天天海南雞飯 (ELEMENTS圓方)

营业中

休息中

來自新加坡的天天海南雞飯，出名招牌海南雞飯皮薄肉嫩，再加上煮雞精華的油飯，每一次食都大滿足😌💫 新加坡天天無骨海南雞和燒雞雙拼 海南雞可選正宗海南文昌雞，雞件🐓肥瘦適中，啖啖肉，肉質夠滑，燒雞加上豉油汁雞皮香烤過別有一番風味😋肉質較為煙韌有口感，另外再配上滿滿雞油香的油飯，讚👍🏿而且份量頗多不用擔心吃不飽🤣💫肉末豆腐水晶粉 滿滿的肉碎加上煎炒過的豆腐粒組合，味道鮮美香口，而且有特製醬汁調配都頗為濃味，底層仲有水晶粉煙煙韌韌夠晒入味，口感特別😚💫 豆漿海南雜菜煲 豆漿湯底意想不到的好味道👅感覺清清地又帶點油香，煲裡有各種新鮮的蔬菜，煮得剛好入味爽口，湯汁清爽甜美😍每一口都充滿了豆漿的鮮味和蔬菜的清爽，健康之選💕

天天海南雞飯 (ELEMENTS圓方) 今日放假同朋友去圓方睇戲後就去食晚飯，圓方商場都有好多不同嘢食嘅餐廳，我哋見到有間幾特別餐廳，佢係新加坡米芝蓮攞獎嘅餐廳，當然要入去食啦。這間餐廳叫天天海南雞飯，位於圓方水區1樓1050A號鋪，位置非常方便就在九龍站上來1分鐘就到達。圓方這間天天海南雞飯餐廳環境高尚，冷氣足夠，燈光柔和，裝修得很漂亮，座位寬敞，餐廳員工亦服務熱情，好令人舒服享受吃餐，一入餐廳員工就拿上一壺熱茶給我哋，好香茶味嘅熱茶。我哋首選吃天天海南雞中份，夠哂兩個人食，海南雞用上文昌雞，雞皮香濃，肉質嫩滑多汁，雞肉真係煮得好夠滑，件件雞肉都避開咗雞骨，搭配上雞汁，別具一番風味，亦可加上特製醬汁來加味，特製醬汁是經典的辣椒醬、蠔油和薑蓉，可以更加突出雞肉的雞味，令整道海南雞餸菜味道更加香濃，而且雞皮冇乜肥油，令人鐘意食。跟住叫咗羅勒街頭小食拼盤，這個小食拼盤有五款唔同口味嘅小食，有春卷、炸蝦餅、黑椒腸、雞肉豬肉牛肉串燒同蝦片，炸蝦餅既肉質爽口彈牙，而黑椒腸夠辣夠濃味，蝦片就大大塊又脆卜卜，雞肉豬肉牛肉串燒串烤得非常入味，入口香嫩，而且肉質非常嫩滑，點埋個醬仲好惹味，春卷亦炸得很鬆

呢間過冮龍都好出名，都開左一段時間我諗食開海南雞既人無咩唔識，今日黎到圓方食晚飯，晚飯時間一樣坐無虛席，環境似舒適版既茶餐廳風格，上菜都好快。佢甜品好吸引可惜叫左好多野食，下次一定會試埋甜品。天天海南雞（中份）$169+雞油飯$23雞肉好嫰滑，中份岩岩好夠兩個人食，鐘意佢好醬汁好濃密，雞油飯好香，3-4人可以直接叫一窩。肉骨茶（豬）小火鍋$159有得簡牛或者豬，湯味帶點藥材味但唔會太過搶flo ,牛丸好食 爽口彈牙，配埋粉絲朔晒啲湯汁一齊食好好食，飲哂啲湯都唔緊要可以再Refill！火焰黑金叉燒$109好特別用左五花腩做叉燒部位，上桌前會燒一下，令到食落口個陣更加香，叉燒好容易入口而且用五花腩燒過之後口唔會話太肥反而帶出左個油脂香！黃金蠔烙$99呢一個有驚喜，切好分好左上碟，比人一件一件咁食唔使自己再分好方便，而且毎件上面都有超多蠔仔。豆花年代奶茶$39出面食好小見有豆花飲品 ，飲落好搭！咸檸檬梳打$35食得多熱氣野，飲完舒緩返喉嚨！

