影片
以上资料只供参考，请与餐厅确认详情
主要想介绍返儿童餐。红日假期黎到餐厅11:30 刚开门人流唔多，行哂成个yoho 望下d 有儿童餐既餐厅之后决定黎到天丼。$68 有饭/乌冬，天妇罗，茶碗蒸都好相宜。仲要有芒果西米底+芒果雪糕做甜品（虽然我冇俾小朋友食）。天妇罗味道同质素同大人既一样，小朋友都食得好滋味。见到同场都有两三枱小朋友食客，见到隔篱枱小朋友唔食虾，餐厅亦都可以帮佢转埋做天妇罗蟹棒。 茶碗蒸嘅鸡蛋都好滑，热辣辣。鲣鱼汤乌冬，可能对于我嘅小朋友就太重味，未食得惯。下次再去会叫白饭。甜品我地大人帮佢食左，西米唔算多，但味道可以。大人就食左一个期间限定同埋一个天丼（鳗鱼）食到中段都开始要排队，餐厅都坐满哂。野食新鲜，但始终天妇罗多食都会有油腻感。不过，对儿童餐满意，唔系其他餐厅咁食薯条，火腿，肠仔等垃圾食物，又有bb 凳，应该都会再访。
继续阅读
有一日等睇戏，唯有喺附近食晚餐经过见到YOHO有天妇罗丼或面食跟住就入咗去坐低点餐我order咗一个巨星天丼入面有黑虎虾、帆立贝、鱿鱼、蟹柳、紫菜、菇、四季豆食材，因为本身自己好钟意食虾同帆立贝。我觉得佢哋嘅酱汁同天妇罗好夹，餐厅亦都提供辣味粉、盐🧂共调味之用另外个餐就包咗一个面豉汤。整体嚟讲都尚算好食，店员亦都会自动帮客人添茶
继续阅读
喺商场行街求其揾嘢食，天气好热特别想食啲开胃啲嘅嘢食，冷乌冬冷荞麦面就最好不过。见到做推广有青柠柚香冷素面，感觉好Fresh好开胃😳 整体乌冬、荞麦面，同埋面汁都系好食，荞麦面略嫌林身，青柠柚香汁清新，柚香味唔算太浓。天妇罗炸粉份系薄身嘅，所以唔会食到好滞，亦都唔油腻，唔错。份量都系大份的啱啱先咁入嚟，OpenRice见到负评都几多，但系自己试过喺冇先入为主嘅感觉下，整体都唔错，店员嘅服务亦都好Nice，期间唔小心倒泻咗水，请求佢哋帮手，佢哋都好有善即刻处理。有机会会再帮衬！
继续阅读
假期下午去食，去到得两枱客，商场入面好多人但系铺头里面员工仲多过客人。坐低后发现餐牌唔同左唔岩食已经即刻想走。以前定食每款$80-$90都有跟2只虾，新菜单得番1只仲要$100up完全唔够食！由于唔钟意食蔬菜，我净系会叫定食或浅草海老丼。今次去到两个餐都无埋，散叫又贵成$26一只虾！半年前虾都只系$19一只。总结：野系好食不过食唔饱，建议改番旧菜单或自选天妇罗定食会更吸引新客及留住旧客种种原因我已经劝退左身边朋友。
继续阅读
唔知做乜安排左个位系热加少焗，咁啱又有太阳晒，嗌左个茶碗蒸就合格，天丼就中规中矩，材料靓，米饭好食，唯一就系越食越热，跟住又焗，窗边位有太阳晒住，一路食一路有少少辛苦😓，饮左三杯茶（热🔥），张櫈又唔 好坐….. 价钱还好，侍应都有礼貌～但冷气既问题要改善🤦🏻♀️
继续阅读