太太廚房

营业中

休息中

今天途經灣仔見到呢間太太廚房，主打印尼食品，而且都差不多坐滿客，咁就不妨一試，老板娘推介印尼燒雞飯同印尼涼粉奶茶，估唔到個飯好好味，燒雞醬好香，雞烤得剛剛好，雞肉好嫩，再加其他配菜，好好味；杯奶茶都唔錯，唔太甜，剛剛好。下次會試巴東牛肉，重有羊肉，應該唔會失望！老板娘都好好人，好多笑容，如果香港其他餐廳服務員都有咁好笑容就好啦！啲人都會留香港唔上深圳搵食啦！總結係地道印尼食品，好好味，下次會試其他食品。

呢條街曾經有好多食肆不過最近見到已經執咗超多😔有得坐嘅舖頭 好似得返呢間太太廚房呢間嘢主打印尼菜平時見打工仔都係叫外賣多因為入邊座位好少見同事推薦話呢間幾好食一於試一試✨正宗印尼炒飯$68✨今次呢個印尼炒飯配串燒但味道就好一般🥲炒飯唔香、唔惹味又唔乾身串燒係凍嘅🥶一邊食一邊驚訝點解同事會覺得好食我諗成個餐最好食嘅係佢塊蝦片😅嗰日食嘅時候天氣都比較凍但因為佢好多外賣所以長期個門都打開我哋就一路食一路吹住風勁凍同佢講咗可唔可以閂埋個門但佢完全冇理我哋🤣

今日又落大雨了，但正想出去行遠啲都唔得，所以就搵左一間公司附近嘅餐廳去食午餐，今日聽我同事講有一間叫太太廚房，食物大件夾抵食。個餐廳主打印度菜式，睇嚟都好好味，另外，亦有卡邦尼意大利粉等等嘅西式菜式可供選擇所以我同同事分別叫咗兩個餐。環境方便，我睇不同印度風格嘅裝飾品，美輪美奐，感覺去咗印度原條日式鰻魚飯同一杯熱西洋菜蜜 - 條鰻魚原條上，十分大件白汁吉列魚柳飯 - 魚柳大大條大家我嘅手，我差啲都食唔晒茉莉花茶 - 有好香嘅茉莉味道

灣仔外賣🥡系列之太太厨房，見唔到太太，剩係見到丈夫，門口有個南亞睿學生🧑‍🎓做緊功課📄，叫咗午餐🥣C巴東牛肉飯，9折咗$68，味道一般，凍啡+$2，但冚蓋冚得唔好，倒瀉咗1/4，同事叫咗煎甜魚（$85）同印尼🇮🇩炒飯（$68）

灣仔新開嘅餐廳，主打印尼菜式， 另外亦有卡邦尼意大利粉等等嘅西式菜式可供選擇。我點咗個馬來咖哩豬軟骨飯，另外再點咗杯印尼黑咖啡。咖哩豬軟骨份量幾多幾抵食， 粗略數個有六舊豬軟骨， 再加埋啲蘿蔔 ， 夠曬飽肚 。 咖哩冇乜香料香味，普普通通。小弟平時飲咖啡都唔落糖，但係呢杯黑咖啡真係，非常之苦，有少少似中藥。 建議大家落多啲糖漿。同行嘅朋友食咗巴東牛肉飯，話椰漿味幾濃幾好食。