天下無雙

营业中

休息中

琴日遲咗出嚟食飯，間間舖頭都要排隊.見到一間唔係太多人嘅車仔麵，所以入去試吓.環境坐低乾淨企理唔會好污糟. 舊式車仔麵地下通常都黐立立入都唔想入去食. 呢間OK.價錢豐儉由人， 最平$35就買到單啦. 自己叫咗個牛筋，墨魚餅，大腸. 咖喱湯底.牛筋份量都幾多，同埋每一條都問得好𣺉，墨魚餅，好彈牙，都好好食，但係份量得兩舊比較少. 大腸入晒味一啲內臟味都食唔到洗得好乾淨. 個湯底好濃啱晒啲重口味人士我就飲晒啦同朋友夾份食咗碗雲吞，紫菜湯. 同咖喱湯湯底比呢個好清.檸檬薏米，真係好多薏米都抵飲

在**天下無雙車仔麵**，這裡的車仔麵選擇多到令人眼花繚亂🍜！你可以自由選擇自己喜歡的配料，讓每一碗都獨一無二✨。 我特別推薦**陳皮魚蛋**，那獨特的風味讓人驚喜，還有**豬皮**，完全冇毛，口感滑溜，令人回味無窮😍。另外，**豬紅**和**牛筋**也都是必試的美味，搭配上**爆汁潮汕牛肉丸**，每一口都是滿滿的幸福感！最後，搭配**讚岐烏冬**，讓整體口感更加豐富👍。 此外，這裡還有很多香港特色小食，例如**雞中翼**（5隻）🍗、**腸粉**和**生菜魚肉**，讓我想起了童年時的味道，充滿了懷舊的感覺❤️。 如果你也想重拾那份童年的美味，快來**天下無雙車仔麵**吧！ **天下無雙車仔麵** **地址：亞士厘道16號地下**📍

最近上完堂經過亞士厘道，見新開左一間茶餐廳/港式小食店【天下無雙】。正好未食晚餐，就心血來潮去試下。環境都算好舒服，裝修亦有啲新意。潮州牛肉丸：天氣涼涼地，當然要食下D湯湯水水。牛肉丸果然唔負所望，牛味濃郁，肉質非常彈牙，咬落去有啲彈性，配合紫菜，味道層次十足，令人一試成主顧。燒賣：個人真係特別鍾意食燒賣。佢哋的燒賣唔會太霖，味道鮮美，再加上秘製辣醬，真係一流，令人停唔落口。檸檬薏米水：係餐廳自己整既，飲落去仲有少少薑味，感覺非常refreshing。總括來講，這次的用餐體驗非常滿意，下次一定會再來！

今日去咗尖沙咀見好耐冇食過車仔麵，竟然俾我發現亞士厘道有間靚仔嘅車仔麵店叫天下無雙，即刻入去試吓佢哋嘅車仔麵套餐。我叫咗個牛魔王麵餐，裏面有牛腩，牛筋，牛柏葉，潮汕牛丸，面就叫咗河粉，嘢飲就叫咗菠蘿梳打，麵汁就嗌咗腩汁，牛腩好爽好入味，牛筋好腍有啲黏口，潮汕牛丸好彈仲有汁，牛柏葉嘅份量都好多，整體上全部份量都好多，好夠食，比起出面嘅車仔麵餸菜份量明顯多咗。菠蘿梳打大大杯。好夠味。另外再叫咗個豬八戒麵餐裏面有豬皮，豬腩肉，豬紅，豬大腸，豬耳，豬手等等，嘢飲就叫咗熱菊花蜜，豬皮好爽好夠味，豬腩肉好香好彈，豬紅一入口即化，豬大腸唔會有臭味，洗得好乾淨，豬耳好爽好彈，豬手好滑好多肉。唯一問題就係加錢叫咗菜底，但係菜嘅份量得好少。

📍 天下無雙🌍尖沙咀亞士厘道16號地舖 G/F, 16 Ashley Road, Tsim Sha Tsui📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝車仔麵小店裝備港式味十足。▸ 檸檬薏米水◂✿  特別推呢個美白去水腫健康飲品，清甜滋潤，夏天飲會好爽～▸ 牛魔王麵餐◂✿  潮洲牛丸、牛腩、牛筋、牛柏葉當中最愛係牛丸，勁爽彈多汁～ 牛腩都係要試，肥瘦均勻，軟嫩不鬆散，腩汁甘香濃厚～▸ 自由選麵餐◂✿  叫左３餸菜底秘製豬腸肥美入味，超好食！！！手工雲吞皮薄足料，豬肉同蝦餡，全部都肉！鬼馬炸魚腐成個乒乓波咁，同平時食嘅好唔同。▸ 咖喱魚蛋豬皮蘿蔔◂✿ 蘿蔔勁清甜，仲要融入哂咖喱汁到，唔會死鹹，咖喱香料味自然～好正嘅辣醬醬

