太元樓

营业中

休息中

嬲既！我一早book左位 預早左5分鐘到 一到佢話執緊位 ok！等左15分鐘 比左個walkin既人入座 無奈！五會再黎食 有咩理由預約左仲要等咁耐？仲要五理會我地 冇人招呼。

晚飯一坐底一女侍應已放低一碟木耳花生前菜小吃，我們已表示不要，因為知悉要收費，但她誤導我們以為是免費，結果埋單時要俾埋前菜費用，我們費事爭論，但不會再幫襯，不恥其欺客手段(

買咗外賣湯年糕，一打開個盒，見到有粒黑色野浮下浮下，細心睇原來自重有腳。 confirm 係隻曱甴，雖然唔係好大粒，但係見佢係煮到有爛爛地，應該係老火湯，不過我乜嘢食欲都冇晒，…..

第一次和家人來這家鋪頭晚飯，這裡環境整齊乾淨，因 book 的時間早，侍應可安排大圓枱給我們，不用坐長枱，我們點了・片皮鴨 + 醬爆鴨骨 (一鴨兩食) ・醣醋魚塊・招牌炒飯・賽旁蟹・小籠包醣醋魚塊新鮮炸起，外脆內軟，味道恰度好處，小籠包皮薄多汁。6 人埋單$1200 有找，確實抵食，會再來幫襯的。

喺這間太元樓嘅美味之旅，真係一次食指大動嘅體驗😋！點了傳統水晶肴肉，冰涼嘅肉質加上脂肪部分嘅Q彈，肉嘅鹹香同那口感，真係得嚟又惹味！糖醋愛好者嘅我哋，當然唔會錯過糖醋魚塊。啖啖魚肉，外酥內嫩，醋香四溢，食落去鮮味爆炸，正到爆炸🐟！再講吓佢哋嘅小籠包，啱啱出爐嘅熱氣同埋肉汁包裹住嘅嫩肉，一啖咬落去，鮮滑得嚟又唔膩口。黃金蝦嘅「起沙」，每一啖都黃澄澄，沙沙嘅蛋黃撲鼻而來，又脆又香，蝦彈牙得嚟蛋黃味夠晒緊緻！妙齡乳鴿呢，實在係咁滑咁嫩，烤到金黃嘅皮脆嘅啱啱好，完全唔干，當真值得一試。至於金磚豆腐，外皮煎得酥脆，裡面滑嫩，吃落去口感上佳，雖然我會鍾意多啲鹹味，但呢一點點小小嘅希望都無礙整體美味。最後還有上海炒年糕，彈牙嘅年糕伴隨著鹹香醬油同新鮮配料，賣相精緻味道一流。嘆住呢啲美食，心情都好起嚟，尋味之旅，樂而忘返🍽👍！

擔擔麵 $58湯底唔重花生味，反而麻辣味比較重麵質好，唔會煮得太冧，可以掛到下湯有足料肉碎😆北京填鴨 $198半隻最後先上嘅填鴨擺得係幾靚，但包完一食落口好大陣騷味🤢覺得係皮事，可能事前功夫做唔夠肉質偏柴🤐小籠包 $38（4隻）湯汁算多，皮厚啱啱好，有啲咬口黃金銀絲卷 $28冇咩特別，係正常發揮味道⭐️⭐️環境⭐️⭐️⭐️推介⭐️

食午飯，叫左lunch set的豆漿，忽然記起其實有湯㨂，隨即叫職員想轉湯，但職員話落左唔轉得！（其實轉有幾難？舉手之勞）咁都算啦！碗麪黎左，食左兩箸後，睇見碗浮左隻小昆蟲，便叫職員來話佢知，佢睇完，冷冷地講：你要取消？定係駛唔駛換過一碗？（吓！？有蟲我仲食咩？）其實簡單一句：唔好意思！不如幫你換過一碗吖！會好聽d。

