影片
开饭介绍
View 8 Fire Club ，一個理想"食"嘅地方，多款BBQ美食嘆為觀止； 風味串燒令你食指大動，兩層活動空間，頂層以簡約嘅格調及舒適嘅環境給大家聚會，派對及享用特色串燒之用而連接天台給大家BBQ樂之享受
继续阅读
营业时间
星期一至日
19:00 - 01:00
以上资料只供参考，请与餐厅确认详情
招牌菜
食记 (18)
市區BBQ, 都係第一次試.都幾好玩, 其實係類似酒吧+BBQ.雞扒: 肉嫩，亦醃得幾好味。多春魚: 春多, 夠香, 好味。牛扒: 唔係好有味。秋刀魚: 唔係太靚, 太腥。雞腎: 醃得幾好味。雞翼: 醃得幾好味。飲品任飲呢樣就真係非常正!
继续阅读
今朝落雨都有啲驚今日燒唔成野食，好在到左夜晚都冇落雨啫一路睇住Google Map先搵到個地方，要行樓梯上天台，友人們都叫苦連天呀接待客人嘅地方都好闊落，有五六張枱到，仲有鏢機同有得唱k添等起好爐後職員就通知我地可以上去喇未上到去已經唔想行出天台，因為超級大風！！！眼見係出面燒緊野食嘅人都戴哂帽又㩒住自己啲碟同食物野食款式都算多，有雞牛豬扒，兩款雞翼，丸類，四款腸仔，蔬菜類，蕃薯，蒜蓉包等等係食物旁邊放有錫紙同牛油，方便客人將自己鍾意嘅食物包住黎燒燒烤爐上有一半係放上鐵絲網，方便客人直接放上面燒。最欣賞嘅係佢係爐邊放有不同嘅調味粉，例如：孑然粉，香辣粉等等；等客人可以就自己鍾意嘅味道去為食物調味 雞翼幾好味，由其比較深色個款，未加任何調味已經好入味喇而其他食物加左孑然粉，味道更加突出，好有係內地食個啲街邊串燒嘅味道呀佢地嘅蒜蓉包都非常好味，職員已經一旱塗上牛油同蒜蓉，份量剛好，唔會太過油，輕燒之後脆口之餘，又帶點蒜蓉香，友人們都大讚呀！差不多燒到一半，職員送上大閘蟹同紫蘇葉，教我地用錫紙包住黎燒。真係第一次燒大閘蟹黎食咋，真有趣 不過今晚實在太大風喇，燒完啲大閘蟹就拎返落樓下坐底舒舒服服慢慢食。職員教嘅呢個方法又幾得噃，成隻蟹外面都好乾身，但肉汁又可以保存到。雖然係送嘅，但質素都唔差，每一隻都有糕呀。食完仲掟左一陣鏢添。其實呢到除左地方格涉少少之外，我覺得環境都唔錯，職員都好賣力，一留意到我地唔夠炭就會自動自覺黎加炭，非常好不過想食海鮮就需要另外加錢，而且都唔平，所以我地要都冇食。希望下次有機會去佢觀塘個間分店再試下啦。
继续阅读
有朋友生日，所以一行十人來到這裡搞生日party, 地點係市區，比較方便，但地點幾吊腳，我地要係太子MTR 行十分鐘過來，呢到要行樓梯先上到黎。服務方面相當周到，呢度真係要讚一讚，正當我們一行幾個人在必發道找這個燒烤場的時候，有個職員行過，主動問我們是不是找燒烤場，然後帶我們到這裡，非常細心。呢度天台可以BBQ，下一層可以卡啦OK。環境方面，天台的BBQ 場真係麻麻地，反而卡啦OK 的地方幾好。天台BBQ場比較細，坐得唔舒服，不過地方都算乾淨，有水喉洗手，對於我黎講呢樣好重要。食物方面都好多嘢可以燒，都好新鮮，有多春魚、雞翼、蒜蓉包、雞腎、香腸、雞扒、牛朳、秋刀魚。本人覺得雞朳最好味，一來大小適中，唔會太大塊，所以比較容易燒熟，二來肉質鮮嫩，非常好味。仲有本人最愛的多春魚，細細條，燒完之後卜卜脆，每次BBQ 最少要食5、6條才滿足。飲品方面是任飲的，這方面也值得一讚。基本上雪櫃裏有大量汽水和其他飲品任飲，因為BBQ 當日比較熱，本人最少飲了4、5支飲品，而一般BBQ 場只會包一支水加一個飲品。因為其中有朋友好鐘意食海鮮，所以我們另外加海鮮，包括大虎蝦、蟶子皇、珍寶凡立貝、冰鎮翡翠螺。但要食海鮮的話，要另外加錢。珍寶凡立貝好大隻，好厚肉，燒完之後，非常爽口，回味無窮。總括黎講，呢度係幾好。第一，係市區，唔洗去到大埔，屯門咁遠就可以BBQ, 第二，一個價錢，二個服務，又可以BBQ, 又可以卡啦OK。以180 蚊可以BBQ + 卡啦OK, 相當唔錯!