我地諗住去尖沙咀影聖誕燈飾前經過呢間舖頭，見到好多野食，香港街頭小食，車仔麵等，我地就坐低食d野再出發。呢到牆上邊有一幅天星小輪嘅油畫，好符合佢哋嘅位置喺尖沙咀。魚肉燒賣入口煙煙韌韌，好有口感，唔會成口粉，加上甜豉油好味。無雙魷魚份量多，味道辣辣地，香口惹味，口感爽脆可口。另外叫左個自選車仔麵，唔想諗食咩可以揀餐廳設計好嘅，蘿蔔清甜無渣，芝士腸外皮脆卜卜，一咬開爆芝士，豆卜吸收晒腩汁的味道，米粉入口爽滑。蜜桃梳打非常之夠氣，蜜桃汁香甜。

今次黎到自選2款車仔面，清湯係雞湯，食完唔會口渴，但食材都好入味，唔會死咸，我地叫左米線❤ 多蔥 好掛湯豬紅❤ 滑dodo雞翼❤ 咸香味濃無雙魷魚❤ 較實身，越咬越香豬手❤ 好入味，滿湖骨膠原口感牛筋❤ 軟嫩LIM口秘製豬大腸❤ 零騷有咬口牛柏葉❤ 爽彈菜底❤ 多蔥 生菜清甜，份量再多D就更好喇!滷水蛋❤ 大大隻，好香蛋味蠔皇小花菇❤ 原隻花菇會剪開一舊舊，容易入口，蠔皇味出雞翼❤無雙魷魚❤ 最後黎個油菜全走，通菜唔嚡仲幾嫩脆。

我好中意食車仔麵，今日同朋友行街見到有就衝左入去食。藤椒魚皮魚皮爽口彈牙，藤椒味道香濃，入口香口麻辣，魚皮非常入味。牛魔王麵餐入面有牛腩，牛丸，牛筋，牛柏葉，真係牛魔王最愛，牛腩非常軟林，牛丸多汁彈牙，牛筋煙煙韌韌，牛柏葉非常爽口。炸陳皮鯪魚餅陳皮味道濃郁，鯪魚餅炸到外面脆卜卜，內面口感Q彈，沾上泰式辣醬味道更加惹味。油菜係生菜新鮮爽脆，香甜。我哋叫咗凍檸賓同荔枝梳打，飲品就算加咗冰都唔會過淡，好飲！

懷舊4寶麵（秘製辣汁，小辣）選擇困難症嘅朋友可以一直揀店舖推介嘅車仔麵，【懷舊四寶】有蘿蔔、豬紅、豬皮同魚蛋，蘿蔔煮得入味，入口軟腍；豬紅滑嫩，冇腥味；豬皮煙韌而不油膩，吸滿辣汁之後仲惹味；魚蛋彈牙有嚼勁👍🏻 油麵煮得剛好，保持彈性，搭配秘製辣汁，辣度可以自由選擇，就算食唔到太辣都冇問題自由選麵餐（咖喱汁，微辣）啲餸都好多選擇，可以揀3款或以上嘅餸再加麵底或菜底，墨魚餅非常煙韌彈牙；滷水蛋滷得入味；韭菜爽脆，為濃郁嘅湯汁加添一份清新感，油麵吸滿咖喱汁，唔會太辣得黎好香荔枝蝦球蝦球外層炸得酥脆，粒粒圓潤，真係幾似粒荔枝，咬落蝦肉彈牙，蘸上甜辣醬亦好開胃油菜食完啲香口惹味野食返碟菜，感覺健康啲，蝦醬通菜煮得剛好，唔會過硬/過腍，少少蝦醬調味唔會咁寡芬達無糖可樂📌天下無雙 (尖沙咀)地址：尖沙咀亞士厘道16號地舖🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香

餐廳：天下無雙地點：尖沙咀亞士厘道菜式：港式車仔麵餐牌：有四款配好餸既車仔麵、有自由選麵餐（麵底/湯底/葱/配料）、小食、飲品今晚叫左兩個自由選。豬手，牛腩，爆汁潮汕牛肉丸，幼麵，清湯，多蔥豬手$18一件，好淋。牛腩$18有五六件，好抵，好淋而牛味唔錯。爆汁潮汕牛肉丸$18兩粒，絕對唔會乾。幼麵$13好正，又幼又滑。牛腩，牛筋，肥牛，讚岐烏冬，腩汁，要蔥牛筋$18都係有四五件，好淋又入味。肥牛$18好多件。讚岐烏冬$15好滑溜。腩汁底味道唔錯。蜜桃特飲 $15蜜桃特飲係蜜桃汁加一罐雪碧比你加入去，飲落蜜桃味好香，好好飲又大杯。鬼馬炸魚腐 $48鬼馬炸魚腐一客十件左右，炸得好脆口。食物質素唔錯，餐廳光猛乾淨，坐得好舒服。