去Element 吃飯，想好食，又想經濟實惠，我推介「天天海南雞飯」，話晒都係米芝連餐廳。本人是一位上班族，食飯都想有湯水，所以首先叫咗兩個湯。椰子八寶燉雞 $79燉湯非常清甜，椰子香味十足，崇尚養生的人非常適合。木瓜花膠燉湯雞湯 $59燉湯也很清甜，由於有木瓜和花膠的關係，口感非常濃郁，追求養顏的朋友，可以試試。黑胡椒羅氏蝦粉絲 $149大頭蝦新鮮，粉絲非常入味，份量都不少，由於兩個人吃晚餐，所以都沒有特別再叫飯吃。天天海南雞（中份） $169招牌菜海南雞真係唔少得啦，雞肉嫩滑，加少少青檸汁，味道更加特別。椰奶炸龜苓膏 $69最初看到餐牌，覺得是否有點古怪，但又好奇是什麼味道。意想不到的是，龜苓膏煙煙韌韌，外皮有脆卜卜，加上甜甜的椰奶，味道非常獨特好味。椰奶咖啡 $39用椰奶冲的咖啡，味道特別香。餐廳環境舒適闊落，員工服務態度也不錯。餐牌內菜式選擇多

好多朋友食過都話好味😋所以我都去試吓海南雞😆平時我唔中意食皮都食曬🥹貪心叫左兩碗油飯，食到勁飽😛招牌必點🌟 天天海南雞飯 雞肉嫩滑，連雞皮都好好味😋口感很似啫喱，一點都不覺得油膩😋我再額外點了油飯🍚飯粒晶瑩剔透，每粒飯都吸收了雞油，吃下去很有油香，伴在一起吃很加分👍🏻原條酸菜魚很難得見到原條酸菜魚，當然大廚已為我們切件‼️小心有骨‼️肉質結實且完全冇腥味💯第一時間一定飲湯先😍湯底很濃，但瞬間湯已被寬粉及腐竹快速吸收🧽🥹餐廳很好幫忙添湯😗回家後亦冇感到口乾，代表冇味精🙂‍↕️黑松露鳳尾蝦多士即叫即整🔥新鮮熱辣的蝦多士，中間的黑松露厚厚搽滿多士😍脆卜卜的多士包裹着口感彈牙的蝦肉及濃郁的黑松露，是超幸福的味道😋

上次同屋企人行完街，心血來潮好想食海南雞，睇吓圓方商場有冇得食，比我搵到呢間天天海南雞，之前一直想試但未得閒去，今次終於比我食到🤩。天天海南雞個海南雞嘅肉質好嫩滑好好食！雞皮滑得嚟帶點爽口，連埋佢跟嘅醬汁一齊食味道好夾，帶出雞肉嘅鮮味。燒雞好香口去埋骨食落好方便，另外旁邊仲有3️⃣個醬汁比你配搭嚟食，有黑醬油、辣椒醬、椒鹽，雞肉份量好足料，配埋油飯一齊真係無得輸，油飯粒粒分明好香雞油味好好食。松露蝦多士炸到外脆內軟，好香黑松露味，蝦肉彈牙，再配埋沙律醬味道好夾，雖然好熱氣但真係好正，咬落去好豐富勁滿足☺️。

