天祥餐廳小廚

营业中

休息中

西多士配薯條 加支裝可樂 $58西多士中間嘅花生好香好濃，加埋牛油同蜜糖一齊食，簡直perfect match😍而且薯條炸到脆卜卜同熱辣辣，連埋茄汁一齊食，係又熱又凍嘅感覺😋好耐冇見過支裝可樂，原來支裝可樂比罐裝可樂，飲落去係冇咁甜架！𝗢𝘃𝗲𝗿𝗮𝗹𝗹𝘛𝘢𝘴𝘵𝘦:⭐️⭐️⭐️𝘌𝘯𝘷𝘪𝘳𝘰𝘯𝘮𝘦𝘯𝘵:⭐️⭐️⭐️𝘗𝘳𝘪𝘤𝘦:⭐️⭐️⭐️𝘌𝘯𝘤𝘰𝘳𝘦:⭐️⭐️⭐️

The food is waiting too long and there is a bug in the food?!But the quality of food is quite good and hot

必食簡介: 煎肉餅/家常小菜/私房菜坦白講…淨係食過好多次午餐…晚餐因為佢最少六個人起…我未食過嘅…但佢lunchtime我食過好多次都覺品質係好穩定都好好食所以我建議各位手足可以去試下…食物好正環境乾淨…不過如果揸車小心啲…因為冇停車位…私竇住家菜

屯門區工作早餐，經過呢度可以泊車，一間小屋，廚房之外仲有幾個座位，門前再放桌椅，摺枱膠櫈，去到就有位，不過太近馬路，所以桌椅都幾多灰塵，早餐選擇以港式為主，落單食物好快到秘製雞扒熟蛋通粉（$36）賣相平實，雞扒煎得金黃，不過浸咗湯就唔脆，食落肉質唔乾，竟然有啲酒味！似醉雞扒，啲酒味唔會太重，無苦味！蛋正常！坑通粉彈牙！雞湯底夠熱！清清地唔假！好味！熱檸茶：夠熱夠濃，茶底唔澀！好味！同事食：秘製雞扒太陽蛋麵（$36）沙嗲牛肉烏冬（$33）火腿奄列方包：牛肉餐蛋麵：凍咖啡：凍奶茶：凍檸茶：食物幾好味，早餐款式雖然大路都有驚喜！即叫即做水準幾好店員有笑容，同啲熟客有講有笑！有特色早餐

晨早流流晒到不得之鳥的星期天 突登揸車到青龍頭舊式小店食早餐 店內雖小(有空調) 但店外空地可擺放十張八張摺枱 在太陽傘下雖隔住條青山公路 亦可遠眺馬灣及大嶼山 可想言之環景係幾咁hea So heavy 我居然叫左隻生炸雞髀+紅豆冰 當早餐 (我系咪癲左) 雖然隻雞髀無出名個間有成塊面咁大 但真系即叫即炸 熱辣辣 好好食 仲好鬼juicy添而杯紅豆冰 粒粒豆都煮到爆開晒起晒沙真系好棉好棉 但就甜左少少(個人覺得) 紅豆冰供應有限售完即止

經常要開車入屯門的我，好多時都會留意公路兩旁有什麼位於鄉郊的飲食好地方。如不需要接載其他人，我們會取屯門公路及青山公路入屯門。而好多時，不太趕時間，我同太太都喜歡行下路 (青山公路)，因為風景好，少貨車巴士，而且沒有 Speed Camera，可以好快，也可以好 relax。時常來，我一向都留意到在青龍頭，隔音屏後面有一條鄉村，村子近路口的一間屋外，擺滿了檯，好像是食野的地方。於是找了一天去八下，原來這是一間日頭做茶餐廳，晚上可做自攜海鮮的食店，名叫《天祥餐廳小廚》。而這一、兩次，剛好我要獨自一人去屯門，分別來食過一個早餐，同一個簡單的午餐。咁，我就輕輕地評論一下啦。 坐在外面飲食是最舒服的，我第二之來就有幸地坐到露天的室外座位。在天晴又不會太熱的日子，風涼水冷地坐在室外，是一種享受。不過，第一日於早餐時段來，我只可以坐在室內。亦因為入了室來，因為這一家餐廳有一定的隱世程度，所以好多好多的明星曾經到訪，餐廳展示了好多好多合照，看得出，這兒是一個藝人飯堂。 早餐時段來到，選擇絕對是不多，咁...我只好食最令我安心的食品，就是雞扒麵了。這兒是雙拼麵，我選了雞扒加餐肉。不過，味道就沒有什麼過

