天仁茗茶

营业中

休息中

安信呢期做緊買一送一優惠，但我所持有嘅安信卡唔係圖中果款，店員就拒絕俾優惠我😥 甘我都照樣買左黎飲。之後我就打返上安信hotline問，安信就話所有安信嘅信用卡都可以用呢個優惠！ 講真，我明知自己蝕左一杯但都唔敢返轉頭問佢拎返，廢是俾人加料

黎過兩次 員工態度勁差四五個人喺度淨係傾偈唔做嘢勁多客等緊都可以咁一杯飲品等咗20-25分鐘未見過一間咁差嘅天仁茗茶催左一次仲話不嬲都都係要等咁耐人哋其他天仁茗茶多人買過呢度 都未試過等超過10分鐘

本身諗住再去阿里山買黑塘珍珠奶茶，但係去到冇開，去咗對面呢間天仁茗茶買黑塘珍珠奶茶試吓全間鋪得一個staff, 見佢對客D態度超差，完全唔想做，完全係求其整，我叫左兩杯，一杯少甜，但係飲落去係超甜，成杯野味道超怪，珍珠有1 D係淋，有1 D係超硬，嘩我俾1杯36蚊嘅價錢，換來一杯不知所謂嘅奶茶，我唔會再幫襯

夏天天熱炎熱，有乜野好得過飲珍珠奶茶，邪惡一番。天仁茗茶，見到好多分店，一於試試，叫左香芋鮮奶綠加珍珠，呢d茶來講珍珠真係好重要，有d咬口，如沒有就像飲一杯普通奶茶一樣，好快飲完。因為怕肥所以揀了小甜，又因為小甜才能飲出淡淡茶香，又有奶味，另估佢唔到既係，它的香芋竟然是真的切粒香芋，好驚喜，加埋珍珠，一杯野飲已飽哂，豐富的下午茶。

早上到店舖，見幾位員工已在店內，問嗰員工幾時開工，佢十問九唔應，之後再問，佢帶點嘲笑語氣話佢都唔知喎，佢啱啱先返工，點知幾時先開到工，亦冇建議客人幾時可以返來買飲品或先下單。建議給員工作基本的禮貌培圳。

作為90後中學少不免都經歷過一段時期係下晝一杯珍珠奶茶一塊雞扒就做lunch當年以貢茶為出色 成行成市天仁茗茶作為後起之秀發展迅速今日我就買左天仁茗茶嘅珍珠奶綠黎飲好多人都會比較鍾情珍珠奶茶但我個人會比較鍾情於奶綠 因為奶綠一般都無咁甜 比較飲得出茶底嘅茶味 而且奶精味亦都冇咁重~~~~~~~~~~~~~~~~~~~~~~~~~~~~~~細細杯作為飯後甜品都啱啱好 我見到佢鋪頭仲有雪糕賣下次一於試一試茶味雪糕🍦

試問人生中又點可以無左珍珠奶茶，但今天卻勇者上身決定試試新野，全因我經常望一望張POP就勾起興趣🙈🙈冬瓜茶同珍珠奶茶就飲得多，兩者混合就未試過！！ 一於試試會有咩火花💥913冬瓜鮮奶茶珍珠保持煙韌有咬口，甜度適中。可惜冬瓜味道不突出，原本想像會有一點冬瓜茶味但沒有，鮮奶味重，但飲落似一般珍珠奶茶，卻沒有原本913奶茶般夠茶味，有點失望😞不過間中試試新產品也不錯，話唔定會有新驚喜。下次還是飲番最愛913奶茶。

在排隊等晚飯的時候突然很想喝一點甜的東西，於是隨便逛了逛，就看到隔壁有一間天仁茗茶，果斷的去買了一杯來喝。叫了一杯冰珍珠奶綠，$21，有一點驚喜，感覺要比其他分店好喝，珍珠彈牙，甜甜的，奶茶茶味也很足，所以說果然不同分店的味道也不一樣嗎

