天天雞煲火鍋專門店

营业中

休息中

走入呢間串燒店，第一感覺就係「嘩，好熱鬧！」🎉 好似成個社區嘅人都揸住串燒，開開心心咁嗌酒。食物一上桌，先係嗰炸尤魚鬚，外脆內嫩，一口落去超正，脆卜卜聲送入耳朵，真係想即刻影張相畀人羨慕下！緊係個重慶花甲跟住出場，花甲分量夠哂晒，吸滿辣味，咬落去夠晒爽口，中辣勁度啱哂，正到彈指！👌烤肉一向都係我嘅最愛，今次試嘅安格斯肥牛，簡直係神來之筆！肥而不膩，配上店家秘製醬汁，嗜辣又嗜肉嘅我直頭係喜出望外，為之一讚！至於涼瓜啲啱食得膩嘅時候啱哂嚟中和下，清甜順口，簡直係解辣聖品！總結今次食體驗，我得講兩個字：正爆！尤其係你鍾意啲鑊氣十足、街味滿滿嘅夜晚小食，呢度絕對係你嘅食堂。食物質素同氣氛都搞得齊，仲要啲價錢公道，真係無話可說，捧場無數！下次揾齊班舊同學，一齊來搞場食肉大會，講吓笑吓，呢度就係最啱嘅選擇！🍢🍻😆

#MC帶你去元朗.依間位於水邊圍福田徑嘅雞煲店，位於民居巷仔之中🙊，其實小編已經N訪過依間雞煲店，就算住港島都要入嚟食雞煲🤤，你就知真係食過返唔到轉頭‼️又咁啱踏入12月份，天氣凍凍地，真係私心推薦比大家😜。✨ 天天雞煲火鍋專門店招牌就當然係「重慶雞煲」😋，另外，想無咁重口味嘅，都有「鮮椰子雞煲」🐣。全部都有細、大 Size 可以揀，就算兩個人嚟食都唔驚啦😈。🥢 雞煲 — 辣度可以揀辣度，由走辣，BB辣去到大辣都有🌶️。聽聞大辣的話，會由老闆親自下廚，因為秘製大辣得老闆先頂得順😱。🥢 雞煲 — 雞件雞件切得非常靚😍，大部份得一嚿骨，連骨嘅雞件食落好嫩滑👍🏻，基本上都係啖啖肉，而且仲有大量配菜︰薑蒜、紫洋蔥、芫荽，吸曬啲雞煲啲汁，惹味到爆😝！🥢 雞煲 — 特色多汁湯底相對其他雞煲店，煲底都勁多汁🫧，而且都幾濃郁、濃稠，所以啲雞件入曬味之餘，連啲配菜都好惹味☺️。建議可以嗌一碗白飯🍚撈汁食飯一流😋。基本上，加少少湯之後就可以打邊爐，湯底一樣夠曬味，依樣真係加分位💯！🥢 小食 — 涼拌青瓜青瓜非常爽脆，涼拌汁又唔會太酸，開胃之選🫶🏻！🥢 火鍋配料 — 推薦✅ 即炸響鈴︰新鮮炸起，無油益味！✅ 手打

胡椒豬肚雞老細教我哋個湯滾起嘅時候，放入雞件，再講1分20秒，熄火之後焗5分鐘。咁樣啲雞就剛剛好熟咗，但係又唔會老，非常嫩滑。個湯亦都好好飲，大家都見到啦有淮山、紅棗、豬肚、胡椒、當然仲有雞。如果冬天你飲呢個湯，真係一流。新鮮本地手切牛肉本地手切牛肉，除咗新鮮，要切得好薄，打邊爐淥一淥就食得，有咬口之餘，又有牛味，打邊爐又點會唔食牛啊！美國桶蠔又乾淨，又大隻，有鮮味。脆鯇掛名係脆鯇，當然爽脆。蓮藕片粟米即炸響鈙椰青打邊爐清下熱氣，當然飲吓椰青水啦！炸爽口尤魚球即叫即炸，食落口熱辣辣之餘，魷魚仲好彈牙爽口。虎皮尖椒少少辣，好好味。

