太子餅店

营业中

休息中

太子餅店蛋糕高質又抵食，特別係tiramisu同松露朱古力，有時會輪流有其中一款件裝蛋糕做特價$12/件，真係會令人經過就忍唔住買黎食🤣🤣 之前揀生日蛋糕訂過馬卡龍芝士蛋糕同軟心朱古力蛋糕，食過嘅朋友都大讚cp值高，味道都好過其他差唔多價位嘅連鎖蛋糕店👍🏻重有細細個靚靚朱古力生日蛋糕百幾蚊有交易，岩哂2-4人唔想食太多又想影下相。 罐裝曲奇味道都ok，但未算係好出色。值得一提店員好有禮貌👍🏻👍🏻店內環境亦都好乾淨✨

喺九龍灣站太子餅店買過好多次生日蛋糕同屋企人慶祝生日，屋企人都話佢啲蛋糕好食，鬆軟彈牙，而且蛋糕造型都靚。😍對比地鐵站其他連鎖餅店，覺得呢間又平又好食😋 性價比高。有生日蠟燭送埋😆 希望佢繼續喺九龍灣開鋪，咁我就可以繼續買😌😋不過希望呢間餅店可以出多啲新款式，買咗咁多次，開始唔知揀乜款好。🙈如果可以，希望出下啲好似Charteraixx嘅9cm迷你蛋糕，有時兩個人慶祝生日，食飽晚飯，食唔到咁大個蛋糕😉 呢間啲4吋(~10.16cm)蛋糕都幾大個下，可以3至4個人食。

因為屋企人生日，去酒樓食晚飯慶祝。經過太子餅店，見到蛋糕款式好靚！蛋糕嘅size有大有細，款式又靚，選擇多到眼花撩亂，最後左揀右揀，買左棉花糖脆米朱古力蛋糕。▪️棉花糖脆米朱古力蛋糕 $118呢款蛋糕本身附帶生日牌，唔洗加購。蛋糕係朱古力味海綿蛋糕，外層係mousse，甜度適中。Topping非常豐富，有macaron、棉花糖、士多啤梨、黑白朱古力牌、同脆米。Macaron外脆內軟，士多啤梨亦非常鮮甜，而黑白朱古力牌略嫌有啲甜。底部嘅脆米豐富左成個蛋糕嘅口感，香口非常！📍太子餅店港鐵九龍灣站KOB2號舖

慶祝生日，途經九龍灣地鐵站，見到細少的蛋糕，非常適合4-6人於飯後進食。好多蛋糕店經常都要買一磅，但經常會食唔哂，呢個SIZE 剛剛好。且附上HAPPY BIRTHDAY 的生日牌作點綴。棉花糖朱古力脆米蛋糕（$158）一層朱古力，一層海棉蛋糕，唔算太甜。賣相亦不差。

2021年4月23日 (星期五) 3:00pm 31°C 提供多元化蛋糕、麵包及曲奇餅等。 燈光明亮，環境整潔乾淨，各款蛋糕賣相精緻，擺放齊整，一目了然。 人數：2人 HK$65 不用排隊 意大利芝士蛋糕 - 屬於意大利名點提拉米蘇 Tiramisu，輕柔的蛋糕質感及濃醇的咖啡，撒上苦香可可粉，口感柔軟順滑。咖啡香氣撲鼻而來，且每啖都充滿奶油和慕斯，滑溜無比。整體來說，質素絕對比得上酒店級的餅店，屬高水準。【推介之選】❤❤❤ 松露朱古力 - 味道香濃幼滑，跟意大利的提拉米蘇 Tiramisu 相似，輕柔的蛋糕質感及濃醇的朱古力，梅花間竹，當中奶油和慕斯如絲香滑。面層撒上苦香可可粉，口感綿密濃郁，又香又甜美。【推介之選】❤❤❤  黑糖栗子卷 - 香濃栗子蓉及新鮮忌廉遍佈海綿蛋糕，芬芳美味。頂層栗子蓉充滿栗子味道，叫人喜歡。【推介之選】❤❤❤【 溫 馨 提 示】：❶ 滿 HK$100 或以上，方可使用信用卡結賬。

九龍灣雖然有好多餅店同蛋糕店，但價錢都偏貴或者（老闆）質素差，不過好彩地鐵站附近都有間性價比高嘅蛋糕店，就係太子餅店啦。😋😋😋😋😋6吋嘅芒果慕絲凍餅都只係$188，好過去又貴又黑心嘅餅店😆😆😆😆😆😆😆如果幫女仔慶祝生日，建議買4吋嘅迷你白桃慕絲蛋糕（$128），唔會太甜，又靚又好味，啱晒打卡！😋😋😋😋除咗蛋糕，佢哋嘅麵包同三文治都唔錯㗎，平日朝早趕時間都會買個三文治食，夠方便！

尋日係爸爸生日，去咗九龍灣嘅太子餅店買咗個蛋糕，賣相唔錯，芒果新鮮好有芒果味，忌廉香軟軟滑，朱古力都唔錯。雖然好邪惡，但係好好味，大家都讚好，價錢又相宜，下次都會再幫襯！

