大門食堂 (已結業)

好幾個月都無黎過大門拉麵，我哋一家人一坐低就叫咗4碗我哋好耐冇叫過嘅大門拉麵。唔知係我口味重咗定點，我覺得個湯底比平時嘅淡同少，而且今日啲麵好似唔係煮得好熟咁，好un，一啲都唔似食緊拉麵。另外嘅仲有嗰塊豬肉咩味都冇，淨係得個樣。我記得依間大門拉麵以前一開嗰陣係幾好食同買水準都幾高下，但係噚日，暑假嘅星期六晚rush hour，竟然出乎意料地唔洗等位兼且仲要坐唔滿🤔 簡直係相當有嫌疑🤷🏻‍♀️ 同埋值得一提嘅係餐廳嘅service都差咗：我哋明明一入門口嗰下我哋四個人都到齊，個張枱就得三個水杯，同埋拎拉麵黎嘅時候四碗嘢淨係得三個有匙羹？？？黑人問號？跟住問個staff攞嗰陣完全係鄙視我地嘅眼神🙄 明明係自己放漏咗仲要咁🤷🏻‍♀️ 明明以前真係好鍾意幫襯佢因為性價比真係好高但我諗我哋以後都唔會再幫襯的🤷🏻‍♀️

平時次次黎親呢頭都係食大排擋陳根記 呢幾排天氣熱真係唔想岀住汗食野所以就求其去左商場搵間野食 行行下就見到呢間就入左去***由於我實在太想食curry 我地叫左個咖哩吉列豬扒定食 睇個樣係有d流流地 但食落去塊豬扒炸得超香脆 我幾中意 curry就正常味啦 仲有碗麵鼓湯飲 之後我個friend就想食魚 所以仲叫左個燒花魚一夜干定食 條魚幾大條 有舊凍豆腐食 我覺得幾ok😂配埋碗湯差唔多 雖然呢間野唔可以稱得上好好食 但唔使加一算係ok

本時黎親呢度附近都係食陣根記大排擋 食食下都唔係幾想食想試下新野 係門口見到係食日本菜 所以就行左入去食啦***諗都冇諗一見到餐牌就叫左個牛肉壽喜火鍋 有肥牛雜菜冬菇金菇豆腐烏冬 料係幾多 不過質素就一般 $55咁上下啦 另外仲追加左一個烏冬同一碟肥牛 兩個人食其實都差唔多 之後仲叫多左個單點豚肉炒野菜都係$35 呢個菜反而幾好唔會太油份量幾多下 想跟餐叫都可以***見到其他枱係食拉麵 下次有機會都會再試下 冇加一服務費 算係平價快速之選

咁大個仔第一次食沾麵， 搞到我而家對沾麵有少少陰影， 除咗啲葱幾好食之外， 咸到飲曬成杯嘢飲仲係食緊開頭lol ，去到呢啲食店我就預咗去食高質素啲嘅麵， 而家開始我寧願去食味千都唔會再幫襯佢 ，我真係好失望， 就算你請我我都唔會再食

這家店位於屋邨商場內，打著日本拉麵的旗號，看似很正宗。價錢亦只是 $50-60 一個拉麵，很抵，但味道就令人有點失望了。坊間一般的沾麵食法都是把拉麵和湯分開呈上，但這裡就少了湯。一般的沾麵都會先經冷水沖洗，但可能放得太久而令麵條失去冷麵的風味。店員建議先混入原來的醬油和麵條來吃，之後再加一些蒜蓉和醬汁調味，頓時令沾麵更加香。之後亦可向店員索取魚湯，沖淡濃湯，但個人就認為加了湯後仍然很鹹。牛肉壽喜火鍋含不少材料，有肥牛、娃娃菜、金茹、冬菇、豆腐和烏冬，另可追加各款食材。湯底濃，甚至有點鹹，日式醬油的味道重。烏冬不太多，但加上其他餸菜，一人份量剛好。