呼～🥶🥶呢幾日都好凍啊！大家記得著多件衫唔好冷親，最緊要食多啲野儲多啲脂肪保暖😂今日小編就入左元朗食雞煲，聽聞呢到既雞煲個湯底好惹味，一於叫埋朋友一齊食💕🍴重慶雞煲(大$208/細$158)雞煲方面我地叫左個細，如果兩三個人食而會再嗌配料當打邊爐，細都好夠了。雞件好多而肉質唔鞋，喜愛食辣既我地叫左中辣，我地就覺得大辣可能更岩我地😆最緊要係個湯底超級無敵濃郁！「杰」到一個點，好惹味啊😳🍴 美國雪花肥牛 $78肥牛質素正常，不過不失，唔會有筋～🍴 午餐肉 $36切得非常厚身，唔會特別肥，食落啖啖肉。🍴陳皮魚蛋 $36小編最鐘意食陳皮魚蛋，好彈牙，而且份量超有誠意，食極都仲有咁😂🍴油麥菜 $28食啲咁油既煲再淥菜食係一大錯誤🤣因為油到一個點，所以變相食到既都係雞既味道😂🍴即炸響鈴(五條) $36大家嚟呢度一定要食佢嘅即炸響鈴！要多少少時間等候，因為真係即叫即炸，但絕對值得👍🏻食完包你𝐞𝐧𝐜𝐨𝐫𝐞再食，超級香脆！🍴蟹王麵 $20 紅薯粉 $28兩者撈埋雞煲個汁簡直係𝐜𝐫𝐚𝐳𝐲!! 掛汁掛到每條麵條都係，而且好耐冇食過蟹王麵嘅味道，不過個人覺得紅薯粉掛汁能力同入味強勁啲，比蟹王麵更加好味👍🏻👉🏻

今日好開心同一班朋友嚟咗元朗嘅一間食雞煲打邊爐好出名嘅餐廳，呢一間餐廳打邊爐一流，質素好高，所以一定要推介，住元朗的人一定要泥試呀，呢一間餐廳位於朗屏站附近，只要落車行一至2分鐘，就會到呢一間雞煲餐廳，食物方面，我哋叫咗一個小辣湯底雞煲，仲有胡椒豬骨湯底，呢兩個都好好味，然後打邊爐方面，呢度有好靚嘅肥牛，亦都超級推介係五花籃珠片，真係好好食，浸埋個湯底，超級夜魅，歌小辣雞煲湯底撈埋公仔麵，簡直係超級超級好食，所以我同朋友都叫咗好多個公仔麵，仲有佢個小食都一定要試吓，就係黃金炸豆腐仲有一個魷魚鬚，間唔中食下呢啲小食，都好惹味，即叫即炸，好新鮮，超好食，然後價錢又唔會好似市區咁貴，直頭係抵食，一百幾蚊就可以買單，所以我覺得呢一間係經濟實惠，一定要泥試呀❤️❤️❤️

之前見到個盆菜嘅材料比較特別，有豬手有魚肚，好似好吸引咁。所以今日做節就叫左一個試下，除左盆菜外仲有菜送，仲可以要豆苗呀！見佢有即炸響玲當然要試下喇。未打開個盆菜已經見到5支好似飲品嘅嘢，原來係湯汁仲有分濃淡之後，老細介紹話可以自己調教濃淡就自己口味，好細心呀！啱晒我因為我好怕食鹹嘢。大開個盆菜即刻見到鮑魚、茄汁蝦好吸引呀！成個盆菜樣樣嘢都好食，豬手豬利多到食唔晒，仲有個另加嘅響玲，鬆脆吸晒D汁好好味。下次試下食佢嘅雞煲先。但好可惜唔記得影相。

今日約咗friend去元朗食tea講起上次佢生日食雞煲慶祝好開心講講吓個雞煲癮出晒嚟佢住元朗，話係元朗食雞煲要食天天上網見到有做外賣自取咁梗係要試吓啦去到老細好健談都幾熱情介紹同招呼知我係其他區嚟試佢個雞煲二話不說送咗響鈴比我試吓話係自己炸嘅一定要試吓拎到返屋企一打開即刻香味四溢倒入煲興返熱就一舊接一舊停唔到口咁食雞相都冇再影過一張啦😂雞煲汁香濃美味又夠辣（我嗌咗中辣）d雞入晒味又有雞味而d響鈴的確係好好味新鮮炸起果然係唔同d索晒d雞煲汁真係不得了大滿足第一次外賣自取雞煲一定冇堂食咁熱鬧㗎啦不過比我發現咗個好處就係可以淨低好多雞煲汁第二日用嚟淥薯粉又得煮肥牛煲又得

好好味呀！係朋友介紹之下，慶生來咗天天雞煲食人生第三次雞煲！食物種類都幾多，連最想食既薯仔片都有，媽媽好似唔太岩食，但爸爸就食得好滋味啵，會再約 非本區朋友來食！