媽媽生日，去咗九龍灣位於地鐵站出閘位的太子餅店買蛋糕。平時為了迎合佢地口味，通常都好保守買朱古力蛋糕或者鮮果蛋糕。但今日決定搞搞新意思！✨選了馬卡龍意式芝士蛋糕 Macaron Tiramisu Cake！🎂一開始就已經比蛋糕上的Macaron吸引，顏色繽紛而且仲有成12件咁多，平時買件Macaron都至少要$20，所以一個蛋糕有12件才賣$228感覺已經很回本😂😂😂。蛋糕頂部是軟芝士蛋糕，非常軟滑，侄仔不斷話上面係“雪糕”😂，可想而知個軟滑程度；蛋糕外圍是朱古力併馬卡龍，馬卡龍不會好甜，但不夠鬆化，不過以這個價錢其實性價比還不錯！而餅底是消化餅底，做得比較厚身但鬆脆。總括而言，是個質素不錯的蛋糕！👍

在這間餠店用現金券買西餅和付現金的待遇真是很大分別，我買了六件西餅，百多元，選餅時態度好好，當付款時，我拿出現金券，店員的態度三百六十度改變（立即收起笑容，展露仇人的面容），交易完成後，打包好西餅，店員就立即走開，一句話也沒説，沒有把餅遞給我，要我自己伸手去取。我的現金券都是在你們做優惠的時候買落的，我不是偷返來，為何你們的服務態度那麼差，無修養的店員，炒了她吧！你的員工態度如何，你們的生意也必如何!食品質地似雪了多天，外層乾帶他硬，最明顯是紫薯撻和栗子撻一點都不軟

今日返屋企嘅時候經過九龍灣地鐵站，想搵間餅店買個生日蛋糕，平時食開連鎖式嘅餅店嗰啲蛋糕都食到厭，見到有間太子餅店就諗住試吓佢嘅生日蛋糕！我揀咗個係士多啤梨嘅海綿蛋糕，面頭有六粒士多啤梨，入面係海綿蛋糕，最好係佢唔太多cream，食落一啲都唔膩！

今日返工行過呢間店，諗住未試過呢間店的麵包，所以就入去買個包黎試下，我睇了睇後，就買左個粒粒芝士包諗住陣間當午飯食。到了午飯時候，我拆開個袋，見到個包都幾大個，面頭舖滿芝士條，但冇香味，食落去，麵包還鬆軟的，入面有好多一粒粒的芝士，但食落去啲芝士好像同個麵包唔係太夾，食落芝士又唔係好有芝士味，將個包用微波爐叮了三十秒，感覺好少少，但啲芝士都唔會好似平時果啲芝士會溶，雖然入面芝士唔算少，但真係食唔到芝士味，我覺得好失望，我仲諗住見呢間餅店比一般餅店好似高級一點，點知都係咁一般，仲可以話仲衰過普通餅店，下次都唔會再幫襯！

Spotted some new stuff at PB so tried them as they both had my favourite Cinnamon.The Cinnamon Swirl was totally soft and the Cinnamon filling was interesting as the texture was like moist jam.The taste was ok and not too sweet but the couldn't really taste any cinnamon though.The Almond, Cinnamon apple cake was too sweet and it only had one piece of apple in the middle!!!!The texture was moist and oily.Also got a drink from the fridge which I won't bother to comment as it is not a PB product.

大家肉鬆包就食得多！！但係辣辣嘅肉鬆包應該好少食！！太子餅店就出左這款麵包！！見到獨立嘅包装！！見到感覺都衛生D！！食得放心D！！一啖咬落去都幾辣！！好味！！啱我！！但可能包包已出爐有一段時間！！所以包身有D硬！！而Size都算大過！！男士食都應該無問題！！不過個人覺得如果加埋沙律醬會更加好食！！太子餅店可考慮考慮！！

對於面包店既蛋糕有種情意結，但平時面包店真係好難買到高質蛋糕，即使大財團等連鎖餅鋪同樣難買到性價比高既蛋糕，尤其是瑞士捲通常售價十幾蚊條，但大多口感差劣 ，但呢到既捲蛋令我一試就愛上！！真係食到上左癮一共有三隻味，咖啡朱古力同原味，而當中朱古力絕對要大推！！濃濃朱古力味加埋超細密蛋糕體，完美配搭，尤其是係個蛋糕體，自己整過咁耐蛋糕未整過呢種咁綿密既質感，朱古力味難得濃郁而不假，雖然6蚊片比起十幾蚊一條瑞士捲貴少少(仲要次次買哂3隻味），但一分錢一分貨，用黎做早餐下午茶就好好

今天經過九龍灣港鐵站，有點肚餓想食個麵包或蛋糕，就發現這間太子餅店！入到去，第一時間吸引了我的，是蛋白系列！因為香港很少地方有天使蛋糕食，輕便裝的更加更加少，而且重有我最愛的綠茶味。好，決定試佢！蛋白系列蛋糕-綠茶味，$16，但大大件，份量十足！其實呢件係加了綠茶mousse的天使蛋糕，味道較一般蛋糕淡，帶有蛋白香，加上甜度適中的綠茶mousse，絕對係西餅中的健康之選！