呢間野初初開果陣成日都排好長隊 係屋村商場有呢間咁既野 就吸引左我同老婆既飯時間過去等下排下隊了解下第一次食, 我叫左大門拉麵, 我老婆叫左沾麵.我地兩個都覺得普普通通 麵唔彈牙 湯還可以 勝在唔貴 不過我老婆就好在意整麵師傅成程係咁禁電話同講野吹水不過冇帶口罩成個月之後我地搵日夜晚又去食, 今次得番兩三個人排隊,我地兩口子都食沾麵, 評語同之前差唔多, 不過D侍應更加懶散, D動作勁慢好似唔想做野咁講野又冇黎精神好似等收工咁5月24號晚我地兩口子又因為貪平所以再去 (其實諗諗下佢呢個咁既質素呢個價錢都唔算平), 不過而家已經唔需要排隊, 入面亦有唔少吉位....我地又係叫左兩碗沾麵, 本身沾麵有3塊叉燒, 今次我地兩碗都係得兩塊叉燒, 仲要細塊左, 除此之外, 就有兩舊全肥膏. 嗯...唔加價就減食材質素, 不過算啦, 平平地食碗麵唔通又要去爭取番舊叉燒咩, 一陣整麵師傅唔滿意加料就仲得不償失. 跟住今次我老婆就話不如試下食淨D沾麵濃湯之後叫佢加D木魚湯再飲埋佢(鋪頭入面貼哂呢D提示 提議食客可以咁樣食). OK.咁我就試下啦.叫佢加一加湯, 佢就拎左個外表同裝普通水唔同既水壺黎,

同fd farewell，本來喺陳根記嘅，等唔切，轉食呢間。嗌咗鹽辛魷魚，汁鯖魚定食，鬼門拉麵.etc.計埋小食，食咗7樣嘢。呢三樣就最值得推介。鬼門拉麵夠辣，多蔥我至愛，個鯖魚夾個麵豉湯真好飲。 特別係個鹽辛魷魚， 雖然細細碟，但係個魷魚帶畀我哋嘅感覺真係，由海入面啱啱撈出嚟一樣咁新鮮彈牙，個種感覺、味道真係一生難忘，唔試走寶！

今日晏就趕時間想食碗拉麵填飽個肚就入左沙田AEON呢間大門食堂。唔知係咪已過中午繁忙時間，餐廳內客人只得幾位。揀左張四人卡位獨佔後，就叫左份大門拉麵加一客餃子，烏龍茶走冰。諗住冇乜人可以好快煮好，點知都係等左15分鐘左右先到。大門食堂湯底話日本直送，心諗拉麵應該唔會差得去邊。點知現實係極度失望。大門拉麵湯底佈滿一浸肥油，好難唔相信係日本風格湯底/真係日本直送湯底。但拉麵呢就真係世界級既「極品」黎麵條完全冇真拉麵既彈牙口感，每條形狀長扁身，似機器切割出。唔係人手打都唔緊要，嘩頂，拉麵冇麵味架！如果唔係呢一條條既野浸落日本直送湯底度，根本唔知自己係食緊日本拉麵定快餐廳上海麵。真係越食越唔知自己食緊乜，除左叉燒，因為仲有味道比我知道呢舊係「真」叉燒黎餃子大門既餃子真係皮薄，不過煎完後就係另一個樣黎。煎到好樣衰咁放上碟，餃子皮用筷子掂一掂就甩，賣相差。唔好睇唔緊要，好食就乜都得，但內餡同餃子皮一樣保持失望水準，唔香口，冇肉汁，唔點醋完全食唔到。雖然唔收加一，但就算買一送一都唔會去。

今日去沙田禾輩商場工作，隨便係個到食埋午餐。行左陣唔知有咩好食，就randomly去左大門拉麵試一試。一個人食午餐最易有位，午餐時間walk-in都唔需要等。因為趕時間，無細心研究餐牌下，就叫左一個大門拉麵。但時隔離既人大多數都係叫一款撈麵多。即時心諗，會唔會叫錯野呢！拉麵好快5分鐘內就到，湯同麵都夠熱！味道也不錯。雖然麵質比較硬，但個幾有咬口！湯底中的肉只有三塊，不是太多。唔知有無得可以加錢加肉平時係銅鑼灣尖沙咀食個沾麵都要過百，依個價錢食到咁既沾麵非常抵