閑日約咗friend放工食飯所以就佢喺圓方搵咗呢間食個dinner 聚聚兩個麻甩都冇咩住家湯飲見到餐牌有幾款特色燉湯都好正咁於是一個就嗌咗椰子海底薏米排骨湯另一個就嗌咗杏汁木瓜花膠燉雞湯兩個湯一嚟到好架勢好吸睛都有啲驚佢得個樣，但係飲落真心好飲個friend話個椰子排骨湯好清甜我嗰個杏汁木瓜花膠就好濃郁好滑 秋天開始乾燥 飲呢個非常滋潤跟手就來個砂鍋新加坡黑胡椒羅氏蝦粉絲煲睇到Menu張相都已經覺得正正地一嚟到二話不說就食咗隻蝦先蝦頭夠大夠多膏，啱晒鍾意啜嘅我哋蝦身肉地正常有甜味都算唔錯最重要嘅粉絲亦都夠晒乾身，如果唔係要揸車肯定會叫返兩杯啤酒啤啤佢迷迭香火焰黑金叉燒火焰叉燒係真係有火焰，上叉燒嘅時候即場燒俾你，夠晒gimmick相比起傳統蜜汁叉燒，呢個蜜汁味比較少叉燒醬味比較濃，而且多咗個火炙味，整體嚟講唔錯吹吹下水都想搵啲脆口野咬下於是加多個炸饅頭配咖央醬炸饅頭細細個唔算太大 勝在夠脆 而個脆皮夠薄 個包底唔痴口傾完幾個字再食第二粒都仲脆整體來講環境好啱約friend食飯 嘢食質素中上 喺圓方來講價錢都合理下次同屋企人食飯都會再嚟呢度

天天海南雞的雞肉真係好嫩滑，煮得剛好，口感鮮美，皮薄肉厚，令人一試成主顧。搭配特製嘅醬油，薑蓉，辣椒醬，令人食得津津有味。而且用雞煮出來的飯，帶有淡淡嘅雞香，滑順可口，令人回味無窮。整體來講，呢道海南雞性價比高。

Hainanese Chicken RiceThe classic Hainanese Chicken Rice is a signature dish that embodies simplicity and flavor. Tender, poached chicken is served with fragrant rice cooked in chicken broth, making it incredibly aromatic. The chicken is usually accompanied by a trio of dipping sauces: a tangy chili sauce, a sweet soy sauce, and a ginger-garlic paste, each enhancing the dish's overall flavor profile. The combination of succulent chicken and rich, savory rice makes for a comforting and satisfying

因為太久沒有回來香港了，朋友問我有什麼想去吃，我就說了海南雞飯，他就訂位了這間超有名的海南雞飯餐廳，在香港有超多分店，我們去的是圓方店，因為訂了位所以等候時間時0分鐘哈！食物方面我們點了海南雞及燒雞拼盤，超好味！雞肉十分嫩滑，就算是燒雞都是超級香超好味！推介！因為我們點這個是拼盤，是沒有配飯的，另點了他們的雞油飯，雞油飯也是超香的喔！另外我們再點多了一個炒菜及五十年代奶茶，奶茶茶味超香又不會太甜，推薦！

今日嚟食好出名嘅海南雞飯 睇下係咪真係咁好食！🥢 無骨海南雞&燒雞雙拼 $299聲稱係正宗海南文昌雞 雞身無咁肥肉質嫩滑最欣賞嘅係佢嘅醬料 同外面食嘅有分別海南雞配咗三種醬料 蒜汁嗌雙拼係無提供嘅 可能要額外問職員拎？燒雞就有配椒鹽粉食海南雞梗係要配油飯啦～油飯要額外嗌 成為$23碗 都幾貴 但份量ok嘅🥢 豬軟骨煲豬軟骨肉質夠淋 味道唔錯👍🏻

今日去咗一間以新加坡菜為主的餐廳，試咗幾道招牌菜，真係令人印象深刻！首先，椰子海底椰薏米排骨湯令人一飲成主顧。湯底清甜，椰子和海底椰的香氣融合得恰到好處，薏米增加了湯的層次感，排骨煮至軟嫩，咬落去肉質滑潤，湯水清澈透亮，喝完令人感到無比舒暢。接著係天天海南雞，雞肉嫩滑，皮薄肉厚，配上特製的醬油，薑蓉同辣醬，味道鮮美，簡單卻令人回味無窮。然後，濃蝦湯海鮮小火鍋就更加驚喜！湯底濃郁鮮甜，蝦的鮮味充分釋放，搭配新鮮的海鮮，如青口、蛤蜊和魷魚，還有豆卜，腐竹，芽菜，米粉，每一口都滿足味蕾。火鍋煮出來的湯更是美味，令人一口接一口。最後，雞油飯則是這頓餐的完美結尾。飯粒鬆軟，帶有濃郁的雞油香氣，吃得人欲罷不能。整體來講，這餐不單止味道出色，還兼具營養，真係非常滿意。環境舒適，服務態度親切，絕對值得再次光顧！

