天丼

营业中

休息中

而家天氣咁熱都喜歡食天婦羅🍤加冷麵🍜，今次試附近以主打天婦羅🍤的 「天丼」, dinner set 有幾款揀，可以楝熱或冷烏冬、蕎麥麵同素麵，今次揀了華味鳥盛合配蕎麥麵。華味鳥盛合 $109份蕎麥麵幾大份，軟硬度適中，爽口，炸天婦羅有雞肉、雞寶、黑虎蝦、南瓜、紫菜、蓮藕、四季豆，炸天婦羅🍤黑虎蝦幾大隻，又甜又爽，估唔到天婦羅雞肉炸得好好，咬入去重有雞肉汁同幾嫩口同好軟熟，幾款炸物好香口又唔會好油膩 ，個人like 炸四季豆同蓮藕 😋。埋單$120 都算抵食。

吃素的我能選擇的餐廳小了但依舊有著選擇困難症最後還是決定吃天丼熱氣埋呢餐再說不用選 就只有這個蔬菜天婦羅定食配熱烏冬很久沒打食評這次想讚的是他們烏冬上加上了柚子皮這會令整個湯底都變得清新還會帶上微甜而其實的就正正常常在下現在要求不多能飽就好服務也不錯 下午茶時間沒很多客人靜靜地 慢慢吃完不用擔心阻到其他客人👍🏻不過商場店的洗手間就是要走回商場裡對於一個人在外用餐有時感覺會不便始終不希望走太遠最好是先上完再進店用餐 或待離開後再去吧

好耐無返大埔，難得返嚟就試吓有咩新嘢食，見到呢間都幾吸引就入咗去試啦，一坐底職員都好快遞茶比我哋，好快我哋都揀好咗食物，我哋分別叫咗個鰻魚盛合丼同主打帆立貝嘅天婦羅冷喬麥麵（確實名字唔好好記得），食物一嚟到，我已經比鰻魚吸引住，雖然鰻魚唔係好出眾，但整體感覺唔錯。但我個人極力推薦天婦羅嘅食物，認真唔油膩，唔多粉，佢真係鬆脆可口，但因為我本人極少食天婦羅的，所以可能有其他更加好食的都不出奇，但我個人幾欣賞呢個天婦羅，真係好好味，整餐飯我都食得好滿意，服務亦都好好，會再嚟試多次

經過大埔中心超級城C區、有間天丼本身食天婦羅的但係估唔到有白雞湯拉麵仲有杯菊花蜜餐牌見到有軟骨飯及可以轉烏冬只需要$79果然好味😋下次我想試埋豬軟骨同天婦羅、服務員好天丼只收電子收費。

天氣太熱，今次去到大埔超級城晚餐想食點輕食，揀左天丼一試，天丼顧名思義，主打天婦羅，試左野菜天婦羅盛合配蕎麥麵、鰻魚重試一試。店員安排坐吧枱位，可以望街景。上菜速度都幾快。野菜天婦羅盛合($83)配蕎麥麵($36)椰菜包括茄子、南瓜、番薯、蓮藕、四季豆、菇，菜單聲稱有蘿蔔，但唔係好覺有。每款一件，如果肚餓嘅話講真唔係好夠飽，好似食陣風，性價比低。食落唔算太油、蔬菜唔會太乾身。推介：❤️❤️🤍🤍🤍價錢：❤️🤍🤍🤍🤍味道：❤️❤️🤍🤍🤍份量：❤️❤️🤍🤍🤍賣相：❤️❤️🤍🤍🤍鰻魚重($98)整體份量偏少，鰻魚唔太入味，玉子燒偏甜，食得出係工廠出，唔係即製，而飯底較少。男士可能4至5啖食曬(?)，又係食一陣風，同日本當地鰻魚飯冇得比。推介：❤️❤️🤍🤍🤍價錢：❤️🤍🤍🤍🤍味道：❤️❤️❤️🤍🤍份量：❤️❤️🤍🤍🤍賣相：❤️❤️❤️🤍🤍香港較難搵到一間主打食蕎麥麵出名的餐廳，多數見蕎麥麵配天婦羅的配搭，以蕎麥麵的清新消解天婦羅的油膩。今次稍有失望，再接再厲搵好食嘅日式蕎麥麵店！

好好的一頓晚餐被人公然打尖而掃興，因為我先去排隊，店員解釋因為未齊人不可安排入座，我十分明白乖乖繼續等，但當我們齊人時，店員卻突然安排最龍尾的一個人可以先入座（佢都未齊人）。遇到這樣雙重標準的對待，所以我真唔住發炮質問該店員是否識佢就不用排隊。今時今日這是甚麼服務態度？

