太子美食閣 (已結業)

從姑姐hon鬼馬地展示手中餅盒已猜到一二,今年我的生日蛋糕應來自MARCO POLO酒店,原來honhon們今年真的準備了prince deli的蛋糕送給我, 好高貴哦!由侍應姐姐送上的是櫻桃朱古力芝士蛋糕,很有趣的配搭!藍莓或紅莓芝士蛋糕不時吃到,以櫻桃為水果的真的第一次遇上。芝士餅有著兩種頻色,白色如平時的紐約芝士餅般的味道,下面那層是最濃的朱古力味道, 蛋糕做得異常夠實,切餅時也要花點力氣才切下一刀,很實在的手感!以朱古力為主的蛋糕真的朱古力味道夠濃,因此芝士味相對地減低,像吃朱古力蛋糕多於芝士蛋糕,餅身質感很細滑厚身,要是芝味更重一些,就很像我喜歡的芝士餅水準了。面層櫻桃醬跟藍莓醬相若,可以為本來不算很甜的蛋糕加了甜度,櫻桃還有點嚼勁,SO SWEET!! 餅面以紅彤彤糖漬櫻桃作為點綴,這顆櫻桃很有家政堂做蛋糕時的回憶。整個蛋糕也很滿意,不過那個生日名牌就有點失色,想不到現成熊仔糖牌會出現在酒店出品的蛋糕上,如改用朱古力片或餅乾片寫上名字,外觀應更切合酒店出品,改善一下會一定更有看頭,壽星們也多一片朱古力或餅乾可吃嘛。謝謝花時間選了那麼美味芝士餅的易放,謝謝專程取餅到餐廳的姑姐

今天是巧巧的生日出門前猶疑買魔鬼蛋糕還是芝士蛋糕時在海港城看見了一個幾便宜的芝士蛋糕SALES姐姐話是自家酒店做的雖然看下去蛋糕的樣子不太好但以今時的服務黎說簡直非買不可SALES姐姐不停叫旁人試食落力地SALE的情況下有人亦受不了買個回家因為人數問題我買了3個SALES姐姐亦細心地幫我用最輕鬆而又不麻煩的方法拿走巧巧見到蛋糕好開心吃過晚飯後,把吃餘部份拿回家芝士蛋糕還沒有溶掉...不錯不錯..........蛋糕值得推介.......酒店員工水平亦不錯GOOD!!!!!!!!!

已經第四次食這件藍梅芝士餅，以$48一磅重的芝士餅認真超低價，不算得超值，因為...芝士味道很淡，只有“實的的”的質感，也沒有芝士香味藍梅醬舖滿面，只有數粒藍梅及藍梅醬而已，與其他餅店相比之下就差了少少若不愛濃味芝士的人，那這件餅會很適合你口味

睇過食評已經想試好耐，尋日終於有機會試到。响門口有個好好服務嘅哥哥，未行到埋去已經笑哂口，到決定要買問咗好多嘢都完全冇黑面，仲好好人幫我將2個蛋糕入盒再入袋。返到屋企個蛋糕完好無缺，good！ 食嘞，個蛋糕好夠芝士味，面頭嘅jam亦好多，餅底亦唔算太厚。用$48可以食到一個咁高水準嘅蛋糕真係好低！

上日路過, 已經被這個價值 $48 的 Cheesecake 吸引, 但那天, 因為又繼續行街而沒有買下. 星期四, 回到家食飯的我, 姐剛好也從尖沙咀回來, 拿著一個蛋糕盒. 全家人期待的 $48, 酒店 cheesecake, 飯後甜品. 真的沒想過, 這個特價 cheesecake 個 promotion 可以做咁耐.飯後, 食完水果, 姐從冰箱把那雪凍了的 cheesecake 拿出來, 大家分來吃. 由姐親自開刀, cheesecake 夠結實, 而且又不是硬到膠叉都會斷果隻. 味道非常creamy, 食落唔會太full. 藍莓味道夠鮮夠甜. 沒想過用咁既價錢, 換來百多元 cake 既質素. 吃了一小塊, 大家都忍不住, 食多一塊.好食又抵食, 而且 cheesecake, 就是要咁細舊, 慢慢食才有滋味.

今日經過海港城,無意中見到blueberry cheesecake特價,仲要係Marco Polo ge，所以就即刻買佐返屋企，雖然我唔係幫襯佢好多，淨係買一個，但係佢ge服務非常好----------------------------------------------------------------------------------------------個cheesecake面有d藍苺jam，同少少紅苺，好好味，個cheesecake好香，好實，非常之足料cheesecake底仲有層消化餅，唔係好脆gor de，不過好配合個cake---------------------------------------------------------------------------------------------$48一個，有1/2 pound，好抵食

最後的單身週末，也是最後的美食日。除了Al Bistro的午餐與雪糕厚多茶餐，在海港城shopping完離開前，見到幾吸引的攤位，又記得有食家推介，又忍不住買了個Blueberry cheesecake!　阿姐善談又好人，無疑是幫襯原動力之一，而精緻純白的包裝，也令人增添購買慾。場內的芝士餅餅底都不算厚，我努力揀個最厚底的，也不過如此。餅身算挺身，由尖咀回到元朗差不多一小時車程，芝士餅也沒有變型；相約剛過生日不久的老友分享，原來芝士味很淡，只勝在質感不差，而且頂層的藍莓醬幾甜美。整體水準是比預期中弱，半磅蛋糕幾個人也吃剩了。　最近幾天留意到幾位食家的喊面食評，我就認為以此價位亦無需太失落，不過真的不需要特地一試就是真的!

