天仁茗茶 (新都會廣場)

营业中

休息中

剛開鋪時曾經與同事悄悄地去買黎一齊飲，見近近地便開心分享就眾樂樂！👏🏻我覺得這間的鮮奶茶相比其他的台式飲料店係好飲啲～鮮奶的味道很新鮮不會將茶的味道覆蓋⋯茶的味道又濃郁⋯配合得相當不錯👍還可以有溫度給大家選擇～特別在於有常溫給予選擇⋯令我印象深刻！這也令我經常光顧的原因～考慮到女生在特別日子中不方便時而又很想飲的感覺、這方面十分滿意令人值得一讚！但每逢週末/假日排隊人潮都眾多⋯好茶製作需時但都值得一試！👍

到葵芳新都會行街睇戲，行到有點累，買杯飲品去露天廣場坐。去天仁茗茶打算買杯至愛的玉露，誰知店員說現在已沒有在賣唯有叫杯913黑糖珍珠奶茶，要求少冰、半糖，承惠$28等候大約5分鐘就拿到了，店員叮囑要等一下，稍後下才喝。急不及待喝一口，喔...原來珍珠是熱辣辣的軟呼呼的，沒有咬口不知是不是太多人買，沒有足夠的時間讓珍珠冷卻呢?還是要耐心等待，不時攪拌一下，待珍珠被冰塊冷卻變硬，終於變回有咬口的珍珠了。

葵芳其實有好多珍珠奶茶選擇，但永遠天仁都係我既FOREVER NUMBER 1（盲粉！！！） ，但成日都超多人，要等好耐！難得今日一點幾鐘都唔算多人，就決定買返杯先！飲左珍珠鮮奶綠，鐘意飲綠茶底因為覺得綠茶FRESH D，無紅茶咁HEAVY，而且夾落鮮奶都無咁易滯。不過今次唔知點解覺得Ｄ奶好稀（明明我都己經走左冰），所以令鮮奶味唔夠出，唔係好濃郁，唔算超好飲！叫左微糖，杯飲品甜度唔錯，但珍珠略嫌甜左Ｄ!

餓底最愛去  ，也因此愛上名地的 ，誓要品嚐每個東南亞國家的當地奶茶，這也是旅行must-try list之首！.若有好飲奶茶的消息，不管有多遠，餓底都願意一試🤤.最近才知道天仁茗茶的大名🙈 然後試了它那 913茶王沖出來的奶茶，真的超有茶香！每次我都會額外加珍珠，天仁的珍珠特別好吃！很貼近台灣的珍珠，比較甜和QQ🤤. 的  是個回不了頭的嘗試🤤...味道：9/10價錢：HKD 24

-係葵芳呢間商場行街行到攰🚶， 搵杯嘢飲先。 你畀錢之際，見到個牌寫住恆生信用卡買一送一優惠， 仲要係最後一日。 跟住就一邊排隊、一邊喺facebook🤳攪優惠。係等緊我嘢飲嘅時候，見到有個corner放咗唔同類型嘅茶王茶葉。 原來天仁茗茶除咗買現成飲品之外，仲有茶葉有得買👍。913黑糖珍珠鮮奶茶（$28）（無糖、去冰）個人認為，因為有黑糖珍珠已經夠甜，所以走甜都夠好飲👍👍。除➗番開每杯都係$14，超抵飲‼️===================== 天仁茗茶地址: 葵芳興芳路223號新都會廣場1樓182號舖

不嬲都鍾意天仁茗茶的珍珠奶茶，因為茶味夠濃。平時通常會叫913珍珠奶茶，佢的signature,茶味最濃。今天突然不太想飲珍珠奶茶，就叫左個鐵觀音雪糕，雪糕入口即溶，鐵觀音味濃郁，不錯。

葵芳新都會加葵涌廣涌加埋有成十間台式飲品店，但天仁茗茶仍然都係有好多人排隊！天仁茗茶既913奶茶真係要推介下～ 如果只飲無糖既913茶王會飲到甘甜味，無糖既913茶王非常解膩。奶茶好唔好飲都要睇下用咩茶底部沖～ 我叫左913奶茶茶濃7分甜少冰，甜度岩岩好，茶香滑，好飲！如果食開重口味既人，記住要叫茶濃呀～如果唔叫茶濃，杯野會好淡。 天仁茗茶同其他台式飲品店唔同，佢有一個自助CORNER位，比大家自己拎飲管同紙巾，職員會專注沖野飲，所以拎完野飲，記住自己拎埋飲管先好走！

以前一向都喜歡係天仁購買鮮奶綠茶。一直都很喜歡,現在流行的黑糖珍珠鮮奶也是我的最愛,幫襯過好多吾同店，如鹿xx, 老xx,一x, 都覺得好好味。今日路過天仁，見吾使排隊又見佢有黑糖珍珠鮮奶就立刻買來飲。店員很好問我要不要少甜，我說不用正常就可以了。但收到飲品後一飲，很失望。笑吾出成杯完全吾甜，如果叫少甜不知會是什麼味道，沒有少少黑糖味道，珍珠入口太硬，真的似車軚，不是講少。我以往都會食哂杯內珍珠，但今次真的食吾落，又硬又沒有甜味，跟本不可叫做黑糖珍珠。