成日經過見過排哂隊，次次都諗住下次唔排隊再嚟食點知下次又下次都係見到keep住有人排隊，睇嚟真係好受歡迎今日中午12點45份左右嚟到，排咗大概15分鐘就入到去坐低店員告知係QR code自助落單，跟住就遞上兩杯茶問店員有咩推薦，店員推薦咗鱚定食凍蕎麥麵，夏天最多人食呢個見到隔離檯有叫八爪魚天婦羅，好大份，我都叫咗一份天婦羅食得出係新鮮炸起，粉好薄，而且食材好新鮮無梅味凍蕎麥麵會配一個冷麵汁，冷麵汁夠凍，配上wasabi食超級清爽！大推！八爪魚天婦羅超大份，估唔到香港都可以食到咁厚身嘅八爪魚，建議兩個人share食服務不錯，食物好食，下次會再嚟！

地址－ 大埔超級城c區地下店舖名稱— 天丼環境／設施－ 全新開張，位置寬敞特色－天婦羅人均價格－$80-100評分－7/10難得大埔開咗一間天婦羅，所以決定今晚去試一試，大約7:30入座，唔需要等位，好快安排座位，店員非常有禮貌，有提示用QR code落單，但店員說QR code好慢，建議我哋人手幫我們落，服務態度非常之好，食物方面種類非常之多，當然有炸蝦天婦羅，炸紫菜，等等嘅天婦羅名物，嘢飲方便有啤酒，汽水，不過我們選擇咗飲茶，所以冇另外選擇飲品，烏冬和飯和蕎麥麵都可以嗌一份或者半份，依方面幾細心照顧不同適合的需要！我哋一行三個人，嗌咗兩個餐，另外加咗半份白湯烏冬，天婦羅製作大概要15分鐘左右不過繁忙時間可能要在耐少少，慶幸今日人流不多，所以我哋好快有得食，雜物方面粉漿都唔算太好，味道OK可以，所以可以下次在一試！#foodphotography #美食指南 #日本美食 #美食之旅 #foodiehk #Food #天婦羅 🍤

天丼 TEMPURA TENDON TENYA 係正大埔超級城最旺最正中嘅C區人流唔洗擔心閒日中午嚟到 岩岩好最後一個二人位（呼～自助落單後會有職員再覆一次單有其他人遇到手機問題可以人手落侍應人手都算充足 一見到個杯冇晒茶，好快就過嚟斟茶今次叫左 鱚定食 hkd 89 +10%配凍蕎麥麵蕎麥麵正常，份量適中加咗蔥嘅蕎麥麵汁 按需要加入Wasabi天婦羅嘅炸漿非常簿 剛剛炸起 好香口整體味道、賣相同服務都唔錯食完仲有經理級嘅職員過嚟問好唔好食問仲有啲咩改善相信係因為新舖開張所以服務態度上面做得好足唔知之後能否維持得到咁好嘅服務呢？一人午餐埋單連加一 hkd 97

星期六晚餐兩個人去食了一個巨星天丼和蕎麥麵。要等齊人才能入座，座位數量不太多，幸好不用等位。食物份量還好，不太多也不太少，飯的份量偏多，天婦羅適中。可惜的是吃起來味道很一般，蝦又不爽口，而且帆立貝也不算好吃。價錢方面兩個人吃了$280，性價比不高，甚至有少許偏貴。服務方面是ok的，用QR Code落單，職員態度也算友善，也主動拿籃給我們放物品。整體來說沒有特別吸引，和日本的食物質素差距甚大。不會再去的地方，試一次夠了。

大埔超級城終於又開新餐廳喇😂不過都係啲連鎖餐廳🙈🙈（10分為滿分：🌕）味道：🌕🌕🌕🌕🌕🌕🌕🌗🌑🌑極上天丼 ($98)呢個天丼特色係廣島蠔，洋蔥蜆餅同明太子大葉，廣東蠔外脆內軟好好味，洋蔥蜆餅好少食到有新鮮感，煙煙韌韌咁，不過明太子大葉就唔太岩口味😂😂😂😂巨星天丼($89)呢個入面最特別係有青森帆立貝，魷魚同虎蝦，所以如果鍾意食海鮮既呢個就岩曬🤩帆立貝同魷魚唔會話好細舊，然後又有野菜balance番好似感覺健康啲🤣🤣華味鳥盛合($103)呢個其實有少少失望，其實就係野菜，一隻天婦羅炸蝦加2舊天婦羅炸雞，但價錢仲貴過上面個2個天丼，雞肉都算嫩滑，但個雞寶就唔係好食得慣😂如果唔係因為要隻炸蝦，應該會叫番野菜盛合算😂😂蕎麥麵-冷($36)蕎麥面算係唔錯，麵既軟硬到煮得剛剛好，然後夏天熱辣辣食個涼爽既蕎麥麵好消暑既感覺😛😛怕食凍既另外都仲可以揀熱湯😆價錢：🌕🌕🌕🌕🌕🌕🌕🌑🌑🌑極上天丼同巨星天丼比我想像中平，唔過$100，但反而冇咩特別材料都既華味鳥盛合仲貴，外加一個凍蕎麥麵仲要加成30幾蚊🫣🫣咁我會覺得叫天丼抵啲，有蠔/帆立貝等等既天婦羅😛交通：🌕🌕🌕🌕🌕🌕🌕🌕🌑🌑位於大埔超級城C區停車場旁邊，