太二老壇子酸菜魚

营业中

休息中

首先要利申一下，一向無北上消費食野嘅習慣。甚至係後來先知原來太二老壇子酸菜魚係國內嘅過江龍，所以以下講嘅味道同價錢都未能同大陸分店作比較。話說今日去開airside 睇戲，見到有我最愛嘅酸菜魚就決定入去試試🤪我地兩個人叫咗2-3人份嘅老壇子酸菜魚，佢set 咗免費加兩個配菜，最多只可以加三個配菜，而第三款要加HKD20.最後我地加咗粉絲，金菇同紅薯粉。另外叫咗個宮保酸甜雞，同埋蛋酥軟糍粑做甜品。餐廳有陳皮洛神花茶免費供應，其實都幾貼心，不過，我同男朋友都唔太識欣賞🫣男朋友嫌佢酸，我就覺得陳皮味濃到有d 澀🙂‍↕️酸菜魚上枱時，男待應突然好大聲講咗句唔知咩方言😂俾佢嚇咗一嚇，上網search 原來係「好吃的酸菜魚來了，好好玩哦，先喝一口湯，哇塞 屬實被惊艷」講返佢嘅味道，上枱時的確好香椒麻味，魚肉嫩滑，份量亦好足，正常三個人都夠食，湯頭酸酸辣辣幾開胃，但略嫌有小小過油。配菜份量略小，特別係薯粉同金菇，撈埋得兩小撮。食食下太開胃又想加個飯😂白飯同酸菜魚果然係完美配搭，三扒兩撥就清曬枱😚宮保酸甜雞亦有驚喜，外表炸得香脆可口，內裡肉質依然juicy,就連伴碟嘅炸米粒亦好有誠意，配埋個酸甜汁都幾惹

9月23日晚大約7點9於Airside太二酸菜魚餐廳等位期間，看見派飛小姐步向一位帶有一隻小狗等位的客人及傾談，其後該携🐶客人於派飛小姐面前將🐶放入其手提袋內；過了兩三張籌後，派飛小姐叫該携🐶客人之籌號，其他侍應招呼該携🐶客人入內用膳，位置是於餐廳最入之餐桌。有見及此，我向派飛小姐詢問是否可以携帶寵物入內進食，她完全沒有考慮下，即回答”不可以”，我說”但剛才那位小姐袋內有🐶”，她竟說”是嗎？”，然後以對講機作內部溝通，我當然聽唔到佢哋嘅對話，期間有一男一女侍應以不太友善的目光望向本人。派飛小姐內部溝通完畢後，完全當冇事發生，繼續派飛及安排其他客人入座，沒有作出對我回應嘅打算，我唯有再次詢問😓佢嘅答案真的令我百思不得其解😅⋯⋯佢話”同事話因為🐶細隻，已入袋，又唔會嘈，所以可以安排入去食飯”😱😱😱聽完佢嘅解釋後，雖已等候了一段時間，我都即時俾番張飛佢，去第二度吃。Airside其他食肆有規劃部份用餐區於食肆外，讓寵物可陪伴主人左右。但Airside太二酸菜魚餐廳嘅用餐區明顯完全於食肆內，理應不得携帶竉物進入，這一點派飛小姐亦已向本人確認了。上網見到跟據食環署食物衞生守則，不得帶狗隻進入食物

約咗朋友嚟呢一個商場行街，去到先食個午餐先啦，而呢真係諗唔到食咩，就叫朋友呢先去咗呢一間度攞飛先，而我一到呢就輪到我哋啦，所以我哋就決定嚟一度食飯。我同朋友其實經常去大陸食呢一間嘢，喺香港開都預咗佢會貴好多，但係可以過下口癮其實都開心嘅，今次呢叫咗佢嘅酸菜魚啦，另外呢朋友都推介呢食一個叫做芥末蝦仁，都俾佢經驗到，佢個味道係幾好食，如果蝦仁都係非常之彈牙，作為前菜咁食吓呢都開心嘅，而佢個酸菜魚呢就係一路食開嘅味道，但係略嫌呢佢有啲太辣嘅感覺，下次都會再嚟食嘅