天天食過好多次，間間分店裝修都唔同風格，但食物質素一樣咁高質每次必食海南雞，肉質好滑，雞皮處理得好乾淨，配上油飯一流。三款醬汁濃郁，辣醬會偏辣少少，仲有黃瓜仔配住食好清爽另外嗌咗個肉骨茶邊爐，個爐仔好過癮，大大嚿肉和骨好輕易分離，口感非常軟熟。湯底唔會太重藥材味，容易入口。仲跟埋好大份米粉同芽菜，完全唔需要再另外叫主食，份量好足。不過個爐設計有啲細，煮食時不太方便～總括而言，每次想食新加坡菜就會諗起天天，亦每一次都做到咁高質

係圓方行完街 諗住係商場揾間餐廳食晚飯成日都覺得呢到食野一定好鬼貴但見到呢間menu啲價錢非常合理 價錢好親民聽說佢地既海南雞仲好出名 決定試下佢先🐥 新加坡天天無骨海南雞（中份） 海南雞中份既份量好夠大份 二個人食岩岩好餐廳用到既雞 係真真正正既文昌雞雞皮相對偏淺色 雞皮厚面偏薄 口感偏爽脆咬落去啖啖肉 食哂啲雞皮都完全唔會覺得肥膩肉質非常嫩滑 雞胸位都完全唔會un 旁邊附上三款醬汁 中間的酸辣汁非常夠辣配搭埋海南雞一齊食 好惹味 好開胃😋🥥 椰子海底薏米排骨湯 非常之有驚喜既燉湯啊😍一上枱 無諗過擺盤咁有心思 個擺盤好鬼靚😛一打開個椰皇蓋 見到入面非常足料除左海底椰 薏米 仲有排骨 仲有雞件 飲落係非常清甜 飲得出燉湯用左椰皇水一齊燉夠哂清甜 又有肉香味 仲要咁足料 無得輸啊🤣如果大家黎到呢到 推介大家試下佢地既燉湯😋🦐 火焰石燒大虎蝦燒大蝦一上枱 真係好鬼大隻 見到肉質好厚望落大蝦非常新鮮 上枱大蝦仲保留到肉汁上枱之後 店員好細心 會幫手燒熱啲炭☺️令大蝦保持微暖既温度 唔會食食下凍哂大蝦有大大塊既蝦膏 咬落蝦肉鮮甜肉質夠爽 實淨 彈牙 啖啖肉 好味道😋旁邊仲配左二款醬汁 香蔥甜鼓

圓方商場行行街到夜晚順便搵下有咩食，俾我搵到間主打海南雞飯既鋪就衝左入去試下佢😂店舖裝修都好得體，有塊大大既板寫到明人氣雞飯王😂即刻嗌左個黎試好大份既燒雞🤤第一碟上枱食完都飽，雞既外皮好脆但入面啲肉好嫩滑👍個汁都幾辣，切合東南亞風味。個人就吾建議配佢個鹽，本身巳經好夠味，配完會變得過咸水晶粉豆腐煲送飯一流，幾中意佢個汁吾會太濃加埋煙靭嘅水晶粉配啖雞油飯🥹簡直上天堂🤭雞油飯既飯粒粒粒分明，較既水份同油份量都好標準好似普通一碟既咖哩牛腩，但啲肉其實係牛面頰肉，咬落口感好正🤤完全吾靭，中間仲有少少軟筋，好好食！咖哩汁就正正常常吾會太辣食完啲容易溜既野，緊係整翻杯清爽既咸檸梳打😙其實叫少樣送都可以好飽🤣不過總括而言呢間都係正既，個海南雞真係正如佢所講既生招牌👍