天后甜品

营业中

休息中

【 🍡(熱)薑湯三色芋圓 】($30)---【 🍶豆腐布甸 】($25)---【 🥭楊枝甘露 】($40)～～～📍評分：8.5/10～～～⏩ 深夜1點鍾，上網揾邊到仲有甜品食呢🤣，誤打誤撞就黎左天后甜品，營業到好夜啊，發掘到食夜宵好去處😈！睇網評見到評語好差⁉️但問心自己食完覺得幾好食🫣，不過係份量唔多lor！～～～夜麻麻叫左三款甜品😛，就黎冬天嘛係時候儲定d脂肪啦🤫！---薑湯芋圓好食borr，三色芋圓口感好煙韌😚，有原材料香，配埋暖笠笠微辣既薑湯食jeng🤤！---豆腐布甸口感so good👻，布甸既jelly彈彈既口感我好鍾意啊！而且好重豆腐味😋，豆香夠濃郁！---楊枝甘露都唔錯，西米露加埋芒果🥭，香香甜甜收個尾👅！～～～✅ 整體黎講，質素真心幾好吖👀，可能份量相對唔多，但真係唔係咁差啫🫣！都係個深夜放毒甜死人好去處😹，咩名siusei...～～～性價比：4/5回頭度：4.5/5賣相：4/5環境衛生：3/5服務態度：3.5/5

人數：1個日期：10月時間：宵夜時段天氣：涼原來行過黎想食附近出名榴連個間甜品舖，但遲左少少收左，但個心態預備好食甜品，所以轉彎見到呢度開就睇下。買左碗：龍眼黑珍珠鴛鴦撈問左鴛鴦撈係咩黎～叔叔答即係新鮮龍眼同龍眼乾～正呀，我好喜愛吃龍眼乾！番到打開好失望⋯新鮮龍眼同龍眼乾嘅比例應該係1:0.1咁上下（下圖）味道就普通屋邨糖水舖嘅味道，沒有特別難食，也算不上好食～就很一般～

三個字，勁垃圾。叫左個酒釀三色竽圓！一放入口嘔都嘔唔切出嚟！完全係想像唔到嗰隻難食！肯定肯定唔會再有下一次！唔明點解咁都做得住，天后真係大把選擇，無理由要揀佢！中伏！價錢亦都係偏貴，佢間舖頭仲有好多款式嘅嘢食，不過試完個甜品都唔敢再試其他嘢食，另外舖頭環境冷氣唔夠，仲有一入去叫外賣就見到店員同其中一個有口角，但詳細情況唔太知，估計都係店員嘅態度有問題！總之講到最尾，就係唔知點解可以咁難食，之前冇試過先俾人食嘅咩？

毫無味道！芋圓只放幾粒落去，就叫糖水。如果你合埋眼食腰果糖水，你會發覺係搵啲糖加咗啲水啊！冇諗過一間糖水舖咁差㗎仲要+1服務費？又話喺酒店名廚主理！！哇嚇死人！不會有下次糖水舖收加1 服務費都冇服務，點解要加一？

哩間甜品鋪選擇好多元化中西式甜品之外 仲有茶餐 刺身 串燒😮整體價錢唔係太貴因為已經食完晚餐 所以淨係嗌甜品豆腐布甸都幾滑 有淡淡豆腐味但係就好甜 好甜 好甜🤯朋友嗌左綠豆沙 杏仁茶所有都係好好甜😳

Order左外賣串燒，全部都乾到死，勁難食！真心唔明個廚睇唔到啲嘢燒到乾晒架咩？點解可以燒到咁，仲夠膽收人咁貴，唔該有良心啲，自己試下自己煮咗啲咩先好賣啦，十分唔推薦。

同朋友一齊去行街經過呢間店見出面啲相還好就入咗去食，一睇到個餐牌就覺得有小小服。成本餐牌得啲字。白得空白，再睇埋個甜品頁發現好污糟（本野好油）。不過都入埋黎就叫左一碗丸子楊枝甘露（資素真係好麻麻），終於食完之後埋單個時個啊姨竟然找左個中間摺位爛左一角既20蚊黎比我朋友，本身都冇野既其實換咗佢就得。如是者我朋友緊係同佢講，點知個啊姨聽到竟然講話：「吓！冇架啦，找左謝係妳地架啦！」就冇理人調頭走左去廚房，我同朋友即刻火哂同佢對峙。點解佢仲係吾換。其實我都知20$好小錢，但係真係爛左小小既紙幣（99%）店家都吾會收。BTW最後個啊姨最後都吾換，仲話：「就係吾換比妳地，係我既專嚴問題」仲話我哋做咩咁得閒為咗個$20喺度嘈，我聽到真係得啖笑。 其實最後嗰個20蚊都唔係入佢手。其實佢開頭嘅目標就係想你俾咗個爛咗嘅$20人哋仲話乜嘢尊嚴問題。呢個真係正宗狗店。　睇到千其吾好去