好友誠意推介, 真係幾唔錯, 性價比高, 環境清潔乾淨, 服務好好! Book左7點半, 去到已經好多人喺門口等緊, 等左半個鐘終於有得食 😋😋 喺等候期間, 店員送上炸雞軟骨等我地可以一邊食一邊等 👍👍 雞煲叫左中辣, 味道啱啱好, 佢唔似其他雞煲香料味咁重, 正 呢一個係細雞煲, 但係d雞食極都有, 重要全部都係好嫩滑 🤤火鍋料叫左- 椰菜餃拼韮菜餃: 正常雙拼餃係要加錢, 但係呢到唔洗🤭 兩款餃都係自家制作, 味道唔錯!黑草羊片: 鍾意食羊嘅大愛, 羊味夠晒, 配埋惹味雞煲汁 🤤黃金沙律丸: 好友推介, 果然唔錯, 入面爆漿, 甜甜地嘅味道好襯雞煲豬雜拼盤: 洗得乾淨, 全部都好新鮮, 大愛豬肺! 一啖咬落去, 成口都係湯汁 😍😍新鮮本地手切牛: 牛味濃郁, 有d咬口, 唔會太淋亦唔會好鞋, 掛汁一啖擺落口 呢家元朗雞煲絕望係誠意之作, 回頭之選!

友人生日今日專程走進元朗水邊圍的天天雞煲火鍋專門店天天的外形絕對只係一間普通既餐廳或者火鍋店如非有朋友介紹我諗我行過都唔會入去試天天雞煲有佢獨特既雞煲食法先用大火煮煲足料既椰子清湯放入鮮雞大火煮3分鐘熄火再焗6分鐘一眾友人開頭有點唔習慣一班人已經習慣煮完就食每次煮完我地都要互相提醒要焗6分鐘後先可以食焗好之後大家都先飲一碗椰子雞湯湯底非常鮮甜由於雞隻連皮煮所以難免會多少油到食雞件既環節雞肉非常嫩我起初仲擔心會唔熟相信店家係經過多次反覆測試先會搵到呢個雞煲既黃金比例係我既搵食名單中又出現多一間好好食既雞煲專門店

星期一晚去食。ok多人，好在又訂左位。叫左椰子雞。都幾多椰子椰肉。雞件自己落去煮，唔系熟定的。 煲左陣，好香椰子味。 好飲。食雞之餘再叫碟肥牛，豬腩肉，丸，餃，菜，烏冬各樣。六個人食，埋單九百幾。底食。地方唔算大，可能要坐外邊。不過元朗系咁上下。唯一麻煩系，椰子太多，會阻住你夾野食XD

叫左個小辣GE雞煲任食, 基本上係完全唔辣。我地4個人, 入面好多雞呀, 我地食左2個幾鐘, 食極都仲有雞, 勁!我地叫左幾款丸, 豚肉, 牛肉, 炸魚皮, 牛柏業, 魷魚, 玩魚片, 等等, 全部份量都大/多, 抵食!不過後加GE ORDER,可能要催多次先會來。

今日好友嘅细佬介紹我地去元朗水边圍天天食鷄煲，試後感食物整體都唔錯，價錢又平，五個人埋單九佰有找，抵呀!細鷄煲加鴨舌小辣，鷄份量足夠又滑但鸭舌就林哂冇咬口炸魚皮夠薄夠脆安挌斯牛(大)油肪分佈均勻，食落甘香炸響玲即叫即炸魚肚放落湯內索味鹅腸夠鲜魚腩一般拼双丸

今日天氣有點凍，一於同老婆去打邊爐。正正在元朗，由朋友推介元朗天天雞煲火鍋專門店，看過Open Rice有彈又有讚，就胆粗粗去試下。叫咗個重慶雞煲小微辣，味道不錯，份量足够。另外又叫咗九肚魚、美國雪花肥牛、西洋菜、凍豆腐、白菜胶。九肚魚好新鮮、肥牛賣相一般，但是食落口口感不錯，$78一碟底食。西洋菜的葉有好多小窿，即是没有農葯，好食。凍豆腐一般，而白菜胶就麻麻地。總結下次可以再帮親，但是個鷄煲可以再加辣一點。

星期六2個人去左朗屏西鐵站的天天雞煲撐枱腳食重慶鷄煲。因為我怕太辣食唔到所以老闆建議我哋試“唔辣”另上“辣椒”畀我哋自己慢慢加入個煲度。為免浪費食物所以只係另加左一碟美國雪花肥牛、一碟九肚魚、一碟白菜餃、一份凍豆腐同一份西洋菜。一嚟到個煲底好香八角味，食落已經夠味所以根本唔洗點豉油食，D鷄肉仲好嫩，西洋菜同九肚魚亦都好新鮮，肥牛亦有牛味唔“un”, 總括嚟講食物質素唔錯，唔怪得未夠6點半已經幾乎爆場，有機會會嚟試下佢其他特色煲。