食物正常發揮，係個酸辣湯有啲酸。-但-店員服務態度真係世界級！由點菜，傳菜，至到埋單，果幾位店員態度都惡劣到令我震驚。其實係幾佩服成間餐廳既店員們都統一地服務態度差-首先我地係叫左咕嚕肉，點知佢黎左咕嚕魚。朋友冇為意就食左舊先發現黎錯左，而我地都冇諗住退餐。但因為咕嚕魚比咕嚕肉平一蚊，所以就有以下對話：-我哋：「咕嚕魚同咕嚕肉好似係唔同價錢？」傳菜店員唔知做咩燥左：「價錢係一樣嫁，冇所謂啦，得嫁喇。」我地幾個即刻打咗個突，然後話：「咕嚕魚應該係平一蚊喎。」另一個點餐店員冇啦啦衝埋黎好惡咁講：「咁你哋啱唔啱食？」（語氣係如果我地答唔啱食就係我地錯咁）傳菜店員都同時話：「價錢係差唔多嫁」我地：「係差唔多，但係差一蚊喎」傳菜店員：「得啦，你之後埋單俾返一蚊你囉」P.S佢地呢幾句野語氣都好差，真心冇誇大，自問受過澳牛訓練-其實呢，我諗傳菜店員原本就係想話「價錢差唔多，只係差一蚊，埋單嘅時候俾返一蚊你」但因為佢由頭到尾都唔知燥d咩同急d咩，搞到我地一開頭get錯佢想當冇左件事，但呢個都不是重點。-重點係個咕嚕魚係佢哋送錯嚟，但佢地一句唔好意思都冇，仲要態度極差咁對返我地。其實我地本來就冇責怪佢哋

家中老母平時食素，出門飯局如非選擇素食餐廳，常常落得除了羅漢齋炒麵以外無菜可選的境況。今次到太元樓，驚喜地發現餐廳有標明素食選項，選擇為數亦不少，麵類小食類之類。家母最喜歡銀絲卷，謂這道菜式過去常吃，近年少見，可緬懷青春。食肉者如我們則喜歡北京填鴨。鴨皮大片且香，鴨肉份量合理。吃下口，口感更勝最近在某著名高級連鎖北京菜館吃過的同樣菜式。真的要說缺點的話就是肉質有點參差，味道比不過家裏樓下燒味檔斬料燒鴨，但菜式整體效果滿意。美中不足是黃金豆腐，之前吃過同樣菜式質素不俗，外脆內嫩有豆腐香。今日嘗試竟發現六面炸皮有一面是一整大片椒鹽，又辣又咸，不知道是廚師失手還是菜式被改得不進返退。下單時與伙記溝通有誤，結果預訂已上的北京填鴨額外又多了一碟，又有落錯單情況，節外生枝。幸好簡單釐清後並無收錯錢。希望多出來的一碟填鴨找到好胃宿。

今晚去太元樓食飯又計錯數，半年去三次，有兩次都計多數，對上個次冇為意，今次又錯，夥計話唔好意思入錯咗張單落你張枱，真係有啲懷疑係專登，大家去食都要小心check下單

很久沒有見朋友，突然約出來。他說想嘗試一些北角的特色小店，於是帶他來太元樓常常這裏的上海菜。我們點了兩個午餐，咕嚕肉和家鄉豆腐。因為午市的關係，他們送粟米魚肚羹或豆漿，我們選了湯。上菜速度正常，食物質素非常高。咕嚕肉是新鮮熱辣做好的，吃下去頗脆口。而家鄉豆腐也是熱辣辣的茨汁有麻油味，咸度適中，十分開胃。而且清清地適合炎炎夏天進食。可能份量有點少，男生未必會夠飽，我們轉戰下一食店。整體而言他們的午餐十分好吃。

