天廚

营业中

休息中

尋日咁啱喺新蒲崗附近放工，就order 外賣返屋企食。呢間嘢都唔錯，稱得上係大份夾抵食。香煎羊扒滑蛋飯 $76平時食開羊架、肉地唔多、今次有羊扒都真係唔同，surprise嘅係茶餐廳都可以做得唔錯。連埋羊架條骨上，都有幾啖啖啖肉，好滿足😌 飲到平凡嘅黑椒汁下面都有好嘢食到。花蝦滑雞喇沙米線蝦都幾滑，雖然學多個步驟，但係喺屋企食就冇所謂，可以馬上洗手，同埋連殼煮完真係會再滑身彈牙。喇沙米線嘅湯底都幾夠味，有少少微辣，唔太過分。配襯嘅海南雞都滑身～ 而且都做足俾埋三個嘅醬料，幾有心機辣酒煮鮑魚雖然聽個名好似好辣，但其實辣度好似仲低過喇沙湯咁。有少少花雕酒嘅香氣，鮑魚都煮得林生，微微彈牙咁。

今日嚟探屋企人，佢地極推介依間「天廚」口水雞油飯同手撕雞米線，好啦～見都餓餓地親外賣左依兩樣返屋企慢慢食🤤店員態度十分親切，而且非常細心，見我帶住小朋友，會主動詢問口水雞醬要否另上👍🏻另外飯餐可選要例湯或紙包飲品。例湯飲得出唔係味精湯係老火湯，湯料都好多🫶🏻口水雞油飯（可選白飯）雞肉質鮮嫩，滑身可口，雞味亦好香濃，份量十足；而油飯都十分出色，有啖啖香茅味♨️好正口水雞油十分惹味，夠哂辣🌶️手撕雞飯份量十足，有花生、青瓜、芝麻同雞絲。雞絲肉質都好滑，一啲都唔乾唔柴皮，醬油好香好惹味，撈飯好正，青瓜都好新鮮，極脆口清新🥒

做街坊外賣生意的小餐廳。$48飯送湯，湯還是標榜無味精。其實除左海南雞飯還有其他飯都好似不錯。其實比起其他餐廳兩餸飯更值得幫襯。無骨海南雞飯這個價其實出去外面食一定不止這價錢。沒有任何期待之下，本來無打算影相，食食下發現，雞肉與雞皮之間有一層厚厚的啫喱！係骨膠原！好驚喜！好耐都未食過海南雞有咁厚既啫喱。飯可以揀油飯/白飯，我揀左油飯，但飯相對下比較普通，偏乾身，我把醬油和薑油都撈進飯吃。至於湯今日是合掌瓜紅蘿蔔湯，真的是沒味精，好👍🏻👍🏻👍🏻

有時在街上踱來踱去，都不知自己想吃什麼；經過每間店子望入去然後都好像不想吃的⋯⋯這天來到采頤花園，知道這店的無骨海南雞好味，個人對海南雞要求很高，一於買個外賣試試是否真的美味。～～～～～～～～～～～～～～～～～～～🥘海南雞飯 附 胡椒雞殼湯 $48⭐️⭐️⭐️⭐️急不及待打開一看，賣相靚仔❤️都有八九件雞（共疊了兩層）附辣汁和葱油。拍一些照片，就回家開餐了。雞很嫩滑，皮都爽，雞味一般；辣汁非常惹味，蘸一點同吃，吃得滿足。但吃到雞的底層，非常油膩，幾乎是油浸著雞，我放棄了一部分。至於油飯，味道一般，有香味的，但未到我要求的水準，我喜歡的油飯是香得來是清香的。🍲胡椒雞殼湯🐔⭐️⭐️⭐️⭐️⭐️超級好味！首先，充滿濃濃的胡椒味，是辣的，但又不失雞的清甜，兩者配搭得很好，絕對驚喜。第一次喝這款湯，非常喜歡。可惜因為湯太熱，我太餓，沒想到這麼好喝，所以沒有拍照。這款湯的味道，會是令我想念和回味的味道。～～～～～～～～～～～～～～～～～～～無論是湯或雞，以至油飯、醬汁，都能吃出廚師的心思，是有心人❣️$48一個餐，還附上特色老火湯，還要非常好味的，抵食！小店乾淨企理，店主有禮貌👍🏻下次想試口水雞😄

非常出色的小店😋試過返唔到轉頭👍🏻👍🏻海南雞飯雞肉又滑又好味，啖啖肉，配埋秘製辣汁，真係一啖接一啖😛仲跟埋老火靚湯👏🏼👏🏼鍾意辣辣地嘅可以試吓佢哋個口水雞好香，加埋麻辣超正🌶鍾意食鰻魚，千祈唔好錯過蒲燒鰻魚, very juice!!仲有安格斯牛柳飯，啱晒牛魔王🥩🥩🥩跟埋煎蛋，誠意十足💕💕一句講晒，多選擇，樣樣都咁好味✌🏻新鮮份量足💯💯加上老闆老闆娘真係好好人❤️❤️好nice🤗絕對要支持😍😍

佢哋嘅招牌菜係口水雞及去骨海南雞！小弟見10個有10個客都係叫我海南雞飯！於是我就試吓！嘩，啲雞好嫩滑。即使雞胸肉都唔會太‘鞋’！最重要係超好食$48仲有湯送，以呢個價錢真係好抵其他扒飯例如：香茅豬扒，牛柳同雞扒飯都好好食誠意推介

好想午餐食酸辣野，就去左公司附近嘅一間食肆買酸辣米線外賣👅。酸辣米線（配菜：酸菜、肉碎、芽菜、花生、韭菜、蔥花）本身想加餸食牛根丸、豬紅，點知叫咩無咩，剩番魚腐⋯都好過無。見啲配菜料都算多，仲有兩大嚿魚腐。我叫左小辣米線，一邊食一邊喊辣，似乎BB辣啱我啲。

黎到鑽石山，朋友極力推介呢一間隱世海南雞米線，可能未到時間唔早，米線好可惜已沽清！唯有轉油飯。。。原本以一個平平無奇既心態一試，估唔到雞同飯，再配上兩個店家自製既醬汁係咁好食！