继续阅读
話說小弟想同一班朋友就聚聚舊，咁就上openrice呢個咁值得信任既網站睇下有乜食，睇睇下咦天台燒野食幾頂癮喎，仲要係$188任飲任食，於是就打去book，要落訂ok無問題，到食之前果一個星期不停落雨就打定去問落雨有無得遮?佢實牙實齒話有，ok fine~地方位置比較偏僻 ，不過上度去有得歎冷氣，又有k唱同掟飛鏢，係度抖一抖先上去天台BBQ好啦戲肉黎啦，天台bbq最緊要係乜??? 緊係個天台同啲野食啦，不過一上到去已經見到地下濕淋淋，我地要小心慢慢咁行，野食種類講真唔算多，有雞翼豬扒牛扒丸類尤魚等.......十幾樣到，如果想食埋海鮮，都可以加錢既，價錢就見人見智啦好啦，事不宜遲，拎起支叉岩岩吉完野食個時，已經開始落微微雨，咁就即時叫負責人打開帳蓬，不過原來負責人安排我地坐既位置係唔會有帳蓬遮到...即是覺得比人搵笨既感覺 ，之前係電話到冇同我地講過哩個問題，之後問負責人大雨燒唔到咁點，佢話你地係下面坐啦，我地會燒比你食。。。。。咁一早係電話到應該講清楚啦，其實衛生情況真係一般，一黎因為d野食冇野遮住，二黎係落雨先打開帳篷咁D野食咪會.......，到停雨之後我地好似同天氣競賽咁拿拿臨燒，不過友人話食食下feel到啲豬頸肉同魷魚都酸酸地喎 .唔知係咪啲醃料係咁既味定點. 但不約而同都係咖哩醃料.......成個過程都好趕又驚落雨燒唔到友人話:下次生日還是石澳燒比較好 。
继续阅读
預先BOOK左7位!我地早到不過唔駛點等,有位!!呢度真係抵食,而且野食味道都有番咁上下添,不過呢~~~如果呢~~天台度都可以裝到部電視俾我刨下就好啦班FD聽完我講,個個都話我發夢,車!發下都唔俾咩!!我食左好多款野,包括以下影左個D蒜香面包 - 旁邊有埋牛油,我查左好大舊,好肥不過好好味,燒到脆扑扑.火腿丸 - 唔識燒同埋唔識分,究竟熟左定未熟,我食左2粒,UM..幾彈牙的!雞臣 - 好好味道,好爽口.午餐肉 - 燒一陣就得,因為好快會變焦,外屠俾我燒得好脆,我拎黎夾面包食.不過佢呢隻淨咁食都唔會好咸芝波.甘莎骨 - 甜甜地,好似燒汁隻味道,呢D幾好,唔會話無乜肉,D肉又嫩又香軟,GOOD.煙鴨胸 - 夠肥,爽口.個晚有4班人係度燒野食,計埋我地在內,可能人多關係,坐到個場都幾full下,所以有2、3個FD燒左無耐就落左樓下K歌lu!!!D野飲任飲,有菊花茶,我成晚就係飲佢下下D火氣
继续阅读