之前成日都飲佢嘅奶蓋綠茶，佢嘅茶味香得泥唔會係糖水味，對於本身唔太鐘意飲好甜飲品嘅我泥講非常喜歡。奶蓋同綠茶都好夾，奶香唔會搶哂綠茶嘅味道。今次點芋香奶綠，仲更加好味，佢嘅芋頭整到好碎，好易飲到，同埋佢嘅熟度岩岩好，唔會硬或太淋身，食到粉粉嘅口感。不過有啲飽肚，如果岩岩食到好肚就唔好加芋頭啦

經過新都城就想飲杯天仁，之前來都要等得耐，所以今日下午來就無乜人，太好了！🍴因為腸胃問題，我要飲鮮奶茶先無事，不然就好容易唔舒服。呢個係我發現天仁有珍珠鮮奶茶後得岀來的結論。🥤本來想試黑糖，但已售罄。所以點了913鮮奶茶(⁎⁍̴̛ᴗ⁍̴̛⁎) 也加了珍珠。比起平時飲開的珍珠鮮奶茶，今次這杯無咁重鮮奶味，茶味較重，而且鮮奶也無咁滑。不過之前在APM分店飲多，不知是否沖泡技術也有影響？🤔下次要去返APM分店試一下才行！還是用緊這個聖誕杯🎅🏻☃️題外，之前在另一分店有食茶葉蛋，真係好入味好好食😋

一個二個返工返到極厭世 西口西面都好 我明嘅返工有邊個唔攰？我了解亦唔要求乜服務態度 冇禮貌不在話下 但可唔可以唔好唔睇單就沖 加左$4珍珠 但最後飲就乜春都冇落 錢又識收喎得啖笑

最近流行黑糖鮮奶 連天仁都分一杯羹 搞到鮮奶成日賣晒😅今日終於都飲到913黑糖珍珠鮮奶啦 😋一飲落口淨係飲到奶茶味😞 珍珠勁林😭黑糖味真係好淡😭😭 這杯係我係天仁茗茶飲過最難飲嘅飲品😭😭😭 下次都係乖乖地飲返蜂蜜綠茶或者珍珠鮮奶綠😂😂

每次去都會好多人排隊因為天仁真係好飲d茶底好正我個人有兩三款好like珍珠奶綠， 913 珍珠奶茶 同 香芋珍珠鮮奶綠茶咁今日就order 913 珍珠奶茶點解叫913 呢 唔同no又有咩唔同根據官方說法茶王的數字的代表意義是:前面第一個數字為茶葉等級，第3個數字為茶葉焙火程度，3代表輕培火，9代表重焙火例如913茶王，9代表茶葉等級，3代表輕焙火；109茶王，1代表茶葉等級，9代表重焙火珍珠依舊好嚼 勁chewry 奶茶依舊keep到合格！！！

最近都出席得多婚禮，呢日去完西貢朋友下午嘅婚禮，去將軍澳行街。有啲口痕，友人提議黎杯天仁茗茶，又估唔到將軍澳都有。我第一次係多年前係台北某誠品內飲，係香港我未試過。跟友人叫左香芋奶綠，一直以為都貴，原來係二十七元，都幾抵。假日下午茶時間，等候嘅時間唔算耐，十幾分鐘就有啦（當然有朋友傾住計時間過得快）。香芋我以為只係香芋味，原來有芋頭係入面（真心好少會係出面買嘢飲，大鄉里出城），打碎左好易入口，都算係打得均勻。我叫左微糖，還好嘅，奶綠味好濃郁。

每次飲天仁茗茶最鍾意到一定係珍珠鮮奶綠記住一定要係「鮮奶」鮮奶比起普通落奶粉香好多今次一如以往要少冰3分甜其實天仁d珍珠粒粒都好香蜂蜜味加上鮮奶本身又有甜味所以3分甜都唔會太淡口仲比較健康今次雖然人多 但係幾分鐘就已經出到茶非常有效率茶同奶既比例完美 兩者平衡唔會有任何一方蓋過絕對係行街解渴既佳品