非常濃郁，喜歡食較濃味嘅朋友應該非常鐘意，食完亦唔覺得好口渴👍🏽另外，牛肉嘅份量都相當多，大約有四至五塊，食落感覺係質素好的肥牛👍🏽 飲品方面點左杯熱桂花蜜，淡淡的桂花香亦非常解渴！

今日突然想食日本引野於是就去左呢間係學校附近既烏冬日本店☺️因爲係lunch時間都ok多人好好彩地我地4個咁啱有個卡位坐~我地一人嗌左一個lunch set 但佢既lunch set都唔平架65-70左右一個lunch包一杯野茶/蜜咁我嗌左份菠菜芝士一口雞飯而朋友就嗌左豬軟骨湯拉麵~首先上既係我份菠菜芝士一口雞飯 睇落個賣相真係麻麻地 我本身諗住會係粒粒拉芝士同埋真係有菠菜！點知得菠菜碎/粉？同埋係芝士醬黎/.\佢個飯好大碗超多飯 但係撈埋既芝士醬完全唔足夠攪到個飯淡左d同埋好膩😶而佢既一口炸雞亦都得好少 4塊左右食落都唔係好嫩個隻只係少少咸咸地咁...之後朋友個豬軟骨湯拉麵望落好大碗 因為佢個窩好大😂但係夾落完全唔係個回事 得超少既麵 另一個男仔朋友話完全唔夠食...豬軟骨又係好少得2件左右 不過食落都算係腍同入味既 湯底方面冇乜特別只係普通湯頭 唔係好香濃個種囉總括黎講我覺得麻麻地同貴左d以呢個水準黎講 應該冇下次🙈

一坐低見到張餐巾有污跡就知道衛生麻麻，野食都可以但係叫咗杯蘋果醋失望了，又貴又吾好飲服務員態度一般，坐位多但變左空間小左，簡直係同陌生人零距離接觸，出入都要小心

今日同友人到厚福街覓食，<大門橫丁>的門面非常搶眼，一排大紅燈籠高高掛，看到店面牌招寫著手打鳥冬專門店，身為手打鳥冬的狂熱份子，等我來吃一吃吧!餐牌上手打鳥冬的選擇也多，我最欣賞是有不同湯底的選擇，如蕃茄、豬骨、咖哩、黑蒜湯等，一定有一款啱你口味! 個人來講，黑蒜湯底比較少見，而且惹味，所以點選了黑蒜湯豬軟骨手打烏冬。等了不久，熱騰騰、用熱鍋盛著的黑蒜湯豬軟骨手打烏冬上枱了。呷一口湯底，非常濃郁，黑蒜味十分香甜、惹味；烏冬很煙韌、彈牙，最重要是手打烏冬吸收了黑蒜汁的精華，滋味十足。豬軟骨很腍滑，份量很多，但略嫌骨膠原不足，吃起來口感像日式叉燒，如果是愛吃肉頪的食客，應會大滿足! 配料還有:荷蘭豆、粟米粒和名門卷，吃到舔舔脷! 總括而言，<大門橫丁>的手打鳥冬真的不錯，最令人難忘是濃甜的黑蒜湯，超級惹味濃郁。套餐還有跟配涷蜂蜜綠茶，下次會過來再試下其他湯底是否同樣出色。

朋友知我喜歡吃拉麵，今天特意帶我到他工作地方的附近，推介這裡的石鍋烏東給我…（沒錯~是烏東！不知他是什麼邏輯概念的）我們各點了一個豬軟骨手打烏冬 $69，他點的是豬骨湯，我點的是黑蒜油湯。（我本想轉拉麵底的，他堅持這裡的烏東一級棒）石鍋整個熱辣辣的端上，配料有粟米、四季豆、日式魚蛋和半隻糖心蛋，豬軟骨份量頗多，大約有六件。湯底味道很濃郁，是濃而不咸那種，四季豆和粟米味道甘甜，豬軟骨肉質多帶脂肪，帶筋骨的部分很少，糖心蛋時間掌握得非常之好，而朋友讚不絕口的烏冬表面滑溜，但質量鬆散，不彈牙。值得一讚的是烏冬食到底時，整個湯底和石鍋還是熱哄哄的，如果以拉麵的標準來說，味道並不合格，但以湯烏冬的標準來說，材料和湯底合格，評分主要敗在烏東的烹煮時間之上，既是熱鍋上，烏冬的烹煮時間應該略減。

我和友人都十分喜愛日本菜，在厚福街被大門橫丁的日式餐廳傳統裝潢吸引著，也發現料理的價錢不貴，便進去吃個午餐。餐廳有很多選擇，重點推介似乎是石鍋烏冬，我便點了黑蒜油豬軟骨手打烏冬。另外餐牌上有很多小食，如炸物，串燒，天婦羅，看上去也十分吸引。雖然是假日，餐廳仍有午市套餐出售，價錢已額外包了一杯冷或熱飲品。我點的手打烏冬份量很大，內含數塊豬軟骨，也有一堆粟米，荷蘭豆等配料。豬軟骨被湯浸得非常入味但略嫌肉的部分太多，只有少量軟骨，有種點了日式叉燒的感覺。愛吃肉類的食客一定十分喜歡，以這個價錢能吃到這種質素，已十分難得。決定下次再來時試試串燒。