星期日對於我來說是假期的最後一日，因為隔天就要上班，所以基本上我都會把握這天出外找好東西食。而我最近愛上了行山，聽說深井有條適合行山初學者去的山徑－元荃古道。但由於我是超級初學者，所以我只選了半段走的路。我們二人同行，一大早就由荃威花園出發，經過石龍拱、田夫仔、清快塘，最後就到深井新村，歷時三小時。到了深井新村之後，我們再沿海邊往青龍頭方向走了一段路，發現右手邊出現一間茶餐廳。因為大家活動了整個上午，有點餓，所以決定在這茶餐廳食個午餐。店外有四五個大傘，可以坐到大概20至30人不等。依我所見坐外面的人都有一個特點，就是帶上自己的小狗來用餐，看來愛狗人仕都喜歡來這裡坐坐，因為狗隻都可以伴隨。當日外面的位置都滿了，我們只好入內進坐。老闆領我們內進後，就急不及待點餐了。我看一看了周圍的餐牌，見到寫著「天廚推介   鮑魚炒飯  鮑魚撈蝦子麵」。一場來到，老闆又極力推介，那就點一客吧。老闆再三提醒這兩道菜不是天天有，要看製作材料的進度，就算今天有，到了2:30都一定會沽清。看來好多人都特意來食呢。鮑魚炒飯 ＄78炒飯的賣相吸引，因為用了鮑魚汁去炒，整碟飯呈現潤澤的橙黃色。面頭有三隻鮑魚，鮑魚的顏

從朋友介紹得知在家附近原來有這間隱世星级飯堂，這間日頭係毫不起眼的普通茶餐廳，晚上卻變身為私房菜“私竇”。餐廳不久前重新裝修，以懷舊明星為主題，地方不大，卻最適合作私房菜，因為隨時可包場，私隱十足，所以很多明星如發哥都係熟客！私房菜最少六人，每位$400 (食鮑魚加$60), 菜式以海鮮為主打，大廚Dasiy說她會親自揀選食材，保證新鮮，有些食材更是她從外國旅遊時購買回來。頭盤“柚子海帶沙律”~ 伴以日式鹵蛋，話梅清酒蕃茄，清酸香甜，零舍醒胃。“韓國人參雞湯”~ 除了人參同烏雞，還有銀杏，用料上乘，味道清新淡雅。“秘製麥皮蝦”~ 以香香脆脆包裹住爽彈鮮美的大蝦，感覺清新而不油膩。“古法紅燒龍躉頭煲”~ 香氣撲鼻的龍躉頭豐厚味濃而不腥臊，份量十足。“辣酒煮海花螺”~ 香辣惹味，佐酒一流！“檸樂豬手”~ 豬手肉軟嫰滑，富有肉汁，真是令人回味無窮！“粒粒黃金冬瓜”~ 以鹹鹹的蛋黃粒煮清淡的冬瓜互補長短，絕配！最後還有“薑粒葱花炒飯”及甜品“潮州清心丸”這晚可以品嚐這麼有心思及有水準的私房菜，加上同好友開懷暢飲，真係超滿足！

