天仁茗茶

营业中

休息中

一向都覺得天仁既野飲價錢唔貴又有水準，所以今日行開世貿中心就買左杯珍珠奶茶飲，見天氣涼涼地，所以叫左杯熱飲，珍珠係煮得幾好，軟身得黎又唔會無一patpat，呢個值得讚！但温度完全唔夠，我叫熱飲，由舖頭行到番公司都係5分鐘左右，但係一飲連暖都稱唔上！根本就係整左常温！搞到我要微波爐加熱先飲到，你話我成半個鐘先到就話姐熱飲唔夠熱，就算珍珠幾好食都好，都不了相反 ，銅鑼灣另一分店飲品温度就好夠，希望會改善下啦

喺銅鑼灣食完個lunch唔係好飽，又冇包飲品。所以就想買杯珍珠奶茶飲😆😆！上網search下邊度有我最愛既天仁！！ 原來世貿都開左間！天仁一直係我飲珍珠奶茶既首選！其他珍奶店實在太貴... 差唔多成四十蚊杯！今次用外賣app叫，有少少優惠去到又唔駛等！今次個杯係龍年特別版！十分喜慶！珠珍一如以往冇令人失敗！ 粒粒分明唔會痴埋一pet! 茶底好香走甜都唔會苦！加埋呢杯珍奶，今日既lunch先夠完滿😆😆

呢輪香港好熱，喺銅鑼灣行到腳仔軟，聽講坐落喺銅鑼灣世貿中心4樓嘅天仁茗茶已經開張，仲推出咗夏日特飲，例如有鮮橙乳酪，藍莓乳酪， 919珍珠奶茶等等，即刻上去搵杯嘢飲解吓渴。呢次我就叫咗杯夏日限定嘅冰百香鮮橙綠茶，特別叫咗少冰同少甜。本身鮮橙綠茶都係恆常嘅款式，但係配合冰白香果我就比較少見。第一啖飲落即刻有冰涼嘅快感，不過可能係因為我叫咗少甜嘅關係呢，杯嘢感覺都好酸吓，可能百香果再加橙有「酸」度加剩啦🤣，咬落果啲籽到酸味更出，想試既朋友可以提高甜度，怕酸既朋友就試吓其他口味啦🫣。題外話，可能重有堆鋪頭未開張，人流比較少，周日下午茶時段都唔係好洗等添。