今日去左尖沙咀食麵，覺得呢間餐廳服務非常之好。裝修設計亦都俾人一個好舒服嘅感覺牛魔王麵餐（粗麵）令人喜出望外的牛魔王麵，有牛腩、牛筋、潮汕牛肉丸和牛柏葉。牛腩煮得非常軟嫩，搭配彈牙牛筋。潮汕牛肉丸彈性十足。牛柏葉獨特風味，湯底濃郁。豬八戒麵（幼麵）選用多種豬肉部位，包括豬皮、豬紅、豬腩肉、豬大腸、豬耳和豬手，極具豐富的口感和風味。豬皮滑嫩，口感極佳，豬紅的鮮美配合豬腩肉香氣。豬大腸和豬耳脆口感，豬手肉質柔軟，湯底清爽，完美吸收了各種豬肉精華。飲品就叫咗咸檸七和熱情果特飲。Today, I went to Tsim Sha Tsui for noodles and found the service at this restaurant to be excellent. The decor also gave a very comfortable feeling.Beef Noodles (Thick Noodles)The Niu Mo Wang noodles were surprisingly delicious, featuring beef brisket, beef tend

今日食嘅呢一間餐廳喺尖沙咀，主打係港式車仔麵，無論麵底定係餸菜都有勁多選擇，價錢唔算貴，味道不錯我點嘅係牛筋，蘿蔔，豬紅，豬腩肉咁多味餸入邊最令我驚喜嘅係牛筋，超腍滑嘅肉質，加上勁入味，係必叫之選豬腩肉望落去肥瘦分明，一咬入口入口即溶，面底我選擇米線，係幼米線，非常之掛湯小食選擇都幾多下，呢個荔枝蝦滑望落去超吸引，即叫即炸，外脆內嫩！！！一客有五粒，圍起上來價錢不算貴！！性價比同出眾嘅味道，嚟香港必食推介！！

今日得閒喺尖沙咀行街，咁啱經過亞士厘道，見到間叫「天下無雙」嘅車仔麵店，-門面幾igable，就入去試下，估唔到又幾有驚喜！佢哋主打香港地道小食同車仔麵，啱晒我呢啲鍾意掃街嘅人！首先嚟嘅係生菜魚肉，份量啱啱好。魚肉打得好彈牙，入口爽滑，完全冇腥味，個人超喜歡佢嘅口感！湯底清甜，帶有淡淡嘅胡椒香，飲落好舒服。生菜新鮮翠綠，索晒湯汁，十分欣賞佢哋喺細節上嘅用心。整體嚟講，呢個生菜魚肉絕對有水準，作為開胃小食一流！呢碗車仔麵嘅配料都好吸引我！先講蘿蔔，炆得好入味，軟腍多汁，甜甜地好正。炸九鬼魚腐炸得金黃酥脆，外脆內軟，索晒湯汁之後更加惹味，個人超喜歡！韮菜餃皮薄餡靚，韮菜味香濃，餡料飽滿，食落口感豐富。陳皮魚肉就係一個驚喜，帶有淡淡嘅陳皮香，同魚肉嘅鮮味好match，十分欣賞呢個配搭！湯底濃郁，充滿住車仔麵嘅風味，每一樣配料都處理得好好，絕對高質！另一碗車仔麵我就揀咗米線底，配料有魷魚、豬紅同豬皮。魷魚爽口彈牙，唔會韌，處理得好好。豬紅嫩滑入味，完全冇腥味，份量都幾多，食得好滿足。豬皮炆得軟糯入味，入口即化，充滿骨膠原，女仔一定鍾意！米線份量適中，索晒湯汁，好好食！呢碗車仔麵嘅配料都好足料，

今日經過亞士厘道 見到間車仔麵 估唔到食小食都咁好食 腸粉醬準夠多 魚蛋夠彈牙，荔枝蝦球配埋泰式辣醬 食到停唔到口呀 下次經過一定要再食 仲要試埋佢個車仔麵先得！ 真心推薦比大家

車仔麵嘅選擇永遠都好多。無論咩麵底都有得簡，而且食物選好多。我叫左芝士腸，散發出濃濃的芝士香氣。接著再加上嫩滑的雞中翼和軟腍豬手，增添了口感的層次。咖喱汁的香濃味道淋在麵上，讓整碗麵更加香濃可口，配上公仔麵便更好吃再加上多蔥提味和一點點的小辣，讓整碗麵更加惹味。不可錯過的小食有燒賣和街頭魚旦，兩種都蒸得剛剛好。最後，來一杯凍檸檬薏米水來解渴。這款飲品酸甜開胃，加入了新鮮的檸檬和薏米，清新怡人，少少甜很好喝。