琴日喺食甜品之前，我地仲喺銅鑼灣食咗啲上海嘢，有水煮牛肉，一個面，一個雞絲粉皮同炒年糕。跟著就喺天后甜品呢間嘢食完個榴槤雪花冰同個芒果小丸子，跟著今日就痾足全日。一入到去坐低，諗著睇下menu，點知本menu好骯髒，我掂都唔想掂。好彩我個fd幫我揭啫。點完嘢啲嘢黎咗，我地就開始食。用匙羹挖咗一匙，發現有一個黑色點，不過好細點。我心諗：“應該冇嘢嘅“就食咗落去。跟著再挖第二匙，又有黑色點，我諗著成55蚊個，食得唔好哂，應該冇事嘅。食哂個雪花冰同小丸子之後，我地就走咗。到今朝8點，我個肚開始絞痛，我以為係琴晚飲咗啲奇亞籽先會咁。跟著到18:00，我個朋友同我講佢痾到就死，嗰下我就知原來我係肚痾，而唔係因為食咗奇亞籽令到個腸臑動。我個朋友話係因為食咗水煮牛肉，刺激到個腸胃先會肚痾。我唔同意，因為我好中意食水煮牛肉，我成日都食，都唔會肚痾。所以，究竟係咩做成我肚痾嘅呢？希望大家睇完我篇食評之後，親自去天后甜品到食下，再講翻俾我聽。謝謝

Save room for dessert話說天后出名多好西食 呢個唔洗我多講今次去左天后甜品到食重點推介: 雪糕紅豆雪山呢座雪山既外層係用冰粹去包住啲冰食落好軟綿綿 有敏感牙齒都唔怕佢內𥚃有乾坤 啲冰係包住雪糕食完即刻夏日透心涼Remark: 除左甜品 仲有熟食同串燒 岩哂一班人去食天后甜品Location: Tin HuaPrice (10 is expensive): 4/10Yummy (10 is delicious): 6/10

唔好去，好離譜豆腐花: 好似用左硬豆腐就咁加花奶就拎出黎楊枝甘露: 青青地色嘅，一睇就唔開胃，仲有怪味兩碗七十蚊，食左一啖真係食唔落，走左希望佢地收碗果陣，會反省點解人客成碗野無食到伏到無人有

人生第一次寫食評，竟然係因為呢間甜品實在太伏！忍唔住寫個劣評，真心希望無人再中伏。食完飯口痕諗住買碗糖水，見呢間門面正正常常，仲有張陳奕迅合照。外賣叫左碗芒果西米露，成40蚊碗（外賣加兩蚊添），拎到返屋企，嘩以為自己叫咗碗椰汁，啲西米撈極都得果幾粒！！！西米究竟有幾貴呢，從來無試過食西米露啲西米真係見唔到架，好嬲！跟住芒果呢？嘩酸到不得了！如果係堂食就一定會同佢理論！重要的事講三次，唔好去食！唔好去食！唔好去食！

買左兩個外賣,total69(外賣加2蚊,total加4)oreo木糠布甸無oreo🌚🌚🌚係普通木糠加cream🌚🌚🌚仲要係普通吱發泡膠嗰種🌚🌚🌚🌚🌚好嬲😠😠😠😠😠😠😠😠😠😠😠咁樣算唔算欺騙消費者呢?豆腐布甸好滑係好食既,真係有豆腐味。不過個木糠布甸拉低晒平均分,所以真係唔好買oreo木糠布甸!!!!!!!!!想試好耐,第一次試已被伏,好傷心,以後唔會再去!!!

幫襯左好多年今次試左oreo 木糠布甸但完全冇Oreo 亦都冇Oreo 嘅出現於是同佢理論佢竟然話佢賣咗10幾年都係咁從來冇人投訴過話間間嘅做法可能唔同聲大夾惡以後唔會再幫襯祝佢早日摺埋😡

在天后想去食甜品，誰知晶晶裝修，唯有走多兩個舖位，走去幫襯這間所謂「天后甜品」店，叫了雪糕芒果啫喱布甸及榴槤天后，一看價錢，已經嚇了一跳，要$55一個，誰料一吃之下，更是後悔，那些芒果是酸的，就連啫喱、布甸這麼容易弄的東西，口感也是極差，尤其是襯底的糖水，更是甜得不知所謂，難怪這間鋪頭這般冷清，相信今生今世，也不會再去幫襯他！🤬🤯😡在天后這麼貴租的地方，每個月起碼要十萬八萬租金，但卻如此不思進取，真的不知道那位老闆想什麼！

Mango shaved ice with fresh mango 🤤😋😋.Shaved from a chunk of frozen mango juice..The mango cubes at the bottom is soooooo sweet 😋A cold and refreshing treat in the hot weather. 🥶.Who want to try some?