Lunch set叫左個黑蒜豬軟骨拉麵，哇！咸到顛！豬軟骨又硬又痴牙。另外叫左個炸墨魚咀，粉勁厚又無醬點...啲staff個個好個呆呆滯滯甘，order落左又漏單，隔離枱就錯單，食到大家都搖曬頭。一句講曬盡可能都唔會再食

放工時不時都會跟同事一起晚飯說八卦，這晚來到位於厚福街的大門橫丁，由於晚市一開始我們便準時到達所以完全不用等位。吉列蠔手打烏冬 配辛辣沙嗲湯 $74沙嗲湯底辣度十足，一邊食要一邊用小風扇自我降溫，而且湯底有濃郁撲鼻的花生醬香味，使得湯底十分濃厚味美，不過烏冬份量過少，男士一定不夠飽。吉列炸蠔上枱熱辣辣，放涼兩三分鐘才吃也差點被中間蠔汁燙傷，不過炸蠔火候掌握得恰到好處，外層黃金脆口，而內後的蠔肉依然鮮嫩有汁。其實大門橫丁的食物質素給予我驚喜，唯獨是份量方面有點不足，有待改進。

今晚尾場喇...未睇已經唔捨得！唉...搵個地方！近近地食完上紅館！去到唔駛等位！又澎澎聲叫野食！呢個係牛肉豬軟骨沙爹湯烏冬！個湯都真係冇得輸！咁多件黎都冇變...反而變既係烏冬同份量！烏冬變粗左...冇之前咁好食！份量變細左！烏冬唔多！其他都可以！燒牛舌基本上每次黎都一定會叫！又係冇得輸！不過有幾次師傅重手左落鹽！但今日唔錯！軟殻蟹沙律...講真我個人鍾意食蟹柳蟹子沙律多過佢！哈哈哈

原來尖沙咀也開了大門横丁，在厚福食街內，很容易找到，黎到當然叫湯烏冬，望望餐牌，每款都好吸引，炸豬扒烏冬配辣辣蕃茄湯！豬扒唔會太油，炸得仲有肉汁，配蛋黃醬不錯烏冬就如圖一樣，配料有半熟蛋，粟米，蜜糖豆，新鮮蕃茄既酸味，微辣令到好開胃好快就食完

尖沙咀的厚福街一向都是美食聚集之地，小食火鍋、甜品糖水、韓日西餐一應俱全！小弟今晚就去了間日式食店，大門橫丁一探虛實！蕃茄豬軟骨烏冬，蕃茄烏冬似是餐廳的招牌菜，因為眼見每枱客人都最少點了一碗品嚐！但個人就覺得味道麻麻，似是加了茄膏增加香濃味道⋯⋯不過豬軟骨弄得軟唸，而且湯底夠熱，總算挽回一點分數吧！炸軟殼蟹沙律，完全失望之作！軟殼蟹完全沒有口感，又炸得很乾沒有味道，似係一早炸好，待客人點菜才上碟！而且不知是加了辣粉還是怎樣，沙律菜吃下去竟然有辣味的感覺，奇怪奇怪⋯⋯餐廳八週年優惠紀念，加八元就有一客炸芝士年糕，抵食！這個反而意外的好吃，咬下去還是暖暖的，內裡的芝士還會慢慢流出來，超正！八元的價錢絕對可以接受！

Lunch再黎食日本野，呢度既lunch set 由50-90都有，連一杯野飲～今次叫左個咖哩豬排烏冬： 咖哩湯底淡淡地，烏冬都彈牙，不錯吃吉列豬就有d乾，有d硬，唔夠鬆軟,感似係番炸杯野飲就一般般，叫左桂花蜜，似飲緊糖水😅沒有桂花既香下次都係叫番熱檸水

琴晚同朋友去厚福街大門X町食宵夜呢間我哋食左好多年嘅食肆，之前一直都好好食，所以成日會特登出去食琴晚一坐低冇耐就落order，但等左半個鐘都未有野食，問下樓面先知原來冇入單，個supervisor 已經好有禮貌話唔好意思，幫我哋入返單會盡快，仲free左個蟹籽沙律比我哋我哋都冇乜野，繼續等，佢就逐樣order出返，我哋照食一路食都冇乜問題，直到兩隻虎蝦同烏冬到左先係戲玉開始一剝隻蝦，未熟Order左辣蕃茄湯烏冬點知冇辣同樓面講返，佢就比返一兜辣椒我叫我自己加落去，都算，浸一陣睇下會唔會有D辣味但實在冇味，我哋就同supervisor講返唔好意思，隻蝦未熟，同埋烏冬真係冇辣味，可唔可以幫我滾一滾返Supervisor 立刻話唔好意思，冇問題，整返比你哋蝦到，佢係燒返之前個兩隻比我哋，冇換，但蝦肉霉嘅，但無謂煩照食烏冬到，飲啖湯辣到X街，苦嘅，而我朋友坐嘅位置係對正廚房，從個烏冬一上枱，個廚房仔已經不停望出黎笑，同我朋友四目交投都照笑，係恥笑，我朋友完全覺得佢係笑緊仲唔辣死你，而企出餐位嘅男樓面好明顯知碗野加左料，成日留意住我哋食成點之後我朋友打電話比相熟朋友搵呢間野嘅大廚，我就逐粒辣椒夾