太熊茶

营业中

休息中

近排見到好多飲品店都有推出牛油果系列但自己一直覺得飲品入面有牛油果，味道應該會好奇怪所以今日抱住一個好好奇既心態去試呢杯牛芒波波奶昔，之前一直都係飲開佢哋既鴨屎香檸檬茶一飲落去 Wow~好正，個底有波波珠，有反個口感而且真係飲過先知 原來牛油果同芒果係咁好朋友超級夾，加上椰汁既味道見佢地仲有牛油果香蕉 牛油果草莓呢啲系列，下次過黎會再試埋本來覺得40蚊真係有啲貴，不過咁足料，而且係新鮮水果 所以價錢都合理

黃皮手打檸檬茶好飲，值得encore。估唔到黃皮微甘既味道同檸檬茶咁夾，好解渴，又啱依家既天氣飲 。份量好足料 ，有半杯咁多 。由於係手打關係，所以等候時間比較耐d。

第一次在香港喝鸭屎香檸檬茶,有一種很新鲜的感覺!味道清香,檸檬茶带有香茅味特别!每杯都是現场制作,特别用心!配上其他水果味道又是另一个層次。所以推荐大家一個健康的飲品,去到深水埗不妨一试。 問過老板说:其實店的港式奶茶也非常正宗,叫我也可以試一試,不好不收費,果然一試入口香滑,令我回想當年在大排擋喝奶茶的地道感!可惜少了件<西多士>提供,否则會更完美!希望我的意见能讓大家更有機會去享受一下不同的香港舊區的怀情!

西九龍中心 太熊茶手打檸檸茶 港式冰檸茶雖然係港式但同平時飲開嘅都唔同 呢間係手打嘅 好有誠意好好飲，茶飲得出係靚不過有D甜，建議大家少甜！ 服務態度都好好，下次會再幫襯！

近排大陸流行手打檸檬茶，而家終於傳入來香港今日去西九龍再次飲呢個鴨屎香檸檬茶揀左半甜，檸檬係用青檸香水檸檬，鐘意佢地個茶底 特別 夠香，好fresh！大家黎開深水埗都可以試下啊！😜😜

今日同同事係西九龍食完午餐，就去左8樓買手打檸檬茶反office飲！我叫左杯鴨屎香手打檸檬茶$30其實我哋都唔知咩係鴨屎香見到寫明招牌我地就即刻叫左來試！甜度同冰度都可以按自己要求點睇到店員係即場手打檸檬，望落都覺得隻手會好攰。飲落去真係好有驚喜，好香茶味，檸檬酸甜度啱啱好，好滿足，天氣太熱好快就一杯飲晒翻到去office即刻推介比其他同事呢間店除左檸檬茶仲有其他水果茶 奶蓋果D下次會試下其他水果茶

行開西九諗住買杯嘢飲，未埋去落單嘅時候，兩個女店員已經喺度笑得好大聲，到我落單嘅時候，仲喺度笑緊，我一邊講要咩，佢哋兩個一邊喺度傾偈，完全冇望過我，我當時已經覺得好冇禮貌。都仲未俾錢，第二個女店員已經開始整緊杯野，我同收銀嗰個話要少甜少冰，收銀嗰個淨係答咗聲「嗯」就算，完全冇同沖緊飲品嗰位講。到頭來杯嘢勁甜，又冇少到冰，連我拎緊杯嘢嘅時候，兩個都仲係喺度笑緊！由頭到尾都係差嘅體驗！以後唔會再幫襯！鴨屎香手打檸檬茶

我去西九龍八樓諗住食下野，行過見口渴望到有間野飲店諗住叫杯野飲飲下，我一見到佢個餐牌覺得佢價錢算係偏貴，因為我太口渴就冇所謂叫左杯椰椰芒芒，首先我唔講佢野飲質素住，佢哋服務態度已經有少少差，我企左係佢地門口一陣，係完全冇人理我想收我錢，我等左好耐先有人問我飲咩收我錢，呢點已經係好有問題，我諗住可能都係佢地一時忙唔得閒，但係我一飲杯嘢飲就已經幫唔落，佢陣味飲落去係好假化學嘅芒果味，得個死甜，寧願你畀個酸嘅芒果整都冇咁嬲，之後個奶蓋又係無奶味，個質地好水咁，無嗰種cream cream地口感，成杯野係完全唔合格，真係得一次機會，下次唔會再試