Weekend睇完戲8:30pm即刻拎飛045號，排隊本身要等10張，諗住落一層邊行邊等，可以scan佢個qrcode mon住叫到幾多號。隔左10分鐘，第一次check既時候仲有5張，過幾分鐘之後再check一次過叫到047。心諗邊有可能突然間快咁多，即刻衝上去睇咩事。上到去餐廳門口一片混亂，至少連埋我4張都拎住比人skip左。點知個staff話唔洗緊張佢地只係想臨截單前睇下仲要serve幾多張枱，但佢求其將佢前面既人拎住個個number 要補飛個d唔順序咁抄低。當時仲見到有人即場拎飛排，然後個staff就截左單了。如是者呢個順序就係佢個個所謂既順序，然後仲要一張飛補一張，要佢叫個個number冇黎既客佢先會補一張。即係一組一早已經拎飛排隊等左半個鐘既客，係會因為你一次過禁曬d飛黎睇有幾多張枱要serve搞到個客要等補飛枱，而且遲過截單前衝過黎拎飛既客入座。咁你點解唔直接叫我即場拎過張飛仲快過我補飛呢？本身落單都唔需要staff既餐廳，索性連帶位cashier都cut埋佢🙏🏻反正d枱食完都唔係即刻執，由得d客繼續等到天荒地老🫡

截單取飛時間未到，員工因不想入客，就話無曬野食，豪無禮貌，我認為冇可能係會冇晒食物，員工亦唔應該在截飛時間前15 分鐘下私下剝奪食客取票等候既權利，結果我堅持，九點前已有枱可以入去，而手機點餐根本還有其他食物，我認為太二管理層要正視問題！否則香港人都唔會有興趣再食過江龍！

搵位度：🌟好食度：🌟🌟🌟🌟🌟抵食度：🌟🌟🌟OpenRice Airside都當九龍城，咁可以計埋入九龍城嘅系列。太二本身喺大陸都食過一次，嗰次主要食酸菜魚，不過印象都好模糊，味道都好似有少少唔同。如果兩個人食，我都仲係建議會叫大窩係過癮啲，除非本身就係想食多少少其他唔同種類嘅嘢。留意番小朋友可以叫兒童餐食，加錢好平又好大兜，我哋嗰時仲送過太陽花嘅手環，整體用餐經驗都幾好。我去嗰時已經係下午茶時段，但等位都等得幾耐，有空位都唔俾人入，要留意吓。

太二酸菜魚由深圳出名好食到香港，但未真正試過。今日去咗airside會一會。餐廳環境空曠舒服，店員有禮貌，酸菜魚有質素。老壇子酸菜魚1-2人份 $258湯底夠熱夠麻，主觀嫌覺少少辣。魚塊份量夠2人用，夠大夠滑，有少少魚原有的泥味，整體好食。酸菜如餐單形容夠爽脆。如要挑剔，就整體唔夠豐富，建議添加金菇、脆豆腐、薯粉的配菜，每樣$20😄。芥末蝦仁球 $78略嫌唔夠熱，炸粉有點厚，不過蝦及wasabi醬還好，整體合格，但下次未必encore😅。白飯 $12/碗；$6/半碗白飯偏黏，與酸菜魚都夾。可以叫半碗好有趣😁。花茶 免費洛神花+陳皮+熱水，自行調配，幾好飲及解辣😄。

今晩本身在旺角搵食，但泊唔到位，到啟德搵食，行過見到國內品牌，唯有試下。1.座位安排唔錯，坐得幾舒服，比國內部分城市好2.唔食牛的情況下，向職員查詢勁旺毛血旺配料，但當時職員好似唔太清楚，但亦禮貌回應，並請另一位職員解答，服務到位3.建議各位都係食翻酸菜魚，唔好好似我咁傻食其他4.飲品選擇少，但係可以自助沖飲花茶5.其次希望店家加入菜式的配料資料，因爲掃QR CODE按入係無配料資料，想自助點餐都未能完成6.本人重未接受店家任何的款待或試食

呢間排隊人氣店長期都好多人！今次特登喺未開門前就去攞飛，所以一開門就好快入得去🤙🏻今次叫咗個一至二人份嘅老壇子酸菜魚，另外加咗脆豆腐同金針菇。脆豆腐，質感有少少似魚片，反而冇乜豆腐味。金針菇就唔使講啦，索哂d味好好食😌講返酸菜魚先！ 酸菜同魚嘅份量都好多，仲有個炸過既魚頭！ 魚肉都幾嫩滑，而且係冇骨🐟 雖然冇得揀辣度，但係就絕對唔會好辣，見到隔籬枱都有小朋友係食到嘅！另外仲叫咗個脆椒小皮蛋同麻辣小酥肉。皮蛋唔係平時見開皮蛋嘅樣，好似鵪鶉蛋。雖然有少少辣椒，但係一樣唔會好辣！而麻辣小酥肉嘅麻辣粉係另外上，所以都唔使擔心食唔到！甜品方面就叫咗個西瓜椰椰冰粉🍉本身以為會有啲紅糖汁淋喺面，但係原來係冇汁嘅。有頗多嘅椰子肉同埋少少西瓜粒，個味道幾特別，喺香港都未食過。