最近朋友講起青龍頭 "天祥小廚茶餐廳"，日間只是茶餐廳🍜🍚☕️🌭🍝，但晚上有時會出現一位女大廚🙅，立即變成私房菜 (Facebook:私竇)，由於晚上只招待落 Booking 的私房菜客戶！經很多食迷要求🙏🏻，大廚特別安排（定期）限時、限量提供 "原隻鮑魚炒飯" 或 "鮑魚撈麵"，小弟打聽到本星期六/日，可以一嚐 "大廚鴐到"，咁當然咪走雞啦！ 這個地方都算舒服，天氣不冷不熱，我坐在露天位置，吹着海風終於品嚐到這位大廚的鮑魚撈麵面，原隻南非鮑魚，鲜味十足，醃製時間剛好，非常入味，而且軟硬適中，好有粘感，加上微彈牙麵條，配上了這鮑魚汁，簡直係完美之作！ 再來一杯香濃咖啡，這個下午超級滿足，立即要和大家分享下次再要品嚐一下原只鮑魚炒飯！ 大廚駕到👏🏻 👍🏻

住在深井多年，最近聽說好多街坊到青龍頭“天祥茶餐廳”食鮑魚飯/麵,  滿懷希望到餐廳準備一試招牌菜, 㸃知老闆娘說：招牌鮑魚飯不一定每天供應, 只是廚神駕到才有限量供應, 睇來下次真係要打電話問問廚神時間表😅！ 一塲去到又豈能空口而回, 一於點了至愛的“星洲炒米”及“涼瓜炆火腩飯”。“星洲炒米”果然夠香夠辣, 夠乾身不會油淋淋👍。用料尚算可以，但若加入鮮蝦便十全十美了！朋友的“涼瓜炆火腩飯”也很有水準, 並不是一般茶餐廳食到的漿糊獻汁 ！平時不愛吃涼瓜的我也不嫌苦, 食落時還有涼瓜獨有的甘香味😘, 再配上半肥瘦的火腩, 令這麼普通的菜式也令人回味無窮！ 食飽飽再來一杯凍咖啡, 品嚐到咖啡師傅用心的沖調, 甜度恰到好處，咖啡味道剛好！ 再慢慢欣賞餐廳以懷舊戲院的新裝修,  掛滿了當年多個當紅影星廣告牌和相片，特別是有我最喜歡的發哥，想必他是這裡的熟客，感到份外親切，說不定有天在這裡遇到他呢😎原來這裡除了提供一般食物外，亦有“大廚駕到”私房菜，聽說亦是高水準，有機會一定會試一試。想不到以前一間普通茶餐廳可以變身成為一間有特色主題的懷舊茶餐廳。室內坐位不多，可以選擇坐室外，環境開揚別有一番風

同老婆去左食tea. 我自己好似家庭自助開飯咁, 走去"村長會客室"側邊拿熱水洗碗仔. 可能打風天氣悶熱, 就坐室內涼冷氣算了. 雞絲酸辣米線好大碗, 個湯好正好刺激, 配埋凍檸樂好爽呀! 雞絲好似滑雞片咁, 米線好滑, 加埋大堆芽菜仔, 好好味呀!! 雞翼薯條ok啦, 偏細份, 所以又叫左個西多, 都ok. 呀, 佢d野飲又係大大杯, 幾cool.

星期日風和日麗, 成班friend黎呢度開餐出發去釣魚! 天祥似小村住家茶餐廳. 原來星期日冇tea set. 叫左個蒸肉餅午餐, 細細份, 個汁幾正. 老友叫左泰式叉燒拼石班, 又估唔到好大份幾飽, 但太肉類了. 椒鹽魷魚鬚好鬼脆大大條, 好想再encore. 咖哩雞飯OK, 但豬扒飽一般啦. 跟餐凍飲好大杯, 但咖啡差d. 係呢個炎夏係2樓嘆住冷氣望海, 又望下樓下d戶外座位成排黃色太陽傘, cool! 好旺, 好多人但好寫意, 仲有人帶狗仔來坐戶外. 飽哂, 過去對面碼頭上艇出海去有魚穫, yeah!