端午節一家人去咗北角太元樓做節，食返家鄉嘅上海菜🙌🏻每碟份量都不少，結果食到一家人都捧住個肚走🐷油炆筍一家人都大讚，筍尖稔身入味亦冇渣雞絲粉皮份量好大，加上大量嘅麻醬非常好吃酸辣湯雲吞一碗已經夠4人分享，裏面大概有五粒菜肉雲吞，再加上大量嘅冬菇絲、木耳絲、豆腐乾，酸辣味夠濃，抵過嗌一窩酸辣湯鍋貼底皮煎得夠脆香口，裏面嘅肉餡份量亦唔少，入口啖啖肉小籠包皮薄多汁，肉汁鮮美，一啖咬落去爆汁水煮魚魚肉嫩滑，內有豆卜、寬粉、芽菜、本菇，辣味香濃，非常下飯的一道川菜，不過建議唔食得辣嘅朋友要嗌小辣回鍋肉醬汁香濃，半肥瘦嘅五花腩片加上椰菜、紅椒、青椒，有少少辣辣地，最適合重口味人士乳鴿一隻只需$32.8，非常抵食，乳鴿剛炸起，皮脆又充滿油份，略嫌味道比較淡，點上淮鹽就剛剛好話梅骨推介👍🏻味道有啲似糖醋排骨，加上菠蘿酸酸甜甜，十分開胃手撕包菜椰菜爽口脆身，帶點辣同酸，送飯一流📍太元樓 (北角)北角炮台山電氣道233號城市花園1，2及3座部分平台地下 24-49號A及C號舖人均消費：$200-300食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

之前同屋企人食過, 環境舒服又好食, 經開附近又唻食🤭酸菜魚 $188魚嘅份量好多, 夠2-3人食, 仲有少量薯粉, 豆卜同菇👍🏻睇落好多辣椒, 但係湯底辣到適中, 微酸, 增加食慾😂啲魚質地黏黏地, 厚實好好味😋紅油抄手 $58比起一般紅油抄手, 呢個味道偏甜, 大大粒, 不過個人鍾意辣一啲🤣正體食物份量比較大, 適合多人share, 可以叫多啲唔同款

今日行開炮台山，啱啱有少少肚餓，而佢嘅set餐都好似幾好味，一於入去試下。當時已經3:50分，而佢嘅set餐係去到4:00，一坐低佢哋已經嗌我哋快啲嗌嘢食師傅要落場⋯⋯🆗我哋表視明白就用幾分鐘嘅時候嗌囇嘢食在嗌嘢食其間我哋有問過員工可以食到幾點，但係個員工無回應，咁我哋自然以為可以食到五點之後佢哋開始晚市。之後我哋見到其他客人陸續離開已經好快速咁食曬啲嘢，因為自己都係做飲食業，所以真係唔想阻到人，去到4:30分個員工叫到我哋要落場啦！要熄燈啦！當時個心已經唔係好舒服，因為如果得個一陣間食嘢時間就唔好嗌我哋入嚟，又唔講可以食到幾點，其間啲員工仲喺度講當呢度係大家樂咩⋯⋯咁我哋都無講咩！就諗住走人，人都未起身全場嘅燈熄曬，講真如果咁唔想做我哋生意就唔好俾我哋入嚟啦！無下次（因為食得太急無影到相）

今日年初二都冇咩野開 見呢間上海野會開就黎食✨小籠包 $38有4 粒 皮好薄不過都好易穿 🙈 入面熱辣辣好多汁👍 不過肉就唔夠滑✨水晶生煎包 $48有3 個但覺得一般般 個底唔係燶同脆 🙈 入面又一啲湯都冇🥲✨回鍋肉炒年糕 $108年糕幾煙韌 回鍋肉連埋啲肥膏食幾香 都幾有鑊氣嘅😋✨炒鱔糊 $148鱔嘅份量都幾多 唔會太咸 唔錯👍✨酸辣湯 $38材料都幾多 夠酸但唔係幾辣🤔同埋個質感唔似平時啲羹總括黎講味道正正常常 冇乜特別🙈🙈 環境就幾靚幾舒服嘅 味道❤️❤️❤️💔抵食❤️❤️❤️服務❤️❤️❤️💔環境❤️❤️❤️💔午餐人均～$190 (唔收+1)