以前一直都有同屋企人北上食太二酸菜魚，今次我哋留港消費，食吓香港嘅太二酸菜魚先，去到已經勁多人排隊，大概等咗一個鐘左右，終於到我哋入去食啦。我哋5個人叫左6個菜，包括有：酸菜魚（三至四人份量）、蛋酥軟糍粑、蝦仁娃娃菜、笑茄茄芝士牛腩、亂刀雙椒炒牛肉、大滿貫小吃拼盤。酸菜魚（三至四人份量）：太二酸菜魚個金湯底真係冇得輸，撈飯一流，而且肉質鮮嫩，不過其中有一兩舊略帶小小魚骨蛋酥軟糍粑：上碟熱辣辣，糍粑炸得外脆內軟，配上黃豆粉紅黑糖，無論係口感定係味道，都係100分👍🏻蝦仁娃娃菜：正常發揮，份量十足笑茄茄芝士牛腩：因為有屋企人食唔到太辣，所以叫咗啲一道菜俾佢🤭蕃茄味十足超級開胃，牛腩亦煮得好腍，係呀一道好好送飯嘅菜亂刀雙椒炒牛肉：將紅綠辣椒、香芹、牛肉切成碎粒，炒得超級惹味，味道有啲似泰式生菜包👍🏻不會太辣大滿貫小吃拼盤：有多款小食，包括雞翼、魷魚、薯波、炸蝦片，每樣都炸得好香口，完全唔會有溢味

招呼極差，架車陪你食飯，完全係港客嘅質素，其實我哋香港人食飯係好快嘅，入嚟唔使一個鐘，我哋已經食晒啦，冇諗過係會有架車陪住我哋食飯，提示個職員叫佢收，佢無視我，唔知係咩服務，咁嘅服務質素就算啲飯有幾好食都冇用啦

「酸菜比魚好吃」，正正是刻印在亮麗白色的瓷碟上。1) 老壇子酸菜魚乳白的湯汁、軟嫰的魚肉，都比不起令人垂涎欲滴的酸酸麻麻味。點綴着小辣椒、花椒，便知道「出事了」。材料勁度十足，而閣下「0辣」。麻辣又酸香的高湯，加上白米飯更能品得酸菜的酸爽。(2) 乾蔥菌菇灼菜心(3) 馬蹄好椰清補涼/ 奶凍綿綿紅豆沙飲品更是喜出望外。特別在爆裂的山火走了一遭，令喉嚨特別滋潤。雖然奶凍綿綿紅豆沙相對軟滑，奶香亦令灼燒感瞬間下降，但飽腹度較高。除了有洛神花茶自助享用，其內部裝潢配有二次元漫畫風格，相當寬敞的梳化座椅，令人不亦樂乎。

見太二酸菜魚 喺香港已經開咗幾間分店終於搵日平日放工去試吓6:00去到都已經要等位 大概等咗三四個字座位幾大 坐得都舒服有啲位仲配備叉電線方便我哋電話叉電有免費洛神花及陳皮俾你沖水飲雖然唔係冰涼的水但免費的 都唔錯點了一個一至二人份量的酸菜魚超級油酸菜不酸不甜 可以話係冇味但成個酸菜魚鍋 只有酸菜及酸菜魚平時食的底下會有寬粉 他並沒有超級油 不太好食 完全沒有酸菜味魚有部份有一點骨可以叫白飯或麵點了一個類似肉燥的麵紅油中規中矩最後點了一個紅糖糍粑味道可以但質感非常腍總括而言並不推薦價錢貴 味道差 冇特別冇下次

朋友坐完月，第一件事就話想食酸菜魚。所以我哋一班人就一齊去咗Airside 太二食啦。星期六晚六點幾，都只係需要等15分鐘就有位。算好快。因為一開始未齊人嘅關係，但係又十分肚餓，所以決定叫一啲小食。呢個好冇骨氣鳳爪，真係十分之值得推介。個汁底超野味。到齊人啦，可以叫主菜水煮魚啦，同埋毛血旺。水煮魚我覺得唔夠酸但夠辣。感覺又一城嘅水煮魚比較好食

趁假期，大多數人北上消費，令平日排晒隊的香港店舖也不用等位，也可能也是剛營業不久吧。約中午十二時多，不用等直接入座服務員態度也很友善😊。白飯🍚好有驚喜，粒粒分明，好有口感😋主菜酸菜魚🐟當然冇得輸。炒牛肉🐂也辣得很好味道，攞嚟送飯一流。芥末虾仁球🍤不過不失。重庆頂流豌杂麵🍜冇乜特別。蛋酥軟糍粑作為甜品也不錯， 煙煙靭靭的。