非繁忙時間，冇乜人，坐低落左order,侧边其他枱遲我地order 差不多15mins但都已經嚟左食物，我問個侍應，佢睇都吾睇就9答一句，整緊㗎喇，嚟緊啦，雖然係小舖一間但咁樣服務態度我吾會再去食囉，不知所謂，遲本身唔係問題，漏都冇問題，但果侍應D應對就大問題，如果趕時間就千祈吾好試，想浪費時間之如又要睇人地面色嘅話就試

想試呢間嘢好耐, 但每次經過都已經大排長龍, 果時只不過係六點咁上下, 其他食肆都未滿坐, 佢已經要排隊, 為咗試下係咪真係值得排隊, 於是搵日六點未夠就去, 果然有位, 但當我地叫咗嘢時, 差不多六點咁上下, 已經開始陸陸續續入滿人, 再過多一陣, 未夠六點半, 已經開始排隊~ 大門拉麵唔知係煮完好耐冇人拎出嚟? 定係D麵煮耐咗? 搞到個麵淋身咗, 冇咗彈牙的口感, 而且個湯都唔係太似用好多料煮成, 似加咗師傅, 飲完有D口渴感覺~ 另一大問題就係切片的叉燒肥都嚇死你, 而切角的叉燒就瘦到似煲湯肉咁, 配菜又簡單只有筍同埋蔥, 冇以前食開果D拉麵配菜咁豐富, 好失望~ 大門叉燒沾麵沾麵聽就聽得多, 但都係第一次食, 原來都係不外如是, 是湯麵差不多, 有D似冷麵, 上枱時係一碗麵連餸, 另加一碗汁/湯的物體, 面有幾多粉狀物~呢個麵個質地就比湯麵冇咁淋, 可能冇熱湯浸住的關係, 不過老公就唔理三七廿一, 成碗湯汁倒埋落碗麵度, 搞到變成另一碗湯麵咁樣, 佢話咁樣方便D~  由於佢碗湯汁唔係太多, 而且係暖的, 所以似唔夠湯又放耐咗的湯麵~  但唔知係咪佢唔預你咁樣倒埋一齊食, 我覺得

周日無目的坐車閒逛，到了沙田區一個小商場，旁邊有AEON,想著入內睇下。一家拉麵店似曾相識，原來在屯門AEON見過，那就嘗嘗吧。下午茶不貴哦！選了一個沾面和一份叉燒飯，仲有小食豆腐和溏心蛋。醬料也很多。沾面是一碗面和一碗湯分開上的，湯里有紫菜同埋叉燒，很濃厚。挑一匙面浸入湯內，讓汁掛上後送入囗中，味道不過不失。叉燒飯配味噌湯，飯粒分明，有蛋和叉燒粒，味道鮮美，有驚喜豆腐𣲙𣲙啲，加上調料，不錯吃埋單無加一，可以再來。

今日去左食大門拉麵，發覺真係見面不如聞名，我讀左ive 3年第一次食依間就一食難忘，所以專登上黎講下。漢堡排筋度十足但好淡，數量好多但好難食，$60都預左唔係咁好食，但冇預到咁難食，其他野都可以，但漢堡排真係似冇落鹽，咀嚼得越耐就越覺得難以下口，見上面有其他人話塊排好食，咁我同佢食既一定唔係同一個餐。另外要講下拉麵唔錯，湯底夠黏同油，但$58一碗麵，有一片叉燒，一片紫菜，幾塊酸筍，始終覺得肉好似少左d。最後主要係講返千萬唔好食漢堡排，其他隨意。

初初開食過一次，普通接受到。 但唔會諗再來。 阿女今日要試，我個拉麵硬嘅，湯底苦嘅。叉燒可以。 阿女個漢堡全部係筋，炸薯角嘅油開始壞。 調味料嘅樽全部都油油，個樣清潔但外面好油。我諗我唔會再來。

晚飯時段，大約6點半, 入到去只係坐左1/3人, 唔使等位, 單人都有卡位坐但係，我點左咁耐以嚟最災難嘅一個沾麵如圖所示，紫菜全塊擺入沾汁，結果一夾上嚟食極韌而沾汁極稀，難以掛麵價錢相對低嘅情況下，只能講一分錢一分貨