之前已經買過一個比表姐做birthday cake~咁岩行街街時經過見到又o係門口賣blueberry cheesecake喇~當然今次買個返屋企食啦~因為常去食buffet既關係~其實已經食過好多次prince hotel既desserts~質素一向都唔錯~cheese味夠重~實實既質感~但芝士又很滑溜~唔單止蛋糕上面有大量藍梅醬~連cake入面都有粒粒藍梅架~冇欺場...加上餅底又唔會好薄~屋企人都讚呢!咁岩今日睇免費報紙時其中一個食評家都有介紹~你就知道試得過啦~而家係promotion price: $48/half lb.

Shopping 後跟女伴到女兒歇腳。點了兩個蛋糕餐，另加一個拿玻侖餅，合共 $9x，以服務和食物質素，很 OK。兩件芝士餅分別係「藍苺芝士餅」和「雲石芝士餅」，前者料足，後者皮脆。飲品係凍檸檬茶和熱咖啡，那咖啡很美式，不是人人受得了。吃完芝士餅，意猶未盡，女伴到餅櫃前挑多件「芒果拿玻侖」份量巨，酥皮脆，那吉士餡少水份但質地很得意。這兒仍然係我的蛇竇。

今個星期到大陸 site visit 兩次，都是即日來回，從中港碼頭步行來這兒吃個舒服晚餐，係習慣。都點日式晚餐，因為肯定夠飽，連加一都係 $56 以內。以此合理價格，即點即製，所以還是不要考究是否正宗日式。第一晚係「日式炸豬扒配咖哩湯烏冬」、「蘿蔔漬」、「日式餃子」、「紅綠豆果凍」、「熱綠茶」。第二晚係「海苔味噌湯」、「海苔漬物」、「滑蛋炸豬扒飯」、「紅豆抹茶布丁」、「熱綠茶」。那炸餃子餡料甚豐，好脆口。這兒的炸豬扒肉質好鬆化，外皮好酥脆，唯兩次外皮都炸得略‘火農’，但唔怕熱氣的話，美味依然。甜品係幾好味，那果凍係寒天質地，而不是魚膠質地，所以吃落去幾過癮。雖然客人比較稀疏，難得侍應服務有禮，值得一讚。辛勞出差一整天，吃到舒服經濟的晚餐，食完之後落樓下搭計程車回家，咁就一晚。

午餐諗唔到食咩,又唔想太迫,都會黎呢度.今日食咗肉餅飯,估唔到都幾好食. 最重要係服務快又好好禮貌. 依家係Harbour City,無5/60蚊,都食唔到個lunch,呢度都keep住咁扺. 所以愈來愈多人. 雖然有時野食都幾唔ok,好似紅咖哩咁,不過快而且服務好,都無咩所謂. 跟餐加8蚊,有杯野飲,熱咖啡都ok架.

到這兒吃晚餐，我們都點了rib 晚餐（$138 另加一）。都選了「鮮蝦希臘沙拉」，選Greek salad 沒錯！Feta cheese、Olive、統統都是大大粒，那幾隻蝦更是鮮脆肥大，足料得很。主菜係「烤牛肋骨配焗薯zucchini」那rib 好肉地，生熟度剛好，配食的蔬菜好。新鮮。甜點係「椰子忌廉蛋糕」，味道亦是足料一族，椰香得很。餐飲選了「熱朱古力」，味道偏淡。這兒的好處就是豐儉由人，但就有酒店級服務和西洋體育臺觀賞。

從澳門site visit 後，許多時候巳經餓扁，所以會行過Harbour City 吃頓經濟「酒店」晚餐。之後再到樓上買些麵包蛋糕回家，跟加班後的女伴分享甜點。因為客路企理，員工有禮兼絕不煩擾。漸漸，Prince Deli 成為我「一支公」的食堂。晚餐由$48 ~ $138，因為通常一支公，所以都選便宜的日式晚餐，附漬物/ 湯（蘿蔔漬物、麵豉湯）、小吃（炸餃子、螺肉）、主食（海鮮烏冬/ 照燒鱈魚飯/ 鰻魚飯/ 雞肉拉麵）、甜點（綠茶忌廉芝士餅、紅豆椰子糕）。才$48 +10%，味道通常OK，在Harbour City 而言，係平無可平的晚餐。

除夕夜，下班後趕往Harbour City 給家人選購禮物。逛了好幾間店子都空手而回，趁Prince Deli 茶市未收，去食番個$35 的經濟Cake Set。店員開始setup 晚市餐桌，講好六點前要還桌，僅廿分鐘的tea time。這兒的Blueberry Cheesecake 他NY Cheesecake 配方製作而成，但質地卻是難得的鬆軟幼滑，入口即溶，所以推薦！配飲的一定要係熱咖啡，因為這兒的熱咖啡比較像樣。（至少好過今午超級x文鄧治那杯所謂illy 咖啡）。吃完再戰海港城，結果在Anges b 買了個全皮公事包比自己，在Loewe 和Prada 買了個皮包給爸媽。任務完成！

這裏的tea set供應至下午六時，我倆到達時已經五時四十五分了，雖然侍應要求我們六時十五分離開，因為他們要清場，不過我們都沒有所謂。我點了一個cake set，選了blueberry cheese cake和coffee，不一會就可以吃了。blueberry cheese cake︰cheese蠻軟的，口感不錯，加上大量的藍莓醬，以這個價錢來說，真的物有所值了。Coffee︰不夠香濃，十分普通，所以由男友包辦了。服務不錯，侍應都有禮，而且不用加一，又可以上網，有時間的話，真的可以坐一個下午呢﹗