珍珠奶茶鋪頭開到成行成巿 今日行過見到天仁好多人排隊 搞到我都好想飲🤧 排咗十分鐘終於到我喇 但等野飲都等咗廿分鐘🙍🏻‍♂️我買咗熱香芋奶綠 好有驚喜👍🏻 因為佢有粒粒芋頭喺入面 而唔係只有色素嘅芋頭味飲品 呢杯野飲又唔係好甜 幾好味🐷 大家都可以試下呀可惜員工態度一般 可能係佢地忙到踢晒腳掛🤮 我想用Apple Pay 然後部機寫讀卡錯誤 叫我試多次 但都係唔得 之後個員工話”吓 你用銀聯呀？早啲講吖嘛 部機嘟唔到銀聯㗎喎” 聽到真係少少嬲🤮🤮 其實佢唔講冇人會知㗎喎 最後唯有用現金啦 飲品就唔錯喇 但員工態度有待改善囉

天仁茗茶不嬲都出名多人排隊,因為太多人排隊,所以我從來都未試過飲,但我其實係好想試,咁啱今次去葵芳行街,見到天仁茗茶新開咗喺新都會廣場竟然唔係好多人等,而且冇人排隊買嘢飲,我估可能係新開張同位置比較唔顯眼所以冇乜人知道,我立即走去買!!朋友之前提過呢度出名茉莉綠茶,所以我揀咗凍嘅茉莉綠茶微甜加仙草等待期間我見到好多茶葉有得賣,不過屋企太多茶葉,所以都係睇一下就算,遲啲屋企飲曬,我會考慮來買等咗三分鐘竟然係三分鐘,真係冇諗到咁快叫到我嘅號碼,我立即拎左來飲,真係好好飲!!因為我叫咗微甜,所以飲到茶味,唔會畀糖水覆蓋咗茶嘅味道, 呢度既茶真係好清新,唔苦又唔澀,同埋每飲一啖我都啜到仙草,原來杯內都有幾多仙草,一邊飲茶一邊有仙草咬, 真係特別好味下次再嚟葵芳我一定會再嚟呢度買茶飲,唔需要排好耐隊嘅天仁茗茶真係好正!!

今日唸住去買杯珍珠奶茶，未買前見到得5個客等緊。好啦，18:13落單，但去到18:30都未拎得，在場淨係聽到好多職員起到傾計。反之人地hysan誠品裡面，仲多人排隊買同拎，但人地職員效率超高，5分鐘都吾洗。同一間舖，人流一樣多，但點解工作效率咁大差別

午餐真係好呀眼瞓😴即將唸起新都會廣場嘅天仁茗茶，兩點半左右照舊都係好多人排隊但係都無阻我飲珍珠奶茶嘅決心!店鋪前面擺滿左台灣茶葉，可以買嘅，係等嘅時候可以睇下打發時間😅咁多人等係有原因的，茶香奶滑珍珠煙煙靭靭有嚼囗，的確吾錯

黑糖珍珠近排非常大熱，今次梗係試吓天仁嘅913黑糖珍珠鮮奶。總括嚟講，佢都算唔錯，由頭飲到最後，都仲有黑糖嘅味道 (我最怕飲完第一啖就冇啦) ，所以佢都算above average。

今天（12/5/2018）早上到新都會廣場，見到天仁茗茶已開門，因沒什麼顧客，職員都在外面抹乾脆環境，我到收銀處前等候，卻換來職員一面不滿的黑臉，彷彿在對我講「阻住哂我做嘢」一樣，到我點想買的飲品時，我要香橙綠茶，職員答「冇呀」，再點熱珍珠奶茶，職員嘅回答係「都冇wor」，究竟係呢間天人茗茶乜都冇得飲，定係我幾時得罪咗個職員，點解我去消費去買嘢飲都要受氣！但排在我後面的那個人，雖然我聽唔清楚佢點乜嘢飲，但至少我見至係佢成功買至一杯大大杯嘅嘢飲走。。。

假日 , 到 葵芳 - 新都會廣場 行逛 , 行得倦了就到 天仁茗茶 買杯飲品 , 喝一喝醒一醒神 ~一般情況而言我會選擇買 913茶王 來喝 , 但當天就是感覺特別口淡淡 , 於是便選擇了買 冰香橙綠茶 來提神醒腦 ~ 冰香橙綠茶 $ 23 (少冰) : 入口清爽怡人 , 鮮橙味和綠茶味都十分配合 , 如此美妙的黃金比例可說是天仙配 , 既有鮮橙的天然鮮甜味 , 亦有綠茶的幽幽茶香 , 感覺是天然美妙 , 喝下既解渴又清潤提神 , 香香甜甜的確是好喝 , 遺憾的是 , 我點的少冰依然是多冰 ~本篇完 ~